niderlandakan (niderlandakan) wrote,
niderlandakan
niderlandakan

Ազնավուրի համերգը Բելգիայում

aznav1
Շարլ Ազնավուրը  նոյեմբերի 22-ի շաբաթ  երեկոյան Անտվերպենի Lotto Arena համերգասրահում հանդես եկավ մենահամերգով: Լեփ լեցուն համերգասրահում Ազնավուրի կատարումներն արժանացան հանդիսատեսի ամենաջերմ վերաբերմունքին'  երբեմն ի ընթացս վարձատրվելով ծափահարություններով: Բացառիկ տենորով օժտված շանսոնյեն, չնայած  90-ամյա տարիքին շարունակում է իր կատարումներով հիացնել հանդիսականին:  Տարբեր լեզուներով հնչող նրա երգացանկը բազմերանգ ներկապնակ ունի և բազմաթիվ իր երկրպագուներին պահեց մոտ երկու ժամ հաճելի զգազողության մեջ: կատարումներն սկսելուց առաջ մեծ երգահանը  հաղորդակցվում  էր դահլիճին' երբեմն կատակներ անում:  Ազնավուրը կատարումներից մեկը նվիրեց   Հայոց Ցեղասպանության  եկող տարի նշվող 100-ամյա  իրադարձությանը ' անրադարձելով զազրելի ոճիրի մասին: Այսպիսով, որքան էլ թուրքական լոբինգը փորձի ծուռ հայելիով ներկայացնել Ազնավուրին' իրողությունը նա է, որ ոճիրն ու մարդկության դեմ գործած հանցագործությունը պիտի դատապարտվի:
Վերջին երգից հետո չէին լռում  հոտնկայս ծափողջույնները: Սա  ստիպեց մեծ երգչին  բեմ վերադառնալու : Այսպիսով ևս 10 րոպե   երկարաձգվեց  հանդիպումն ու հաղորդակցությունը մեծ լեգենդի հետ:

Հուշագրավ է, որ բելգիական showbizzsite կայքը բավական ջերմ հոդված գրելով հիշյալ համերգի մասին, զետեղել է Շարլ Ազնավուրի այդ օրվա 136 լուսանկար:

Բելգիական այլ թերթեր ու կայքեր ևս անրադարձել են հայտնի երգչի կենսագրությանն ու գործունեությանը: Պարտադիր նշել են, նրա ֆրանսիացի հայ լինելը, այն  մասին, որ Անտվերպենում  Ազնավուրը վերջին անգամ  համերգ է ունեցել 2011 թվականին, հայտնել, որ  կենդանի  լեգենդը  գրել, և տարբեր լեզուներով կատարել է 1200-ից ավելի երգեր, թողարկել' միլիոնից ավելի դիսկեր, սկավառակներ:

Հիշեցնենք մեր ընթերցողներին, որ անյյալ տարի դեկտեմբերին Շարլ Ազնաուրը  համերգներ  է ունեցել Նիդերլանդներում: Ամստերդամի Heineken համերգասրահում ունեցած երկու հաջող համերգներից հետո,Ազնավուրն այս տարի համերգներով հանես է եկել' Գերմանիայում, Մեծ Բրիտանիայում, Իսպանիայում, Իտալիայում, ԱՄՆ-ում, Կանադայում:
Շվեցարիայում' վատառողջ լինելու պատճառով
շանսոնեյի համերգը հետաձգվել էր:
«Նիդերլանդական Օրագիր»
Tags: Լուսանկար. տեսանյութ, Նիդերլանդական օրագիր, մշակութային
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments