Մեր ընթերցողները ծանոթ են Կարինե Քլյանին մեր նախորդ հրապարակումներից' մասնավորապես «Թույլ տվեք Ձեր երազանքներն իրականացնել» հոդվածից, ասենք նաև նրան շատերն են մոտիկից ճանաչում անձնական և աշխատանքային շփումներից: Կարինեն «Match made in Heaven» գործակալության տնօրենն է, ով հարսանիքների և այլ միջոցառումներ կազմակերպման բարձրորակ մասնագետ է և կյանքի անմոռանալի ու հաճելի պահեր է պարգևել իր դիմորդներին:Կարինե Քլյանը հայ լսարանի համար հաճույքով և մեծ ցանկությամբ հակված է կազմակերպել հատկապես մշակութային միջոցառումները, մարդկանց ներկայացնել սեփական ժողովրդի արժեքները:
Այս ուղղությամբ Կարինե Քլյանն արդեն զգալի փորձ ունի: Նրա ջանքերով են կազմակերպվել «Եվրատեսիլ 2014» երգի մրցույթի պրոմո տուրը' Արամ MP3-ի և «վիտամին» ակումբի տղաների մասնակցությամբ, Գուսան Հայկազունու խմբի համերգը, Փարիզի «Լա բոհեմա» թատերական միության հիմնադիր, գեղարվեստական ղեկավար, ռեժիսոր, դերասան Նարեկ Դուրյանի «Դոն ժուան Avia»-ն ներկայացումը և այլը:Ինչպես գտնում է Կարինեն' նիդերլանդահայերը ավելի շատ կարիք ունեն մայր հայրենիքից եկած մշակույթին:
Եվ ահա հերթական անգամ Ամստերդամի Mozaïek թատրոնում պրեմյերա է' կայացավ «ԴՈՆ ԺՈՒԱՆՆԵՐԸ ՄԱՐՍԵԼՈՒՄ» կատակերգական ներկայացումը: Ինչպե՞ս անցավ ներկայացումը, այն ինչպե՞ս ընդունեց հանդիսատեսը...
Այս ներկայացման շուրջ Նիդերլանդական Օրագրի թղթակից Մարիշա Շիկը' դերասաններ Հրանտ Թոխատյանի,Ռաֆաել Երանոսյանի հետ արդեն ներկայացրել է հարցազրույցներ:
Հաճախ կազմակերպական հարցերը մնում են ստվերում' վարագույրի հետևում: Հանդիսատեսը գոհ, կամ դժգոհ է լինում միջոցառումից: Քավ լիցի, Կարինեի կազմակերպած միջոցառումներն անցնում են լեցուն դահլիճներում, հանդիսատեսն էլ միշտ գոհ է լինում:
Ինչպե՞ս են կազմակերպվում նման կարգի միջոցառումները: Այս և նման այլ հարցերի պատասխանները' Կարինե Քլյանի հետ հարցազրույցների շարքը եզրափակում է Մարիշա Շիկը:
(հիշեցնենք, որ, «Նիդերլանդական Օրագիր»-ը հանդիսանում էր ներկայացման գլխավոր լրատվական հովանավորը)։
Profile
niderlandakan- niderlandakan
- «Նիդերլանդական Օրագիր»
