niderlandakan (niderlandakan) wrote,
niderlandakan
niderlandakan

Նախընտրական կսմիթներ, կամ Յառաջ Հայաստան


Ասում են թե Էպոսագետ Վարդան Սեդրակյանը գործարքի մեջ է մտել Մսրա Մելիքի հետ , հարված հասցնելով սեփական ազգային ինքնորոշմանը: Ձենով Օհանը կորցնելով ձայնային ունակությունը շոկի մեջ է:Սանասարն ու Բաղդասարը շվարել են, իսկ Քուռիկ ջալալին էլ հրաժարվել է էպոսագետին ծառայություն մատուցելուց:Տեսնես սրա վերջն ի՞նչ է լինելու:

ՈՒնենալու ենք Վիրտուալ  Հայաստան:

Ասում են թե Հրանտ Բագրատյանը իր 100 քայլ ծրագրով պայքարելու է մինչև վերջ:

Հայոց Ազգային Կոնգրեսի ներկա և երևի նախկին անդամը , որոշել է նախագահ ընտրվելու դեպքում  ամեն տարի  իրականացնել իր ազատարար ծրագրի 1 քայլը:

100 տարվա մեջ գյուղացին հողի հետ մեկտեղ կունենան կոպերացիա:

ՈՒնենալու ենք հարուստ գյուղացիներով Հայաստան:

Ասում են թե Րաֆֆի Հովհաննիսյանը փոխելու է Հայաստանը իր 5 քայլ ծրագրով:

Ծրագրի էությունը հետևյալն է. 5 քայլ ես կատարում, ապա ձեռքով բարևում հայրենակցիդ,հետո նորից 5 քայլ... այդպես շարունակ:Ձեռքսեղման շփումից ստացված էներգիայի ու ջերմության պաշարը լավ ժառանգություն է մեր  ժողովրդին պայծառ ապագա կերտելու համար:

ՈՒնենալու ենք մեր հայրերի ու պապերի Հայաստանը:

Ասում են թե Պարույր Հայրիկյանը հատուկ քաղբանտարկյալ  է դարձել քաղաքականությամբ զբաղվելու համար:Հատուկ կրակել են նրա վրա, որ ինքնորոշվի հետագա անելիքների շուրջ: Նախագահ դառնալու դեպքում Հայրիկյանը  Աստծո միջնորդությամբ ներելու է բոլոր հանցագործների մեղքերը:

ՈՒնենալու ենք Հայաստան առանց բանտերի:

Ասում են թե Անդրեաս Ղուկասյանը նախագահ է ուզում դառնալ, որ ժողովուրդը համոզվի, որ էս աշխարհում սոված նախագահ էլ կա:Մնում է մեկ մարդու պես բոլորը ընտրեն նրան:

ՈՒնենալու ենք սովածների ոչ շինծու Հայաստան:

Ասում են թե Արման Մելիքյանը, Արամ Հարությունյանը իրենց թեկնածությունը առաջադրել են չառաչադրելու համար, իսկ Սերժ Սարգսյանը ' առաջադրելու:

ՈՒրեմն ' Յառաջ Հայաստան:

Վան Ազիան
«Նիդերլանդական
Օրագիր»

Tags: Առօրյա, Գրական, Իրադարձություններ.դեպքեր, Հենց այնպես, Հետաքրքիր է, Նամականի
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments