niderlandakan (niderlandakan) wrote,
niderlandakan
niderlandakan

Ադրիանա Կարեմբոն եւ Արամ Օհանյանը Երեւանում


Աշխարհահռչակ մոդել, հաղորդավարուհի, Կարմիր խաչի դեսպան Ադրիանա Կարեմբոն իր ամուսնու՝ ֆրանսահայ հայտնի գործարար, ծննդով Երևանցի Արամ Օհանյանի հետ Հայաստանում են

astx

16 հոկտեմբերի, 2014 | 13:38

adiana karemboՀոկտեմբերի 16-ին ՀՀ սփյուռքի նախարար Հրանուշ Հակոբյանն ընդունեց աշխարհահռչակ մոդել, հաղորդավարուհի ու Կարմիր խաչի դեսպան Ադրիանա Կարեմբոյին, ով ամուսնու՝ ֆրանսահայ հայտնի գործարար, ծննդով Երևանցի Արամ Օհանյանի հետ Հայաստանում է ժամանել՝ երկրին ավելի մոտիկից ծանոթանալու նպատակով, որին նա իր աջակցությունն է բերում իր համբավով, նվիրվածությամբ և առատաձեռնությամբ:

Ադրիանա Կարեմբոն Ֆրանսիայի հայկական հիմնադրամի` հանուն Հայաստանի ու Ղարաբաղի բարեկեցության անցկացվող հեռախոսամարաթոնի՝  Ֆոնեթոն 2014-ի կնքամայրն է:

hranush hakobian ohanyan Ողջունելով հյուրերին՝ ՀՀ սփյուռքի նախարարը մասնավորապես նշեց. «Ուրախ եմ ձեզ ընդունել մեր նախարարությունում: Ուրախ եմ, որ ինտեգրվում եք հայկական միջավայրին:Հայն ուր էլ լինի, վերադառնում է իր արմատներին: Ես շնորհակալ եմ ձեր բարեգործությունների համար: Կարծում եմ, Հայաստան գալով Հայրենիքը շատ կսիրեք և այլ կերպ կընկալեք ու կզգաք, քանի որ տրորում եք հայրենի հողը»:

Հայաստանում Ադրիանա Կարեմբոն և Արամ Օհանյանը կայցելեն այն վայրերը, որտեղ Ֆրանսիայի Հայաստան համահայկական հիմնադրամն աշխատանքներ է իրականացրել, այդ թվում Տավուշի մարզում գյուղացիական տնտեսություններն ու ոռոգման համակարգերը, որ ֆինանսավորվել են Օ-Դը-Սենի գլխավոր խորհրդի կողմից: Բարեգործները կայցելեն Օշականի դպրոց, որ ֆինանսավորել են պատգամավոր Ռենե Ռուքեն ու Ալֆորվիլի քաղաքապետարանը՝ սենատոր-քաղաքապետ Լյուկ Կարվունասի գլխավորությամբ:

Այցի շրջանակներում հյուրերը կլինեն նաև այն վայրերում, որտեղ Արամ Օհանյանը անցկացրել է իր մանկությունը, և որտեղ եղել է նրա հայրը՝ 1950-ականներին վայելել է ծանր քաշային կարգի բռնցքամարտի Հայաստանի չեմպիոն Տաքես Օհանյանը:

adriana karembo handipumԱրամ Օհանյանը  ծնվել է Երևանում, հետո տեղափոխվել Մարսել, որից հետո էլ՝ Մարաքեշ (Մարոկո)։  Նրան է պատկանում Մարաքեշի «Ջադ-Մահալ» ռեստորան-դղյակ-հյուրանոցային համալիրը և  քաղաքի ամենահայտնի և ամենաբարձրակարգ ակումբներից մեկը։

ORER,HAYERN AYSOR
Tags: Այցելություններ տպավորություններ, Լուսանկար. տեսանյութ, հղումներ.կապ.համագործակցություն
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 1 comment