niderlandakan (niderlandakan) wrote,
niderlandakan
niderlandakan

Մաստրիխտի հայ համայնքի անդամներն ուխտագնացություն են կատարել Սուրբ հող

                                                                                              


Մաստրիխտի «Սուրբ Կարապետ» եկեղեցու և «Անի» հայ համայնքի մի խումբ անդամներ, նոյեմբերի 28 ից մինչև Դեկտեմբերի 4-ը , համայնքի ղեկավար Լևոն Սարգիսի առաջնորդությամբ «Անիտուր» ճանապարհորդական օպերատորի միջոցով  ուխտագնացություն են  կազմակերպել Իսրայել' Սուրբ հողի վայրերով:  Հին Երուսաղեմը,  Բեթղեհեմը , Նազարեթն ու Երիքովն են  այն վայրերը,  որտեղ ծնվել ու  իր  կարճ երկրային ուղին է  անցել Աստծո որդի Հիսուս Քրիստոսը' կատարելով իր առաքելությունը, արյամբ փրկագին տալով  մարդկության մեղքերի  համար:
Դեկտեմբերի 1-ին, Երուսաղեմի «Սուրբ Հարության» Տաճարում' նիդերլանդահայերը  իրենց ' Մաստրիխտի «Սուրբ Կարապետ եկեղեցուն» որպես նվեր  ստացան Ավետարան և հաղորդության կաղապար: Մինչ  այդ ուղտավորները եղել էին Ձիթենյաց լեռան վրա , դիտել քաղաքի
տեսարանը:
                                                                                                                       .ՈՒխտագնացության մասնակիցները Հորդանան գետի ափին :

Սուրբ Հարության տաճարը Երուսաղեմի և ընդհանրապես քրիստոնեական աշխարհի ամենանվիրական և գլխավոր սրբավայրերից է։։ Քրիստոսի գերեզմանը գտնվում է Ս. Հարության տաճարի մեծ գմբեթի տակ, վիմափոր ժայռերի մեջ և երկու խորշի է բաժանված։
Տաճարը  տնօրինում են Հայ, Հույն և Կաթոլիկ եկեղեցիները,
Նույն օրը  պատվիրակությանը ընդունել է Երուսաղեմի Հայոց պատրիարք , Սուրբ Հակոբյանց  միաբանության առաջնորդ   Նուրհան արքեպիսկոպոս Մանուկյանը:
Հակոբյանց վանքը  գտնվում է Սիոն լեռան բարձունքում : Ըստ ավանդության, հիշատակվում է, որ տաճարը կառուցվել է
 Տրդատ Մեծի և Գրիգոր Լուսավորչի ջանքերով։ Այստեղ են պահվում Հայոց Հեթում թագավորի գավազանն ու բազմաթիվ սուրբ մասունքներ։
Երուսաղեմի Սրբոց Հակոբյանց վանքի  մյուս  արժեքավոր  մասը' կից ձեռագրատունն  է, որտեղ պահվում է երեք հազար ձեռագիր մատյան ։ Սա Մաշտոցյան Մատենադարանից հետո  գրքերի երկրորդ ամենամեծ հավաքածուն է աշխարհում։
Հայ ուղտավորները  դեկտեմբերի 2-ին այցելեցին Հորդանան գետի այն  մասը,  որտեղ  ենթադրվում է  Հովհաննես Մկրտչի ձեռամբ մկրտվել է Հիսուս Քրիստոսը: Գետը ձգվում է   Գալիլեայի ծովից դեպի Մեռյալ ծովը: ՈՒնի 160 կմ երկարություն: Այն սկիզբ է առնում Հերմոն սարից հոսող բազմաթիվ աղբյուրներից և  զբոսաշրջիկների  համար հանդիսանում է պարտադիր այցելման վայր:
Հաջորդ օրը ուղտավորները մեկնեցին Նազարեթ քաղաք, որն  հայտնի է որպես  Հիսուսի ծնողների՝ Մարիամի և Հովսեփի հայրենիքը:
Դեկտեմբերի 3-ին պակաս հիշարժան չէր Յաֆֆա այցելությունը: Այստեղ  ներկաներին սպասում էր միջնադարյան հայկական Սուրբ Նիկողայոս վանքը: Սուրբ Նիկողայոսը հայկական Կաղանդ պապի նախորդողն  է: Պատմում  են, որ  նա մանուկ  հասակում կորցրել է իր ունևոր ծնողներին, նրան դաստիարակել է քեռին՝ Նիկողայոս Երեց եպիսկոպոսը: Սուրբ Նիկողայոսը իր ողջ ունեցվածքը բաժանել է կարիքավորներին, որբերին, հիվանդներին ու բանտարկյալներին: Վանքը միշտ գտնվել է հայերի  հոգացության ներքո, 1840 թվականին  այն  նորոգել է  Մեսրոպ վարդապետը: Այդ  մասին  կա  փորագրված արձանագրություն. «Ի պատրիարքութիւն Տ. Գաբրիել արքեպիսկոպոսին, ի վայելումն եւ յիշատակ ազգիս Հայոց. Յոպպեի Ս. Նիկողայոս վանքն նորոգեցաւ ի դրանէ մինրեւ ցվեր գեղեցիկ սենեկօք. ձեռամբ եւ աշխատութեամբ Տիգրանակերտցի Մեսրոբ վարդապետին, յամի Տեառն 1840»:
Վանքը, որը գտնվում է Թել Ավիվի վարչական տարածքում նույնպես նորօրյա  վերանորոգումների է ենթարկվել: 2009 թվականին երեք ու կես տարվա վերակառուցումից հետո  կրկին  վերաբացվել է: Վանքի բակում  տեղադրվել է 3 խաչքար: Հայաստանից բերված հումքով վերակառուցման նախագիծն իրականացրել է  Յաֆֆո և Հայֆա քաղաքների հոգևոր հովիվ հայր Ավետիս վարդապետ Իբրաջյանը:
Յաֆֆան ,կամ նախկին Հոպպեն Մաստրիխտի «Սուրբ Կարապետ» եկեղեցու ուխտավորների համար ' Հոլանդիա մեկնելուց առաջ վերջին հանգրվանն էր, որտեղ էլ  մասնակիցներն  ունեցան հրաժեշտի ընթրիք:
Հատկանշական է, որ հոլանդահայերին էին  միացել  Հայաստանից  ժամանած 4 հայրենակիցներ, որոնց թվում 92-ամյա Աշոտ Հայրյանը:
Դեկտեմբերի 4-ին Մաստրիխտի «Անի» հայ համայնքի անդամները հարուստ տպավորություններով հրաժեշտ տվեցին Սուրբ հողին:
«Նիդերլանդական օրագիր»
mast15232214_722265097931000_5861536931501897707_n.jpg
Լուսանկար Երուսաղեմի Հայոց պատրիարք , Սուրբ Հակոբյանց  միաբանության առաջնորդ   Նուրհան արքեպիսկոպոս Մանուկյանի հետ:

Սրբոց Հակոբյանց վանքում:
mas15192583_721109138046596_4886685342655455582_n.jpg
Նազարեթ


Յաֆֆայի Հայոց Սուրբ Նիկողայոսի վանքը և տեղադրված խաչքարը:


Լևոն Սարգիսը' Յաֆֆայի Հայոց Սուրբ Նիկողայոսի վանքի ցուցապաստառի մոտ:

mas15192583_721109138046596_4886685342655455582_n.jpg
Հրաժեշտի ճաշկերույթ Սուրբ հողում:
Tags: Այցելություններ տպավորություններ, Նիդերլանդական օրագիր
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments