?

Log in

No account? Create an account

Previous Entry | Next Entry

Չնայաց փոքրաթիվ հայերի ներկայությանը Իսրայելում, հայերն աշխույժ ու գուրծունյա համայնք են  ձևավորվել:  Հարկ եղած դեպքերում համայնքը բռունցք է դառնում ու իր միասնական դիրքորոշումը  ներկայացնում  երկրի տարբեր մակարդակների տնտեսական և քաղաքական, մշակութային ֆորումներում: Նման օրինակները շատ են'  մեծաթիվ ադրբեջանական համայնքի  գործունեության չեզոքացումը,  հայկական հարցերի  քննարկումների լայն դիապազոնը երկրի քաղաքական տեսադաշտում մշտապես ներկայացնելը, Թուրքական կեղծավոր ագիտացիան ճիշտ հայելու մեջ ներկայացնելը և այլնը: Ամենաուրախալին սակայն համայնքի միասնական գործունեությունն է: Եվրատեսիլի քվեարկությունում  հայկական համայնքը ամենաակտիվն է եղել' Արամ MP3-ի օգտին ամենաշատ ձայները տալով: Շուտով մի համերգ էլ կազմակերպվելու է, հենց մաեստրո Նուբար Ասլանյանի ծննդյան օրը' հունիսի 18-ին, Հայֆայի փողային նվագախումբը իր հաշվետու համերգին  ներկայացնելու է Նուբար Ասլանյանի նոր ստեղծագործություններից մեկը:Իսրայելի բանակի օրկեստրն  էլ քրտնաջան պարապում է կոմպոզիտորի «Սարդարապատ» եւ «Կոնցերտային վալս»  ստեղծագործությունների վրա: Հիշյալ օրկեստրի նվագացանկում արդեն հաստատուն տեղ ունի  Ն. Ասլանյանի 3 քայլերգերը:Կոմպոզիտորը թե Իսրայելի, և թե Հայաստանի կոմպոզիտորների միության անդամ է, և լավ կլիներ  նրա գործերով նաև Հայաստանում հետաքրքրվեին:

 Ընդհանրապես սփյուռքի հայությանը ոգևորում է մայր հայրենիքի անգամ փոքր ձեռքբերումները, մղում նորանոր հայրենանպաստ գործերի, անգամ գովելի է  Հայաստանի և սփյուռքի  հայության  անհատական երկխոսությունները: գնահատանքի խոսքերը խթանիչ  ու ոգևորող ուժ ունեն: Ցավոք հակառակն էլ է պատահում, լինում է, երբ պատասխանատու ոլորտը սպասարկող մի անհատ  սեպ է խրում, ցեխ  շպրտում Հայաստան-Սփյուռք  փոխհարաբերություններին:Սփյուռքի  գործունեությանը տրված անհարկի գնահատականները հենց  ջուր  լցնել է թշնամու ջրաղացին:  Կառույց, որի անվան հիշատակումն անգամ սարսուռ է առաջացնում թուրքական ազգայնական շրջանակներում, պետք է քնքշանքով մոտենալ ու գուրգուրել: Անգամ արտասահմանյան թուրքական քաղաքականությունը սպասարկող  բազմաշերտ լոբիստական շրջանակներն  են  անզոր  դիմակայել մեր սփյուռքի մարտահրավերները: Դա տեսանելի  է  ամենուր ' նայև  Նիդերլանդներում: ՈՒստի սփյուռքի  մասին հայրենիքից ասված յուրաքանչյուր խոսք պետք է մտածված, կշռադատված հնչի:

Սակայն այս մասին չէ, որ  ուզում էինք խոսել, վերադառնանք Իսրայելի հայ համայնքի  հաջողությունների ու ամրակուռ միասնության օրինակին, որն այս պահին ոգևորող է  անգամ հայաշատ երկրների շատ համայնքների համար, այդ թվում հոլանդահայ:  Իսրաելահայերն ունեն իրենց ՆԱԻՐԻ անունով կայք-էջը , որը համախմբում է Պետախ-Տիկվայի իսրայելահայերի «Նաիրի» միությանը: Այստեղ կարելի է գտնել համայնքի մասին պատմող բազմաթիվ նյութեր, որից ավելի ուրախալին «Իսրաելահայեր» ամսաթերթի ստեղծման և ներկայացման  մասին լուրն է: Բավական ծանրակշիռ թերթ, որը եզակի իրողություն է իսրաելահայ կյանքում և համախմբում է իսրաելահայերի ջանքերը: 8 էջանոց ամսաթերթը խմբագրում է ճանաչված լրագրող  Արտյոմ Չերնամորյանը:

Hay Azian