niderlandakan (niderlandakan) wrote,
niderlandakan
niderlandakan

Նիդերլանդներում Էրդողանին դիմավորել են բողոքի ակցիաներով

Դեն Հաագ.21.03.2013. ժ.26:27(«Նիդերլանդական օրագիր»)

Այս պահին շարունակվում է Թուրքիայի վարչապետ Էրդողանի պաշտոնական այցը Նիդերլանդներ: Թեև այցը նախատեսված էր այսօր ' հինգշաբթի առավոտյան Թուրքիայի վարչապետը Դանիայից Ամստերդամ ժամանեց երեկ' չորեքշաբթի երեկոյան և ինչպես պարզվեց վատառողջ վիճակում: Այցի ծրագրի մանրամասների մասին արդեն «Նիդերլանդական օրագիրը» հայտնել է իր ընթերցողներին:

Ասենք, որ նրա այցը  Ռոտերդամի իսլամի համալսարան, երևի ստեղծված լարվածության պատճառով հանվել է այցի օրակարգից:Այս քաղաքում ապրող բազմաթիվ թուրքեր պատրաստվում էին վարչապետի այցին համընթաց բողոքի ակցիա կազմակերպել հոլանդական քրիստոնյա և սեռական տարբեր կողմնորոշումներ ունեցող ընտանիքներում որդեգրված թուրք երեխաներին խնամքի հանձնելու համար:Ըստ նիդերլանդական աղբյուրների թուրք վարչապետը բարձրացնելու էր այս հարցը, որն էլ միանշանակորեն այստեղ ընդունվել է Նիդերլանդների ներքին հարցերին խառնվելու խնդիր:Վարչապետ Էրդողանի վատառողջ լինելու պատճառով տեղի չի ունեցել նրա այցելությունը հանրահայտ Keukenhof կակաչների այգի, որի տարեկան այցելությունների թիվը հասնում է մինչև մեկ միլիոնի:

Դեն Հաագում բազմաթիվ անձիք բողոքի ակցիա  կազմակերպեցին  Թուրքիայի վարչապետի ու նրա վարած քաղաքականության դեմ:

Մասնակցում էին 4 կազմակերպություններ, որոնց թվում հրեական փաստագրության և ինֆորմացիայի  (CIDI) կենտրոնի երիտասարդական թևը (CiJO), Նիդերլանդների Միասնության Դեմոկրատական Հարթակ,, կազմակերպությունը : Նրանք մեղադրանք    հնչեցրեցին Էրդողանի վերջերս արած անհարիր հայտարարությունների առիթով, թուրքիայում ազգային փոքրամասնությունների իրավունքների բազմաթիվ ոտնահարումների, հայկական ցեղասպանության ճանաչման հարցի ու ևրոպական արժեքների նկատմամբ անհարգալի վերաբերմունքի դեմ:Բողոքի ակցիային մասնակցում էին մի խումբ քրդեր և հայեր:

Հիշեցնենք, որ թագուհի Բեատրիքսին հանդիպելուց հետո Թուրքիայի վարչապետը բանակցություններ է ունեցել վարչապետ Ռութի, խորհրդարանի անդամների և ձեռներեցների հետ:

Բանակցությունների  և մյուս մանրամասների մասին  կառավարական աղբյուրներն առայժ այլ բան չեն հաղորդում:

Hay Azian


Tags: Հենց այնպես, Նիդերլանդական թերթեր, քաղաքական.պաշտոնական
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments