niderlandakan (niderlandakan) wrote,
niderlandakan
niderlandakan

Կկայանա գիտաժողով Հաագայում «Հայոց ցեղասպանության ժառանգությունը, 100 տարի հետո» թեմայով

acexa

Հայոց Ցեղասպանության 100-ամյա տարելիցի շրջանակներում Դեն Հաագի Գլոբալ արդարադատության ինստիտուտում մարտի 5-ից 7-ը անց է կացվելու  «Հայոց ցեղասպանության ժառանգությունը, 100 տարի հետո» թեմայով գիտաժողով: Նիդերլանդական Օրագրին այդ մասին հայտնել են Աբովյան մշակութային միությունից:
Գիտաժողովը մեկնարկելու է «Տատիկիս դաջվածքները» փաստավավերագրական ֆիլմի ցուցադրմամբ:Պարոն Ալեքսիս Տեմիրճյանի հետ  այն համատեղ կազմակերպել են  Նիդերլանդների պատերազմի, հոլոքոստի և ցեղասպանության հետազոտությունների (NIOD)  ու Հարավային Կալիֆորնիայի համալսարանի Հայկական ուսումնասիրությունների «Դորնսայֆ» ինստիտուտները:
Գիտաժողովն անց է կացվելու անգլերեն լեզվով և  մուտքը հանրության համար ազատ է  լինելու, միայն անհրաժեշտ է նախօրոք հայտագրվել: Բանախոսներն, ովքեր ներկայացնում են տարբեր երկրներ ցեղասպանության ուսումնասիրման և այլ մասնագիտական ոլորտներ, մոտ 25  գիտնականներ  են,  հեղինակները` «Հայոց ցեղասպանության կարևորությունն այսօր և դրա ազդեցությունը տարբեր ոլորտների ուսումնասիրության վրա» գրքի:
Գիտաժողովի ընթացքում քննարկումներն ընթանալու են գրքի կենտրոնական թեմայի շուրջ` ցեղասպանության  կանխման կարևորությունը  ընդգծելու և դրա ազդեցությունը` իրավաբանության, պատմության, մարդաբանության, քաղաքագիտության, սոցիոլոգիայի, գրականության, կրթության և ԶԼՄ-ների ուսուցման հետազոտությունների ոլորտներում: Ցեղասպանության ազդեցության մասին քննադատական քննարկումներն անհրաժեշտ են այսօր և այստեղ անդրադարձ կկատարվի ընթացիկ քննախոսության մի քանի տեսակետներին` ելնելով ինչպես մարդկային վարքագծի վերլուծությունից, այնպես էլ անցյալ դարին հետադարձ հայացքով նայելու տեսանկյունից:
Tags: Առաջին էջ, Կարևոր, Հոլանդահայ կայքեր, հաղորդագրություն. միջոցառում, հղումներ.կապ.համագործակցություն
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments