niderlandakan (niderlandakan) wrote,
niderlandakan
niderlandakan

Ցնցուած եմ Այն Տառապանքներէն, Որոնք Կրած է Հայ Ժողովուրդը. Հոլանտայի Ծերակոյտի Նախագահ



Պաշտօնական այցով Երեւան գտնուող Հոլանտայի Թագաւորութեան Ծերակոյտի նախագահ Անքի Պրուքըրս-Քնոլը ՀՀ ԱԺ նախագահի տեղակալ Արփինէ Յովհաննիսեանի եւ Հոլանտայի մէջ ՀՀ արտակարգ եւ լիազօր դեսպան Ձիւնիկ Աղաճանեանի ուղեկցութեամբ այցելած է Ծիծեռնակաբերդի յուշահամալիր:

ԱԺ հանրային կապերու վարչութեան հաղորդած տեղեկութիւններով՝ Ծերակոյտի նախագահը ծաղկեպսակ դրած է Հայոց Ցեղասպանութեան զոհերու յուշարձանին, ծաղիկներ խոնարհած անմար կրակին մօտ եւ լռութեամբ յարգած Սուրբ նահատակներուն յիշատակը:

Բարձրաստիճան հիւրը այցելած է Հայոց Ցեղասպանութեան թանգարան-հիմնարկ, ծանօթացած Հայոց Մեծ Եղեռնը հաւաստող վաւերագրերուն ու փաստաթուղթերուն, դիտած ցուցանմուշները եւ արձանագրութիւն կատարած է յուշամատեանին մէջ:

Տիկին Անքի Պրուքըրս-Քնոլը նշած է. «Առաջին անգամ ըլլալով կը գտնուիմ այս թանգարանին մէջ եւ խորապէս ցնցուած եմ այն տառապանքներէն, որոնք կրած է հայ ժողովուրդը: Սարսափելի եւ ահաւոր»:

ԵՌԱԳՈՅՆ
Tags: Այցելություններ տպավորություններ, հղումներ.կապ.համագործակցություն
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments