Իլհան Աշկինի իրական պատկերը

Սկիզբը`  «Հայերի հաջողությունը կայանում է ադրբեջանական սփյուռքի թուլության մեջ»

24.02.2020/Hay Azian/ Նիդ.օրագիր

Պարզվում է, որ ամբաստանյալ ազգայնամոլ Իլհան Աշկինի գործունեությունից բավական դժգոհ է Նիդերլանդներում գործող  «Եվրոպայի Ադրբեջանի բարեկամներ» կազմակերպությունը` հանձինս նախագահ Էլման Մուստաֆազադեի, ով նաև  իր հավաստմամբ` Եվրոպայում առաջինը  գրանցված   «Xudafərin»  ադրբեջանալեզու կայքի  գլխավոր խմբագիրն է:

Հենց այս, նաև հունվարի 31-ին իր մահկանացուն կնքած «Ազատություն ռադիոկայանի» ադրբեջանական ծառայության բավական հայտնի լրագրող  Միրզա Խազարի կայքում  նա բացահայտում է ադրբեջանական սփյուռքի աշկինյան գործունեությունը:

Մուստաֆազադեն 2000թվականից բնակվելով Հոլանդիայում, ըստերևույթին շատ լավ է ճանաչում Աշկինին, այլապես նման խոհանոցային  մանրամասներ  չէր հրամցնի իր ընթերցողին`  «Թեյարան, վարսավիրանոց, թե՞  թուրք-ադրբեջանական մշակութային միություն»,  հռետորական այսպիսի  հարցով է  սկսում նա հոդվածը, ապա շարունակում, որ Եվրոպայում երկար տարիներ (30) արժանապատիվ գոյատևող այս կառույցն արդեն 10 տարուց ավելի գտնվում է ոչ երանելի, ազգայնամոլ Աշկինի ղեկավարության ներքո, ով  «հետևողականորեն վերահսկում և ոչնչացնում է» այն:

Եվրոպայում նրան ասում են   «աչքածակ», «շահամոլ» Իլհան (“Paragoz İlhan”),   լավ թեյ, սուրճ պատրաստողի ու փող հավաքողի, համարում ունի, նույնիսկ շատերը գիտեն, որ նա  գնչու է :

Ցեղասպանության զոհերին նվիրված հայկական հուշհամալիրներն ու Խոջալուի հուշաքարը

Հայտնի է, որ Աշկինը Հաագայի գերեզմանոցներից մեկում, Խոջալուին նվիրված մի հուշաքար է տեղադրել: Երբ լրանում է Խոջալուի մարտերի տարելիցը, նա օր ու գիշեր, փութաջանորեն իր հայրենակիցներին աղերսում, խնդրում, համոզում է, որ այդ օրը` անկախ եղանակից, քամուց ու փոթորիկից, ներկա լինեն  ու հարգեն «նահատակների» հիշատակը: Ճիշտն ասած մեզ անհասկանալի է քարին  նկարված պատկերը` կինը երկու ձեռքով, ասես ծանրամարտիկը, երեխային հանել է գլխից վեր ու  կարծես... ուզում է վերից վար  նետել:

 Դրա իմաստը չի  հասկանում նաև Մուստաֆազադեն: Ահա այս հուշաքարի մասին ինչ է գրել նա. «Երբ խոսքը Խոջալուի հուշաքարին է վերաբերվում, ըստ էության, այն ուղիղ համեմատական է մեր սփյուռքի ողբալի վիճակին: Գերեզմանոցում Իլհան Աշկինը թողել է  փորագրած  փոքրիկ գլուխ ՝ « Խոջալույում մահացածների հիշատակին» մակագրությամբ»: Մուստաֆազադեն փորձում է հասկանալ`  «Արդյո՞ք այդ մարդիկ մահացել են, միգուցե՞ սպանվել  են, թե` ի վերջո  ձիուց են ընկել ու մահացել: Ինչո՞ւ են  խուսափել  Խոջալուի ցեղասպանություն արտահայտությունից...»:  Ո՞ւմ են ծառայում այդ մարդիկ, գուցե հայերին` հարց է տվել նա ու շարունակել: Այո, Հազարավոր մարդիկ են ներգրավվել, 100.000-ից ավել Եվրո է հավաքվել` մինչ «Խոջալուի հուշարձան» կոչվածի վրա այսքան փոքր գլուխ է նկարվել` հեգնում է Մուստաֆազադեն ու շարունակում, մինչդեռ այսօր հայերը Նիդերլանդներում ունեն Հայոց Ցեղասպանության 3-րդ հուշհամալիրը: Որպես համոզիչ օրինակ  «Խուդաֆերինի» իր կայքում նա Ալմելոյի հուշհամալիրի 2 խոսուն լուսանկարների կողքին տեղադրել է Խոջալուին  նվիրված խղճուկ շիրմաքարի պատկերը ու  մեզ համար նոր բացահայտում անում: 

Մի քանի անգամ   թուրք-ադրբաջանական մշակութային միության շենքի կոտրած ապակիները` եթե ոչ Աշկինի, ապա նրա նախաձեռնությամբ արված քայլ է: Աշկինը ներքին  լսարանին դա հրամցնում է «հայերի ձեռքի գործ»: Նոր ապակիների տեղադրումը, որ Նիդերլանդներում  շատ հաճախ հոգում են ապահովագրական ընկերությունները, Աշկինի համար այն վերածվում է «հայրենասիրական» դրամահավաք ակցիայի`    Ադրբեջանի, Թուրքիայի և աշխարհի շատ երկրներում բնակվող ադրբեջանցիներից:  Մի քանի տարի առաջ էլ նույն  բանի համար Ադրբեջանի կառավարության սփյուռքի կոմիտեն է 30,000 եվրո  փոխանցել՝  միության մեկ սենյականոց գրասենյակը վերանորոգելու համար:

Հոդվածագրի կարծիքով, եթե հետաքննություն վարվի ապա կբացահայտվի Իլհան Աշկինի դավաճանություններն ու բազմաթիվ հանցագործությունները:

Նրա պնդմամբ` «Ղարաբաղը լինելու է հայերի գերեզմանը»  Աշկինի վիրավորական արտահայտության ողջ դատական ծախսերը փակվում է դրամահավաքությամբ:

Մուստաֆազադեն մինչ իր հոդվածին «շարունակելի» գրիֆը դնելը,  գրել է.  « Այս անպատկառ մարդն ամոթ չունի, գումարներ է հավաքում  մեր  հայրենակիցներից ու բիզնեսմեններից  և շարունակ  լուսանկարվում է Ադրբեջանի բարձրաստիճան պաշտոնյաների և որոշ պատգամավորների հետ»:

Կոռուպցիոն կասկածելի կապեր Հաագայի քաղաքապետարանի չինովնիկի հետ

Երբ հայկական կազմակերպությունները  փակեցին ազգայնամոլ Աշկինի բերանը` սա վերջին մոհիկանի պես, իրեն ազգի հալածված փրկիչ համարեց: Էլ ավելի  ցավոտ ընդունեց  իր հայրենակցի` «Եվրոպայում Ադրբեջանի բարեկամներ»  ընկերության նախագահ, «Խուդաֆերինի» գլխավոր խմբագիր  Էլման Մուստաֆազադեի ծայրից-ծայր մերկացնող հոդվածը, որտեղ ագայնամոլի պիտակին ավելացվեց խարդախի, դավաճանի ու դրամաշորթի որակավորումները: Աշկինը, որքան էլ պնդի, որ հանուն իր լավ գործերի են խփում թիկունքին, այնուհանդերձ նրա դեմ եղած փաստերն այլ  տեղերից էլ են հորդում:

 Այս օրերին Նիդերլանդական մամուլը ողողված է Հագգայի` արդեն նախկին ավագանի, հոլանդացի-մարոկկացի քաղաքական գործիչ  Ռաշիդ Գերնաուին (Rachid Guernaoui, 1972) առնչվող  կոռուպցիոն գործարքների  մասին պատմող նյութերով(հղումն`այստեղ),

Verdachte Haagse wethouder: 'Ongehoord dat ik hiervoor van mijn bed gelicht ben'

Voormalig wethouder Rachid Guernaoui (Hart voor Den Haag/Groep de Mos) noemt het 'ongehoord' dat hij voor het verlenen van subsidies door het Openbaar Ministerie (OM) van zijn bed is gelicht. Guernaoui wordt er door het Openbaar Ministerie van verdacht dat hij via deze subsidies een donateur van

www.omroepwest.nl

որտեղ ներգրաված է նաև Աշկինի թուրք-ադրբեջանական մշակութային միության անունը: Քաղաքապետարանը Ռաշիդ Գերնաուի ակտիվ միջամտությամբ վերջին սուբսիդավորումը` 9000Եվրոն  փոխանցել  է Աշկինի կազմակերպությանը` Նովրուզի տոնը  թուրք մենեջեր ունեցող օպերայի շենքում կազմակերպելու համար, պայմանով, որ շենքի վարձակալության, ուտելիքի ու երաժշտության համար վճարվի 6000-ը : Մարոկացի քաղաքական գործիչն արդարանում է, որ ամեն  բան օրենքով է արել, մասնավորապես դատախազությանն է ներկայացրել քաղաքապետարանի հուշագիրը, որտեղ թուրք-ադրբեջանական ընկերությունը դիտվում է որպես «Հաագայում ադրբեջանցիների շրջանում լայն աջակցություն վայելող ակտիվ հասարակական կազմակերպություն»: Ըստ հուշագրի, ընկերությունը պարբերաբար նախագծեր  է իրականացրել լեզվի ուսուցման, հարևանության, ազատականացման, ԼԳԲՏԻ համայնքի, մշակութային ծրագրերի բազմազանության ոլորտներում:  Աշկինի կազմակերպությունը նման դրամաշնորհների է արժանանում  սկսած 2012 թվականից: Այս անգամ,  դատախազությունը հեռախոսային խոսակցությունների ապացույցներով հաստատակամ է, որ գործ ունի կոռուպցիայի հետ: Հեռախոսային զրույցների լսումներից Մզկիթի տնօրեն Դորտ Մասումլարը (Dort Masumlar) և օպերայի մենեջեր Էրդինք Աքիոլը  (Erdinç Akyol) Ռաշիդ Գերնաուին համարել են «քաղաքապետարանի իրենց մարդը»:

Այնպես որ տեսանելի փաստերը Աշկինի ու նրան օժանդակողների մասին օր օրի ավելանում են ... Գորշ ամպեր են կուտակվում գորշ գայլերի  գլխավերևում:

Շնորհակալություն ենք հայտնում Խաչիկ Կիւրեղեան Պալըքճեանին Թուրքերենից ու ադրբաջաներենից թարգմանած առանձին պարբերությունների  համար:

Հոդվածաշարի հերթականությունը`

1,Աշկինի կյանքն ու գործը

2.«Հայերի հաջողությունը կայանում է ադրբեջանական սփյուռքի թուլության մեջ»

3.Իլհան Աշկինի իրական պատկերը

------------------------

Այս թեմայով կարդացեք նաև.

http://yerkramas.org/article/113675/avtor-oskorbitelnogo-vyskazyvaniya-%C2%ABkarabax-stanet-mogiloj-armyan%C2%BB-predstal-pered-sudom

https://niderlandakan.livejournal.com/191908.html

https://niderlandakan.livejournal.com/297069.html

https://niderlandakan.livejournal.com/190243.html

https://niderlandakan.livejournal.com/184752.html

https://www.aravot.am/2016/12/10/835785/