niderlandakan (niderlandakan) wrote,
niderlandakan
niderlandakan

Նիդերլանդների Օվերեյսել մարզային խորհրդարանը ճանաչել է հայոց ցեղասպանությունը

overijssel
Հաագա, 3 Հուլիսի 2014 – Նիդերլանդների 12 մարզերից մեկի' Օվերեյսելի մարզային խորհրդարանը, որի տարածքում է գտնվում Ալմելո հայաշատ քաղաքը 2014 թ. հուլիսի 2-ի կայացած նիստում ընդունել է  մի բանաձև, որտեղ հատուկ դիրքորոշում է  արտահայտել  անցած ապրիլի 24-ին, ապա հունիսի մեկին Ալմելոյի հայկական եկեղեցու  բակում տեղադրված հայոց ցեղասպանության հուշարձանի դեմ  թուրք-ազերիների անցկացրած  բողոքի ցույցերի  կապակցությամբ, որտեղ հնչել էին հակահայկական ռասիստական բնույթի կոչեր: Բանաձևը, որ ներկայացրել են Քրիստոնեական միություն (CU), Բարեփոխված քաղաքական կուսակցություն (SGP), Ազատության համար կուսակցություն (PVV) և Քրիստոնյա դեմոկրատական կոչ (CDA) խմբակցությունների պատգամավորները, փաստորեն ճանաչում է Հայոց Ցեղասպանությունը:Փաստաթղթում վկայակոչվում է 1915-1918 թթ. Օսմանյան Կայսրությունում 1,5 միլիոն մարդկանց (հայերի, ասորիների և պոնտացի հույների), գազանաբարո ջարդերը:
Բանաձևը հստակ մերժում է  ցեղասպանությունը ժխտողների յուրաքանչյուր դիրքորոշում և  ընդունում  ու ճանաչում է  Հայոց Ցեղասպանությունը' նաև հիմք ընդունելով 2004 թ. Նիդերլանդների խորհրդարանի ընդունած Հայոց Ցեղասպանությունը ընդունող բանաձևը:
2014 թ. հունիսի 1-ի թուրքական հանրահավաքի արտահայտությունների դեմ Համագործակցող հոլանդահայ կազմակերպությունները (Հոլանդահայ կազմակերպությունների ֆեդերացիան (FAON) և Հոլանդիայի Հայ Դատի հանձնախմբը) անցած շաբաթ գանգատ են ներկայացրել Նիդերլանդների իրավապահ մարմիններին:
Փաստորեն սրանով թուրք ժխտողականները, որոնք աջակցություն և օժանդակություն էին ստանում բուն Թուրքիայից հակառակ արդյունք ստացան:
Tags: Իրադարձություններ.դեպքեր, Լուսանկար. տեսանյութ, Կարևոր, Նիդերլանդական օրագիր
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments