?

Log in

No account? Create an account

Previous Entry | Next Entry

Հայոց ցեղասպանության 100-րդ տարելիցին նվիրված միջոցառում Նիդերլանդների Ալմելո քաղաքում

Հունիսի 27-ին Նիդերլանդների Ալմելո քաղաքի Սբ. Գրիգոր Լուսավորիչ եկեղեցու «Գալուստ Գյուլբենկյան» սրահում տեղի ունեցավ Նիդերլանդների մեկօրյա դպրոցների հարթակի 2014-2015 ուս. տարվա տարեվերջյան միջոցառումը՝ «Մեր արյան անգինը» խորագրով, որը նվիրված էր Հայոց ցեղասպանության 100-րդ տարելիցին:

Միջոցառման կապակցությամբ իր տեսաուղերձն էր հղել ՀՀ սփյուռքի նախարար Հրանուշ Հակոբյանը, ով կարևորել էր հայկական դպրոցների և գործող հարթակի դերը հայապահպանության և աճող սերնդի հայեցի դաստիարակման գործում:

Միջոցառման մասնակիցներին իրենց պատգամն ուղղեցին նաև Նիդերլանդներում ՀՀ դեսպան Ձյունիկ Աղաջանյանը և Արևմտյան Եվրոպայի Հայրապետական պատվիրակի փոխանորդ, հոգեշնորհ Տեր Սերովբե վարդապետ Իսախանյանը: ՀՀ դեսպանն իր խոսքում, մասնավորապես, նշեց. «Կարծում եմ մեր սաներն իրենց խոսքով կհնչեցնեն մեր վերապրելու, մեր գոյատևելու, մեր հարատևելու կամքը, դրան ուղղված այն աշխատանքը, որ տարվել է մեկ դարի ընթացքում, բոլոր այն ցավերը, որոնք, ցավոք սրտի, դեռևս մենք մեր մեջ կրում ենք, և այն եռանդը, ջիղն ու կորովը, որ մենք ժառանգել ենք մեր նախնիներից և փոխանցում ենք մեր հաջորդներին: Դրա առաջին գրավականը լեզուն է, որի միջոցով պահպանվում է հայի ինքնությունը, որի միջոցով հայը կարողանում է հաղորդակից դառնալ իր ժողովրդի պատմությանը, մշակույթին, ավանդույթներին և, ամենակարևորը, մտածողությանն ու արժեքներին»: