niderlandakan (niderlandakan) wrote,
niderlandakan
niderlandakan

Հայոց ցեղասպանության 100-րդ տարելիցին նվիրված քննարկում «Հոլանդիայի փառատոնի» շրջանակներում

10 հունիսի, 2015 | 02:04

holandia genocideՀունիսի 9-ին Նիդերլանդների Ամստերդամ քաղաքի «Դե Բալի» սրահում «Հոլանդիայի փառատոնի» շրջանակներում տեղի ունեցավ քննարկում «Հիշողության արվեստը. Հայոց ցեղասպանության 100-րդ տարելից» խորագրով:

Քննարկմանը դասախոսությամբ հանդես եկավ Ամստերդամի համալսարանի Ցեղասպանության ուսումնասիրությունների և մարդաբանության պրոֆեսոր, դոկտոր Թոմ Զվանը, ով ներկայացրեց Օսմանյան իշխանությունների կողմից Հայոց ցեղասպանության իրականացման 3 փուլերը և հետևանքները:

Կլոր սեղանին Հայոց ցեղասպանության` իրենց գործունեության վրա ազդեցության մասին խոսեցին նկարիչ և պոետ Գրիգոր Մոմջյանը և ռեժիսոր Թինա Բաստանջյանը: Ցուցադրվեց վերջինիս կողմից Հայոց ցեղասպանության թեմայով 2001թ. նկարահանված կարճամետրաժ ֆիլմը:

Կոմիտասի և Գյուրջիևի գործերի կատարմամբ հանդես եկավ Գյուրջիևի անվան ժողովրդական գործիքների անսամբլի ղեկավար, դաշնակահար և կոմպոզիտոր Լևոն Իսկենյանը:

Քննարկմանը դիտարկվեցին նաև հիշողության տարրը և դրա` արվեստի տարբեր միջոցներով հանրությանը փոխանցելու և իրազեկելու կարևորությունն ու դրան առնչվող խնդիրները:
ORER.EU

Tags: Իրադարձություններ.դեպքեր, Նամականի
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments