Նիդերլանդական Օրագիր

The Netherlands Diary,  Saturday 25 November 2023

Երևանի քաղաքապետարանի որոշմամբ՝ Երևան քաղաքի Դավթաշեն վարչական շրջանի 2-րդ փողոցն անվանակոչվեց հայ ականավոր ֆիզիկոս-ճարտարագետ, ակադեմիկոս Պարիս Հերունու անվամբ՝ «Պարիս Հերունու փողոց»:

Այս պահին Պարիս Հերունու անվան փողոցի բացման արարողությունն է։ Աշխարհում բազմաթիվ հայեր և գիտության նվիրյալներ իրենց հարգանքի տուրքն են միշտ մատուցել մեծ հային և անհամբերությամբ են սպասել այսօրվան։ Քարահունջ հայագիտական կենտրոնի աշխատանքները մասսայականացնելու առումով հսկայական գործ է կատարում Նանա Հերունին։ Արժանի հոր արժանի զավակ։

Պարիս Հերունին ծնվել է 1933 թվականի դեկտեմբերի 17-ին, Երևանում: Ավարտել է Երևանի Վ. Չկալովի անվան թիվ 30 միջնակարգ դպրոցը: 1951թ. ընդունվել է Մոսկվայի Էներգետիկայի ինստիտուտի Ռադիոտեխնիկական ֆակուլտետը: 1957թ., ավարտելով ուսումը, վերադարձել է Հայաստան և որպես ռադիոճարտարագետ՝ աշխատանքի անցել Բյուրականի աստղադիտարանում: 1957-1960թթ. աշխատել է Բյուրականի աստրոֆիզիկական աստղադիտարանում` որպես ռադիոինժեներ, գիտաշխատող, այնուհետև` Ռադիոֆիզիկական կոնստրուկտորային բյուրոյի պետ: 1960-1968թթ. եղել է Հայաստանի գիտությունների ակադեմիայի ռադիոֆիզիկայի և էլեկտրոնիկայի ինստիտուտի տնօրենի` գիտության գծով տեղակալ և ԳԲՀ բաժնի վարիչ, 1968-1971թթ.` Ֆիզիկատեխնիկական և ռադիոտեխնիկական չափումների համամիութենական գիտահետազոտական ինստիտուտի (Մոսկվա) ռադիոֆիզիկական չափումների հայկական բաժանմունքի տնօրեն, 1971-2008թթ․` Ռադիոֆիզիկական չափումների համամիութենական գիտահետազոտական ինստիտուտի տնօրեն, 1983 թվականից` գլխավոր տնօրեն, 1983-2008թթ․՝ Երևանի պոլիտեխնիկական ինստիտուտի «Անտենային համակարգեր» Ռադիոգիտահետազոտական ինստիտուտի հիմնադիր և բազային ամբիոնի վարիչ: Պարիս Հերունին ունի շուրջ 353 հրապարակված գիտական աշխատություն, այդ թվում՝ 248 տպագիր, 4 մենագրություն և 25 արտոնագիր։ Ուսումնասիրություններ է կատարել նաև հնագիտական աստղագիտության ոլորտում։ 

 Նա  5 աստղային գիտական մեթոդներով հետազոտել է  Քարահունջը (Սյունիքի մարզում) և եզրահանգել, որ այն ավելի քան 7․500 տարվա պատմություն ունեցող աստղադիտարան է։

Տեքստը և լուսանկարները՝ Նաիրա Գասպարյան, հատուկ Նիդ.Օրագրի համար

Տեսաերիզը տրամադրել է Նանա Հերունին:

Dear compatriots, The latest developments in Armenia and Artsakh once again demonstrated the importance of forming a pan-Armenian unified vision and action.

As a result of the brutal and persistent policy of ethnic cleansing by Azerbaijan, the entire population of Artsakh was forced to leave its homeland within a few days. Prominent Artsakh statesmen, including former presidents as well as the former State Minister & co-Founder of The FUTURE ARMENIAN Ruben Vardanyan, were arrested and transferred to Baku. One of the ancient cradles of the Armenian civilization is left without its indigenous population for the first time in 25 centuries.

Today the sovereignty, security and territorial integrity of Armenia are severely endangered, the fundamental rights of the Artsakh people remain neglected, and, perhaps equally critical, a prevailing sense of apathy within both Armenian society and the diaspora threatens to impede national consolidation. The inability of the current Armenian administration to confront these challenges further exacerbates the situation.

To effectively solve all these and many other critical issues we face, it has become crucial to develop a unified vision for the future, institute responsible management, bridge the existing gap in effective mechanisms for the engagement of able professionals and resources in Armenia and within the diaspora. We are dedicated to continuing our declared mission of shaping the future together. We emphasize the importance of the coordination of efforts and the deeper and wider engagement of Armenians and our friends worldwide in the collective search for durable solutions.

On Armenia, we stress the urgency of strengthening our collective resilience, mobilizing all available resources, instituting responsible governance, rejecting defeatist and alarmist attitudes, and fostering robust, reliable partnerships.

On Artsakh, we will continue to pursue the solution that enables the right of the people of Artsakh to return to their homes in a safe and dignified manner, and guarantees their national, religious, educational, and cultural rights, including the preservation of the Armenian heritage. On diaspora, it is vital to harness our collective power and establish a common agenda for global diaspora action, with a primary focus on the security and sovereignty of Armenia and advocating the fundamental rights of the people of Artsakh.

We launched The FUTURE ARMENIAN public Initiative after the devastating war of 2020 to foster a dialogue that would lead to a common framework of understanding and envisioning a brighter future for Armenia and Armenians. More than 110,000 people from 108 countries joined our call. Our objectives were clear from the outset: overcome polarization, eliminate the prevailing despair, formulate systemic solutions, reactivate society, and cultivate a shared sense of responsibility towards the nation and its Through extensive consultations with local and diaspora organizations and professionals, the Initiative set 15 Goals aimed at addressing the full range of challenges we face and the sustainable development of our global nation.

This past spring we conducted the first-ever Citizens Assembly in the Armenian world – the Convention of the Future Armenian – where participants from the homeland and the diaspora discussed three of those 15 goals (Historic Responsibility, Armenia-Diaspora Unity, and Growing Population) and adopted policy and program recommendations. It was preceded by extensive preparatory work of over a hundred Armenian experts developing possible scenarios and project ideas around those three goals. The results of that convention can be found here. We extend our gratitude to our Signatories for their steadfast support during these fateful times. We, the Armenians, on all levels - personal, societal, and national - should rise above despair and division, resist the persistent challenges and hardships facing the nation, and collectively forge a brighter future for all Armenians.

Best regards,

The FUTURE ARMENIAN Development Foundation

Հարգելի հայրենակիցներ,

Հայաստանում և Արցախում վերջին զարգացումները ևս մեկ անգամ ի ցույց դրեցին համահայկական միասնական տեսլականի և գործողությունների կարևորությունը:

Ադրբեջանի կողմից իրականացվող էթնիկ զտումների վայրի ու հետևողական քաղաքականության արդյունքում Արցախի ամբողջ բնակչությունը ստիպված էր լքել իր հայրենիքը մի քանի օրում: Արցախի պետական ու հանրային հայտնի գործիչները, այդ թվում՝ նախկին նախագահներն ու նախկին պետնախարար, «ԱՊԱԳԱ ՀԱՅԿԱԿԱՆԸ» նախաձեռնության համահիմնադիր Ռուբեն Վարդանյանը ձերբակալվել ու տեղափոխվել են Բաքու: Հայկական քաղաքակրթության հնագույն բնօրրաններից մեկը 2.5 հազարամյակում առաջին անգամ մնացել է առանց իր բնիկ ժողովրդի:

Այսօր Հայաստանի ինքնիշխանությունը, անվտանգությունն ու տարածքային ամբողջականությունը լրջորեն վտանգված են: Արցախի ժողովրդի հիմնարար իրավունքները շարունակում են մնալ անտեսված: Նույնչափ վտանգավոր է Հայաստանի հասարակության և սփյուռքահայության շրջանում անտարբերության գերիշխող զգացումը, ինչը խոչընդոտում է ազգային համախմբմանը: Հայաստանի գործող վարչակազմի այս մարտահրավերներին դիմակայելու անկարողությունն ավելի է սրում իրավիճակը:

Այս և մեր առջև ծառացած բազմաթիվ այլ ճգնաժամային խնդիրներն արդյունավետորեն լուծելու համար վճռորոշ նշանակություն ունի ապագայի միասնական տեսլականի ձևավորումը, պատասխանատու ղեկավարումը, Հայաստանում և սփյուռքում կարող մասնագետների և ռեսուրսների ներգրավման արդյունավետ մեխանիզմների հարցում առկա բացի լրացումը:

Մենք հավատարիմ ենք ապագան միասին կերտելու մեր հռչակած առաքելությանը: Կարևորում ենք ջանքերի համակարգումը և մնայուն լուծումների համատեղ որոնման մեջ հայերի ու աշխարհում մեր բարեկամների ավելի խորը և ավելի լայն ներգրավումը:

Հայաստանի առումով մենք հրատապ ենք համարում հավաքական դիմադրողականության ուժեղացումը, առկա բոլոր ռեսուրսների մոբիլիզացիան, պատասխանատու կառավարման հաստատումը, պարտվողականության և խուճապային կեցվածքի մերժումը, ուժեղ և վստահելի գործընկերությունների ձևավորումը:

Արցախի առումով մենք շարունակելու ենք ձգտել այնպիսի լուծմանը, որը Արցախի ժողովրդին թույլ կտա անվտանգ ու արժանապատիվ կերպով վերադառնալ իրենց տները և կերաշխավորի նրանց ազգային, կրոնական, կրթական ու մշակութային իրավունքները՝ ներառյալ հայկական ժառանգության պահպանումը:

Սփյուռքի առումով ճակատագրական նշանակություն ունի մեր հավաքական ուժի օգտագործումը և ամբողջ աշխարհում սփյուռքի քայլերի համար ընդհանուր օրակարգի հաստատումը՝ կենտրոնանալով Հայաստանի անվտանգության և ինքնիշխանության և Արցախի ժողովրդի հիմնարար իրավունքների պաշտպանության վրա:

Մենք հանդես ենք եկել «ԱՊԱԳԱ ՀԱՅԿԱԿԱՆԸ» հանրային նախաձեռնությամբ 2020թ. ավերիչ պատերազմից հետո՝ զարգացնելով մի երկխոսություն, որը կհանգեցներ փոխըմբռնման և Հայաստանի ու հայության ապագա տեսլականի ընդհանուր շրջանակի ձևավորման: Մեր կոչին արձագանքել է ավելի քան 110,000 մարդ աշխարհի 108 երկրից: Մեր նպատակներն ի սկզբանե պարզ էին. հաղթահարել բևեռացումը, վերացնել գերիշխող հուսահատությունը, ձևակերպել համակարգային լուծումներ, վերակտիվացնել հասարակությունը և զարգացնել պատասխանատվության ընդհանուր զգացում երկրի և դրա ապագայի հանդեպ:

Հայաստանի ու սփյուռքի կազմակերպությունների ու մասնագետների հետ ընդարձակ քննարկումների արդյունքում նախաձեռնությունը սահմանել է 15 նպատակներ՝ ձգտելով անդրադառնալ մեր առջև ծառացած մարտահրավերների ամբողջական շրջանակին և համայն հայության կայուն զարգացմանը:

Այս տարվա գարնանը մենք անցկացրինք առաջին քաղաքացիական ասամբլեան հայկական աշխարհում՝ Ապագա Հայկականի Համաժողովը, որտեղ հայրենիքից ու սփյուռքից մասնակիցները քննարկեցին 15 նպատակներից 3-ը (Պատմական պատասխանատվություն, Հայաստան-Սփյուռք միասնականություն և Բնակչության աճ) և ընդունեցին քաղաքականություն ու ծրագրային առաջարկներ: Համաժողովին նախորդել էր ավելի քան 100 հայ փորձագետների նախապատրաստական լայնածավալ աշխատանքը, որի արդյունքում երեք նպատակների շրջանակում կազմվել էին հնարավոր սցենարներ ու նախագծերի գաղափարներ: Համաժողովի արդյունքներին կարող եք ծանոթանալ այստեղ:

Մենք երախտագիտություն ենք հայտնում մեր նախաձեռնությանը միացածներին այս ճակատագրական ժամանակներում իրենց անսասան աջակցության համար:

Մենք՝ հայերս, բոլոր մակարդակներում՝ անձնական, հասարակական և պետական, պետք է հաղթահարենք հուսահատությունը և պառակտվածությունը, դիմադրենք մեր ժողովրդի առջև ծառացած շարունակական մարտահրավերներին ու դժվարություններին և հավաքականորեն կերտենք պայծառ ապագա բոլոր հայերի համար:

Հարգանքով,

ԱՊԱԳԱ ՀԱՅԿԱԿԱՆԸ զարգացման հիմնադրամ

COMMUNIQUE OF THE FOUNDERS OF THE FUTURE ARMENIAN

The Netherlands Diary / Նիդ.օրագիր

www.nidoragir.com

Շողակաթ Վարդանյանի դեբյուտային «1489» ֆիլմը Վավերագրական ֆիլմերի  Ամստերդամի IDFA-ի հեղինակավոր միջազգային կինոփառատոնում ճանաչվել է «Լավագույն ֆիլմ», ու արժանացել է FIPRESCI մրցանակի։ Ֆիլմում փաստագրված են ռեժիսոր Շողակաթ Վարդանյանի ընտանիքի ողբերգական ապրումները 44-օրյա պատերազմի 7-րդ օրն անհետացած եղբոր՝ զինծառայող Սողոմոն Վարդանյանին որոնելու ընթացքում։ Ամբողջ ընթացքը նկարել է, 3 տարվա նկարահանումները տեղ են գտել ֆիլմում:

Փառատոնի Ժյուրի.

 «Ֆիլմ, որը  թափանցող լույս է, որը տեսանելի է դարձնում վշտի հսկայական թաքնված ներքին խորությունը և ստեղծում է շոշափելի ներկայություն՝ անտանելի բացակայության մեջ: Կինոն որպես գոյատևման գործիք  թույլ է տալիս մեզ բոլորիս նայել այն, ինչ մենք նախընտրում ենք չտեսնել: Եվ, ի վերջո, կինոյի անմոռանալի օրինակ՝ որպես խորը սիրո դրսևորում»:

Նիդ օրագիրը շնորհավորում և ստեղծագործական նորանոր հաջողություններ է մաղթում  Շողակաթ Վարդանյանին։

Synopsis

Soldaten die sneuvelen eindigen in nieuwsberichten vaak als anonieme getallen. Maar achter elk getal gaat een mens schuil, die diepbedroefde familieleden achterlaat. Ook 1489 is een anoniem getal voor ‘lichaam van individu vermist in de strijd’. Dat getal werd toegewezen aan Soghomon Vardanyan, een 21-jarige student en musicus die bijna zijn dienstplicht had vervuld toen in september 2020 het conflict om Artsach (Nagorno-Karabach) tussen Azerbeidzjan en zijn thuisland Armenië opnieuw oplaaide.

Op de zevende dag van de oorlog raakt Soghomon vermist. Zijn zus Shoghakat besluit vervolgens met haar telefooncamera de zoektocht en het emotionele proces van haarzelf en haar ouders te filmen. Na een half jaar worden botten teruggevonden, maar dna-onderzoek moet uitwijzen of het daadwerkelijk de stoffelijke resten van Soghomon zijn. De uitslag volgt pas na anderhalf jaar.

Al die tijd blijft Shoghakat filmen, ook op de meest intieme en kwetsbare momenten, wat soms voor een ongemakkelijke kijkervaring zorgt. Maar het maakt het intense verdriet en gemis van een mens van vlees en bloed tegelijkertijd des te tastbaarder.

Զինվորները, ովքեր մահանում են, հաճախ հայտնվում են որպես անանուն թվեր լրատվական ռեպորտաժներում: Բայց ամեն թվի հետևում կա մարդ, ով թողնում է սրտացավ ընտանիքի անդամներին։ 1489-ը նաև անանուն թիվ է «ճակատամարտում անհայտ կորած անհատի մարմին»: Այդ համարը հատկացվել է 21-ամյա ուսանող և երաժիշտ Սողոմոն Վարդանյանին, ով գրեթե ավարտել էր իր զինվորական ծառայությունը, երբ 2020 թվականի սեպտեմբերին կրկին բռնկվեց Արցախի (Լեռնային Ղարաբաղի) հակամարտությունը Ադրբեջանի և նրա հայրենի Հայաստանի միջև։

Պատերազմի յոթերորդ օրը Սողոմոնն անհետանում է։ Նրա քույրը՝ Շողակաթը, այնուհետև որոշում է հեռախոսի տեսախցիկով նկարահանել իրեն և ծնողների որոնումն ու հուզական ընթացքը։ Վեց ամիս անց ոսկորները հայտնաբերվում են, սակայն ԴՆԹ հետազոտությունը պետք է ցույց տա, թե արդյոք դրանք իրականում Սողոմոնի մնացորդներն են: Արդյունքները հասանելի կլինեն միայն մեկուկես տարի հետո:

Միևնույն ժամանակ, «Շողակաթ»-ը շարունակում է նկարահանվել նույնիսկ ամենաինտիմ և խոցելի պահերին, ինչը երբեմն անհարմար դիտման փորձ է ստեղծում: Բայց միևնույն ժամանակ դա ավելի շոշափելի է դարձնում մսից ու արյունից մարդու սաստիկ տխրությունն ու կորուստը

--------------

Իմ եղբոր և այնտեղ զոհված բոլոր տղաների մասին. «1489»-ը՝ լավագույն ֆիլմ

Շողակաթ Վարդանյանի դեբյուտային «1489» ֆիլմը վավերագրական կինոյի ամենահեղինակավոր՝ IDFA ամստերդամյան փառատոնում արժանացել է գլխավոր՝ «Լավագույն ֆիլմ» մրցանակին և FIPRESCI մրցանակին, որը տրվում է կինոգետների և կինոմամուլի համաշխարհային ընկերակցության կողմից։

Շողակաթի ֆիլմը պատմում է Ղարաբաղյան երկրորդ պատերազմի 7-րդ օրը անհետացած եղբոր՝ դաշնակահար Սողոմոն Վարդանյանի մասին և վավերագրում նրան որոնելու երկար ու բարդ ընթացքը։ Զոհված զինվորի մասունքները գտել են մոտ կես տարի անց։ ԴՆԹ նույնականացման գործընթացը մեկուկես տարի է տևել։ 1489-ը այն համարն է, որ տրվել է նրա եղբոր անճանաչելի մարմնին։ Ֆիլմը նկարահանվել է հեռախոսով։

«2020 թվականին ես սկսեցի լրագրություն ուսանել, ճգնաժամի մեջ էի՝ չգիտեի, ինչ անել, երկար ժամանակ դադարել էի երաժշտությամբ զբաղվել։ Դասերը մեկնարկեցին սեպտեմբերին։ Սեպտեմբերի 27-ին սկսվեց պատերազմը։ Եղբայրս բանակում էր, նա էլ է երաժիշտ։ Ես սկսեցի նրան փնտրել, ոչ մի տեղեկություն չէինք կարողանում ստանալ։ Պատերազմի 7-րդ օրը հասկացանք, որ նա կորել է՝ ոչ մի լուր չունեինք։ Բջջային լրագրության իմ ուսուցիչը զանգեց ինձ, ասաց, որ վերցնեմ հեռախոսը և սկսեմ վլոգ նկարել՝ ուղղակի նստիր հեռախոսի դիմաց և պատմիր ամեն օր, թե ինչպես ես փորձում գտնել եղբորդ։ Որովհետև ես այլևս չէի կարողանում սովորել, բայց ինձ չէին ուզում հեռացնել դպրոցից։

Առաջին օրը փորձեցի, բայց վլոգի գաղափարն ինձ հեչ դուր չեկավ։ Հետո սկսեցի հետս ման տալ հեռախոսներն ու ամրակալը, նկարել, երբ հանդիպում եմ ընկերներիս հետ։ Երրորդ օրը մտա հորս արվեստանոց ու․․․ չգիտեմ, ինչ որ բան իմ մեջ արձագանքեց։ Նա ինչ-որ բաներ էր խոսում, և ուղղակի սկսեցի նկարել։ Նայեցի հետո ու հասկացա, որ դա այն է, ինչ ես պետք է շարունակեմ անել։ Այդպես սկսվեց։ Շտատիվը մի կողմ դրեցի, սկսեցի ձեռքով նկարել։ Ինչ-որ պահի ցույց տվեցի ուսուցչիս, նա ասաց, որ կինո է ստացվում։ Ասաց․ «Շարունակի անել այնպես, ինչպես անում ես, ես ոչինչ չեմ ասելու»։ Կատակում էինք, իհարկե, որ եղբայրս հետ կգա, ցույց կտամ իրեն, ինչեր եմ նկարել, կասեմ՝ տեսնում ես, ինչ օրն ես մեզ գցել։ Ընթացքում սկսեցի ավելի լուրջ վերաբերվել պրոցեսին, նկատել՝ ինչպես են աշխատում իմ ուղեղն ու ձեռքերը», – Current time-ի հետ զրույցում պատմել է Շողակաթ Վարդանյանը։

Ռեժիսորի հետ հարցազրույցը ձայնագրվել է Ամստերդամում՝ նախքան փառատոնի մրցանակաբաշխությունը։

Ֆիլմի մի մասը նկարահանվել է առաջին 5 ամիսների ընթացքում։ Սողոմոնի մասունքները դեռ չէին գտել, հույս կար, որ նա ողջ է․ «Բոլորն ասում էին, թե վերջ՝ ֆիլմն ավարտված է։ Բայց ինձ ինչ-որ բան խանգարում էր։ Պրոդյուսերները, որոնց ես մինչ այդ էի հանդիպել, ուրիշ ձև էին պատկերացնում ֆիլմը, շատ բան ուզում էին փոխել։ Բայց ես զգում էր, որ չպետք է լսեմ նրանց։ Անցավ ևս երկու տարի՝ շարունակում էի նկարել»:

Շողակաթը մանրամասն վավերագրել է ամբողջ ընթացքը՝ ԴՆԹ թեստ, երկար սպասում, դիարան․ «Հայաստանում կանայք սովորաբար դիահերձարան չեն գնում՝ մարմինը վերցնելու։ Բայց ես ասացի, որ կգնամ։ Սկզբում նրանք ինչ-որ բաներ, համարներ էին ցույց տալիս, հետո հայրս խնդրեց ինձ մոտենալ և լուսանկարել։ Սկսեցի նկարել՝ չիմանալով դեռ, թե ինչ է մեզ սպասվում։ Երբ որ մեզ ներս կանչեցին, ես նույնիսկ չէի հասկանում՝ ինչ է կատարվում։ Բայց տեսախցիկը չանջատեցի։ Նկարել եմ այն ամբողջը, ինչ որ կա ֆիլմում։ Ինձ թվում է՝ նրանք մտածում էին, թե ես ինչ-որ խելագար եմ, բայց ոչինչ չէին ասում։ Թույլ տվեցին, որ շարունակեմ նկարահանել», և «ֆիլմի վերջին տեսարանը՝ մենք վերջապես հուղարկավորում ենք Սողոմոնին՝ իմ կրտսեր եղբորն ու ամենամոտ ընկերոջը»։

Ֆիլմում Շողակաթն է՝ նրա ծնողները, ընկերները․ «Կային պահեր, երբ, օրինակ, հայրս չէր ուզում, որ ես նկարեմ։ Նյարդերին ազդում էի։ Այդ պահերին չէի նկարում։ Մայրս երկար ժամանակ թույլ չէր տալիս, որ իրեն նկարահանեմ։ Բայց, ընդհանուր առմամբ, ինձ թվում է՝ նրանք այդ ժամանակ ուրիշ հոգսեր ունեին, նկարելու մասին չէին մտածում։ Չնայած շատ բարդ էր՝ նկարահանման այս պրոցեսը ինչ-որ ձև մտերմացրեց մեզ, նրանք իրենց ավելի հանգիստ էին զգում։ Գուցե՝ որովհետև ես անընդհատ իրենց կողքին էի։ Չգիտեմ՝ ծնողներիս հետ չեմ խոսել այդ մասին», «Ֆիլմի վերջնական տարբերակը միայն մայրս է տեսել։ Սևագիրը տեսել է նաև հայրս։ Մայրս ասաց, որ մոնտաժը լավը չէ (ծիծաղում է)։ Նրա առաջին ռեակցիան էր՝ տունը թափթփված է, ասում էր՝ «Եթե իմանայի, որ դու ֆիլմ ես նկարում, տները կմաքրեի»․․․»։

Չնայած և՛ Շողակաթը, և՛ Սողոմոնը երաժիշտներ էին, ֆիլում երաժշտություն չկա։ Current time-ը հարցին՝ հատո՞ւկ է այդպես արվել, Վարդանյանը պատասխանել է․ «Ամենասկզբից, երբ տարբեր պրոֆեսիոնալներ ինձ հարցնում էին՝ երաժշտույթուն լինելո՞ւ է, ես հստակ գիտեի, որ երաժշտություն չպետք է լինի։ Ես զգում էի, որ չի կարելի կպնել այն իրականությանը, որը կա ֆիլմում։ Երաժշտությունը կարող էր այդ իրականությունը կոպտորեն դեֆորմացնել»։

Արդյո՞ք կինոն կարող է թերապևտիկ լինել՝ օգնել վերապրել կորուստը։

«Սկզբում, երբ նկարում էի, օգնում էր։ Երևի որովհետև երբ նայում ես տեսախցիկի միջով, ուրիշ ձև ես տեսնում։ Ուղղակի կանգնած չես, այլ ինչ-որ բան ես անում, նկարում ես։ Դա օգնում է։ Կենտրոնանում էի նկարահանման վրա։ Բայց մոնտաժի ժամանակ, հատկապես սկզբում, երբ մոնտաժում էին առաջին հինգը ամիսների նյութերը, շատ ծանր էր․ այդ ժամանակ արդեն ստացել էինք մահվան լուրը։ Ես ստիպված էի նայել այդ նյութերը և անընդհատ տեսնել՝ ինչի միջով եմ անցել ու շարունակում անցնել։ Այդ օրերին ինձ օգնում էր ապրել գիտակցումը, որ ես այս ֆիլմը արել եմ իմ եղբոր և այնտեղ զոհված բոլոր տղաների համար»։

«Ֆիլմ, որը լույսի պես ներս է թափանցում՝ ցույց տալու վշտի թաքնված ներքին լանդշաֆտը, անտանելի բացակայության շոշափելի ներկայությունը: Կինոն որպես գոյատևման գործիք՝ նայելու այն, ինչ մենք կնախընտրեինք չտեսնել: Եվ, ի վերջո, անմոռանալի օրինակ կինոյի՝ որպես սիրո ակտ», – գրված է IDFA փառատոնի գլխավոր մրցանակ կից նկարագրությունում։

«Ֆիլմը, որին մենք մրցանակ ենք տվել, բացահայտում է ձայնը սերնդի, որն անկաշկանդ է տեսախցիկի հետ նույնիսկ իր ամենաանձնական ու խոցելի պահերին։ Այն առաջին դեմքի տեսակետից օրգանիկ ձևով գնում է դեպի լուռ դիտարկումներ նրա, թե ինչպես են իրադարձություններն արձագանքում ֆիլմը ստեղծողի ընտանիքում։ Մենք հիանում ենք Շողակաթ Վարդանյանի դեբյուտային՝ 1489-ի ուժեղ փորձառությունը վավերացնելու ինքնավար, համառ ջանքերով», – նշել FIPRESCI-ի ժյուրին։

epress.am

Bright Future Foundation Նիդերլանդական հասարակական կազմակերպությունը` Եվրամիության հետ համատեղ, տարբեր տարիներին ու տարբեր թեմաներով արդեն մի քանի նախագծեր է իրականացրել Հայաստանում։ Այս տարվա ծրագրի մասնակիցները նույնպես տարբեր երկրներից են և հերթական միջազգային երիտասարդական հավաքն են անցկացնում Բյուրականում, թեման թվային մարքեթինգն է: Թեմայից զատ մասնակիցները ծանոթանում են Հայաստանին, շփվում ու մասնակից են լինում մշակութային կյանքին, ի վերջո դառնում են մեր երկրի բարեկամները: Bright Future Foundation Հ/Կ հիմնադիր տնօրեն Մարիամ Կիրակոսյանը հասցրել է հարցազրույցներ ունենալ հանրապետության տարբեր մեդիա հարթակներում: Ձեր ուշադրությանն ենք ներկայացնում հանրայինի «Առավոտ լուսո» ծրագրում նրա զրույցը:

ԵՎս մեկ հարցազրույց «Իմ ռադիոյի» հետ 

Ներկայացնում ենք հատված նրանց այս տարվա ժամանցային ծրագրից։

Bright Future հիմնադրամի և Եվրոպական միության կողմից կազմակերպված Digital PR and Marketing ծրագրի հյուրերն էին Simple Business Academy-ի անդամները, որոնք արժանացան կազմակերպության հավաստագրերին ։ Հանդիպումն անցավ ջերմ ու կառուցողական մթնոլորտում։

--

Radio Van - FM 103.1 

«Թվային հարթակում փիառ և մարքետինգ» թեմայով միջազգային փոխանակման նախագծի մանրամասներով՝ հյուր էին եկել «Բրայթ ֆյուչեր ֆանդեյշն» կազմակերպության հիմնադիր տնօրեն Մարիամ Կիրակոսյանը, դասընթացավար Նանե Սերոբյանը և ակտիվ մասնակից Լևոն Բեգլարյանը:

Diaspora High Commissioner's Office Report on our PR & Marketing Youth Exchange / Մարիամ Կիրակոսյան / Mariam Kirakossian / Bright Future Foundation

Our Non-formal Youth Exchange Projects' activities on the topics of "Digital PR & Marketing" have become very popular: the projects' results were reported not only by local and international Press-Media (TV, Radio, Press), but also by local and international official bodies, such as the Ministries and other Governmental bodies and press-media.

💖Watch more reports and press-media interviews on this project: www.brightfuturenl.com/post/press-media-pr-marketing-2023

💖Learn more about this project: www.brightfuturenl.com/pr-marketing-2023  

🥳Would you like to join and travel within our youth projects? 

👉SUBMIT your application: https://docs.google.com/forms/d/1XQLf... 

💖Keep an eye on Bright Future’s projects and events.

✅ Follow our social media channels and stay tuned for more updates.

Bright Future Foundation

Website: www.brightfuturenl.com

Instagram: @brightfuturenl

Facebook: Bright Future Foundation

YouTube:   

 / @brightfuturenl  

LinkedIn: Bright Future Foundation

ՀՀ սփյուռքի գործերի գլխավոր հանձնակատար պարոն Զարեհ Սինանյանը Նիդերլանդներ կատարած այցի շրջանակներում 2023 թ. նոյեմբերի 13-ին` ՀՀ  Նիդերլանդներում ՀՀ դեսպամ պարոն Վիկտոր Բիյագովի հետ այցելեցին Հաագայի «Աբովյան» մշակութային կենտրոն, որտեղ կայացավ հանդիպում  Հոլանդահայ մշակութային կառույցների ներկայացուցիչների հետ։  Պարոն Սինանյանը մանրամասնորեն ներկայացրեց հանձնակատարի գրասենյակի ծրագրերը, որից հետո նա պատասխանեց ներկաների հարցերին և զրուցեց նրանց հետ։  Գլխավոր հանձնակատարին ուղեկցում էր  նույն գրասենյակի սփյուռքի ներուժի քարտեզագրման և ներգրավման վարչության պետ` Կարեն Ավանեսյանը:

Op 13 november 2023 hebben de Hoge Commissaris voor Diasporazaken van Armenië, de heer Zareh Sinanyan, de ambassadeur van Armenië in het Koninkrijk der Nederlanden, de heer Victor Biyagov, en het hoofd van de afdeling Diaspora Potential Mapping and Involvement van het Bureau van de Hoge Commissaris, de heer Karen Avanesyan de Armeense Culturele Vereniging Abovian in Den Haag bezocht. Daar vond een bijeenkomst plaats met vertegenwoordigers van verschillende Nederlands-Armeense culturele organisaties. De heer Sinanyan heeft de programma's van het Kantoor van de Commissaris uitvoerig toegelicht (zie: http://diaspora.gov.am/hy/programs), beantwoordde vervolgens de vragen van de aanwezigen en ging met hen in gesprek. Wij bedanken onze gasten voor de ontmoeting en voor de directe en oprechte communicatie.

On 13 November 2023, the High Commissioner for Diaspora Affairs of Armenia Mr. Zareh Sinanyan, The Ambassador of Armenia to the Kingdom of Netherlands Mr. Victor Biyagov and the Head of the Diaspora Potential Mapping and Involvement Department of the Office of the High Commissioner Mr. Karen Avanesyan visited the Abovian Cultural Center in The Hague, where a meeting was held with representatives of several Dutch-Armenian cultural organisations. Mr. Sinanyan presented the programs of the commissioner's office in detail (see: http://diaspora.gov.am/hy/programs), then answered the questions of the attendees and discussed with them. We thank our guests for the meeting and direct and sincere communication.

Հայազգի Սերվատիուսի հոգևոր շնչով ապրող հնամենի Մաստրիխտ քաղաքին նոր որակ է հաղորդում ներկայումս գործող «Անի» հայ համայնքն իր Սուրբ Կարապետ եկեղեցով, որի մուտքին ծածանվում են են Հայաստանի ու Նիդերլանդների դրոշները: Կիրակին` ինչպես ծիածանի գույնզգույն կամարի ներքո անցնող կախարդական երազանք, ընդհատել էր տևական ու անընդհատ քսանչորսօրյա անձրևների շարքը` օրը տրամադրող, յուրահատուկ ու գեղեցիկ դարձնելով: Վերջերս համայնք այցելության եկած Նիդերլանդներում Հայաստանի նորանշանակ դեսպան Վիկտոր Բիյագովից հետո, այս անգամ Մաստրիխտի հայ համայնք պատիվ էին արել այցել սփյուռքի գործերի գլխավոր հանձնակատար Զարեհ Սինանյանը, հանձնակատարի գրասենյակի սփյուռքի ներուժի քարտեզագրման և ներգրավման վարչության պետ Կարեն Ավանեսյանը և այս օրերին Բրյուսելում անցկացված «Հայաստանի ռազմա-վարական ապագան» Հայաստան-Եվրոպա համաժողովի կազմակերպիչներից` ԵՀՄ փոխնախագահ, գործարար Արտակ Սերգոյանը:

Հյուրերը նախ եղան կիրակնօրյա դպրոցում, ծանոթացան սաների աշխատանքներին, ապա հանդիպում ունեցան հայ համայնքի ակտիվի հետ:

Ատենապետ Լևոն Սարգիսը հյուրերին ներկայացրեց տեղեկատվություն իրենց կառույցի գործունեության և տեղական իշխանությունների հետ կապի մասին: Գլխավոր հանձնակատարը խոսեց ներկա մարտահրավերների, Բրյուսելյան աշխատանքային այցի մասին: Հայ համայնքի ներկայացուցիչների հետ հանդիպման ընթացքում մանրամասն ներկայացվեց գրասենյակի գործունեությունն ու ծրագրերը, քննարկվել են համայնքային գործընթացները և համագործակցության ընդլայնման հնարավորությունները:
Այնուհետև նա պատասխանեց ներկաների և «Նիդերլանդական օրագրի» ուղիղ եթերում հնչեցրած հարցերին:

Ամենագեղեցիկ անակնկալը, սակայն, առջևում էր, երբ տետրերով, համերաշխ իրար կողք-կողքի շարվեցին երեխաները ու սկսեցին կարդալ ու երգել: Արժանին պետք է մատուցել խմբավար Արտակ Ոսկանյանին, որին հաջողվել է բավական կարճ ժամանակահատվածում` մի քանի շաբաթվա ընթացքում երգչախումբ ձևավորել: Արտակը երեխաների հետ պարապելու է գալիս հարևան Գերմանիայի Քյոլն քաղաքից ու չի ափսոսում ոչ ճանապարհի, ոչ ծախսված ժամանակի ու ոչ էլ միջոցների համար: «Իմ նպատակը երեխաներին հայ պահելն է»- ասում է նա: Երեխաների ոգևորող երգը` ծափերի ուղեկցությամբ, անտարբեր չթողեց ներկաներին, իսկ գործարար Արտակ Սերգոյանը` հենց տեղում խոստացավ, երեխաներին ապահովվել համապատասխան բեմական զգեստներով:

Հայ համայնքի հետ ունեցած հանդիպումից հետո, հյուրերը Մաստրիխտի Սբ.Կարապետ եկեղեցու ծխական խորհրդի անդամներ` Արմանդ Կարաօղլանի և Վազգեն Սարգիսի ուղեկցությամբ եղան հայկական խաչքարի մոտ, այցելեցին Սերվատիուսի բազիլիկ եկեղեցի: Վազգեն Սարգիսը, ով վերջերս Երևանում մասնակցում էր սփյուռքի իրավաբանների համագումարին և Նիդերլանդահայ իրավաբանների միության հիմնադիր-նախագահն է, բավականին հետաքրքիր տեղեկություններ փոխանցեց Մաստրիխտ քաղաքի, մասնավորապես քաղաքը խորհրդանշող հայազգի Սուրբ Սերվատիուսի մասին, ում պատվին Մաստրիխտում շատ հուշարձաններ կան, փողոց, կամուրջ և այլն:

Հետաքրքիր էր Սերվատիուսի թանգարանը, որտեղ պահվում են եզակի նկարներ, քանդակներ, մասունքներ ու այլ նմուշներ:

Սերվատիուսը` 4-րդ դարի հայ հոգևորական է, որը քրիստոնեություն է տարածել ներկայիս Նիդերլանդների, Բելգիայի, մասամբ էլ Գերմանիայի տարածքում։ Սերվատիուսն է հանդիսացել քրիստոնեության առաջին տարածողն ու ջահակիրը այս երկրներում: Նրա ծննդյան թիվն անհայտ է, մահացել և թաղվել է Մաստրիխտում 384 թվականին:«Սուրբ Սերվատիոսի կյանքը» 1170 թվականին գրի է առել հոլանդացի առակագիր Հենդրիկ վան Վելդեկեն: Ամեն տարի, մայիսի 13-ից սկսած, Լիմբուրգի նահանգի Մաստրիխտ քաղաքում կաթոլիկ եկեղեցին մեծ շուքով ու հանդիսությամբ Սերվատիուսին նվիրված տոնակատարություններ է կատարում, որին ակտիվորեն մասնակցում է մեր հայ համայնքը, ի դեպ նրանց ի պահ է տված եկեղեցու դռների բոլոր բանալիներնը: Նաև հետաքրքրական է փաստը, որ Սերվատիուսի զանգակատունը Նիդերլանդների ամենամեծ զանգն ունի:

Օրը քաղաքին ծանոթանալով չավարտվեց: Սփյուռքի հարցերով գլխավոր հանձնակատարի պատվիրակները` Զարեհ Սինանյանի գլխավորությամբ, հանդիպեցին Հյուսիսային Բրաբանտ, Լիմբուրգ, Զեելանդ և Խելդերլանդ նահանգներում, ինչպես նաև տեխնոլոգիական և արդյունաբերական հանգույց հանդիսացող Էյնդհովենում Նիդերլանդների Թագավորությունում Հայաստանի պատվո հյուպատոս Վիլի ֆան դե Կերկհոֆին, ով հանձնառություն է վերցրել իր կապերն ու հեղինակությունը օգտագործելով նպաստել հայ հոլանդական կապերի ամրապնդմանը: Զրույցի ընթացքում կարևորվեց Նիդերլանդների հարավային նահանգների հետ Հայաստան-Նիդերլանդներ համագործակցությունը` բիզնես ոլորտում, գործարար պատվիրակությությունների փոխայցելություններն ու զանազան ծրագրերի առաջնահերթությունները: Քննարկվեցին քաղաքական և տնտեսական, մշակութային փոխգործակցության խորացման կոնկրետ հարցեր:

Տեղումներից արձակուրդ վերցրած կիրակին, երբ ավարտին էր մոտենում` կրկին երկնքից մաղեց անձրևը, բացվեցին անձրևանոցներն ու թրջվեցին մայթերն ու փողոցները: Այնուհանդերձ Մաստրիխտյան նոյեմբերյան աշնանային օրը` հիշողության մեջ մնաց Սերվատիուսյան հայկականությամբ` ջերմ ու անմոռաց:

Երկուշաբթի սփյուռքի գլխավոր հանձնակատարին, սպասում են մեկ այլ ջերմ, հայկական օջախում`այս անգամ Հաագայի Աբովյան մշակութային միությունում` անկախ եղանակից:

Hay Azian

Maastricht 12.11.2023

Հայաստանից` հատուկ ՆիդՕրագրի համար

ԵՊՀ դոցենտ, բ․գ․թ․ Նաիրա Գասպարյան

07.11.2023/Նիդ.օրագիր

«ԴԱՍԱՎԱՆԴԻՐ ՀԱՅԱՍՏԱՆ» հիմնադրամն այսօր ԵՊՀ կենտրոնական մասնաշենքի մոտ ներկայացրեց իր աշխատանքային ծրագրերը։ Արևիկ Պրազյանը, հիմնադրամի տաղավարում նյութերը և ծրագրային գրքույկները մատնանշելով` խոսեց իրենց հրաշալի ձեռնարկի մասին: ՈՒնեն աշխատանքային համարյա 10 տարիների փորձ, սկզբում միայն Հայաստանի լեռնային դպրոցների հետ համագործակցելով և եռանդուն երիտասարդներին գործուղելով դժվարին կենսական տարածքներում հայտնված գյուղերում աշխատելու, իսկ այժմ հեռավոր բոլոր շրջանների հետ են համագործակցում։ 

Ծրագիրն ունի 2 հիմնական ուղղություն՝ ապահովում է մանկավաժական կրթություն՝ 2 տարի դասավանդելով մարզում և ավարտական աշխատանք պաշտպանելով շահառուները դառնում են մանկավարժ, վարձատրվում են դպրոցում, նաև ստանում են ֆինանսավորում հիմնադրամից։ Երկրորդ ուղղվածությունն այն է, որ մանկավարժները մինչև 61 տարեկան 2 տարվա պայմանագրով աշխատում են հեռավոր գյուղերում։ Հրաշալի ծրագրեր են և երբ Գյումրիում պետական քննությունների նախագահ եմ եղել առնչվել եմ այդ ծրագրով ավարտաճառերի պաշտպանությունների հետ։ Միշտ հիացել եմ մեր երիտասարդների պատրաստակամությամբ, աշխատանքով ու հայրենիքին ծառայելու անկեղծ ոգևորությամբ։ 

Կոլեկտիվ տրավմա․ որքանո՞վ է հասարակությունը պատրաստ դիմակայել ու հաղթահարել երևույթը

Այս ծանր օրերին ԵՊՀ շարունակական կրթության կենտրոնը կազմակերպում է հետաքրքիր դասախոսություններ, որոնք փորձում են լույս սփռել մեր կյանքում տեղի ունեցող երևույթներին՝ բացահայտելով անձի ու հանրության հոգեվիճակին առնչվող մանրամասներ ու դետալներ։

Այսօր տեղի ունեցավ ԵՊՀ շարունակական կրթության կենտրոնի  կազմակերպած հերթական հանդիպումը։ Հոգեբան Սոնա Մանուսյանի հետ ինտերակտիվ զրույցին ակտիվ մասնակցում էին նաև ունկնդիրները։ Դասախոսություն-սեմինարի ընթացքում բանախոսը փորձեց վեր հանել այն զգացողությունները , որ առաջանում են կոլեկտիվ տրավմայի դեպքում՝ երկրաշարժ, ցեղասպանություն, կովիդ, միջուկային պայթյուն, Չեռնոբիլ, հոկտեմբերի 27, Նորդ –Օստ, ՊՊԾ գնդի․․․ և այլն։ Փորձ արվեց տալ խնդրով զբաղվող միջազգային հետազոտող գիտնականների առաջադրած սահմանումների մի բազմություն կոլեկտիվ տրավմա երևույթի վերաբերյալ, որոնց մեջ շեշտադրվեց ինքնության հիմքերի սասանումների խնդիրը, հավաքական ինքնության խաթարումների սպառնալիքի հարցը, նաև լուսաբանվեցին այն իրավիճակները, երբ խաթարվում են  իմաստային համակարգերը։ Համատեքստից կախված է որոշվում, թե ինչ տեղ ունի կոլեկտիվ տրավման մարդու կյանքում։ Հետաքրքիր է, որ կա նաև այն կարծիքը, որ իրադարձությունները ինքնին տրավմատիկ չեն, որ տեղի է ունենում սոցիալապես միջնորդավորված վերագրում /Վոլկան/։ Վնասվում է ինքնությունը, իմաստի  «ճգնաժամ»  է առաջանում, որը ներթափանցում է ավելի երկարաժամկետ իրողություններ և ինստիտուտներ, արդյունքում՝ մշակութային վերարտադրություն և վերակառուցում։  Քննարկվեցին այնպիսի հասկացություններ ինչպիսիք են երկրորդային տրավմա, երբ ականատեսն այնուհետև դիտում է իրադարձւթյունը հեռուստացույցով, ընտրված տրավմա՝ վնասված տեղը որպես ընկալման գերիշխող պատկեր,  կասկադային կամ համալիր տրավմա՝ /complex/, որը բնութագրվում է իբրև իրար հաջորդող տրավմաների խումբ։ Ըստ բանախոսի՝ համայնքային տրավմա, մշակութային տրավմա, պատմական վիշտ/սուգ հարակից հասկացությունները կոլեկտիվ տրավմայի հոմանիշներ են։ Զրույցի ընթացքում բանախոսը ներկայացրեց նաև կոլեկտիվ տրավմայի հավանական փուլերը, երբ հանկարծահաս դեպքը տանում է  իրականության հստակ ընկալման, որն առաջացնում է խոր հիասթափություն, որը, սակայն, անձի կամ խմբի վրա հսկայական դրական ազդեցություն ունի՝ ի վերջո գալիս է ավելի իմաստալից կյանքով ապրելու փուլը՝ վերակառուցման ու նոր կյանքի հիմքն է դրվում։ Փուլերի շղթայական անցումները տեղի են ունենում 20-60 ամսվա միջակայքում։ Ըստ էության  այս ամենի արդյունքում վնասվում է հանրության կոլեկտիվ ապահովության զգացումը, ի հայտ են գալիս նոր նարատիվ և դիսկուրսիվ  գործընթացներ, հոգեբանական և հոգեֆիզիոլոգիական նոր մեխանիզմներ, նոր մեդիա դսկուրս։ Ցանկացած աղետալից կոլեկտիվ տրավմա բերում է արժեքների, վարքի ընկալումների, ապրումների որակական փոփոխության՝ ասես մարդը, հանրությունը վերգտնելով իրեն հայտնաբերում է ինքնության փոփոխություն, ըստ որի սկսում է իր նոր կյանքը՝ առաջնորդվելով ձևափոխված ինքնությամբ ու արժեքներով։

Ներկայացնում է հեղինակը

Իմ «Միացում» անհատական ​​ցուցահանդեսում ես ուզում եմ ցուցադրել իմ ստեղծագործությունների հետահայաց կապը՝ նկարներ, խառը մեդիա, արվեստի գործեր և կոլաժներ, բայց նաև լուսանկարչություն և տեսաերիզներ՝ ստեղծելով գաղափարների, նյութերի և տեխնիկայի միաձուլում: Ես արվեստը տեսնում եմ որպես անվերջ գործընթաց: որոնցում տարբեր պատկերներ շարունակում են փոխակերպվել և նորից հայտնվել նոր ձևերի համատեքստում: Իմ արվեստը կենտրոնացած է ժամանակի ներքին փորձառության որոնման, մարդկանց և բնության միջև երկխոսության և իրական «ես»-ի բախման ազդեցության վրա: Այս կերպ ցանկանում եմ խթանել և վառ պահել մարդկանց երևակայությունը, զգայական փորձառնությունը: Հուսով եմ, որ մարդիկ կարող են ներքին երևակայական ճանապարհորդություն կատարել՝ իսկապես զգալով և բացահայտելով իրենց գոյության գանձատուփը:

Նոյեմբերի 12-30, 2023 թ

Բացումը՝ նոյեմբերի 12-ին, ժամը 15:00-ին

Arti-Shock Gallery

Schoolstraat 26

2282 RD Rijswijk

Պատկերասրահի բացման ժամերն են

Չորեքշաբթիից ուրբաթ՝ 13:00 - 17:00

Շաբաթ՝ 11:00-16:00

Կիրակի՝ 14:00 - 17:00

------------------------

Սոնա Սահակյանի ստեղծագործությունները ցուցադրվում ու ցուցադրվելու են նաև Նիդերլանդական այլ քաղաքներում: Կարող եք այցելել ու ծանոթանալ հայ նկարչուհու աշխատանքներին:

10-12 November:

Loods 6

KNSM-Laan 143,

1019 LB Amsterdam

Opening hours:

Friday 10 November (opening): 17:00-19:00

Saturday 11 November: 11:00-18:00

Sunday 12 November: 12:00-17:00

5 Oktober - 12 November 2023

Kadmium

Sint Agathaplein 1

2611 HR Delft

Opening hours gallery:

Wednesday - Sunday 12:00 - 17:00

Art fair Nationale Kunstdagen:

17 - 19 November

Franklinweg 2

4207 HZ Gorinchem

Stand 102 - Sona Sahakian

Opening hours : 11:00 - 17:30

Exhibition ''Licht en warmte '' - Community Art Project:

11 November 2023 - 11 January 2024

Opening: 11 November 15:00

Kunstuitleen Voorburg

Herenstraat 92

2271 CK Voorburg

Opening hours gallery : Tuesday till Saturday 10.00 - 17.00

------------

Solo exhibition Sona Sahakian ''The amalgamation’’:

In my solo exhibition “The Amalgamation”, I want to show a retrospective of my artworks: paintings, mixed media artworks and collages, but also photography and video, creating a fusion between ideas, materials and techniques.I see art as an endless process in which various images continue to transform and reappear in new forms and contexts. My art focuses on the search for an inner experience of time, the dialogue between people and nature, and the encounter with your real self.In this way, I want to stimulate and fuel people's imagination and sensory experiences.I hope that people can make an inner journey by really feeling and discovering for themselves what the treasure chest of their existence is.

12-30 November 2023

Opening: 12 November at 15:00

Galerie Arti-Shock

Schoolstraat 26

2282 RD Rijswijk

General opening hours gallery:

Wednesday till Friday: 13:00-17:00

Saturday : 11:00 - 16:00

Sunday : 14:00 - 17:00

Ավարտվեց սփյուռքի հանձնակատարի գրասենյակի կողմից կազմակերպված Հայ իրավաբանների համագումարը: 250 իրավաբաններ 30 երկրներից 5 պանելային քննարկումների և 4 աշխատաժողովների ընթացքում քննարկեցին հայկական շահերի պաշտպանությանը և Հայաստանի օրենսդրական բարեփոխումներին սփյուռքի մասնակցայնությանն առնչվող մի շարք հարցեր: 

Քննարկումների արդյունքում մշակված ճանապարհային քարտեզներով գրասենյակը կշարունակի հետադարձ կապը սփյուռքահայ իրավաբանների հետ հետագա գործողությունների իրականացման նպատակով:

Նիդերլանդներից համագումարին մասնակցեց նախօրոք ութ հայտավորվածներից`  չորսը։

Հայ իրավաբանների համագումարի գլխավոր գործընկերն էր Team Telecom Armenia-ն: 

The Armenian Lawyers Assembly has concluded its sessions. Over the course of five panel discussions and four workshops, 250 lawyers from 30 countries discussed various issues related to the protection of Armenian interests and participation of lawyers from the Diaspora in legislative reforms in Armenia.

The Office will continue to engage with Armenian lawyers from the Diaspora for further actions, taking into account the roadmaps developed as a result of the discussions.

Team Telecom Armenia has been the main partner of the Armenian Lawyers Assembly.

Նաև Նիդերլանդների հայ իրավաբանները

The Netherlands Diary / Նիդ.օրագիր

www.nidoragir.com