Niderlandakan oragir (niderlandakan) wrote,
Niderlandakan oragir
niderlandakan

Ամստերդամը կունենա «ARMEENSEBRUG» անվամբ կամուրջ

Նիկոլայ Ռոմաշուկ-Հայրապետյան-

«Այս երկար տարիներու շատ դժվարին և շատ
հոգնեցուցիչ բայց հաջողությամբ պսակված
աշխատանքս, նվիրում եմ, Հայոց Ցեղասպանության
Անմեղ Զոհերու 100 Ամյա Տարելիցին»

Դեռ անցյալ տարվա վերջերին մամուլը շրջանառեց մի լուր, ըստ որի Ամստերդամի բազմաթիվ կամուրջներից մեկն անվանվելու է   «Հայկական կամուրջ»: «Նիդերլանդական Օրագիրը» պարզեց  թե կոնկրետ Ամստերդամի որ կամուրջի մասին էր խոսքը և պարզաբանումներ ստացավ Նիկոլայ Ռոմաշուկից' հենց այն ազգանվեր անձից , ով  նախանձախնդրորեն մտահոգ էր եղել այս հարցի լուծմանը:

Վերջին մի քանի ամիսներն այն ժամանակամիջոցն էին, որպեսզի Ամստերդամի քաղաքային իշխանությունները հարցին մոտենային գործնական ձևով: Եվ ահա չուշացավ ուրախ լուրը: ինչպես պարոն Նիկոլայ Ռոմաշուկն է  գրում. «Հայոց Ցեղասպանության 99-րդ տարեդարձի օրերը նշելեն ետք, ձեզի լավ լուր պիտի հայտնեմ, Հոլլանտական ասացվածք մը կա որ այսպէս է

հնչում, «Անձրեւից հետո արեւն է ծագում»: Իրավ է' մայիսը, մեր պատմական հաղթանակների ամիսը, մեզի հույսի ու արևի շող է: Հենց Մայիս ամսվա 15-ի կեսօրին,  Ամսթերտամի քաղաքապետարանը, 293 համարանիշը կրող կամրջին ամրացնելու է հուշատախտակներ հետեվյալ գրությամբ. «ARMEENSEBRUG»

Ի դեպ Ամստերդամի կենտրոնական մասում կան 273  կամուրջներ (ընդհանուր ' 1700-ից ավելի), շատերը համարակալած են և չունեն անվանումներ: Մեր ուսումնասիրությունները ցույց տվեցին, որ իշխանությունները հազվադեպ են նոր անվանումներ տալիս այս կամ այն կամրջին, կամ դա անում են մանրակրկիտ ուսումնասիրություններից ու հետազոտություններից հետո: Օրինակ անցած տարի այդպիսի 12 դիմում է ստացվել համապատասխան հանձնաժողովներին, որից 2 դիմում է քննարկման ընդունվել: Արդյունքում բավարարվել է միայն հայկական կամրջի անվանման հարցը:

Թեև  տեղաբնակները այս կամուրջը վաղուցվանից են «Հայկական» կոչում, այնուամենայնիվ պարոն Ռոմաշուկից 4 տարի պահանջվեց իշխանություններին համոզելու, որ այն ամրագրվի պաշտոնապես: Նա հոլանդական արխիվներից "հայկական հետքն" ապացուցող  փաստաթղթեր է  հավաքել: Մասնավորապես հայ վաճառականներն ու Ամստերդամի հայ բնակիչները այս կամրջով են անցուդարձ արել, այցելել «Սուրբ Հոգի» հայկական եկեղեցի, որի հիմնադրման 300-ամյակը ի դեպ  այս տարի է լրանալու: Միառժամանակ այս անվանումով ապացուցվում է Նիդերլանդներում հայերի ունեցած դերն ու ամրագրվում  նրանց գործունեությունը ակտիվ քաղաքական կյանքում:

«Ես բազմաթիվ ապացույցներ ներկայացրի Ամսթերտամի քաղաքապետարանին  նախ  այն  պատճառով , որպեսզի ապացուցեմ, որ «ARMEENSEBRUG» անունը, պատվաբեր է նաև հոլանդացիների համար,-ասում է պարոն Ռոմաշուկը, նաև  արդարացի է, քանի, որ հայ ժողովուրդը իրոք արժանիքներ ունի:Դրա վկայությունները բազմաթիվ են, Հայերը մեծ դեր ունեն Նիդերլանդների ոսկեդարի (17-րդ դար) բարգավաճմանը, երկրորդ համաշխարհային պատերազմին Հայ զինվորներու ցուցադրած վէրաբերմունքը ի օգուտ Նիդերլադական բանակի և այլը»:

«ARMEENSEBRUG» տեղանունը գրանցվելու է պաշտոնական ձեռնարկներում, բոլոր տեղեկատվական և ճանապարհորդական ուղեցույցներում, տուրիստական, քարտեզագրության և այլ համակարգերում:

Հիշեցնենք, որ Սա Նիկոլայ Ռոմաշուկի առաջին հայրենասիրական ձեռնարկը չէ: Նա բազում անգամ է նախաձեռնություններով հանդես եկել: Մասնավորապես նրա որոնողական ջանքերի շնորհիվ հայտնաբերվել է Ամստերդամի  հայկական եկեղեցու վարդապետ Հովհաննես Մինաս Ամասացու (մահացել է 1768թ.) գերեզմանը:Այն ամփոփված է 444 համարի ներքո և գտնվում է Ամստերդամի Oude Kerk-ի (հին եկեղեցի)գերեզմանոցում, որտեղ  բավական ճանաչված ու սահմանափակ թվով նշանավոր մարդիք են ամփոփված:

Նաև նրա օժանդակությամբ է Հայաստանից Նիդերլանդների Ասեն քաղաք տեղափոխվել հսկա հայկական խաչքար, որտեղ ամեն տարի ապրիլի 24-ին ոգեկոչվում է 1915 թվականի ցեղասպանության զոհերի հիշատակը:

Նրա ջանքերի շնորհիվ է կառուցվել Հրանտ Դինքի անունը կրող հայկական գերեզմանատունը:

Նիկոլայ Ռոմաշուկ-Հայրապետյանը Երուսաղեմից Նիդերլանդներ է տեղափոխվել 1976 թվականին: Նա մի շարք հասարակական և մշակութային կազմակերպությունների անդամ է և ղեկավար, մասնավորապես' "Համաշխարհային հայկական կոնգրես" հայկական հասարակական միավորումների միջազգային միության հիմնադիրներից է, "Համաշխարհային հայկական կոնգրես"-ի Գերագույն Խորհրդի անդամը :


Ա.Կնյազյան

«Նիդերլանդական Օրագիր»

Կրտսեր (ձախից)  և ավագ  Ռոմաշուկները Հաագայում Հայոց Ցեղասպանության 99-ամյակի միջոցառման ժամանակ


Tags: Առաջին էջ, Իրադարձություններ.դեպքեր, Լուսանկար. տեսանյութ, Կարևոր, Հետաքրքիր է, Նիդերլանդական օրագիր, հաղորդագրություն. միջոցառում
Subscribe

  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments