niderlandakan (niderlandakan) wrote,
niderlandakan
niderlandakan

Լևոն Արոնյանը երկրորդ հաղթանակն է տանում

Վեյկ ան Զեե:  Նիդերլանդական փոքրիկ այս քաղաքում իսկական շախմատային  տոն է: Tata Steel (Ավելի հայտնի Վեյկ ան Զեեի մրցաշար) անվամբ ավանդական թվով 76-րդ շախմատային գերմրցաշարը թևակոխում է վճռական պայքարի փուլ: Ինչպես արդեն հաղորդել էինք  մրցաշարի երկրորդ տուրում, մեր առաջատար շախմատիստ Լևոն Արոնյանը  հնդիկ  Հարիկրիշնայի հետ միավորը կիսելուց հետո,  տոնեց  իր առաջին հաղթանակը' պարտության մատնելով իտալացի Ֆաբիանո Կարուանային: Այնուհետև մեր շախմատիստը երրորդ  տուրում կրկին  խաղաղ ելքով ավարտեց  հանդիպումը այս անգամ մրցաշարի ամենաերիտասարդ մասնակից,  հունգար գրոյսմաստեր Ռապպորտի հետ: Հունվարի 14-ին մասնակիցների հանգստյան օրն էր: Այսօրվա 4-րդ տուրից առաջ մրցաշարում երկուական միավորներ էին հավաքել 12 մրցակիցների ուղիղ կեսը: Վեց մասնակիցներ, այդ թվում Լևոն Արոնյանը զբաղեցնում էին 1-6-րդ հորիզոնականը:

Վերջին' 11 և 12-րդ հորիզոնականները կիսող Արկադի Նադիթշինը (Գերմանիա) և իսրայելցի Բորիս Գելֆանդը առաջատարներից ետ են մնում ընդամենը 1,5 միավոր:

Վերջիններս 4-րդ տուրում իրենց  հարաբերությունները պարզեցին' ձգտելով խույս տալ վերջին տեղերից: Գրանցված ոչ ոքին սակայն ոչ մի փոփոխություն չմտցրեց նրանց դիրքերում: Միանշանակ այսօրվա 4-րդ տուրի կենտրոնական հանդիպումը  ՖԻԴԵ-ի գործակիցներով երկրորդ արդյունքն  ունեցող  Լևոն Արոնյանի(2812)  և  նույին դասակարգմամբ աշխարհի  3-րդ արդյունքն   ունեցող 2789 ամերիկացի Նիկարու Նակամուրայի միջև պայքարը, ովքեր ի դեպ այս տուրից առաջ հավասար 2-ական միավորներ  ունեին: Գեղեցիկ ու  կոմբինացիոն ոճով մեր շախմատիստը փայլուն և տպավորիչ  հաղթանակ  տարավ ամերիկացու  նկատմամբ' ամրապնդելով առաջատարի իր դիրքը:

Արոնյանը  կես միավոր ավել է վաստակել իրեն հետապնդող Հարիկրիշնայից, Կարյակինից, Սոից և Գիրիից:

Դոմինգուեզը,Կարուանան և Նակամուրա հավաքել են 2 միավոր:

Վան Վելին ու Ռապպորտը ' 1,5:

Գելֆանդ , Նաիդիթշ' 1-ական միավոր:

Հունվարի 17-ին խաղարկվելու է 5-րդ տուրը: Մեր  մասնակցի ախոյանն է լինելու աղյուսակը եզրափակողներից մեկը, գերմանիայի  ներկայացուցիչ Նաիդիթշը:

4-րդ տուր

Գիրի (Հոլանդիա) - Սո (Ֆիլիպիններ)       ½-½

Գելֆանդ (Իսրայել) - Նաիդիթշ (Գերմանիա)½-½

Արոնյան (Հայաստան) - Նակամուրա (ԱՄՆ)1-0

Կարյակին (Ռուսաստան) -Ռապպորտ (Հունգարիա)1-0

Դոմինգուեզ (Կուբա). - Կարուանա (Իտալիա) 1-0

Վան Վելի(Հոլանդիա) - Հարիկրիշնա (Հնդկաստան)½-½

«Նիդերլանդական Օրագիր»

Tags: Մարզական
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments