?

Log in

No account? Create an account

Previous Entry | Next Entry

2013թ. մարտ-ապրիլ ամիսների նիդերլանդական տարբեր լրատվամիջոցների ուշադրության կենտրոնում չէին դադարում հոդվածներն  այս երկրում ապրող ամենատարեց մարդկանց մասին:Մարտի 16-ին հաղորդվեց, որ մահացել է ամենատարեց հոլանդացին' 107-ամյա Արի Ֆերմյուլեն: Այդ օրվանից մինչև ապրիլի 1-ը,  այսինքն ուղիղ 15 օր, ամենատարեց հոլանդացիների ցուցակը գլխավորեց Թեերդ Եփեման: Ոչ մեկի մտքով չէր անցնում, որ նրա մահից հետո ամենատարեց հոլանդացին կարող է  ճանաչվել հայազգի 106-ամյա Սերոբ Միրզոյանը: 1980 թվականից ի վեր նա թվով 27-րդ մարդն  է, ով գլխավորեց  հոլանդացի ամենատարեցների ցանկը: Ընդհանուր առմամբ 106 տարեկանի շեմը վերջին 34 տարիների ընթացքում հաղթահարել  է ընդամենը 89 հոգի,ովքեր ցավոք արդեն կենդանի չեն: Ամենաերկարակյաց տիտղոսակիրը եղել է Յան Ռեյսկենսը, որն ապրել է 111 տարի 241 օր և մահացել է 1990 թվականի հունվարի 7-ին: Մինչդեռ ապրող100-ից 105 տարեկանների թիվը  մոտավորապես 100 է:

Նիդերլանդների Ամերսֆորտ քաղաքում ապրող Սերոբ Միրզոյանը ծնվել է 1906թ. հուլիսի 1-ին,  Թուրքիայի Դիարբեքիր (Տիգրանակերտ) քաղաքում , հետագայում բնակվել Իրաքում,ապա 1996թ տեղափոխվել է Նիդեռլանդներ:Նրա դուստրը 'Պայծառ Միրզոյանը հիշում է, թե ինչպես տարիներ առաջ նշեցին հայրիկի 100-ամյակը:Այդ օրն անձամբ քաղաքապետն էր այցելել ու շնորհավորել պարոն Սերոբին,  զրուցել, կատակել ու թխվածք են ճաշակել միասին: Այդ ժամանակ բոլորն են զարմացել, թե ինչ ակտիվ կյանքով է ապրում Սերոբ Միրզոյանը: Իր բարի ու մարդամոտ  հատկանիշներին զուգորդում է ակտիվ հանգիստը'  հեծանիվ վարելն ու առանց ակնոցների ընթերցանությունը:

Հիմա էլ շատ բան չի փոխվել 106-ամյա Սերոբ Միրզոյանի  կյանքում: Անձամբ ինքն է հոգում իր կարիքները ' լվացվում, հագնվում,սնվում,երբեմն առևտրի գնում:Հաճախ է օրական մեկ հում ձու օգտագործում, ըմպում 50գ օղի: Կարդում է Աստվածաշունչ և ունկնդրում հայկական ժողովրդական երաժշտություն:

Իր երկարակեցության ֆենոմենը այսպես է բացահայտում  Սերոբ Միրզոյանը.«Ամեն բան Աստծո ձեռքին է,երբ ուզի հոգին առնե, կառնե»:

Մեր հայրենակից Սերոբ Միրզոյանին մաղթենք ամուր առողջություն և բազում տարիների կյանք նիդերլանդաբնակ երկարակյացների  առաջին ուղեծրում:

Հիշեցնենք,որ Եվրոպայի ամենատարիքով կինը իտալուհի Էմմա Մորանո-Մարթինուզին է, ում 114 տարին կլրանա այս տարվա նոյեմբերին:Աշխարհի ամենաերկարակյաց կինն ու տղամարդը Ճապոնացիներ են:Տիկին Միսաո Օկավան ծաղիկներ ստացավ անցած ամիս, իր 115-ամյակի առիթով , Իսկ պարոն Կիմուրայի 116  տարին սարերի ետևում չէ, նա սպասում է   ապրիլի 19-ին:

Ա.Կնյազյան

«Նիդերլանդական Օրագիր»

Նիդերլանդական Օրագրի մեր այս ինֆորմացիան տարածվել է  և արտատպել են համարյա թե հանրապետական գրեթե բոլոր լրատվամիջոցներն ու կայք էջերը: