niderlandakan (niderlandakan) wrote,
niderlandakan
niderlandakan

Մայիսի 16-ին և 18-ին քվեարկենք Գոռ Սուջյանի գեղեցիկ երգի օգտին

Շվեդիայի Մալմյո քաղաքը մայիսի 14-ից 18-ը կհյուրընկալի «Եվրատեսիլ 2013» երգի մրցույթի 39 երկրների ներկայացուցիչներին:

                   

Շվեդիայի Մալմյո քաղաքը մայիսի 14-ից 18-ը կհյուրընկալի «Եվրատեսիլ 2013» երգի մրցույթի 39 երկրների ներկայացուցիչներին, որոնց թվում է Հայաստանը: Մեր երկիրը կներկայացնի «Դորիանս» ռոք խմբի մեներգիչ Գոռ Սուջյանը:Այս հեղինակավոր միջոցառմանը Հայաստանը մասնակցում է մեկ տարվա ընդմիջումից հետո, երբ բաց թողեց  Բաքվում անցյալ տարի կայացած միջոցառումը:Գոռ Սուջյանը «Դորիանս» ռոք խմբի հետ միասին կկատարի «Lonely Planet» գեղեցիկ երգը (Երաժշտության հեղինակ' անգլիացի աշխարհահռչակ կիթառահար Տոնի Այոմին, խոսքերը' Վարդան Զադոյանի): Գոռը ծնվել է 1987 թվականի հուլիսի 25-ին Երեւանում. ջազմեն Մկրտիչ Սուջյանի որդին է: 2011 թվականին Հայաստանի ազգային երաժշտական մրցանակաբաշխության ժամանակ արժանացել է «Տարվա լավագույն երգիչ» մրցանակին:Մեր  մասնակիցը ելույթ կունենա մայիսի 16-ին կայանալիք երկրորդ կիսաեզրափակչին և հանդես կգա 11-րդ համարի ներքո:

Այնպես որ, հարգելի հայրենակիցներ,  այդ օրերին' մայիսի 16-ին և եզրափակիչ փուլին' 18-ին (հուսով ենք մեր մասնակիցը հանդես կգա այս փուլում) պատրաստ պահեք ձեր կապի միջոցները և քվեարկեք մեր մասնակցի օգտին:

Նիդերլանդական և բելգիական  հայ համայնքները («Նիդերլանդական Օրագիրը» հավատարիմ ընթերցողների բանակ ունի  նաև Բելգիայում)միշտ էլ ակտիվորեն են  մասնակցել «Եվրատեսիլ 2013» երգի  փառատոնում մեր  մասնակիցների  օգտին ձայներ  տալով: Արդյունքում միշտ էլ այս երկրները հայ  մասնակիցներին Եվրոպայում ամենաշատ  ձայներ ապահովողներն են:

Հուսով ենք «Եվրատեսիլ 2013»-ը' բացառություն չի լինի: Մեր այս տարվա մասնակիցը արժանի է դրան:

Բոլորս անհամբերությամբ  սպասում ենք Շվեդիայի Մալմյո քաղաքում մայիսի 14-ից 18-ը անցկացվող երգի փառատոնին:Սա ևս մեկ առիթ է հայի ու Հայաստանի անունը բարձր  պահելու  համաևրոպական հարթակում:

«Նիդերլանդական Օրագիր»

Tags: Կարևոր, Նիդերլանդական օրագիր, Շնորհավորանքներ.բարեմաղթանքներ, հղումներ.կապ.համագործակցություն
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments