?

Log in

No account? Create an account

Previous Entry | Next Entry

Ապրիլի 6-ին. թեժ պայքար


Արդեն պատմել ենք խառը մարտարվեստների պրոֆեսիոնալ վարպետ,նիդերլանդաբնակ հայազգի քիք բոքսի առաջատար մարզիկ Գեղարդ Մուսասու մասին:Հայտնել, որ նա տեղափոխվել է շատ բարձր կարգ ունեցող, աշխարհում ամենահայտնի UFC կազմակերպություն, որտեղ ընդգրկված են խառը  մարտարվեստների գծով (MMA)աշխարհի ամենահայտնի ուժեղագույն մարզիկները:

Ինչպիսի՞ն կլինի Մուսասու նորամուտն այս կազմակերպություն, մանավանդ, որ մեր մարզիկը նոր է հաղթահարել ծնկի վնասվածքի խոչնդոտը:
Այս հարցի պատասխանն արդեն կունենանք շուտով' ապրիլի 6-ին, երբ մեր մարզիկը Ստոկոհոլմում  ուժերը կչափի հենց այդ երկրի' Շվեդիայի  ներկայացուցիչ Ալեքսանդր Գուստավսոնի հետ:Սա ի դեպ 2-րդ անգամն է, որ UFC-ին իր  պատմության մեջ  մրցամարտ է անցկացնելու սկանդինավյան այս երկրում:
Գուստավսոնը  UFC-ի լավագույն մարզիկներից է, 26-ամյա շվեդ մարզիկը 15 մենամարտերից միայն 1-ում է պարտություն կրել: խմբում անցկացրած վերջին 6 մենամարտերում տոնել է համոզիչ հաղթանակներ,ընդորում վերջին հաղթանակը տարել է   փոխչեմպիոն Մաուրիսյո Ռուայի դեմ և մեծ վստահություն ձեռք բերել սեփական ուժերի նկատմամբ:
Նա գալիք մրցամարտի մասին արդեն հանդես է եկել  հայտարարություններով, խոստացել  ժամանակից շուտ իր օգտին ավարտել մարտը, թեև խոստովանել է, որ Մուսասին երբևէ իրեն բաժին հասած դժվարին մրցակիցներից մեկն է:
Պետք է ասել, որ մասնագետների կեսից քիչ ավելին նախապատվությունը տալիս են շվեդ մարզիկին, ապավինելով նրա երկար հասակին, անկոտրում կամքին, UFC-ում ունեցած փորձին և տան պատերին' Ericsson Globe arena-ի մրցահարթակին:
Ի՞նչպիսի փաստերով են հակազդում սրան Մուսասու կողմնակիցները:
27-ամյա Մուսասին (Մովսիսյան) բնավ չի զիջում մրցակցին, ունի ավելի շատ մենամարտելու փորձ (33 հաղթանակ ,3 ոչ ոքի, 2 պարտություն),հետևապես ճկուն տակտիկա յուրաքանչյուր մրցապայքարում:վերջին 6 տարվա ընթացքում կրել է ընդհամենը մեկ պարտություն,  Strikeforce- ի վերջին 6 մենամարտերն ավարտել է հաղթանակով, այսպիսով մնալով լուծարվող այս կազմակերպության իր քաշային կարգի մշտական չեմպիոնը:Ինքը ' Գեղարդ Մուսասին իր ու մրցակցի մասին համեստորեն հետևյալն է ասում. «Ես բարդ մրցակից չեմ,բայց մտածում եմ, որ թեժ պայքար է լինելու: Ես մարտընչելու եմ նրա դեմ, քանի որ նա ուժեղ մարզիկ է, ժողովուրդն է այդպես կարծում»:
Դատելով այս խոսքերից, կարելի է ենթադրել, որ մեր մարզիկը պատրաստվում է ապացուցել,որ հեշտ հանձնվողներից չէ և բնավ էլ տրամադրված չէ UFC-ի մուտք գործել անաղմուկ:
Սպասենք և հուսանք:
«Նիդերլանդական Օրագիր»