November 10th, 2015

Փայնեքերը Հայաստանի համար. տասը տարի

06.11.2015

Նոյեմբերի 6-ին Նիդերլանդների Փայնեքեր քաղաքում տեղի ունեցավ «Փայնեքերը Հայաստանի համար. տասը տարի» միջոցառումը, որը նվիրված էր «Փայնեքերցիներն օգնում են Հայաստանին» կազմակերպության գործունեության տասնամյակին: Միջոցառման պատվավոր հյուրերի շարքում էին Փայնեքերի քաղաքապետ Ֆրանսիսկա Ռավենստայնը և Նիդերլանդներում ՀՀ դեսպան Ձյունիկ Աղաջանյանը:

(без названия)


Միջոցառման բացմանը ելույթ ունեցավ «Փայնեքերցիներն օգնում են Հայաստանին» կազմակերպության նախագահ Հենի Բոսը, ով ներկայացրեց կազմակերպության հիմնման պատմությունը և անցած ճանապարհը: Նա, մասնավորապես, շնորհակալություն հայտնեց գաղափարի հեղինակ, Հայաստանում գործող «Փոքր կամուրջ» կազմակերպության հիմնադիր Մարիա Գորիսին, ով 1995թ.-ից ի վեր բարեգործական տարբեր ծրագրեր է իրականացնում Հայաստանում: Հենի Բոսը նշեց, որ մեկ տասնամյակի ընթացքում հնարավոր է դարձել գյուղերում նախակրթարանների ու մանկապարտեզների նորոգում իրականացնել, խմելու ջրով ապահովել հեռավոր գյուղերի բնակիչներին, բժշկական սարքավորումներ տրամադրել, աջակցություն տրամադրել գյուղատնտեսական կոոպերատիվներին և այլն:

Միջոցառման մասնակիցներին իր ուղերձով դիմեց նաև ՀՀ դեսպան Ձյունիկ Աղաջանյանը: Նա շնորհակալություն հայտնեց փայնեքերցիներին` Հայաստանի հանդեպ շարունակական հետաքրքրության և տրամադրված օժանդակության համար, կարևորեց այն հանգամանքը, որ օժանդակությունն ուղղված է տեղում հնարավորությունների ստեղծմանն ու միջավայրի բարելավմանն, ինչը խթանում է աշխատանքն ու հմտությունների զարգացմանը: ՀՀ դեսպանը շնորհակալագրով պարգևատրեց տիկին Գորիսին` տարիների ընթացքում ցուցաբերած օժանդակության և հայ ժողովրդին նվիրվածության համար:

Տեղեկանք. «Փայնեքերցիներն օգնում են Հայաստանին» կազմակերպության անցած մեկ տասնամյակում իր գործունեության արդյունքում ավելի քան 700 հազար եվրոյի օժանդակություն է տրամադրվել Հայաստանի տարբեր շրջաններում իրականացված ծրագրերին:
(без названия)(без названия)



ԱԳՆ մամուլի ծառայություն

«Գիտաժողով «Չճանաչված երկրներ՝ ո՞րն է լուծումը» անվանումով

Ինչպես արդեն ներկայացրել ենք, Ամստերդամի Ազատ համալսարանում նոյեմբերի 7-ին տեղի ունեցավ Գիտաժողով «Չճանաչված երկրներ՝ ո՞րն է լուծումը» անվանումով:

http://niderlandakan.livejournal.com/143123.html
Գիտաժողովի աշխատանքներին ներկա էր և լուսանկարչական ապարատով իր մասնակցությունն ունեցավ (178foto) Նիդերլանդական օրագրի հատուկ թղթ. ՄԱՐԻՇԱ ՇԻԿԸ:


a_arcr.JPG

ՀՅԴ Նիդերլանդների Հայ Դատ հանձնախմբի

ՄԱՄԼՈ ՀԱՂՈՐԴԱԳՐՈՒԹՅՈՒՆԸ

2015 թվականի նոյեմբերի 7-ին Ամստերդամի Ազատ համալսարանում տեղի ունեցավ գիտաժողով՝ «Չճանաչված երկրներ՝ ո՞րն է լուծումը» անվանումով: Գիտաժողովը կազմակերպել էր ՀՅԴ Նիդերլանդների Հայ Դատի հանձնախումբը: Դասախոսելու համար հրավիրվել էին համլսարանների դասախոսներ, Նիդերլանդների խորհրդարանի պատգամավոր՝ Հարի Վան Բոմելը և Արցախի խորհրդարանի պատգամավոր՝ Արմեն Սարգսյանը: Նախօրեին Ադրբեջանի դեսպանությունը մեծ հակաքարոզչություն էր ծավալել գիտաժողովի դեմ և կառավարությանն ու խորհրդարանին սպառնալից բողոքներ էր ուղարկել Նիդերլանդների պատգամավորի մասնակցությունը խոչընդոտելու համար: Այս քայլը հակառակ արդյունքը ունեցավ Ադրբեջանի համար և գիտաժողովը մեծ ճանաչում ստացավ այս աննախադեպ գործողության պատճառով: Խորհրդարանը և կառավարությունը խստորեն դատապարտեցին Ադրբեջանի դեսպանի գործողությունները՝ այն որակելով, որպես խոսքի ազատության բռնությունների արտահանման փորձ:

Հարյուրին մոտ մարդ տեղավորող դահլիճը լեփ-լեցուն էր և հետաքրքրվողները եկել էին երկրի բոլոր ծայրերից: Ելույթների շարքը բացեց ՀՅԴ Հայ Դատի հանձնախմբի անդամ Գևորգ Կարապետյանը: Նա խոսեց Ադրբեջանի վերջին շրջանի սանձարձակ գործողությունների մասին և հանրության բոլոր օղակների պարտականության մասին՝ իրավիճակի վրա ազդելու անհրաժեշտության վերաբերյալ: Հաջորդ ելույթ ունեցողը համալսարանի ժողովրդագրության բաժնի դասախոս՝ տիկին Կոմպանյենն էր, որը Արցախի հակամարտության գիտական վերլուծությունը կատարեց և խոսեց Կովկասի հարավում տիրող աշխարհաքաղաքական իրավիճակի մասին: Հարի Վան Բոմելը երրորդ դասախոսն էր, որն առաջին հերթին պատմեց իր տպավորությունների մասին՝ ամռանը Արցախ կատարած այցելության վերաբերյալ: Ականատեսի աչալուրջ աչքով նա կարճ ժամանակահատվածում ուսումնասիրել էր Արցախը և ուրույն պատկեր ներկայացրեց: Խնդիրը չափազանց բարդ համարելով նա համոզմունք հայտնեց, որ բավարար ջանքերի և կամքի շնորհիվ հնարավոր է գտնել դեպի կայուն խաղաղություն տանող ճանապարհը: Արմեն Սարգսյանը ներկայացրեց ամենավերջին իրավիճակը Արցախում. Նրա կարծիքով ամենակարճ ճանապարհը Արցախի հակամարտության լուծման համար՝ Լեռնային Ղարաբաղի Հանրապետությունը միջազգային ճանաչումն է: Բոլոր ելույթ ունեցողներին հարցեր տրվեցին դահլիճից: Երեկոն եզրափակեց ՀՅԴ Հայ Դատի հանձնախմբի նախագահ՝ Մասիս Աբրահամյանը: Շնորհակալություն հայտնելով բոլոր մասնակիցներին, հատկապես Հարի Վան Բոմելից Արցախ կատարած այցելության համար, նա նշեց, որ բոլոր օղակներում և մակարդակներով պետք է լուծումներ գտնելու փորձեր արվեն: Նա ափսոսանք հայտնեց, որ Ադրբեջանական սփյուռքի որևէ ներկայացուցիչ այսօր չմասնակցեց այս գիտաժողովին՝ բաց թողնելով լավագույն առիթը երկխոսություն սկսելու:

Ընդհանուր առմամբ գիտաժողովը դիտվեց չափազանց հաջողված, քանի որ հատկապես երիտասարդ սերնդի հետաքրքրությունը և մասնակցությունը գերազանց էր: Հայ Դատի հանմձնախումբը շարունակելու է այս ջանքերը և ներդնելու է ամեն ինչ Արցախի հակամարտության կարգավորման ուղղությամբ:


_________________

Նիդերլանդական Օրագիր добавил(а) 178 новых фото в альбом «Գիտաժողով «Չճանաչված երկրներ՝ ո՞րն է լուծումը» անվանումով» — здесь: Vrije Universiteit Amsterdam