?

Log in

No account? Create an account

Previous Entry | Next Entry

Լուսանկարներում'-.«ՈՒրարտու»  հայ-նիդերլանդական բարեկամության ընկերության նախագահ, դոկտոր, պրոֆեսոր Մարտուն Էլբակյանը զրուցում է Նիդերլանդների թագավոր Վիլհեմ Ալեքսանդրի հետ:

«Զայազ» բնակարանային շինարարության կորպորացիայի  Bewonersblad Buurt հանդեսի հերթական համարի  20-21-րդ էջերում, համապատասխան ինֆորմացիայով,   զետեղել է  պրոֆեսոր Մարտուն Էլբակյանի մեծադիր այս լուսանկարը:

_______________________________

Նիդերլանդական Օրագիրն իր էջերում բազմիցս է անդրադարձել «ՈՒրարտու»  հայ-նիդերլանդական բարեկամության ընկերության նախագահ, դոկտոր, պրոֆեսոր Մարտուն Էլբակյանի Նիդերլանդների Թագավորությունում կատարած հայրենանվեր գործունեությանը: Մեր ընթերցողներն արդեն տեղյակ են, որ հարգարժան պրոֆեսորը ճանաչվել է Նիդերլանդների Թագավորության 2013 թվականի լավագույն ՈՒսման վարպետներից մեկը: Նիդերլանդական մամուլը ևս իր ուշադրության կենտրոնում է պահում մեր հայրենակցի գործունեությունը: Նրա մասին հերթական ուրախալի լուրը սպասեցնել չտվեց:

Հերթոգենբոս քաղաքում  լույս տեսնող Թագավորության  «Զայազ» բնակարանային շինարարության կորպորացիայի  Bewonersblad Buurt հանդեսի հերթական համարի  20-21-րդ էջերում, համապատասխան ինֆորմացիայով,   զետեղել է  պրոֆեսոր Մարտուն Էլբակյանի մեծադիր լուսանկարը:

Բնակարանային շինարարության կորպորացիաները Նիդերլանդներում ոչ միայն տնօրինում են իրենց կառույցներին, այլ նաև նպաստում և հետամուտ են իրենց բնակիչների բարեկեցիկ ապրելակերպին, տեղյակ են նաև կարևոր անցուդարձերին:

Ավելի քան չորսհարյուր նմանատիպ կորպորացիաներ միասին ստեղծել են Նիդերլանդների Թագավորության AEDES գլխավոր կազմակերպությունը, որն իր 1ՕՕ-ամյա հոբելյանն է տոնել: 1ՕՕ-ամյա տարելիցը մեծ շուքով և հանդիսությամբ է նշվել Հերթոգենբոս քաղաքում: Բարձրաստիճան պաշտոնյաներից բացի հրավիրված էր նաև Նիդերլանդների  թագավորը, Ձերդ Գերազանցություն Վիլեմ-Ալեքսանդրը, ով  անհատական-առանձին հանդիպում ունեցավ սահմանափակ թվաքանակով անձանց հետ: Թագավորության «Զայազ» բնակարանային շինարարության կորպորացիայից ներկայացված երկու բնակիչներից մեկը հենց մեր հայրենակից՝ դոկտոր, պրոֆեսոր Մարտուն Էլբակյանն էր:

ի պատիվ և հուրախություն բոլորիս, արքա Վիլհեմ Ալեքսանդրը բավական երկար ու բովանդակալի զրույց  ունեցավ Պրոֆեսոր Էլբակյանի հետ, որն էլ առաջ էր  բերել  հոլանդացի լրագրողների բուռն հետաքրքրությունը: Օրինակ' AEDES գլխավոր կորպորացիան այդ  մասին իր կայքէջում հատուկ տեսահոլովակ և հարցազրույց է ներկայացրել,իսկ լրագրողներին տրված պրոֆեսոր Էլբակյանի որոշ պատասխաններ էլ  դարձան նյութերի վերնագրեր, ինչպիսին'՝ «Բայց չէ որ արքան էլ է սովորական մարդ» (Stadsblad շաբաթաթերթ 08.01.2014):

Մենք ևս հետաքրքրվեցինք, թե ի՞նչի մասին է պրոֆեսորը այդքան երկար զրուցել Վիլհեմ Ալեքսանդր թագավորի հետ:Պարոն Էլբակյանը նշեց, որ արքայի հետ զրույցի ոչ  բոլոր  մանրամասներն է էական արծածելը: Նրան դուր էր եկել, որ արքան մեծ ուշադրություն է դարձնում սեփական երկրի բնակիչների հոգսերին, առաջացած խնդիրներին: Հետաքրքրվում է նրանց աշխատանքով և համագործակցությամբ: Իսկ վերջում ավելացրեց. «Ինձ համար մեծ պատիվ էր երկրի արքայի հետ զրուցելը»:

«Նիդերլանդական Օրագիր»