niderlandakan (niderlandakan) wrote,
niderlandakan
niderlandakan

Սփյուռքահայ ուսուցիչների վերապատրաստում-2014

2014 թվականին ՀՀ կրթության և գիտության նախարարությունը շարունակում է արտասահմանյան երկրներում գործող հայկական վարժարաններում, դպրոցներում, մանկապարտեզներում, միօրյա և այլ տիպի կրթօջախներում դասավանդող հայագիտական առարկաների ուսուցիչներին, տնօրեններին/ուսումնական մասի տեսուչներին` վերապատրաստման ծրագիրը:



2014 թվականին վերապատրաստման դասընթացները նախատեսված է իրականացնել ուսուցման երկու ձևով.

I.առկա` Հայաստանում, մեկամսյա ժամկետում

II.հեռավար (on-line)

I.Մեկամսյա վերապատրաստում Հայաստանում.

Հայաստանում վերապատրաստումն ընթանալու է ՀՀ կրթության և գիտության նախարարության կողմից հաստատված տարբերակված հետևյալ մեկամսյա ծրագրերով.

Ա1.Ուսուցում մանկապարտեզում

Բ1.Ուսուցում մեկօրյա դպրոցում

Գ1.Դպրոցների կառավարում

Դ1.Լրացուցիչ կրթության և արտադասարանային դաստիարակության կազմակերպում (երգ, պար, թատրոն, նկարչություն, ձեռագործ և այլն)

Ա2.Տարրական ուսուցման մեթոդիկա և տարրական կրթության կազմակերպում (երկրորդ մակարդակի ծրագիր` վերապատրաստում վերապատրաստողների համար (Training of Trainers)

“Տարրական ուսուցման մեթոդիկա և տարրական կրթության կազմակերպում” ծրագրին կարող են մասնակցել.

•Հայաստանում ՀՀ ԿԳՆ ծրագրով առնվազն մեկ անգամ վերապատրաստումն անցած ուսուցիչներ,

•տեսուչներ

•ուսուցչական աշխատանքի գնահատմանը մասնակցող և բարելավմանը նպաստող այլ պաշտոնյաներ

Դասընթացներն ավարտած ուսուցիչներին կտրամադրվեն ՀՀ կրթության և գիտության նախարարության վկայագրեր, ինչպես նաև ուսումնամեթոդական գրականություն, դասագրքեր և այլ նյութեր:

“Տարրական ուսուցման մեթոդիկա և տարրական կրթության կազմակերպում” ծրագրի մասնակիցներին տրվելու է տեղերում տարրական ուսուցման վերապատրաստում իրականացնելու իրավունքը հաստատող ՀՀ կրթության և գիտության նախարարության վկայական:

Ծրագրի ընթացքում դասընթացների կազմակերպման, ուսուցիչների կեցության և շրջագայության ծախսերը, ծրագրի բացման օրվանից մինչև փակման օրը, ստանձնում է Հայաստանի Հանրապետությունը: Ճանապարհածախսը, ներառյալ օդանավակայանից մինչև հյուրատունը, և Հայաստան մուտքի արտոնագրի (մուտքի վիզա) ծախսերը հոգում են մասնակիցները կամ համապատասխան կազմակերպությունները, կրթօջախները, բարերարները:



Վերապատրաստման սկիզբը համարվում է ծրագրի մեկնարկային օրւ՝ հուլիսի 1-ը:Հյուրատան հասցեն կփոխանցվի լրացուցիչ:

Ծրագրի ժամանակացույցը հետևյալն է.

30 հունիսի` հյուրատուն մուտքի և տեղավորման օր

1 հուլիսի` ծրագրի բացում

29 հուլիսի` հյուրատանից ելքի օր:

Ավելի վաղ ժամանելու և ուշ մեկնելու պարագայում մասնակիցների համար կսահմանվեն հյուրատանը մնալու զեղչված գներ:

Ծրագրին մասնակցելու համար անհրաժեշտ է մինչև հունիսի 2-ը ներառյալ ՀՀ կրթության և գիտության նախարարություն ներկայացնել.

1.Ուսուցչի կողմից լրացված և կրթօջախի տնօրինության կողմից վավերացված հայտը (հայտաձևը կցվում է),

2.Համայնքի, հաստատության կամ կազմակերպության կողմից տրված գործուղման տեղեկանք:

Մասնակցության պաշտոնական հաստատումները ուսուցիչները կստանան իրենց էլեկտրոնային հասցեով հունիսի 4-ից 10-ը ընկած ժամանակահատվածում: Պաշտոնական հրավերի անհրաժեշտության դեպքում` խնդրում ենք տեղեկացնել նախապես:

Ծրագրերի ընդհանուր նկարագիրը և հիմնական դասախոսների ցանկը կփոխանցվեն մասնակցության հայտ ներկայացրած ուսուցիչներին հունիս ամսվա ընթացքում: Բոլոր խմբերի ուսումնական ծրագրերում ներառվելու են.

•մանկավարժություն

•հոգեբանություն

•հիմնական առարկաներ

Մասնակիցների համար նախատեսվում են նաև հանդիպումներ, ճանաչողական-ուսուցողական շրջայցեր և մշակութային ծրագիր:

II.Հեռավար վերապատրաստում.

Հեռավար վերապատրաստումը կիրականացվի առանձին առարկաների գծով` սեպտեմբերից դեկտեմբեր ընկած ժամանակահատվածում:

Հեռվար վերապատրաստմանը մասնակցելու համար սահմանափակումներ չկան:

Վերապատրաստման ծրագրին դիմելու, տեխնիկական պայմանների, ծրագրի անցկացման ժամկետների և կարգի վերաբերյալ, ինչպես նաև ամփոփոիչ գնահատման ձևի և կարգի մասին տեղեկությունները կտրամադրենք հունիս ամսվա ընթացքում:

Հավելյալ տեղեկություններ կարելի է ստանալ ՀՀ կրթության և գիտության նախարարության Սփյուռքի հետ կապերի բաժնից.

Հեռ. 374 10 58-13-91

Ֆաքս. 374 10 52-52-07

Էլ. փոստ. spyurq@yahoo.com կամ info@edu.am

Կից` մասնակցության հայտաձևերը:

http://www.edu.am/index.php?topMenu=7&menu1=-1&menu2=7&id=6508&lang=arm
Tags: հաղորդագրություն. միջոցառում
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments