niderlandakan (niderlandakan) wrote,
niderlandakan
niderlandakan

Ալմելոյի քաղաքապետն այցելել է տեղի հայ համայնքին

Մարտի 8-ին Ալմելոյի քաղաքապետարանի աշխատակազմը, ավագանին, քաղաքապետ տիկին Յոն Հերմանսի գլխավորությամբ՝ աշխատանքային այցով հյուրընկալվել էին Սուրբ Գրիգոր Լուսավորիչ եկեղեցում:
Այցելության նպատակն էր մոտիկից ծանոթանալու Հայ Առաքելական եկեղեցու աշխատանքներին, քննարկելու եկեղեցու կապը մյուս եկեղեցիների, ինչպես նաև քաղաքապետարանի հետ: Քննարկվող հարցերի թվում էին նաև պատերազմող երկրներից գաղթած հայազգի բնակիչների կարգավիճակը, համայնքի, քաղաքապետարանի և այլ պատասխանատու կառույցների դերը այդ մարդկանց կրթությանը, ինտեգրմանն աջակցելու ուղղությամբ տարվող աշխատանքները: Քննարկվեցին նաև երիտասարներին և ծերերին վերաբերող հարցեր:
Հանդիպմանը ներկա էին Ալմելոյում գործող հայկական կառույցների ղեկավարներ և ներկայացուցիչներ. ՀԱԵ վարչությունը,ՀԲԸՄ-ը, ՀՄԸՄ-ը, «Երևան» համայնքը, Հայոց Ցեղասպանության զոհերի հուշահամալիրի( AGMA  ) ներկայացուցիչներ, հոգևոր հայրեր:
Հանդիպման ավարտին ձեռք բերվեց համատեղ աշխատանքի համաձայնություն հայ համայնքի և քաղաքապետարանի միջև:
Քանի որ օրը համընկավ Կանանց միջազգային տոնի հետ, հանդիպմանը ներկա կանայք եկեղեցու կողմից ստացան գեղեցիկ վարդեր: Իսկ հյուրասիրության ընթացքում բացի հայկական սուրճից և խմորեղեններից, ներկաները վայելեցին նաև հայկական կոնյակ:

Մանուկ Մկրտչյան


Լուսանկարներում' պահեր հանդիպումից:

Tags: հղումներ.կապ.համագործակցություն
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments