niderlandakan (niderlandakan) wrote,
niderlandakan
niderlandakan

Հուշ-ցերեկույթ Նայմեխենում ՝ ի հիշատակ Հայոց Ցեղասպանության զոհերի

Նիդերլանդահայ  համայնքները ՝   մասնավորապես Հոլանդահայ Կազմակերպությունների ֆեդերացիան այս տարի ևս հրապարակայնորեն և մեծ մասսայականությամբ նշեց Հայոց Ցեղասպանության  102-ամյա տարելիցը: Մեծ Եղեռնի  զոհերի  ոգեկոչման  արարողություններին  միացան նաև գաղութի կրթօջախները:

Դրանցից  մեկը ՝  Նայմեխեն քաղաքի «Միացյալ հայերը Հոլանդիայում» միության և  «Վան» դպրոցի վերջերս կազմակերպած  գրական-գեղարվեստական հուշ-ցերեկույթն  էր:
«Միացյալ Հայերը Հոլանդիայում» միությունը իր առջև խնդիր դնելով  կրթա-մշակութային ծրագրերի իրականացումը ՝ մեծ  ուշադրություն է դարձնում ցեղասպանության խնդիրներին ու այդ  ուղղությամբ  տարվող կանխարգելիչ քայլերին: Բացի հոլանդահայ զանազան կառույցների հետ  ամեն տարի ապրիլի 24-ի միջոցառումների  մասնակցությունից, հիմնական շեշտը դնում է Թուրքիայի կողմից հայ ժողովրդի բռնազավթված մշակույթի ու նյութական արժեքների փաստերին: Այս ուղղությամբ կազմակերպչական ակտիվ աշխատանք է իրագործում «Միացյալ Հայերը Հոլանդիայում» միության խորհրդական Գայանե Աբրահամյանը:
Գրական, գեղարվեստական հուշ-ցերեկույթը սկսվեց, երբ «Վան» դպրոցի
  աշակերտների մի խումբ՝  դուդուկի տխուր երաժշտության ուղեկցությամբ ու   խոնարհումի  սպիտակ մեխակներով տարբեր  կողմերով մոտենում են  իրենցիսկ ուժերով պատրաստած Հայոց Ցեղասպանության  հուշարձան-մակետին ու  խոնհարվում անմեղ  նախնիների  հիշատակին:
Ելույթներ են ունենում Արևմտյան Եվրոպայի Հայրապետական Պատվիրակ, Հոլանդիայի փոխանորդ Հոգեշնորհ Տեր Առեն Վրդ. Շահինյանն ու Նիդերլանդներում ՀՀ դեսպան Ձյունիկ Աղաջանյանը: Այնուհետև  հնչեցին Վ. Դավթյանի, Հ. Շիրազի, Գ. Էմինի, Պ. Սևակի և այլ հեղինակների ստեղծագործություններ: Ցուցադրվեց վավերագրական ֆիլմ, ելույթ ունեցան Ամստերդամի «Անի» պարի խումբը:
Միջոցառմանը մասնակցում էին  Նայմեխեն քաղաքի քրդական, աֆղանական  և այլ համայնքների ներկայացուցիչներ: Միջոցառմանը  մասնակցում էր և ելույթ ունեցավ ցեղասպանության մասին «Արյունակից եղբայրներ» («Bloodbrothers») փաստավավերագրական ֆիլմի գլխավոր դերակատարներից մեկը' ազգությամբ թուրք լրագրող-դերասան  Սինան Ջանը:
 Վերջում ՝ ի հիշատակ 1,5 մլն զոհերի, մատուցվեց հայկական ավանդական ուտեստը' Հարիսան:
 «Նիդերլանդական օրագիրը»  միջոցառման հեռարձակումը միացրել էր իր էջին, որի շնորհիվ նրան մասնակից դարձան  ևս 7 հազարից ավելի  մարդ:

Tags: Հոլանդահայ կայքեր, Նիդերլանդական օրագիր, մշակութային
Subscribe

Recent Posts from This Journal

  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments