niderlandakan (niderlandakan) wrote,
niderlandakan
niderlandakan

Նիդերլանդական, թե՞ Նիդեռլանդական

Նիդերլանդական, թե՞ Նիդեռլանդական

Ո՞րն է ճիշտ տարբերակը



.
Kni_nidor89.JPG.  .Kni_nid12.JPG

Հայկական դպրոցական Մեծ Հանրագիտարանում Նիդեր(ռ)լանդներ բառը գրվում է Ռ-ով: Նույնն ենք հանդիպում Հայերեն ուղղագրական-ուղղախոսական-տերմինաբանական բառարանում (Հովհաննես Խաչատուրի Բարսեղյան։ «Լույս» Հրատարակչություն, Երեւան, 1973), սակայն 1975թ Հայկական ՍՍՀ Գիտությունների Ակադեմիայի կողմից հրատարակված Լեզվաբանական բառարանում կարդում ենք՝ ՆԻԴԵՐԼԱՆԴԵՐԵՆ (Ր-ով) բառը (Հ.Զ. Պետրոսյան, Ս.Ա. Գալստյան, Թ.Ա. Ղարագյուլյան։ Հայկական ՍՍՀ Գիտությունների Ակադեմիա, Երեւան, 1975): Այստեղ կիսվում են նաև լեզվաբանների կարծիքները: Մեկը կողմնակից է Ռ-ին, մյուսը պնդում է, որ ՆԻԴԵՐ(Ռ)ԼԱՆԴԱԿԱՆԸ պետք է հենց Ր-ով էլ գրվի:

Ո՞րն է այս պահին պետականորեն ամրագրված ճիշտ տարբերակը և ինչպե՞ս գրել այս բառը: Այս հարցով դ
իմեցինք Լեզվի տեսչության մասնագետ Երազիկ Գրիգորյանին: Նա հայտնեց հետևյալը.

«Գեոդեզիա և քարտեզագրություն» պետական կազմկերպությունը տիրապետում է Ստանդարտների ազգային ինստիտուտում հաստատված երկրանունների ցանկին, որտեղ այս երկրի անունը գրանցված է ՆԻԴԵՐԼԱՆԴՆԵՐ ձևով: Ճիշտ է, հայերենում Լ-ից ու Ն-ից առաջ գրում ենք Ռ, բայց այս սկզբունքը Նիդերլանդներ-ի դեպքում չի կիրառվել, քանի որ որոշումն ընդունողները ՆԻԴԵՐ և ԼԱՆԴ բաղադրիչները ընկալել են որպես առանձին միավորներ: Իհարկե, կարելի է վիճել` մատնացույց անելով մի այլ` օտար բառերը մեկ միավոր համարելու սկզբունքը (ԵԹԵ բաղադրիչները հստակ որպես առանձին միավորներ չեն ընկալվում): Բայց մենք ունենք նաև ԻՆՏԵՐՆԱՑԻՈՆԱԼ, ԻՆՏԵՐՆԵՏ, ԳԵՐՄԱՆԻԱ բառերը և այլն: Վերևում ընդգծածս ԵԹԵ-ները դժվարացնում են բոլոր դեպքերի համար մի ընդհանուր որոշման ընդունումը (
միգուցե լեզվի պետական կոմիտեն հորդորակ հրապարակի` մեջբերումը Նիդ.օրագիր): Գուցե արժի ընդունված ստանդարտը վերանայելու հարց բարձրացնել, բայց առայժմ առաջնորդվում ենք եղածով ու գրում ենք ՆԻԴԵՐԼԱՆԴՆԵՐ»:

Մինչ այս հարցին հստակ պատասխան չի տրվել, հետևելով ներկա գործող կարգին, մոտ մեկ ամիս առաջ վերանայած մեր մոտեցումը կրկին փոխում ենք և պահպանում մեր կայքի նախկին տարբերակը՝ «Նիդերլանդական Օրագիր» :
Tags: Այլ, Կարևոր, Հետաքրքիր է, Նիդ.օրագրի ֆեյսբուքյան էջ, Նիդերլանդական օրագիր
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments