niderlandakan (niderlandakan) wrote,
niderlandakan
niderlandakan

Շարունակվեց Աշկինի դատավարությունը, հնչեց մեղադրանքը

ԼՐԱՑՎԱԾ  ՏԱՐԲԵՐԱԿ

Դատախազի մեղադրանքը' 2 տարի պայմանական ժամկետ և
 80 ժամ տևողությամբ հարկադիր աշխատանք :

Nederlands taal
ՈՒՇԱԴՐՈՒԹՅՈՒ'Ն
Սա այն ելույթն է, որի մանրամասների մասին չէին ուզի իմանալ Թուրքիայում և Ադրբեջանում: Դրա համար էլ գիտակցորեն, դատավարության մարտի 3-ի 2-րդ նիստը (առաջինը' 2016թ. դեկտեմբերի 6-ին) առաջինի պես այդքան չլուսաբանվեց թուրքալեզու մամուլում, թեև մեղադրվող կողմից բավարար լուսաբանողների քանակին:
ՆԻԴԵՐԼԱՆԴԱԿԱՆ ՕՐԱԳԻՐՆ ամբողջությամբ հեռախոսային և ստանդարտ ֆորմատներով տեսանկարահանել է մարտի 3-ին' Ալմելոյի Հայոց Ցեղասպանության հուշարձանի դեմ բողոքի ակցիայի կազմակերպիչներից մեկի' Հաագայի թուրք-ադրբեջանական բարեկամության նախագահ Իլհան Աշկինի դատավարությունում նիդերլանդացի դատախազի մեղադրական եզրակացությունը: Ավելի առաջ դատախազը մերկացրեց Աշկինի այն պնդումները, որ իր խոսքը չի վերաբերվում Նիդերլանդներում ապրող հայերին ու թուրքերին , այլ վերաբերվում է պայթունավտանգ Ղարաբաղի տարածաշրջանին:. «Եթե դա այդպես է, ապա դուք ի՞նչ գործ ունեիք Ալմելոյում»' հարց էր ուղղել Աշկինին դատախազը: Դատախազը հիշեցրեց, որ զոհը բնավ էլ ադրբեջանական կողմը չէ, հիշեցրեց Հայոց Ցեղասպանության մասին, նշեց, որ այն ճանաչել են բազմաթիվ երկրներ ու հեղինակավոր կազմակերպություններ, անրադարձ կատարեց նույնիսկ Փերինչեքի գործին:
Դատախազ Խերդինե Դանկերսը (Gerdiene Dankers)35-րոպեից ավելի տևած իր եզրակացության մեջ հաստատված է համարում փաստը, որ թուրքը հայկական հուշարձանի դեմ կազմակերպված ցույցի ժամանակ հատել է խոսքի ազատության թույլատրելի սահմանները և բռնության ու անհանդուրժողականության կոչ ուղղել հանրությանը' մի քանի անգամ կրկնելով. «Ղարաբաղը լինելու է հայերի գերեզմանը» արտահայտությունը:
Նա դատավորի ուշադրությունը հրավիրեց, որ սա «լուրջ ազդանշան է»' նետած նիդերլանդների հասարակայնությանը և այն պետք է խստագույնս ուշադրության արժանանա:
Համաձայն նիդերլանդական օրենսգրքի նա պահանջեց տուգանք' 80-ժամյա հարկադիր աշխատանքի տեսքով և երկու տարվա մեջ երկշաբաթյա պայմանական ազատազրկում:


Հարգելի հայրենակիցներ ուղիղ հեռարձակմամբ' ֆեյսբուքում տեղադրել էինք նախնական կադրեր ' ՄԱՐՏԻ 3-ին Ալմելոյում  մեկնարկած դատավարությունից:

Դեռ անյցյալ տարի դեկտեմբերի 6-ին  սկսվել էր մի  դատավարություն, որտեղ   «Ղարաբաղը լինելու է հայերի գերեզմանը» վիրավորական արտահայտության համար պատասխան էր տալու  Հաագայի Թուրք-ադրբեջանական մշակութային միության նախագահ Իլհան Աշկինը :
Մեր ուղիղ հեռարձակումը ընդհատվել էր դատավարության ամենասկզբում (Այն տեղադրված է մեր ֆեյսբուքյան էջում և կարող եք դիտել) Արգելքներն ու կաշկանդող իրավիճակը դժվարություններ հարուցեց աշխատելու ուղիղ եթերում ձեր ծառային, ով միառժամանակ աշխատեցնում էր նաև 2 տեսախցիկ: Ոստիկանության ներկայացուցիչը բացատրեց, որ այդ վայրում չի կարելի նկարահանել և ունեն ներքին կարգապահական օրենք, որին էլ ենթարկվեցինք և դադարեցրինք նկարահանումը:
  Այնուհետև մենք  այն շարունակեցինք ' սովորական ռեժիմով, մեզ հատկացված լիազորությունների շրջանակում:
Հիշեցնում ենք, որ Հոլանդահայ կազմակերպությունների ֆեդերացիան (FAON) և Հոլանդիայի Հայ Դատի հանձնախումբը գանգատ էին ներկայացրել  3 տարի առաջ Ալմելոյի Հայոց Ցեղասպանության հուշարձանի բացման առիթով թուրք-ազերիների բողոքի ցույցի ժամանակ Իլհան Աշկինի դեմ, ով բարձրաձայնել է`«Ղարաբաղը կլինի հայերի գերեզմանը» ահասարսուռ արտահայտությունը:
Այս դատավարությանն  ավելի մանրամասը դեռ կանրադառնանք, իսկ հիմա ներկայացնում ենք մեղադրողի մոտ 35 րոպեանոց ելույթը:



Լուսանկարներում' (վերևի) ընթերցվում է դատական մեղադրանքը:
Իլան Աշկինը (ներքևի լուսանկարում' աջից) իր փաստաբան Պլասկինի հետ ' դատական նիստից հետո:


17121946_954729741324498_1415921254_o.jpg

Հոլանդահայ Կազմակերպությունների Ֆեդերացիան ( FAON
Կայքէջ` www.faon.nl) այս կապակցությամբ մամլո հաղորդագրություն է տարածել, որտեղ մասնավորապես ասվում է.

Հաագայի Թուրք-ադրբեջանական մշակութային միության նախագահ Իլհամ Աշկինի դատավարությունը։ Պարոն Աշկինը մեղադրվում է հայերի դեմ բռնություն և ատելություն սերմանելու մեջ, քանի որ նա Ալմելո քաղաքում Մեծ Եղեռնի հուշահամալիրի դեմ կազմակերպված թուրքական հանրահավաքի ժամանակ վանկարկել է «Ղարաբաղը լինելու է հայերի գերեզմանը»։ Այս կարգախոսով նա բռնություն է հրահրել և վիրավորել է մի խումբ մարդկանց, քանի որ նրանք ծագումով հայ են:

Ինչպես հայտնի է, 2014 թվականի հունիսի 1-ին Ալմելո քաղաքում տեղի է ունեցել թուրքական հանրահավաք, որը ուղղված էր Ալմելոյի Հայ Առաքելական եկեղեցու հողամասում տեղադրված Հայոց ցեղասպանության զոհերի հուշահամալի դեմ։ Հոլանդահայ կազմակերպությունները, մասնավորապես Հոլանդահայ կազմակերպությունների ֆեդերացիան (FAON) և Հոլանդիայի Հայ Դատի հանձնախումբը գանգատ էին ներկայացրել հանրահավաքի ընթացքում կատարված հակահայ հայտարարությունների դեմ։

Երկու ժամ տևած դատական նիստին ներկա էին բազմաթիվ հայեր եւ թուրքեր, ինչպես նաև հոլանդական, հայ և թուրք ԶԼՄ-ների թղթակիցներ։ Դատավարության ընթացքում ցուցադրվեց թուրքական ցույցի տեսահոլովակը, որտեղ պարոն Աշկինը մի քանի անգամ վանկարկում է «Ղարաբաղը լինելու է հայերի գերեզմանը», իսկ մի քանի հազարանոց ամբոխը կրկնում է այդ արտահայտությունը։

Պարոն Աշկինը դատարան էր ներկայացել իր փաստաբան պարոն Պլասմանի հետ։ Նա պատասխանեց դատավորի և դատախազի հարցերին։ Նա հայտարարեց, որ ինքը չի կատարել որեւէ հանցագործություն, քանի որ իր կատարած արտահայտությունը վերաբերում է կոնկրետ տարածաշրջանի, որտեղ այժմ իրավիճակն այնպես է, որ հնարավոր է բռնկվի պատերազմ և լինի արնահեղություն։ Նա համոզված է, որ որևէ սխալ չի գործել։ Այն հարցին, թե արդյո՞ք նա զղջում է իր կատարած արարքից և ցանկանում է ափսոսանք հայտնել, նա պատասխանեց, որ նրա տեսկետը չի փոխվել։

Դատախազը մանրակրկիտ ներկայացրեց գործի քննության ընթացքը և դատախազության պահանջների հիմքերը։ Նա պահանջեց մեղադրյալին պատժել 80 ժամ պարտադիր աշխատանքով եւ երկու շաբաթ պայմանական ազատազրկմամբ` երկու տարի փորձական ժամկետի պայմանով։ Սա հանդիսանում է մի ուժեղ ազդանշան։ Դատախազության պահանջը հաշվի է առնում նաև այն փաստը, որ պարոն Աշկինը գործին չի ցուցաբել խոր ըմբռնում և գոյություն ունի հանցագործության ռեցիդիվի վտանգ։

Tags: Առաջին էջ, Իրադարձություններ.դեպքեր, Լուսանկար. տեսանյութ, Կարևոր, Նիդ.օրագրի ֆեյսբուքյան էջ, Նիդերլանդական օրագիր
Subscribe

Recent Posts from This Journal

  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments