Niderlandakan oragir (niderlandakan) wrote,
Niderlandakan oragir
niderlandakan

Ամենամյա հանդիպում Նիդերլանդների Հայաստանի Հանրապետության դեսպանությունում


.
Հոլանդահայ կազմակերպությունների ու կառույցների
ներկայացուցիչները հանդիպում ունեցան Նիդերլանդների
թագավորությունում Հայաստանի Հանրապետության
արտակարգ և լիազոր դեսպան Ձյունիկ Աղաջանյանի հետ




Հաագա, 12 փետրվարի:
Նիդերլանդների  ՀՀ դեսպանությունում տեղի ունեցավ տարեսկզբյան ավանդական ընդունելություն-հանդիպում' հոլանդահայ կազմակերպությունների ու կառույցների ներկայացուցիչների հետ :Դեսպան Ձյունիկ Աղաջանյանը իր և  դեսպանատան անունից շնորհավորեց ներկաներին' անցած  և  գալիք տոների կապակցությամբ, շնորհակալություն հայտնեց հոլանդահայ կառույցների ու կազմակերպությունների ներկայացուցիչներին'  Հայոց ցեղասպանության 100-ամյա տարելիցին ուղղված միջոցառումները պատշաճ մակարդակով կազմակերպելու  համար:
 Երկուստեք հետաքրքրություն ներկայացնող հանդիպման ընթացքում քննարկվեցին Հայաստան-սփյուռք համագործակցության հարցերը, այդ շրջանակներում իրականացվող ծրագրերին մասնակցության ապահովումը,Նիդերլանդների հետ մշակութային կապերի ամրապնդման, ընդլայնման  և խորացման  խնդիրները: Այսուհետ ևս հատուկ ուշադրության կենտրոնում  կլինեն հարուստ մշակութային  ժառանգություն  ունեցող մեր  երկու ժողովուրդների հոգևոր կապը, շարունակական կլինեն մշակութային շփումները:Լավ նախադրյալներ կան ընդլայնելու քաղաքական և  բիզնես դաշտերը:
հոլանդահայ կազմակերպությունների ու կառույցների ներկայացուցիչներն իրենց հերթին խոստացան նպաստել հայ-նիդերլանդական հարաբերությունների  ու Հայաստանի հետ ունեցած կապերի ամրապնդմանը:

Վերջում' դեսպան  Ձ. Աղաջանյանը, հաջողություն մաղթեց բոլորին իրենց գործունեության ասպարեզում,նաև շնորհակալություն հայտնեց հայապահպանության ոլորտում ունեցած անշահախնդիր վերաբերմունքի համար,   հորդորեց  պահպանել ազգային միասնականության ոգին և ամրապնդել համագործակցությունը միմյանց միջև:
«Նիդերլանդական Օրագիր»

Tags: Շնորհավորանքներ.բարեմաղթանքներ, հղումներ.կապ.համագործակցություն
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments