niderlandakan (niderlandakan) wrote,
niderlandakan
niderlandakan

«Հայաստան-Սփյուռք» համահայկական հինգերորդ համաժողովի օրագիր

«Նիդերլանդական Օրագիր»-ը «Հայաստան-Սփյուռք» համահայկական հինգերորդ համաժողովի տպավորությունների մասին մանրամասն  դեռ անրադառնալու է:
«Հայաստան-Սփյուռք» համահայկական հինգերորդ համաժողովի մասնակիցների  առաջին այցելությունը սեպտեմբերի 18-ին ՀՀ Սփյուռքի նախարարության նախաձեռնությամբ Ազգային պատկերասրահում բացված ամերիկահայ նկարիչ Դանիել Վարուժան Հեճինյանի  «Խաղաղության արվեստ»  խորագիրը կրող անհատական ցուցահանդեսին հաճախելն էր:Այն նվիրված է Հայաստանի անկախության 23-րդ տարեդարձին և Հայոց ցեղասպանության 100-րդ տարելիցին: Այսպիսով Հայրենիք-Սփյուռք 5-րդ համաժողովը մեկնարկեց «Խաղաղության արվեստ» խորագրով ցուցահանդեսի բացմամբ :
Նույն օրը' սեպտեմբերի 18-ին, պատվիրակությունը ՀՀ սփյուռքի նախարար Հրանուշ Հակոբյանի գլխավորությամբ ուղևորվեց  Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության անմեղ զոհերի հիշատակին:  Ծաղիկներ դրվեցին , այնուհետև հոգևոր դասի ներկայացուցիչները նահատակների հոգեհանգստի արարողության կարգ կատարեցին:
Ծիծեռնակաբերդի հուշահամալիրի Հիշողությունների պուրակում տեղի ունեցավ խորհրդանշական ծառատունկ՝ ի հիշատակ Հայոց Ցեղասպանության  100-րդ տարելիցի և Հայաստան-Սփյուռք 5-րդ համաժողովի:

Սեպտեմբերի 19. Հայաստան-Սփյուռք 5-րդ համաժողովի հանդիսավոր բացումը

Untitled-1

Ա. Սպենդիարյանի անվան Օպերայի և բալետի ազգային ակադեմիական թատրոնում  մեկնարկեց Հայաստան-Սփյուռք 5-րդ համաժողովի հանդիսավոր բացումը:

Համաժողովի բացմանը ներկա են ԼՂՀ նախագահ Բակո Սահակյանը, ՀՀ վարչապետ Հովիկ Աբրահամյանը, ՀՀ սփյուռքի նախարար Հրանուշ Հակոբյանը, ՀՀ պաշտպանության նախարար Սեյրան Օհանյանը, Ամենայն հայոց և Կիլիկիո կաթողիկոսները, Երևանի քաղաքապետ Տարոն Մարգարյանը, Ռուսաստանի հայերի միության նախագահ Արա Աբրահամյանը և շատ ուրիշներ:
Համաժողովին մասնակցում է ավելի քան 1000 ներկայացուցիչ: Ընդլայնվել է մասնակցության աշխարհագրությունը՝ աշխարհի շուրջ 60 երկրների հայկական կազմակերպությունների ու կառույցների ղեկավարներն ու ներկայացուցիչները՝ 741 մասնակից, Արցախը ներկայացնում է 20 մասնակիցներից բաղկացած պատվիրակությունը, Հայաստանի Հանրապետությունից համաժողովին մասնակցում են 310 պետական, քաղաքական, մշակութային գործիչներ, գիտնականներ ու լրագրողներ: Սփյուռքից մեծ ներկայացուցչություն են ապահովել Ռուսաստանը՝ 129 մասնակից, Սիրիան՝ 103, Լիբանանը՝ 74 մասնակից, ԱՄՆ-ը՝  77 մասնակից, Վրաստանը՝ 45,  Ֆրանսիան՝ 31, Իրանը՝ 25, Կանադան՝ 22: Համաժողովին մասնակցելու նպատակով պատվիրակություններ են եկել Հայաստան ամենահեռավոր երկրներից՝ Ավստրալիայից 15 մասնակից, Արգենտինայից 11 մասնակից, Չիլիից 3 մասնակից, Հարավային Աֆրիկայի հանրապետությունից 1 մասնակից:
Նիդերլանդներից 8 մասնակից:

ՀՀ սփյուռքի նախարարության նախաձեռնած Հայաստան-Սփյուռք 5-րդ համաժողովի չորս թեմատիկ նիստերը սկսեցին իրենց աշխատանքները՝ «Հայոց ցեղասպանության միջազգային ճանաչման, դատապարտման և հետևանքների վերացման գործընթացը», «Սիրիահայ համայնքի հիմնախնդիրները», «Հայաստան-Սփյուռք գործակցության ներկա հիմնախնդիրներն ու հեռանկարները» և «Լրագրողների համահայկական 7-րդ համաժողով»:

«Հայաստան-Սփյուռք» համաժողովի մասնակիցները հյուրընկալվեցին ՀՀ Ազգային ժողովում

Untitled-1

Սեպտեմբերի 19-ին «Հայաստան-Սփյուռք» հինգերորդ համաժողովի մասնակիցները հյուրընկալվեցին Ազգային ժողովում և հանդիպեցին ՀՀ ԱԺ նախագահ Գալուստ Սահակյանի հետ:

Հանդիպմանը ներկա էին ՀՀ սփյուռքի նախարար Հրանուշ Հակոբյանը և ՀՀ ԱԺ պատգամավորներ:

Սեպտեմբերի 20 Հայաստան-Սփյուռք 5-րդ համաժողով
Համաժողովի թեմատիկ նիստերի ամփոփումից հետո համաժողովի, բոլոր նիստերի մասնակիցների համար ելույթ ունեցավ ՀՀ արտաքին գործերի նախարար Էդվարդ Նալբանդյանը:

Նախագահը մասնակցել է Հայաստան-Սփյուռք 5-րդ համաժողովի փակման արարողությանը

Untitled-1

Սեպտեմբերի 20-ին Ալ. Սպեդիարյան անվան օպերայի և բալետի ակադեմիական թատրոնի դահլիճում տեղի ունեցավ Հայաստան-Սփյուռք համահայկական 5-րդ համաժողովի վերջին լիագումար նիստը, որին մասնակցում էր ՀՀ Նախագահ Սերժ Սարգսյանը:
«Հայաստան-Սփյուռք» համահայկական 5-րդ համաժողովն ընդունեց հայտարարություն:Սեպտեբերի 20-ին Հայաստան-Սփյուռք համաժողովի մասնակիցները այցելեցին ՀՀ պաշտպանության նախարարություն և հանդիպեցին Պաշտպանության նախարար Սեյրան Օհանյանի, բարձրաստիճան զինվորականների հետ:

Այստեղից Հայաստան-Սփյուռք 5-րդ համաժողովի մասնակիցներն ուղևորվեցին Գ. Սունդուկյանի անվան պետական ակադեմիական թատրոն՝ դիտելու «Ոտքի´, դատարանն է գալիս» ներկայացումը:

Սեպտեմբերի 21
Սեպտեմբերի 21-ին համաժողովի մասնակիցներն այցելելու են Եռաբլուր զինվորական պանթեոն, Մայր Աթոռ Ս.Էջմիածին և մասնակցություն կունենան ՀՀ Նախագահի Անկախության օրվան նվիրված ընդունելությանը:

Ա.Կնյազյան

Tags: Այցելություններ տպավորություններ, Առաջին էջ, Կարևոր, Նիդերլանդական օրագիր
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments