niderlandakan (niderlandakan) wrote,
niderlandakan
niderlandakan

«Ոսկրածուծի դոնորների հայկական ռեեստր» հիմնադրամում կներգրավվի նաև հոլանդահայ համայնքը

ՀՀ Նիդերլանդների դեսպանությունը մայիսին հանդիպում է նախաձեռնել «Ոսկրածուծի դոնորների հայկական ռեեստր» Բարեգործական Հիմնադրամի հետ

«Ոսկրածուծի դոնորների հայկական ռեեստր» Բարեգործական Հիմնադրամը ստղծվել և հիմնադրվել է Հայաստանում 1999թ. հունիսին, ի պատասխան լեյկեմիայով և արյան այլ հիվանդություններով տառապող երեխաների կյանքի փրկության և բուժման խիստ անհրաժեշտության:Այն գործում է Հայաստանի առաջին տիկնոջ հովանու ներքո:2000թ. դեկտեմբերի 28-ին Երևանում բացվել է ռեեստրի լաբորատորիան: Ներկայումս այն իր տեսակի մեջ եզակին է ոչ միայն Հայաստանում, այլև ողջ տարածաշրջանում:  Ռեեստրում կատարվող հետազոտությունների շրջանակը լիովին համապատասխանում է միջազգային չափանիշներին: 2006թ. լաբորատորիային տրվել է հավատարմագիր Եվրոպական Իմունագենետիկայի Ֆեդերացիայի կողմից: Ռեեստրը անդամագրված է Ոսկրածուծի դոնորների միջազգային կազմակերպությանը (BMDW), նաև հանդիսանում է Ոսկրածուծի դոնորների համաշխարհային ասոցիացիայի (WMDA) լիիրավ անդամը: Հիմնադրամի գործունեության 13 տարիների ընթացքում նրան անդամագրվել են ավելի քան 24000 դիմորդ, որոնցից մոտ 6500-ը սփյուռքից են: Հիմնադրամում ներգրավված  սփյուռքի 13 համայնքների թվում դեռևս ընդգրկված չէ նիդերլանդահայ համայնքը:

Հենց այս նկատառումներից ելնելով էլ Նիդերլանդների Թագավորությունում  ՀՀ դեսպանությունը Մաստրիխտի Սուրբ Կարապետ եկեղեցու սրահում (Potterieplein-50, Maastricht  6216 VB) այս տարվա մայիսի 12-ին, ժամը  14-ին  Հոլանդիայում գործող հայկական կազմակերպությունների ու կառույցների ներկայացուցիչներին հրավիրել է հանդիպման «Ոսկրածուծի դոնորների հայկական ռեեստրի» Բարեգործական Հիմնադրամի գործադիր  տնօրեն Սևակ Ավագյանի հետ:Հանդիպման նպատակն է լինելու հիմնադրամի աշխատանքներին մոտիկից ծանոթանալը, նաև այս ոլորտում սերտ համագործակցություն հաստատելը:

Հ.Գ-Նիդերլանդների Թագավորությունում ՀՀ  դեսպանությունը այս միջոցառմանը հրավիրում է նաև նրանց, ովքեր հետաքրքրված են «Ոսկրածուծի դոնորների հայկական ռեեստր» հիմնադրամի գործունեությամբ:

«Նիդերլանդական Օրագիր»

Tags: հաղորդագրություն. միջոցառում
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments