niderlandakan (niderlandakan) wrote,
niderlandakan
niderlandakan

Հոլանդահայ կազմակերպությունները դատի են տվել թուրք ժխտողականներին

Ֆոտոկոլաժը' ՆԻԴ.ՕՐԱԳՐԻ

Հաագա, 27 հունիսի 2014 – Համագործակցող հոլանդահայ կազմակերպությունները'  Հոլանդահայ կազմակերպությունների ֆեդերացիան (FAON) և Հոլանդիայի Հայ Դատի հանձնախումբը Հայոց ցեղասպանության ժխտմանը վերաբերող գանգատ  են ներկայացրել Նիդերլանդների դատական ատյաններին: Հսյցն ուղղված է 2014 թվականի հունիսի 1-ին Ալմելո քաղաքում տեղի ունեցած թուրքական հանրահավաքի կազմակերպիչների, հռետորների և մասնակիցների հակահայ հակազգային գործունեության  դեմ:   Հանրահավաքն ուղղված էր ընդդեմ Ալմելոյի Հայ Առաքելական եկեղեցու սեփական հողամասում վերջերս տեղադրված հայոց ցեղասպանության զոհերի հուշահամալի: Հանրահավաքի ընթացքում, որին մասնակցել են Նիդերլանդների տարբեր քաղաքներից  ժամանած շուրջ 3000 մարդ, տարբեր արտահայտություններով հերքվել է հայոց ցեղասպանությունը: Ցուցարարները նույնպես վանկարկել են հակահայ կարգախոսներ:

Ըստ Համագործակցող հոլանդահայ կազմակերպությունների ոտնահարվել է հոլանդական Քրեական օրենսգրքի 137-րդ հոդվածը` հայ ժողովրդի դեմ խմբային զրպարտություն, խտրականություն և ատելություն հրահրելու պատճառով:

Այդ հանրահավաքի մասին Նիդերլանդների Արտաքին Գործերի նախարարին, Սոցիալական Հարցերի և Աշխատանքի նախարարին, ինչպես նաև Անվտանգության և Արդարադատության նախարարին գրավոր հարցեր են ներկայացրել հոլանդական խորհրդարանի պատգամավորներ Պիտեր Օմզիգտը (Քրիստոնյա դեմոկրատական կոչ – CDA), Հարի Վան Բոմելը (Սոցիալիստական կուսակցություն – SP), Ժոել Ֆորդեվինդը (Քրիստոնեական միության – CU), Կեես Վան Դեր Ստայը (Բարեփոխված քաղաքական կուսակցություն – SGP) և Ռեյմոնդ Դե Ռոնը (Ազատության համար կուսակցություն – PVV): Բացի Հայոց ցեղասպանության ժխտմանը վերաբերող հարցադրումներից, այնտեղ կան նաև հանրահավաքի կազմակերպման մասին հարցեր, քանի որ ցրված թռուցիկներից ակնհայտ է դառնում Թուրքիայի Diyanet Կրոնական հարցերով վարչության դերը, որը նաև անվճար երթևեկության միջոցներ է տրամադրել ցուցարարներին:

Միջազգային գիտական շրջանակներում գոյություն ունի համաձայնություն հայոց ցեղասպանության մասին: Հոլանդիայի խորհրդարանը հայոց ցեղասպանությունը միաձայն ճանաչել է 2004 թվականին (Ռաուֆուտի բարաձևը):

Ա.Կնյազյան

«Նիդերլանդական Օրագիր»


Tags: Իրադարձություններ.դեպքեր, Կարևոր, Հետաքրքիր է, Նիդերլանդական օրագիր
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 1 comment