niderlandakan (niderlandakan) wrote,
niderlandakan
niderlandakan

Հայաստանը մասնակցեց «Դեսպանությունների արվեստի ցուցահանդես»-ին

ՈՒՇԱԴՐՈՒԹՅՈՒՆ
«Աբովյան» մշակութային միությունը այս Կիրակի, նոյեմբերի 8-ին , ժամը 15.15-ին կազմակերպում է  Խմբային այցելություն Վասենար քաղաքի «Պատրիս վան Դորստ» պատկերասրահում  կազմակերպած «Դեսպանությունների արվեստի» ցուցահանդեսին: Հասցեն`         Landgoed de Wittenburg 3, 2244 BV Wassenaar
Ցուցահանդեսի հայ մասնակիցներ' գեղանկարիչներ Վլադիմիր Սողոմոնյանն և Փայլ Վանիկյանը հետ մասնակիցներին մանրամասը տեղեկություններ կտան ցուցահանդեսում ներկայացված իրենց աշխատանքների մասին:
Մուտքն`       Ազատ է:
Կայքէջ`         http://www.patriesvandorst.nl

Մանրամասը տեղեկությունների համար 'Abovian Armenian Cultural Association (http://www.abovian.nl)

________________________________________________________________________
Նոյեմբերի 4-ին Նիդերլանդների Վասենար քաղաքի «Պատրիս ֆան Դորստ» պատկերասրահում տեղի ունեցավ առաջին անգամ անցկացվող «Դեսպանությունների արվեստի ցուցահանդես» շարքի 4-րդ մասի բացման արարողությունը:

Նիդերլանդներում Հայաստանի դեսպանությունը, ի շարս մոտ 20 դեսպանությունների, մասնակցում է այս ցուցահանդես-շարքին` ներկայացնելով հայկական արվեստը երկու նկարիչների` Փայլ Վանիկյանի և Վլադիմիր Սողոմոնյանի կտավներով:

Բացման արարողությանը ողջույնի խոսքով հանդես եկան պատկերասրահի տնօրեն Կարել Ռեյշը, ով շնորհակալություն հայտնեց «Դիվանագիտական ամսագրի» խմբագրությանը նման նախաձեռնությամբ հանդես գալու համար: Ներկաներին իր խոսքն ուղղեց նաև Վասենարի քաղաքապետ Յան Հեքեման, ով կարևորեց մոտ 20 դեսպանությունների կողմից ավելի քան 50 արվեստագետի գործեր ներկայացնելու և հոլանդական հասարակությանը տարբեր երկրների արվեստին հաղորդակից դարձնելու համար:

Ցուցահանդսի բացման արարողության մասնակիցներին իրենց ուղերձով դիմեցին նաև ցուցահանդես-շարքի մասնակից երկրների`Հայաստանի, Իտալիայի, Էլ-Սալվադորի, Էստոնիայի և Վենեսուելայի դեսպանները: ՀՀ դեսպան Ձյունիկ Աղաջանյանն իր խոսքում կարևորեց տարբեր ժողովուրդների մշակույթի ներկայացումն արվեստի լեզվով, որը թարգմանության կարիք չի զգում և այս ցնցումներով լի աշխարյում համախմբում է գեղեցիկի ու բարու շուրջ:

Ցուցահանդեսի բացմանը ներկա էին նաև Դելֆտի քաղաքապետ Բաս Ֆերկերկը, դիվանագիտական կորպուսի, հոլանդական արվեստի շրջանակների և ներկայացված երկրների հայանքների ներկայացուցիչներ:

Ցուցահանդեսը գործում է մեկ շաբաթ` նոյեմբերի 2-ից 8-ը:

(ՀՀ ԱԳՆ)


Tags: հղումներ.կապ.համագործակցություն, մշակութային, տոնավաճառ ցուցահանդեսներ
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments