niderlandakan (niderlandakan) wrote,
niderlandakan
niderlandakan

«Ոսկան Երևանցի» վավերագրական ֆիլմի ցուցադրություն Ալմելոյում

Վավերագրական ֆիլմ 350 տարի առաջ հայերեն առաջին
Աստվածաշնչի հրատարակիչ Ոսկան Երևանցու մասին


Նիդերլանդական Ալմելո հայաշատ  քաղաքում փետրվարի 4-ին տեղի  ունեցավ «Ոսկան Երևանցի» վավերագրական ֆիլմի ցուցադրության պրեմիերան՝  հովանավորությամբ Արևմտյան Եվրոպայի Հայրապետական Պատվիրակ, Ֆրանսիայի թեմի առաջնորդ Տեր Վահան եպիսկոպոս Հովհաննիսյանի: Ֆիլմը ներկայացրել է պրոդյուսերը՝ հայտնի հայ լրագրող և հեռուստահաղորդավար Նվեր Մնացականյանը: Ցուցադրությանն աջակցել է Հայկական բարեգործական ընդհանուր միության (AGBU) Նիդերլանդների ներկայացուցչությունը: Այն կազմակերպել էին Ալմելոյի Սուրբ Գրիգոր Լուսավորիչ եկեղեցին, Հ.Մ.Հ.Մ. Ալմելոյի կազմակերպությունը:
Ցուցադրությանը ներկա են եղել   և խոսք են ասել Նիդերլանդներում Հայաստանի դեսպան Ձյունիկ Աղաջանյանը,  Ալմելոյի քաղաքապետ Արժեն Խերիտսենը:  Վերջինս հատկապես նշեց  փաստը, որ,  հայերեն Աստվածաշունչն առաջին անգամ տպագրվել է Հոլանդիայում:
Ֆիլմը  հայ մշակութային գործիչ, տպագրիչ, լեզվաբան   Ոսկան Երեւանցու (նաեւ` Ոսկան Ջուղայեցի) մասին էր: Նա 1666թ. մարտի 11-ին  իր աշակերտների հետ Ամստերդամում սկսել է հայերեն Աստվածաշնչի տպագրությունը: Աստվածաշնչի հայերեն առաջին ամբողջական հրատարակությունը տեւել է երկու տարուց ավելի:
Ամստերդամում հայերեն  Աստվածաշունչը լույս է տեսել մոտ 5000 օրինակ տպաքանակով :
Հայերեն Աստվածաշնչի առաջին տպագրության 350-ամյակը ընդգրկվել է հռչակավոր մարդկանց և կարևոր իրադարձությունների ՅՈՒՆԵՍԿՕ-ի 2016-2017-ի օրացույցի մեջ:
«Ոսկան Երևանցի» վավերագրակաան ֆիլմը ցուցադրվելու է Եվրոպայի հայաշատ համայնքներում:
(Սեփ.լրատվ)
Լուսանկարները` Հակոբ Մուրադյանի (Նիդ.օրագիր) , Armeens Apostolische Kerk Almelo և Nver Mnatsakanyan կայք էջերից

.
.
.
.
.
.
.
.
.
.
Tags: Առաջին էջ, Իրադարձություններ.դեպքեր, Կարևոր, Նիդ.օրագրի ֆեյսբուքյան էջ, հաղորդագրություն. միջոցառում
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments