niderlandakan (niderlandakan) wrote,
niderlandakan
niderlandakan

Բրյուսելում ջերմությամբ ընդունվեցին «Արաքս»-ի և «Հայք»-ի ելույթները

brus
Այն, ինչ տեղի ունեցավ  դեկտեմբերի  6-ի երեկոյան Բրյուսելի Jacques Franck մշակութային կենտրոնի լեփ լեցուն համերգասրահում,  գերազանցեց ներկա ունկնդիրների  սպասելիքները, ովքեր չլռող, երկարատև ծափողջույնների միջոցով հիացմունքի գնահատանքին արժանացրեցին  «Արաքս» երաժշտական և  «Հայք» պարային  խմբերին: Համերգի առաջին մասում բեմը տրամադրվել էր «Արաքս» երաժշտական համույթին: Այս խումբը  2003 թ. ստեղծել  են  շնորհալի երաժիշտներ  Տիգրան Տեր-Ստեփանյանն  ու Վարդան Հովհաննիսյանը: Խումբը 2005 թվականին World fusion ազգագրական երաժշտության փառատոնի մրցանակակիր է: Բացի հիմնադիրներից, որոնց գերագույն նպատակը դուդուկի ներկայացնելն է  եղել, խմբում ելույթ են ունենում ազգությամբ ռուս, հրեա և մեքսիկացի մասնակիցներ: Հենց այս համադրությունն էլ  խումբն ավելի ուժեղ է  դարձրել : Տիգրան Տեր-Ստեփանյանը արդիականացրել է հայկական երաժշտության նմուշները նոր գործիքավորվամբ` համատեղելով հայկական դուդուկն ու շվին արևմտյան դասական գործիքների հետ`ակուստիկ կիթառ, սրինգ, թավջութակ ու հարվածային գործիքներ: Երեկոյին  հնչեցված Սայաթ-Նովայի, Կոմիտասի և այլոց ստեղծագործությունները  այս ֆոնին դիտվեցին և ընդունվեցին մեծ  հետաքրքրասիրությամբ:
Ընդմիջումից  հետո բեմում էր  «Հայք»  պարային խումբը, որի  հիմնադիր,  գեղարվեստական ղեկավար և պարուսույց` Արթուր Նիկողոսյանը հետաքրքիր լուծումներով բեմադրել էր յուրահատուկ պարային կոմպոզիցիա'   «Հայոց գրեր, հայոց մեծեր» վերնագրով: Ասմունքի (Գուրգեն Սայադյան) և տեսաֆիլմի ուղեկցությամբ հաջորդող պարային համարներն  էքսկուրս էին  հայոց պատմության ու մշակույթի քառուղիներ, ձոն' հայոց այբուբենի նվիրական տառերին, հարգանք  ու խոնարհում հայոց մեծերին, որոնց շնորհիվ կա ու հավիտյան լինելու է մեր ազգը:
Բեմադրության Հագուստների  ձեւավորման աշխատանքներն  իրականացրել  էին Թերեզա Բադիկյանն ու Սուսաննա Իսկանդարյանը:
Ընդհանրապես «Հայք»  պարային խումբն ու նրա ղեկավար Ա.Նիկողոսյանն արժանի են ամենաջերմ ու լավ խոսքերի'  սա  ոչ  միայն մեր ու նրա երկրպագուների գնահատականն է:«Հայք»-ն  այս տարվա ապրիլին արժանացել է ՀՀ Սփյուռքի նախարարության ոսկե մեդալին, իսկ Բրյուսել քաղաքի  Ժետ համայնքը նրան արժանացել է  վաստակավորի կոչման:
Երեկոն հիրավի ստացվեց ու «Արաքս»-ի և «Հայք»-ի կատարումները դեռ երկար կհիշվեն:
Hay Azian
«Նիդերլանդական Օրագիր»

bruss..  .bruse

Tags: Լուսանկար. տեսանյութ, Նամականի, Նիդերլանդական օրագիր, հղումներ.կապ.համագործակցություն, մշակութային
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments