October 16th, 2012

Հոկտեմբերի 12-ից 13-ը Հաագա քաղաքում տեղի ունեցած սեմինարի վերաբերյալ

.

Նիդերլանդների Հաագա քաղաքում տեղի ունեցած սեմինարին Հայաստանի Հանրապետությունից մասնակցել է Ստանդարտների ազգային ինստիտուտ ՓԲԸ-ի ազգային և միջազգային ստանդարտների հետազոտման և կիրառման կանխատեսումների բաժնի առաջատար մասնագետ Նազիկ Աբգարյանը:

Սեմինարը կազմակերպվել է ԻՍՕ միջազգային կազմակերպության COPOLCO հանձնաժողովի կողմից, որը զբաղվում է սպառողների շահերի պաշտպանության հարցերով:

Սեմինարին մասնակցել են զարգացած և զարգացող երկրներից 65 հոգի, որոնցից 25-ը` զարգացած, իսկ մնացածը` զարգացող երկրներից էին:

Սեմինարի թեման առևտրում էթիկայի, ինչպես նաև էթիկական ստանդարտների հետագա մշակման վերաբերյալ էր: Քննարկվել են հարցեր առևտրում էթիկայի կանոնների խախտման դեպքում սպառողների բողոքների, արտադրող-սպառող փոխհարաբերությունների, ինչպես նաև սննդամթերքի փաթեթվածքի վրայի ճիշտ մականշվածքի վերաբերյալ: Ելույթ են ունեցել Ֆրանսիայից, Գերմանիայից ժամանած պատվիրակները, որոնք խոսել են սննդամթերքի արտադրության համար էկոլոգիապես մաքուր շրջակա միջավայրի, մաքուր և ժամանակակից սարքավորումների, էթիկական կանոններին հետևող անձնակազմի վերաբերյալ:

Էթիկայի վերաբերյալ սպառողների բողոքները տեղեկատվութուն են տալիս սպառողների կողմից արտադրանքի կամ ծառայության ընտրության վրա էթիկայի ազդեցության մասին:

Ընտրելով արտադրանքը կամ ծառայությունը` կապված սպառողների ,,էթիկական,, բողոքների հետ, մատակարարները հասանելի են դարձնում էթիկական արտադրանքը (արտադրանքը կամ ծառայությունը) հետևյալ սխեմայով.

Նիդերլանդներից վերադառնալուց հետո սեմինարում արծարծված հարցերը քննարկվել են ինստիտուտի մասնագետների հետ և այժմ նախատեսվում է աշխատանքներ տանել այս սխեման ՀՀ արտադրողներին ներկայացնելու, ինչպես նաև էթիկական ստանդարտներ մշակելու ուղղությամբ:

Հաագայում մանկական գրքի տոնավաճառին մասնակցել է նաեւ հոլանդահայ համայնքը

Հաագայի քաղաքապետարանի «Ատրիում» սրահում հոկտեմբերի 14-ին բացվել է մանկական գրքի ամենամյա տոնավաճառը, որով ավարտվում է մանկական գրքի շաբաթը Հոլանդիայում: Սրահը դարձել էր հանդիպման վայր հոլանդացի և այլ ազգերի մանուկների համար՝ միմյանց ճանաչելի դարձնելով իրենց կողմից կատարվող ազգային պարերի, երգերի ու ասմունքի միջոցով: Հոլանդահայ համայնքը ևս ներկայացել էր հոլանդացի հանդիսատեսին՝ «Աբովյան մշակութային միության» մանկական պարի խմբի պարային կատարումների և միության կիրակնօրյա դպրոցի սաների կողմից հայ բանաստեղծների գործերի հայերեն և հոլանդերեն կատարումով: ներկաներին իր ողջույնի խոսքն է հղել Նիդեռլանդերում ՀՀ դեսպան Ձյունիկ Աղաջանյանը, ով կարևորել է գրքի ու կրթության դերը երեխաների դաստիարակության գործում: Նա նշել է, որ Հայաստանի մայրաքաղաք Երևանը պատիվ ունի 2012թ.-ին կրելու ՅՈՒՆԵՍԿՕ-ի Գրքի համաշխարհային մայրաքաղաքի տիտղոսը, ինչն առիթ է դարձել ևս մեկ անգամ կարևորելու գիրն ու գիրքը: Դեսպանը շեշտել է նաեւ, որ հայ ժողովրդի համար գիրքը միշտ սրբություն է դիտվել՝ հաճախ դառնալով ինքնության պահպանման գործոն: Եվ պատահական չէ, որ հայ ժողովուրդ հենց այս օրերին, որը հաճելիորեն զուգադիպել է Երևան քաղաքի ծննդյան օրվան, տոնում է Թարգմանչաց տոնը՝ եզակի մի տոն, որը գալով դարերի խորքից, արժեվորում է գիրքն ու նրա ստեղծողներին: