niderlandakan (niderlandakan) wrote,
niderlandakan
niderlandakan

Պրոֆեսոր Ռիչարդ Հովհաննիսյանը Հայոց Ցեղասպանության թեմաներով դասախոսելու է Նիդերլանդներում

Հոլանդահայ կազմակերպությունների ֆեդերացիայի (FAON) «Ապրիլ 24» հանձնախումբը ի լրումն եկող տարի լայնամասշտաբ կերպով անցկացվող Հայոց Ցեղասպանության 100 ամյակի, այս տարի ևս միջոցառումների  շարք է կազմակերպելու հետագա ամիսներին: Հերթականն անց է կացվելու շաբաթ' մայիսի 10-ին Ամստերդամի 300-ամյա հնամենի «Սուրբ Հոգի» Եկեղեցում: Բանախոսը  ամերիկաբնակ հայ պատմաբան, պրոֆեսոր Ռիչարդ Հովհաննիսյանը հանդես է գալու «Հայոց ցեղասպանության վերջին փուլը` 1922 թ. Զմյուռնիայի աղետը» թեմայով: Դասախոսությունը' պատկերների ցուցադրմամբ Զմյուռնիայի հայկական ծաղկուն համայնքի և 1922-ին դրա ոչնչացման մասին է: Հովհաննիսյանն անձամբ է շրջագայել Իզմիրում և նրա շրջակա վայրերում, Կալիֆորնիայի համալսարանի   «Պատմական Հայաստանի քաղաքներն ու գավառները» գիտական աշխատության 11-րդ հատորում է հենց տեղ գտել «Հայկական Զմյուռնիա / Իզմիր» հատվածը:

Այս աղետը, որ հայոց ցեղասպանության վերջնական փուլի մի մասն էր կազմում, նշանավորեց նրանով, որ վերջ տրվեց պատմական Էգեյան ափամերձ շրջաններում հզոր քրիստոնեական ներկայությանը և փախուստի մատնեց հարյուր հազարավոր հույների եւ հայերի:

Ռիչարդ Հովհաննիսյանը  Ծնվել է 1932թ. նոյեմբերի 9-ին: Կալիֆորնիայի Լոս Անջելեսի պետական համալսարանի դասախոս (1962–1969), պրոֆ. (1969-ից), հայոց և կովկասյան պատմության բակալավրի, մագիստրոսի և փ.դ. կոչումներ շնորհող ծրագրերի ղեկավար (1962-ից), հայ կրթական հիմնարկության հայ ժողովրդի արդի պատմության ամբիոնի վարիչ (1987-ից): Հայագիտական հետազոտությունների ընկերության հիմնադիր նախագահ (1974, 1977, 1991–1992), ՀՀ ԳԱԱ արտասահմանյան անդամ:

Հիմնական աշխատությունները վերաբերում են Հայաստանի, Անդրկովկասի և Միջին Արևելքի պատմության հարցերին, Հայաստանի XX դ. սկզբի, Հայաստանի առաջին Հանրապետության, Օսմանյան կայսրությունում հայոց ցեղասպանության պատմությանը, պատմագրությանը: Հեղինակ է «Հայաստանի Անկախության ճանապարհին»,  «Հայաստանի Հանրապետություն» քառահատոր աշխատությանը, խմբագրել ու հրատարակել է մի քանի տասնյակ գրքեր, այդ թվում ` «Հայոց ցեղասպանության հեռանկարը», «Հայ ժողովուրդը հնագույն ժամանակներից մինչև մեր օրերը», «Ոգեկոչում և ժխտում» . «Հետ նայել, առաջ շարժվել» , «Հայոց ցեղասպանությունը` մշակութային եւ էթիկական ժառանգություններ» աշխատությունները:

Պրոֆեսոր Հովհաննիսյանը դասախոսություն կունենա  նաև Նիդերլանդների հայաշատ մեկ այլ քաղաքում: Մայիսի 11-ին Ալմելոյի հայկական եկեղեցու «Գուլբենկյան» սրահում հայազգի պրոֆեսորը «Պատմական Արևմտյան Հայաստանը» թեմայով,  կներկայացնի Տիգրանակերտի վերջին հայերի և Սև Ծովի ափերում բնակվող հայախոս համշենահայերի պատմությունները:Այս մի ձեռնարկն էլ կազմակերպել է  Հայկական Բարեգործական Ընդհանուր  Միության տեղական մասնաճյուղը:

«Niderlandakan Oragir»

Tags: Այցելություններ տպավորություններ, Առաջին էջ, Լուսանկար. տեսանյութ, Նիդերլանդական օրագիր, հաղորդագրություն. միջոցառում
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments