Նիդերլանդական Օրագիր

ՀՀ Սփյուռքի նախարարությունը սրտի խոր ցավով տեղեկացնում է, որ երկարատև և ծանր հիվանդությունից հետո, կյանքի 59–րդ տարում իր մահկանացուն կնքեց ՀՀ սփյուռքի նախարարության «Հայերն այսօր» էլեկտրոնային թերթի գլխավոր խմբագիր, ճանաչված ռադիոլրագրող և մշակութային գործիչ ՀԱՅԿ ԿԱՐԱՊԵՏՅԱՆԸ:

Ծնունդով շիրակցի Հայկ Կարապետյանն ավարտելով Երևանի պետական համալսարանը, իր ամբողջ կյանքը նվիրեց ազգային ռադիոյին՝ այստեղ վարելով հաղորդումներ սփյուռքահայերի համար, նախաձեռնելով ու ղեկավարելով քրիստոնեական դաստիարակությանը նվիրված հաղորդաշարեր: Նա մեծ սեր ուներ երգի հանդեպ, երկար տարիներ Հովհաննես Չեքիջյանի գլխավորած ակադեմիական Կապելլայի երգչախմբի արտիստ էր, երգչախմբի հետ հյուրախաղերով հանդես է եկել աշխարհի տարբեր երկրներում:

2010  թվականից Հայկ Կարապետյանը «Հայերն այսօր»-ի գլխավոր խմբագիրն էր: Միշտ համեստ ու պատրաստակամ, իր գործին նվիրված՝ նա մեծ ավանդ ներբերեց ազգային կյանքի լուսաբանմանը, Հայրենիք-Սփյուռք կապերի ամրապնդմանը:

Խորունկ և մեծ ցավ է, որ Հայկ Կարապետյանը հեռացավ՝ անկատար թողնելով բազմաթիվ ծրագրեր: Նրա հիշատակը միշտ վառ կմնա ընկերների ու մտերիմների, հարազատների ու գործընկերների, նրանց բոլորի սրտերում, ովքեր ճանաչել են նրան:

Անկեղծորեն և խորը վշտով ցավակցում ենք Հայկ Կարապետյանի ընտանիքին, բոլոր նրան ճանաչողներին՝ համեստ ու նվիրյալ հարազատի անժամանակ մահվան առիթով:

Հիշատակն արդարոյ օրհնութեամբ յէղիցի:

ՀՀ սփյուռքի նախարարություն
______________________________
Նիդ.Օրագրի կողմից -Կիսում ենք այսքան ծանր կորստյան վիշտը: Մեր ցավակցությունն ու զորակցությունն ենք հայտնում հանգուցյալի հարազատներին, բարեկամներին ու մտերիմներին:

Սիրիայում ծավալվող դեպքերը, սիրիահայերի խնդիրներն անտարբեր չեն թողել աշխարհի չորս ծագերում ապրող հայ մարդուն, հայկական կազմակերպություններին: Յուրաքանչյուրն իր հնարավորությունների սահմանում փորձում է օգնության ձեռք մեկնել, մեղմել հայրենակցի ցավը:

Հայաստանում ապրող սիրիահայ մի երիտասարդի էլ օգնության ձեռք մեկնեց Հոլանդիայի Ալմելո քաղաքի հայկական  կիրակնօրյա դպրոցը:

Ալմելոյի կիրակնօրյա դպրոցի տնօրեն Մանուկ Մկրտչյանի հետ հանդիպման առիթն այս գեղեցիկ նախաձեռնությունն էր:

Բայց նախ «Հայերն այսօրի» ընթերցողների հետ փորձենք ծանոթանանալ Մանուկ Մկրտչյանի և Ալմելոյի կիրակնօրյա դպրոցի հետ.

- Արդեն 7 տարի է՝ ապրում եմ Հոլանդիայի հայաշատ Ալմելո քաղաքում, որտեղ հայերի ջանքերով կառուցվել է Հոլանդիայում առաջին և թերևս միակ հայկական Սուրբ Գրիգոր Լուսավորիչ եկեղեցին:

Պաշտոնական տվյալներով Ալմելոյում 6-7 հազար հայ է ապրում, չնայած հայերի քանակն ավելի շատ է:

- Պարո՛ն Մկրտչյան, քանի՞ տարի է, որ կիրակնօրյա դպրոցի տնօրենն եք:

- Այս տարի նշելու ենք եկեղեցու կառուցման և դպրոցի հիմնադրման 10-ամյակը:

6-7 տարի է, ինչ աշխատում եմ դպրոցում, սկզբում որպես ուսուցիչ, իսկ երբ Եկեղեցու վարչությունը 2008 թվականին առաջարկեց ինձ ղեկավարել դպրոցը, ես սիրով համաձայնեցի:

Նրանք հույս ունեին, որ կկարողանամ կառավարել ու ստեղծել նոր, կատարելագործված դպրոց:

Եվ պետք է ասեմ, որ այդ ժամանակից ի վեր դպրոց հաճախող աշակերտների թիվն ավելացել է մոտ 100-ով: Այժմ դպրոցում սովորում է 4-14 տարեկան 130 աշակերտ:

Ունենք նաև  երիտասարդների խումբ: Սկզբում խմբում ութ երիտասարդ էին սովորում, հիմա արդեն 35-ն են:

Ավելի մեծ տարիքի մարդիկ էլ են ցանկություն հայտնում հայերեն սովորել, բայց մեր ժամանակը շատ սուղ է:

Մեր հիմնական նպատակը փոքրերին ու երիտասարդներին լեզու սովորեցնելն է, որ նրանք չհեռանան իրենց ինքնությունից, արմատներից:

- Ի՞նչ առարկաներ են դասավանդվում դպրոցում:

Զրուցեց Լուսինե ԱԲՐԱՀԱՄՅԱՆԸ