niderlandakan (niderlandakan) wrote,
niderlandakan
niderlandakan

Ռուսաստանը վերանայում է Թուրքիայի հետ հարաբերությունները


Ռուսները գոնե հիմա հասկացա՞ն, թե ով է թուրքը:
Եթե հասկացել են, ուրեմն ժամանակն է, որ Հայաստանը դիմի Ռուսաստանին, որպեսզի վերջինս վերանայի Հայաստանի Հանրապետության փոխարեն բոլշևիկյան կառավարության ներկայացուցիչների կողմից արված ստորագրությունները:
1921 թվականի մարտի 16-ին Խորհրդային Ռուսաստանը և Թուրքիան Մոսկվայում կնքեցին պայմանագիր, ըստ որի Նախիջևանը հանձնվում էր Խորհրդային Ադրբեջանին: Սա Միջազգային իրավունքի տեսակետից ապօրինի պայմանագիր էր։ Երկու երկրներ իրենց իսկ կողմից ինքնիշխան ճանաչված մի երրորդ պետության տարածք հանձնել են մի չորրորդ պետության՝ առանց նրանց մասնակցության և նույնիսկ կարծիքը հարցնելու։
Ռուսաստանը պիտի ուղղի իր կատարած սխալները:
Նույն թվականի (1921) հոկտեմբերի 13-ին ստորագրված Ղարսի և դրան հաջորդած Մոսկվայի պայմանագրերը: Պայմանագրով Թուրքիային են անցել Կարսի մարզը, Սուրմալուի գավառը, Արարատ լեռն ու նրան հարող շրջանները:
Հայաստանը կորցրել է իր տարածքի գրեթե կեսը։ Պայմանագրի դրույթները պարտադրվել են հենց Ռուսաստանի կողմից:
Դա այն դեպքում, երբ նախորդող տարիներին, ինչպես պապս էր պատմում, որպես ցարական ռուսաստանի զինվոր, ինչպես են խորացել Ռուսաստանին պարտված Թուրքիայի տարածքի խորքերը , մինչև եղել է Ռուսաստանը հեղաշրջած բոլշևիկյան ղեկավարության ետ նահանջի հրամանը:
Հենց բոլշևիկյան Ռուսաստանը, որի այսօրվա իրավահաջորդը Ռուսաստանի Դաշնությունն է, խափանեց իրագործել Սևրի պայմանագիրը, որի համաձայն Թուրքիան ճանաչում էր Հայաստանը որպես «ազատ և անկախ պետություն»: Սահմաններն անցնելու էին Վանի, Բիթլիսի, Էրզրումի և Տրապիզոնի վիլայեթների տարածքով, ինչպես նաև պետք է ընդունեին Հայաստանի Սև ծով ելք ունենալը :
Նույն Ռուսաստանն այն ժամանակ, անտեսելով Հայաստանի սուվերենությունն ու անկախությունը , մոռացավ, որ Քեմալ Աթաթուրքը նաև իրենց է խաբել : ՈՒ մազից էր կախված, որ Ռուսաստանը իրեն դաշնակից ու բարեկամ համարած Թուրքիայի հետ կնքեր լայնածավալ, երկարաժամկետ տնտեսական ու ռազմական նշանակության պայմանագրեր: ՈՒ Աստված մի արասցե, դրա գինը, որքա՞ն կարժենար մեր մի հողակտոր հայրենիքի համար: Այսօր Թուրքիան ցույց տվեց իրական գայլային դեմքը, որի կապակցությամբ կարող ենք ցավակցություն հայտնել ռուսներին' մարդկային զոհերի համար:
Դա անշրջելի իրողություն է:
Ռուսները գոնե հիմա հասկացա՞ն, թե ով է թուրքը: Եթե այո, ուրեմն եկել է սխալներն ուղղելու ժամանակը:
Հուսա՞նք, հավատանք, թե՞ նորից գալու է սիրախաղերի ժամանակները:
Մի կողմից ասում են պատմությունը կրկնվելու հատկություն ունի...Սակայն մյուս կողմից էլ իրատեսության անտեսումը հենց ինքը' պատմություն կոչվածը չի ների:
Այնուամենայնիվ հետևենք իրադարձությունների զարգացմանը...

Hay Azian

Հ.Գ-Արդեն ակնհայտ է, որ Ռուսասանը վերանայում է հարաբերությունները Թուրքիայի հետ: ՈՒշադրության կենտրոն է մղվել նույնիսկ Հայոց Ցեղասպանության հարցը. «Մենք հաստատել ենք Թուրքիայի կողմից 1915 թվականին իրականացված Հայոց ցեղասպանությունը ժխտելու պատասխանատվության մասին օրինագիծը», — գրել է «Արդար Ռուսաստան» կուսակցության առաջնորդ Սերգեյ Միրոնովը Twitter-ի իր միկրոբլոգում։
Թուրքիայի հետ սառեցվում են բոլոր միջպետական հարաբերությունները: Ի դեպ միջադեպի կապակցությամբ  Թուրքիան չի էլ պատրաստվում Ներողություն խնդրել: Ռուսաստանն արդեն հայտնել է իր պատրաստակամությունը' առևտուրը զարգացնել Իրանի հետ: ՈՒստի մեծ պետք է լինի Հայաստանի' որպես տրանզիտ երկրի դերը, Ռուսաստան-Իրան կապերի համար, նաև Միջին Արևելքի հետ հաղորդակցության հեռանկարով: Այս համատեքստում պետք է բարելավվել Իրանի հետ Հայաստանի սահմանը:

Tags: Իրադարձություններ.դեպքեր, Կարևոր, Նիդերլանդական օրագիր, քաղաքական.պաշտոնական
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments