niderlandakan (niderlandakan) wrote,
niderlandakan
niderlandakan

Նախագահ Սերժ Սարգսյանը այցելել է Մաստրիխտի Սուրբ Կարապետ հայկական եկեղեցի



Եվրոպական ժողովրդական կուսակցության (ԵԺԿ) գագաթնաժողովին մասնակցելու նպատակով աշխատանքային այցով Նիդերլանդների Թագավորության Մաստրիխտ քաղաքում գտնվող Նախագահ Սերժ Սարգսյանն այսօր առավոտյան մինչ գագաթնաժողովի մեկնարկը այցելել է քաղաքի հայկական Սուրբ Կարապետ եկեղեցի, որտեղ կարճատև հանդիպում է ունեցել եկեղեցական վարչության անդամ «Անի» հայ համայնքի ներկայացուցիչների հետ, զրուցել համայնքային առօրյայի, խնդիրների, ծրագրերի, հայրենիքի հետ համագործակցության ամրապնդման հնարավորությունների շուրջ, նաև պատասխանել հանդիպման մասնակիցներին հետաքրքրող հարցերին:
Հայոց պատմական մայրաքաղաքի հիշատակին անվանված «Անի» հայ համայնքը մշտապես ակտիվորեն մասնակցում է համահայկական խնդիրների շուրջ հոլանդահայկական կազմակերպությունների միջոցառումներին:
2012թ. Լիմբուրգի նահանգի կաթոլիկ եկեղեցու որոշմամբ Քրիստոսի համբարձման եկեղեցին նվիրվել է հայկական համայնքին, որը 2013թ. տարեսկզբին օծվել է Սուրբ Կարապետ` ի հիշատակ Ամստերդամի հին հայկական եկեղեցու: Նվիրատվությունն իրականացվել է ի երախտագիտություն Սուրբ Գրիգոր Լուսավորչի աշակերտ և Մաստրիխտի սուրբը համարվող հայազգի Սուրբ Սերվատեսի, ինչպես նաև քաղաքի ու նահանգի զարգացման գործում «Անի» համայնքի և ընդհանրապես Մաստրիխտում ապրող հայերի ունեցած դրական ներդրման:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԻ ՀԱՍԱՐԱԿԱՅՆՈՒԹՅԱՆ ԵՎ ՏԵՂԵԿԱՏՎՈՒԹՅԱՆ ՄԻՋՈՑՆԵՐԻ ՀԵՏ ԱՊԵՐԻ ՎԱՐՉՈՒԹՅՈՒՆ
prez_mas.JPGprez_masty.JPG

ՆԻԴ.ՕՐԱԳՐԻ կողմիցԸստ  ԱՆԻ հայ համայնքի հաղոդագրության նախագահի  կարճ այցելությունն անակնկալ է եղել իրենց համար և այդ մասին իմացել են վերջին րոպեներին: Չնայած այս հանգամանքին հանդիպումը կառուցողական է եղել: Հարցերի ու պատասխանների միջոցով  վեր են հանվել Հայաստանի ու Արցախի ներքաղաքական իրավիճակի, Սիրիայի հայ փախստականների, երիտասարդությանը հուզող   խնդիրներ : Փոխանակվել են հուշանվերներ: ԱՆԻ հայ համայնքի ատենապետ Լևոն Սարգիսը տեղի հայ համայնքի անունից շնորհակալություն է հայտնել նախագահին' իրենց այցելելու համար:
Նախագահ Սերժ Սարգսյանին ուղեկցել է Նիդերլանդների Թագավորությունում Հայաստանի Հանրապետության Արտակարգ և լիազոր դեսպան Ձյունիկ Աղաջանյանը:
prez_mast1.JPG

Tags: Այցելություններ տպավորություններ, քաղաքական.պաշտոնական
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments