niderlandakan (niderlandakan) wrote,
niderlandakan
niderlandakan

ՏՈՒԳԱՆՔԸ ՊԵՏՔ Է ՏԵՂԻՆ ԼԻՆԻ...ԶԵՐԾ ԿՈՌՈՒՊՑԻՈՆ ՌԻՍԿԵՐԻՑ

Niderlandakan Oragir / Diary of the Netherlands/Նիդերլանդական օրագիր

Սովորելն օգտակար է
ՏՈՒԳԱՆՔԸ ՊԵՏՔ Է ՏԵՂԻՆ ԼԻՆԻ...ԶԵՐԾ ԿՈՌՈՒՊՑԻՈՆ ՌԻՍԿԵՐԻՑ

Նիդերլանդներում բավական բարձր են ավտոճանապարհային տուգանքները: Կարելի է ասել' Եվրոպայում ամենաբարձրերից մեկը: Այսպես, բավական է արագությունը գերազանցես ժմ.30կմ և 420 Եվրո տուգանքը պատրաստ է, կամ առանց ամրագոտիով երթևեկելը՝ 120 Եվրո: Նույնքան էլ չնախատեսված տեղում կանգնելը: Եթե մեր շատ սիրելի հայրենակիցները պնդեն, որ սա համապատասխանում է այստեղ բնակվող մարդկանց աշխատավարձի չափսին, ապա կարող եմ հանրորեն դա հերքել փաստերով: Նվազագույն աշխատավարձը, որը նաև մարդկանց ամենատարածված աշխատավճարն է, կազմում է 1400 ևրո, որից պարտադիր կոմունալ մուծումներ են կատարվում' 600-ը տան վարձն է, 200 ևրո հոսանքը, գազը և ջուրը, 150 բժշկական ապահովագրությունը, 100-ը մեքենայի գույքահարկն ու ապահովագրությունը, 60-ը հեռախոս, ինտերնետային կապ ու էլի պարտադիր նման ծախսեր... "Տակը" մնում է սննդի ու հագուստի համար 200-300 ևրո: Հիմա դատեցեք մեքենայի համար նման տուգանքները շատ են, թե՞ քիչ...Սա մտածելու և մտորելու այլ հարց է, բայց մի բան հաստատ է: Այստեղ ՝ Նիդերլանդներում, ճանապարհային երթևեկության խախտումները փաստացի ֆիքսվում են: Չե'ս ուզում վճարել ՝ խախտում մի արա : Ավտոտեսուչները փայտիկով հատուկ դեպքերում են կանգնեցնում. օրինակ՝ ալկոհոլային թեստի ժամանակ, կամ անձնագիր ու այլ փաստաթղթեր ստուգելիս: Մնացած բոլոր դեպքերում ոստիկանը մեքենայով հետևից , կամ առջևից հատուկ ազդանշաններով կանգնեցնում է խախտում կատարած մեքենային:
Անհարկի կասկածանքի դեպքում, ինչպես տեսնում ենք ՄԵՍՐՈՊ ՄԻՆԱՍՅԱՆԻ Երևանի կենտրոնում նկարահանած այս տեսաերիզից, ոստիկանը չի կանգնեցնի մեքենան: Ասենք ավելին, օրինակ՝ (հատկապես Բելգիայում), երբ ոստիկնը նկատում է, որ, ասենք քաղաքում խախտում կատարած վարորդը ծանոթ չէ տեղանքին (սխալ շրջադարձ, փակ փողոց, ոչ երթևեկելի գոտի և այլն) բարեհամբյուր օգնում է վարորդին դուրս գալո "տհաճ" իրավիճակից:
Մեկ անգամ ևս դիտելով Մեսրոպ Մինասյանի մեզ տրամադրած Երևանի կենտրոնում նկարահանած այս տեսաերիզը, ամբողջովին համոզվում ես, որ ավտոտեսուչներն իրոք դժվար տեսնեին աջ թեքվող տեսադաշտն իրենց համար գրեթե փակ մեքենայից ներս ՝ ամրագոտի ամրացված չլինելը...Թեև առկա այլ պատճառներ էլ կան տեսանյութում:
Կասենք ավելին, հենց ավտոտեսուչների նմանն քանակի առկայությունն է վտահգավոր քաղաքի կենտրոնում անխափան երթևեկության համար: Նիդերլանդների ու Բելգիայի քաղաքներում ոստիկանները խմբերով չեն հավաքվում, նրանց փայտիկով կարելի է տեսնել երթևեկությունը կարգավորելիս և ոչ թե մեքենա կանգնեցնելիս...
Կարծում ենք հետևություններ պետք է արվեն արմատական փոփոխություններ կատարելու համար: Ամեն դեպքում տուգանքը՝ տուգանք, այն պետք է տեղին լինի...Զերծ կոռուպցիոն ռիսկերից:

Posted by Hay Azian on 4 окт 2017, 19:36

from Facebook
Tags: из Facebook, Հենց այնպես, Հետաքրքիր է, Նիդ.օրագրի ֆեյսբուքյան էջ
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments