niderlandakan (niderlandakan) wrote,
niderlandakan
niderlandakan

ՀՀ սփյուռքի նախարարն ընդունեց Ալմելոյից ժամանած պատվիրակությանը





Օգոստոսի 4-ին ՀՀ սփյուռքի նախարար Հրանուշ Հակոբյանն ընդունեց Նիդերլանդների Թագավորության Ալմելո քաղաքի Հայոց ցեղասպանության հուշահամալիրի հաստատության (A.G.M.A.) նախագահ Հարություն Պողոսյանին և նույն հաստատության քարտուղար, Ալմելոյի քաղաքապետարանի խորհրդի անդամ Ռոբին Գելեջիին:

Հյուրերը նախարարին ներկայացրեցին Ալմելոյի հայ համայնքի առօրյան, նշելով, որ հայությունը վերջին շրջանում առավել գործուն է դարձել: Այս հանգամանքին նպաստել են Հայոց ցեղասպանության 100-րդ տարելիցին նվիրված բազմաբնույթ միջոցառումները և հատկապես ցեղասպանության զոհերի հիշատակի հուշահամալիրի կառուցումը: Ինչպես նշեց Հարություն Պողոսյանը, հուշահամալիրը գտնվում է Հայ առաքելական եկեղեցուն պատկանող հողատարածքի վրա և ունի հայկական եկեղեցիների ճարտարապետությանը հատուկ ոճ. կառուցված է հայկական տուֆ քարից՝ 16 սյուների վրա, 16 խաչքարերով:

Նախարար Հրանուշ Հակոբյանը գոհունակություն հայտնելով իրականացրած աշխատանքների, հատկապես ցեղասպանության զոհերի հիշատակին նվիրված հուշահամալիրի կառուցման առթիվ, նշեց որ ներկա պայմաններում, երբ բավական շատ են մարտահրավերները, նիդերլանդահայությունը պետք է ավելի համախմբված գործի: Նրա առաջնահերթությունների թվում պետք է լինի նաև հայկական ամենօրյա դպրոցի ստեղծումը, քանի որ հայերենը եվրոպական երկրներում նահանջում է, իսկ առանց մայրենի լեզվի իմացության՝ հայապահպանությունը հաջողություն չի կարող ունենալ: Ինչպես նշեց նախարարը՝ խնդիրը կարող է արդյունավետ լինել, եթե ստեղծվի լավագույն հնարավորություններով հագեցած դպրոց, որտեղ երեխաները ոչ միայն հաճույքով սովորեն, այլև կարողանան երգի, պարի, մարզական խաղերի միջոցով շփվել միմյանց և ամրապնդել հայերենը:

Հյուրերը հավաստիացրեցին, որ աշխատանքներ կտանեն նման ծրագրի իրականացման համար և ցանկություն հայտնեցին ավելի սերտացնել գործակցությունը սփյուռքի նախարարության հետ:
Tags: Առաջին էջ, Կարևոր, հղումներ.կապ.համագործակցություն
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments