niderlandakan (niderlandakan) wrote,
niderlandakan
niderlandakan

Սահակաշվիլու հրաժարականը համընկել է 20 տարի առաջ նրա ամուսնության տարեդարձին

Նոյեմբեր 17-ին , Միխեիլ Սահակաշվիլու նախագահական պաշտոնի հրաժարականի  օրը  համընկավ  նրա "հախճապակյա հարսանիքին» - Ուղիղ 20 տարի առաջ ,Վրաստանի ապագա ղեկավարը եւ հոլանդացի Սանդրա Էլիզաբեթ Ռուլովսը դարձան ամուսիններ: Այդ մասին հաղորդում է վրացական մի գործակալություն:

« Քսան տարի առաջ , նոյեմբերի 17 - ին,  Միշային ասացի « Այո, ես համաձայն եմ»: Մի սովորական օր էր, պատահական հագուստով եւ մի վարդի ձեռքին »,-ֆեյսբուքյան էջում գրել է Ռուլովսը:

Ռուլովսի  բառերով' «սա միասին լինելու խոստում էր: ուր որ գնայի ինձ վարդեր էին նվիրում: Այսօր 2013 թվականի նոյեմբերի 17-ին, մեր հարսանյաց օրվա 20-րդ տարեդարձին վարդեր չկան, բայց կան փշեր և արցունքներ»-գրում է նախկին առաջին տիկինը:

Այս պահին նա գտնվում է հայրենիքում ' Նիդերլանդներում, բայց գրում է, որ շատ շուտով հետ է վերադառնալու Վրաստան:

Վրաստանի նոր նախագահ Գորգի Մարգվելաշվիլու երդմնակալության արարողությունը տեղի ունեցավ Թբիլիսիում այս կիրակի, որը մեխանիկորեն վերջ դրեց Սահակաշվիլու իշխանությանը: Ավելի շուտ վերջինս հայտնել էր, որ ժամանակավորապես հրաժարվելու է ակտիվ  քաղաքականությունից և պատրաստվում  արտասահմանում հիմնադրել  գիտական կենտրոն:

Ռուլովսը և Սահակաշվիլին ծանոթացել են 1993 թվականին Ստրասբուրգի միջազգային համալսարանում,որտեղ համատեղ ուսանել են:Ամուսնու հետ Վրաստան է տեղափոխվել 1996թվականից, սովորել է վրացերեն, աշխատել միջազգային Կարմիր Խաչի կոմիտեում, եղել է հոլանդական ռադիոյի թղթակից, աշխատել բուժքույր Թբիլիսիի ծննդատանը: Գրել է մի շարք գրքեր, այդ թվում

« վարդերի հեղափոխության » մասին:

Վերջին տարիներին Սանդրա Ռուլոֆսը զբաղվել է բարեգործությամբ: ՈՒնի 2 որդի' ծնվ.1995 և 2005թթ. Էդվարդ և Նիկոլոզ անուններով:

Tags: Այլ, Հենց այնպես, Հետաքրքիր է, Նիդերլանդական օրագիր
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments