niderlandakan (niderlandakan) wrote,
niderlandakan
niderlandakan

Վատ բան է՞ արել սփյուռքի նախարար Հրանուշ Հակոբյանը

Արդեն այսօր 'մայիսի 14-ին, Շվեդիայի Մալմյո քաղաքում կմեկնարկի «Եվրատեսիլ 2013» թ. երգի մրցույթը ' 39 երկրների ներկայացուցիչների մասնակցությամբ, որոնց թվում Հայաստանը: Մեր երկիրը ներկայացնում է «Դորիանս» ռոք խմբի մեներգիչ Գոռ Սուջյանը:Այս հեղինակավոր միջոցառմանը Հայաստանը մասնակցում է մեկ տարվա ընդմիջումից հետո, երբ բաց թողնվեց  Բաքվի անցյալ տարվա  միջոցառումը:Գոռ Սուջյանը «Դորիանս» ռոք խմբի հետ միասին կկատարի «Lonely Planet» երգը (Երաժշտության հեղինակ' անգլիացի աշխարհահռչակ կիթառահար Տոնի Այոմին, խոսքերը' Վարդան Զադոյանի): Թե ինչ որակի երգ ու երաժշտություն է մատուցելու մեր մասնակիցը ' թողնենք մասնագետներին: «Նիդերլանդական Օրագիրը» ինչպես նաև ՀՀ դեսպանությունը մեր հայրենակիցներին հորդորել են  քվեարկել մայիսի 16-ին կայանալիք երկրորդ կիսաեզրափակիչի  և  18-ի եզրափակիչի ժամանակ քվեարկել մեր մասնակցի և երկրի օգտին, նմանօրինակ կոչով է հանդես եկել նաև ՀՀ սփյուռքի նախարար Հրանուշ Հակոբյանը:

Չգիտես ինչու ֆեյսբուկյան ու մամուլի որոշ հրապարակումներում կան անձիք, ովքեր դեմ են սփյուռքի նախարարի այս նախաձեռնությանը: ՈՒղակի անհասկանալի է  այս տիպի մարդկանց աշխարհաընկալումը: Տեղին ենք համարում ՀՀ արվեստի վաստակավոր գործիչ, Հայաստանի թատերական գործիչների միության վարչության քարտուղար Լևոն Մութաֆյանի մտահոգությունները:Այդ մասին  նա գրառել է ֆեյսբուկյան իր էջում, որն էլ զետեղում ենք ստորև.

ԼԵՎՈՆ ՄՈՒԹԱՖՅԱՆ                                                                                                                                                                                    :

Հրանուշ Հակոբյանը դիմել է Սփյուռքին` աջակցելու Գոռ Սուջյանին: Ու ֆեյսբուքում, այլ սոցիալական ցանցերում ու էլեկտրոնային մամուլում ոմանք վայնասուն են բարձրացրել, աղմուկ-աղաղակ գցել, ծիծաղելի համարել նախարարի նախաձեռնությունը... Շտապեմ առարկել իբր կրիտիկոսներին: Իսկ ի'նչ էր անելու Սփյուռքի նախարարը: Լռելու' էր ու չնկատելու' էր տալու ԵՎՐԱՏԵՍԻԼՈՒՄ մեր երգչին աջակցելու խնդիրը... Եթե նա Սփյուռքի նախարարն է, ու Սփյուռքն էլ ոչ միակամ ու միատարր է, ի'նչ էր անելու նախարարը` գոնե մի խնդրի շուրջ բոլորին համախմբելու համար... Պատկերացնում եք, եթե նախարարը հայտարարություն-կոչով հանդես չգար: Այն ժամանակ էլ մահակներն առած` կվազեին նախարարություն, ակցիաներ կսարքեին, կպահանջեին նախարարի հրաժարականը, թե` եկեք ու տեսեք, որ նախարարն իր լծակները չի օգտագործում Գոռ Սուջյանին աջակցելու հարցում... Տարօրինակ ու զարմանալի ազգ ենք, տեսակ ենք...

Նախարարի, որն ի դեպ, իր գործառույթների շրջանակում է գործել, դեմ ելնելու փոխարեն, ելեք Հ1-ի ու Գոհար Գասպարյանի դեմ, այն բանի դեմ, որ այս անգամ էլ ,,Կյանքի խոսքի,, հրահանգները կատարելով, մրցույթ են ճանապարհել բառացիորեն վատ և որևէ հետաքրքրություն չառաջացնող երգ` անպայմանորեն Գոռ Սուջյանի կատարմամբ: Քննադատեք նրանց, ովքեր Հայաստանը շագրենի կաշվի նման նեղցացրել ու բերել-պառկեցրել են Հ1-ի ու Հայաստանի եվրատեսիլյան մաֆիայի նստատեղերի տակ ու գրպանների մեջ...Քննադատեք նրանց, ովքեր Երևանից դուրս չեն ուզում տեսնել բազմաթիվ տաղանդավոր երիտասարդների...

Ն.Օ-Մեր ընթերցողներին հիշեցնենք, որ «Եվրատեսիլ 2013» երգի մրցույթի առաջին կիսաեզրափակչի արդյունքներով եզրափակիչ փուլ են դուրս եկել 16 երկրներից 10-ը` Մոլդովան, Լիտվան, Իռլանդիան, Էստոնիան, Բելառուսը, Դանիան, Ռուսաստանը, Բելգիան, Ուկրաինան և Նիդեռլադները:Այսօր երկրորդ կիսաեզրափակիչի օրն է «Դորիանս» խումբը ելույթ կունենա  Հունգարիան, Նորվեգիան, Լատվիան, Վրաստանը, Շվեյցարիան, Սան Մարինոն, Մակեդոնիան, Ադրբեջանը,  Բուլղարիան, Իսլանդիան, Հունաստանը, Իսրայելը, Ալբանիան, Ֆինլանդիան, Մալթան և Ռումինիան ներկայացնող մասնակիցների թվում: Հայաստանին ՄԱՅԻՍԻ 18-ի եզրափակիչում տեսնելու համար հարկ է, որ այսօր հոլանդահայերը և բոլոր ևրոպաբնակ մեր հայրենակիցները քվեարկեն Գոռ Սուջյանի օգտին:

Այնպես, որ լիցքավորեք և պատրաստ պահեք հեռախոսները...

«Նիդերլանդական Օրագիր»

Tags: Այլ, Առօրյա, Իրադարձություններ.դեպքեր
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments