niderlandakan (niderlandakan) wrote,
niderlandakan
niderlandakan

Սուրբ Կարապետ եկեղեցու բացման եւ օծման արարողությունը Մաստրիխտում

sbkarap

26.01.2013

Հունվարի 26-ին Նիդերլանդների Մաստրիխտ քաղաքում տեղի ունեցավ Սուրբ Կարապետ Հայ առաքելական եկեղեցու բացման եւ օծման արարողությունը:

Օծման կարգը կատարվեց Սրբազան Նորվան Արքեպիսկոպոս Զաքարյանի կողմից` Ռումինիայի թեմի առաջնորդ Սրբազան Տաթեւ եպիսկոպոս Հակոբյանի, Տեր Զատիկ վարդապետ Ավետիկյանի, Տեր Արմեն քահանա Մելքոնյանի, Տեր Տարոն քահանա Թադեոսյանի եւ Տեր Մաշտոց քահանա Բաղդասարյանի մասնակցությամբ:

Եկեղեցու օծման հանդիսավոր արարողությանը ներկա էին Ռուրմոնդի նահանգի եկեղեցական թեմերի առաջնորդներ` Ռուրմոնդի եպիսկոպոս Ֆր. Վիրցը, Հունական եւ ռուսական եկեղեցիների առաջնորդ Արքեպիսկոպոս Վլադիկո Գաբրիելը, Մաստրիխտի Սուրբ Սերվատիուս տաճարի վարդապետ Մ.Յ.Մ. Հանեմանը, քահանա Հ. Խերֆեն, Մարիամ Աստվածածին եկեղեցու վարդապետ, աստվածաբանության դոկտոր Ա. Կուրրիսը: Հանդիսությանն իրենց ներկայությունն էին բերել նաեւ Մաստրիխտի փոխքաղաքապետ Վետհաուդեր Ժակ Կոստոնգսը եւ քաղաքային իշխանությունների այլ ներկայացուցիչներ: Բարձրաստիճան հյուրերի շարքում էր նաեւ Նիդերլանդներում ՀՀ դեսպան Ձ. Աղաջանյանը:

Եկեղեցին, որ օծվեց Սբ. Կարապետ անունով, նախկինում նույն տեղում գործող Քրիստոսի համբարձման եկեղեցին է, որը նվիրաբերվել է հայ համայնքին այդ եկեղեցու խորհրդի որոշմամբ եւ Ռուրմոնդի առաջնորդարանի համաձայնությամբ` ի երախտագիտություն հայ համայնքի ունեցած ներդրումի Մաստրիխտի համայնքային կյանքում: Սա լավագույն գնահատականն էր Մաստրիխտի «Անի» հայ համայնքի գործունեության` ատենապետ Լեւան Սարգսի գլխավորությամբ:

Սբ. Կարապետն արդեն երրորդ հայկական եկեղեցին է Նիդերլանդներում եւ, գտվելով երկրի հարավային հատվածում:

Tags: Առաջին էջ, Իրադարձություններ.դեպքեր, Կարևոր, Նիդերլանդական օրագիր, Շնորհավորանքներ.բարեմաղթանքներ, հաղորդագրություն. միջոցառում
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments