May 8th, 2017

«ՍՓՅՈՒՌՔ» ԱՄԱՌԱՅԻՆ ԴՊՐՈՑ 2017» 

Սփյուռքի հայ համայնքներում ազգային ինքնության պահպանմանն ու զորացմանը, երիտասարդների շրջանում հայոց լեզվի իմացության մակարդակի, հայկական կրթօջախների ուսուցիչների, կրթական գործի պատասխանատուների, ազգային երգ ու պարի խմբերի ղեկավարների որակավորման բարձրացմանը, Սփյուռքի ԶԼՄ-ների, երիտասարդական կազմակերպությունների գործունեությանը, ինչպես նաև համայնքների ինքնակազմակերպմանն աջակցելու նպատակով ՀՀ սփյուռքի նախարարությունը Երևանի պետական համալսարանի հետ համատեղ 2017թ. շարունակում է իրականացնել «Սփյուռք» ամառային դպրոց» ծրագիրը:

 «Սփյուռք» ամառային դպրոցում անցկացվելու են դասընթացներ հինգ ուղղություններով՝

1.Հայոց լեզվի արագացված ուսուցում (հուլիսի 2 - 29),

2.Հայոց լեզվի ուսուցիչների և կրթական գործի կազմակերպիչների  վերապատրաստում (հուլիսի 2 - 29),

3.Երիտասարդ լրագրողների վերապատրաստում (հուլիսի 2 - 15),

4.Ազգային երգի խմբավարների և պարուսույցների վարպետության դասընթացներ (հուլիսի 2 - 15),

5.Երիտասարդ առաջնորդների և համայնքային գործի կազմակերպիչների դասընթաց (հուլիսի 2 - 15):

«Սփյուռք» ամառային դպրոց 2017» ծրագրի բոլոր դասընթացներն անցկացվում են հայերենով: Մասնակցին տրվում է հավաստագիր, եթե նա կատարում է իր կողմից ընտրած գործնական աշխատանքը՝ ստանալով հանձնաժողովի դրական գնահատականը, ինչպես նաև դասընթացի ժամանակ չունենալով երեք օրից (կամ 9 դասաժամից) ավելի բացակայություն: Բացի ծրագրված տեսական ու գործնական դասերից՝ կկազմակերպվեն նաև մշակութային միջոցառումներ, այցելություններ Հայաստանի պատմական ու տեսարժան վայրեր, հանդիպումներ պետական, հասարակական, մշակութային գործիչների, հոգևոր այրերի հետ:

Ծրագրին՝ բացառությաբ  Հայոց լեզվի արագացված ուսուցման, կարող են մասնակցել միայն 16 տարեկանից բարձր սփյուռքահայերը, ովքեր ՀՀ քաղաքացի չեն հանդիսանում (բացառությամբ երկքաղաքացիություն ունեցող ՀՀ քաղաքացիներիՀՀՀ) կամ մշտական բնակություն չեն ունեցել ՀՀ-ում վերջին 10 տարվա մեջ: Առաջին անգամ մասնակցող սփյուռքահայերը կապահովվեն գիշերակացով (հնարավոր է 2-6 մարդու համար նախատեսված հյուրանոցային համարներով):

Այն սփյուռքահայերը, ովքեր նախկինում մասնակցել են «Սփյուռք» ամառային դպրոցի դասընթացներին կարող են անվճար մասնակցել ընտրված դասընթացին՝ հաճախելով բոլոր դասերին, սակայն չի ապահովվի նրանց գիշերակացը: Բնակության երկրից Երևան և հակառակ ուղղությամբ, ինչպես նաև դասընթացից դուրս երթևեկության ծախսերը հոգում են մասնակիցները:

Հայտերը ընդունվում են մինչև 2017 թ. հունիսի 2-ը էլեկտրոնային գրանցման տարբերակով: Անհրաժեշտ է մուտք գործել Ծրագրի պաշտոնական կայքի`

www.dss.am

«Դպրոց» բաժնի հինգ դասընթացներից յուրաքանչյուրի ենթաբաժնում գտնվող «Գրանցվել»մասը:

Հարգելի՛ հայրենակիցներ, այստեղ «Սփյուռք» ամառային դպրոցի մասին հավելյալ տեղեկատվություններ են: Շատ հետաքրքիր դասընթացներ են և կարծում եմ շատերիդ կհետաքրքրի: Մասնակցել ցանկցակողները կարող են գրանցվել առցանց (online): Ներքոնշյալ էլ. հղումներով կարող եք ծանոթանալ ծրագրի մանրամասներին և գրանցվել:

Հայերեն (Արևմտահայերեն)
http://www.dss.am/amcl/About-us-About-program

Հայերեն (Արևելահայերեն)
http://www.dss.am/am/About-us-About-program

Անգլերեն (English)
http://www.dss.am/en/About-us-About-program

Ռուսերեն (Русский)
http://www.dss.am/ru/About-us-About-program


Կարեն Ավանեսյան
Եվրոպայի հայ համայնքների վարչության պետ

Մասնակցության  հետ կապված հարցեր ծագելու դեպքում կարող եք կապնվել  «Նիդերլանդական օրագրին», կամ դիմել Կարեն Ավանեսյանին:

«Արյունակից եղբայրներ» ֆիլմի հայերեն կրկնօրինակը «Շանթի» եթերում  

Ապրիլի 24-ին ՇԱՆԹԸ՝  Հայոց Ցեղասպանության տարելիցի օրը, հայերեն կրկնօրինակմամբ եթեր հեռարձակեց Հոլանդական «Ֆարա» («VARA»)  հեռուստաընկերության թողարկած  «Արյունակից եղբայրներ» («Bloodbrothers») փաստավավերագրական ֆիլմը
(ՆԻԴ.ՕՐԱԳՐԻ ֆիլմադարան)​


Եվ ահա ՇԱՆԹԸ՝   մեր բոլորի կողմից սիրված հայկական հեռուստաալիքը, որի հետ նաև «Նիդերլանդական օրագիրն» է համագործակցում, հաճելի անակնկալ  մատուցեց: Ապրիլի 24-ին՝  Հայոց Ցեղասպանության տարելիցի օրը, հայերեն կրկնօրինակմամբ եթեր հեռարձակեց Հոլանդական «Ֆարա» («VARA»)  հեռուստաընկերության թողարկած  «Արյունակից եղբայրներ» («Bloodbrothers») փաստավավերագրական ֆիլմը: Մինչ հայերեն կրկնօրինակմամբ հնչելը՝ ՝ ֆիլմը ցուցադրվել էր Movies that Matter ( «Կարևորություն ունեցող ֆիլմեր») փառատոնի շրջանակներում, նաև  Նիդերլանդների հանրային հեռուստատեսության 2-րդ հեռուստաալիքով: Այնուհետև  ֆիլմը 2015 թվականի ամռանը արտամրցութային ծրագրի շրջանակներում ցուցադրվել է «Ոսկե ծիրան» Երևանի 12-րդ միջազգային կինոփառատոնում: Ի դեպ Երևանում մեր թղթակիցը ռեպորտաժ էր պատրաստել և բացառիկ հարցազրույց վերցրել ֆիլի հերոսներից մեկի հետ:
Ֆիլմի հայերեն կրկնօրինակը՝  «Շանթի»  եթերում, հնարավորություն տվեց հայ հեռուստադիտողին Ցեղասպանության ցավոտ հարցը  դիտարկել  մեկ այլ տեսանկյունով:
Ներկայացնում ենք «Արյունակից եղբայրներ» ֆիլմի հայերեն կրկնօրինակը «Շանթի» եթերում


______________________________________

Հարցազրույց Սինան Ջանի հետ. (18-06-2015 /Երևան )

Նիդերլանդական օրագրի թղթակից. Ֆիլմի դիտումից հետո սպասու՞մ էիք այսպիսի արձագանքի հայաստանյան հանդիսատեսի կողմից:
Սինան Ջան. Այո՛, անշուշտ, քանի որ այն հեռարձակվել է նաև Նիդերլանդներում և ֆիլմի ավարտից հետո շատ հայերի եմ հանդիպել, ովքեր շնորհակալ էին և ուրախ, որ այսպիսի ֆիլմ է նկարահանվել: Այդ նույն ջերմությունն այստեղի մարդկանց մոտ եմ նկատում, և իսկապես տպավորված, շատ ուրախ եմ այսքան լավ ընդունելության արժանանալու համար:
Նիդելանդական օրագրի թղթակից.Ֆիլմի ընթացքում հանդիսատեսի համար պարզ է դառնում, թե ինչպիսի՞նն են ձեր զգացումները, անհանգստությունները: Ի՞նչ կասեք այժմ, երբ ֆիլմի նկարահանումներն ավարտվել են և հնարավորություն եք ունեցել էլ ավելի մեծ թվով հայերի հետ շփվելու:
Սինան Ջան. Մինչ այժմ ես շատ քիչ բան գիտեի, թե հայերի հետ ի՞նչ է կատարվել: Ես որոշակի պատմություն գիտեի, բայց ամբողջովին չէի տիրապետում: Ես նույնիսկ ոչ մի հայ ընկեր չունեի, իսկ այժմ շատ հայ ընկերներ ունեմ և 1 շատ լավ ընկեր՝ Արա Հալիջին: Կարող եմ ասել, որ մենք եղբայրներ ենք:
Այժմ շատ բան գիտեմ Հայաաստանի մասին և իմ երկրի պատմության մասին, որի մասին շատ բան չգիտեի:
Նիդերլանդական օրագրի թղթակից. Կարո՞ղ եք ասել, որ ֆիլմը հասավ իր նպատակին:
Սինան Ջան. Այո՛: Մովսես պապիկը 5 տարեկան է եղել, երբ ապրել է ցեղասպանությունը՝ աչքի առաջ տեսնելով ընտանիքի անդամների, հարազատների սպանությունը, և եթե ինքը կարողացել է ներել, ուրեմն յուրաքանչյուր հայ կարող է ներել: Մենք պետք է ընդունեք այն, ի՞նչ կատարվել է և ներողություն խնդրենք, իսկ հայերը պետք է կարողանան ներել, և պետք է ամեն ինչ անենք, որ պատմությունը չկրկնվի: Միասին և համատեղ պետք է անենք հնարավորինս ամեն բան:
Նիդերլանդական օրագրի թղթակից. Ինչպե՞ս են թուրքերը, ըստ Ձեզ, վերաբերում այս հարցին:
Սինան Ջան. Որոշ փոփոխություններ նկատվում են Թուրքիայում: Ժամանակին մարդկանց մեծամասնությունը մերժում էր ցեղասպանության գաղափարը, իսկ այժմ երիտասարդ սերունդը խոսում է այս թեմայով, հետազոտություններ և ուսումնասիրություններ կատարում՝ հասկանալու, թե ի՞նչ է կատարվել հայերի հետ և որտե՞ղ են հիմա  նրանք: Կարծում եմ, որ հայացքների շրջադարձը Հրանտ Դինքի սպանությունից հետո եղավ , որից հետո շատերը սկսեցին մտածել, թե ինչու՞ այս մարդուն  պիտի սպանեին:

Մարդկանց մի խումբ կա Թուրքիայում, որ կարծում է՝ պետք է ընդունել այն, ինչ կատարվել է, և անկաշկանդ են «ցեղասպանություն» բառը  օգտագործելիս:

Հարցազրույցը վարեց Էլեն Հարությունյանը

«Եվրատեսիլ-2017»-ին Հայաստանը կներկայանա 1-ին կիսաեզրափակչում

Արծվիկ.    «Թռչիր ինձ հետ» («Fly
with me») գեղեցիկ երգը
մայիսի 9-ի  երեկոյան ժ. 21:00-ին`
NPO1 հոլանդական հանրային հեռուստաալիքով



Վաղը՝ մայիսի 9-ին Ուկրաինայի մայրաքաղաքում անցկացվելու է
«Եվրատեսիլ-2017» երգի համաեվրոպական մրցույթ-փառատոնը: Հայաստանն այս
տարի ևս իր մասնակցությունն է բերում այս հեղինակավոր միջոցառմանը` ի դեմս
հրաշալի երգչուհի Արծվիկ Հարությունյանի, ով կկատարի «Թռչիր ինձ հետ» («Fly
with me») գեղեցիկ երգը:
Մրցույթի կիսաեզրափակիչը, որում հանդես է գալու Հայաստանը
ներկայացնող մասնակիցը՝ 16 համարի ներքո, հեռարձակվելու է մայիսի 9-ի
երեկոյան ժ. 21:00-ին`NPO1 հոլանդական հանրային հեռուստաալիքով:
Անհրաժեշտ է մեր հրաշալի մասնակցին `ակտիվ քվեարկությունների միջոցով օժանդակելու, որպեսզի մեր տաղանդավոր երգչուհին իր գեղեցիկ կատարմամբ լավագույն հորիզոնականներ գրավի այս մրցույթում`բարձր պահելով Հայաստանի անունը համաեվրոպական այս հարթակում:
Եզրափակիչը տեղի կունենա մայիսի 13-ին: