?

Log in

No account? Create an account

Հայաստանի կառավարության երախտագիտության նվերը Նորվեգիայի Թագավորության կառավարությանը

November12, 2018

Heghine Gevorgyan

On November 6, 2018 at the event hall of the Ministry of Diaspora, acting Minister of Diaspora Mkhitar Hayrapetyan Officially presented The portrait of Fridtjof Nansen painted by the "Peace of Art" organization's founder, Daniel Varoujan Hejinian to the Honorary Consul of Norway to Armenia, Timothy David Straight, as a gift from the Government of Armenia which in its turn will transfer to the Government of the Kingdom of Norway, strengthening the friendship between the two nations. 

The event began by accompaniment.of the two peoples National Anthem and was assigned by the RA Prime Minister and organized by the RA Foreign Affairs Ministry and the RA Ministry of Diaspora. Were also present at the event, Ambassador Extraordinary and Plenipotentiary of the Kingdom of Denmark to the Republic of Armenia Ruben Madsen, Extraordinary and Plenipotentiary Ambassador of the Kingdom of Sweden to the Republic of Armenia Ulrik Tidresroy, Ambassador of Finland to Armenia Arya MacKonen and Swedish Embassy Chargé d'Affaires Martin Fredrickson.

Mr. Straight expressed his thanks to the Minister and the government of Armenia on behalf of the government of the Kingdom of Norway. "I was very honoured today, on behalf of the government of the Kingdom of Norway, be presented by the Armenian Minister of the Diaspora Mkhitar Hayrapetyan with a wonderful painting of Norwegian humanitarian and explorer Fridtjof Nansen by Varoujan Hejinian from Boston in the U.S. The painting expresses gratitude for Nansen's support for the Armenian nation, the blue stripe on the Armenian flag going through Nansen's hand and into the blue stripe on the Norwegian flag. The warm relations between Armenia and Norway have been ongoing for hundreds of years. Let's build these relations further."

The painting represents the great humanist Fridtjof Nansen's selfless attitude towards the Armenian people, his caring and support, as a result of which 350,000 Armenian refugee survivors of the Armenian Genocide received a Nansen passport. The painting conveys also a gratitude to the Norwegian government for providing humanitarian assistance to Armenia during the 1988 earthquake.

Read more...Collapse )








ba_layan3343456.JPGՆիդերլանդներ մեկնելուց ու պաշտոնական պարտականությունները սկսելուց առաջ` հոկտեմբերի վերջին, Արցախի հանրային հեռուստաընկերությանը բավական հուշագրավ հարցազրույց է տվել Նիդերլանդների Թագավորությունում Հայաստանի Հանրպետության արտակարգ և լիազոր դեսպան Tigran Balayan-ը:
Հաղորդման ընթացքում բացահայտվում են դիվանագետի և հայ մարդու մոտեցումները պետականաշինությանը, մարդկային սրտացավությունը երկրի ներկայի ու ապագայի նկատմամբ, իմացությունն ու պատասխանատվությունը դեպի ստանձնած գործը, պարզ մարդկային ու ընտանեկան հարաբերությունները:
Лиана Адамян (Liana Adamyan)- ի պատրաստած տեսանյութում, պարզ երևում է, որ Դեսպանը լիակատար պատկերացում ունի թե՛ Նիդերլանդների հայ համայնքի, և թե ԵՎրամիության մեծ ընտանիքի գործունեությանը:
Պատասխանատու առաքելությունը սկսելուց և պաշտոնական հավաստիագրերը Նիդերլանդների թագավորին հանձնելուց առաջ, նրան կրկին մաղթումում ենք բարի երթ ու արգասաբեր գործունեություն` ի փառս մեր Հայաստան երկրի:



Grigor Narekatsi. Het boek der weeklaging

«Նարեկացիական ընթերցումներ» միջազգային 4-րդ գիտաժողովը Երևանում

Նոյեմբերի 7-ին, Մեսրոպ Մաշտոցի անվան հին ձեռագրերի գիտահետազոտական ինստիտուտ` Մատենադարանի գիտական մասնաշենքի դահլիճում տեղի ունեցավ «Նարեկացիական ընթերցումներ» միջազգային գիտաժողովը:

4-րդ միջազգային  ամենամյա գիտաժողովին բացման խոսք է ասել մատենադարանի տնօրեն, պատմական գիտությունների դոկտոր Վահան տեր Ղևոնդյանը: Գիտաժողովին մասնակցել են միջազգային համբավ ունեցող այնպիսի նարեկացիագետներ, ինչպիսիք են Ժան-Պիեռ Մահեն (Ֆրանսիա), Թեո Մաարտըն վան Լինտը (Մեծ Բրիտանիա), Ռոբերտա Էրվինը (ԱՄՆ), Գրիգոր Պըլտյանը (ԱՄՆ), Հայաստանից   Հենրիկ Բախչինյանը, Տեր Շահե Ծայրագույն վարդապետ Անանյանը, Արուսյակ Թամրազյանը , Հրաչիկ Միրզոյանը:

Ժան-Պիեռ Մահեն (Ֆրանսիա) խոսել է Գրիգոր Նարեկացուն վերագրված «Կարգ եւ կանոն աղաւթից»-ը «Մատեան ողբերգութեան»-ի ուրվագծերի շարքում թեմայով: Տեր Շահե Ծայրագույն վարդապետ Անանյանն անդադարձել է «Անդամալույծի բժշկման պարականոն պատումը` Ս.Գրիգոր Նարեկացու Աղոթամատյանում» աշխատանքին: Ռոբերտա Էրվին խոսել է «Բան քո խնկեալ» Նարեկացու մաքրամաքուր աղոթքների մասին: Թեո Մաարտըն վան Լինտը (Մեծ Բրիտանիա) դատողություններ է արել Գրիգոր Նարեկացու և Վարդան Անեցու միջև եղած առնչությունների մասին:

Ընդմիջումից հետո, երկրորդ նիստին  «Մատեան ողբերգութեան» տրամախոսական կառուցվածքին մասին է խոսել Գրիգոր Պըլտյանը (ԱՄՆ):

Գրիգոր Նարեկացու տաղերի ու մեկնությունների խորհրդապատկերի կերտման որոշ առանձնահատկություններ վեր հանեց Երեւանի Մաշտոցի անվան Մատենադարանի գիտաշխատող  Արուսյակ Թամրազյանը: Գրականագետ Հենրիկ Բախչինյանը վերլուծեց Նարեկացու հիմնած բանաստեղծական ժանրերը, իսկ Հրաչիկ Միրզոյանը պատմեց, թե ինչ են խոսել Գրիգոր Նարեկացուց:

Գիտաժողովի ավարտին տեղի ունեցավ երկու գրքի շնորհանդես: Առաջին գիրքը Գրիգոր Նարեկացու «Մատեան»-ի հոլանդերեն թարգմանությունն է, որը կատարել է Օքսֆորդի պրոֆեսոր եւ միջնադարյան հայ գրականության առաջատար մասնագետ Թեո Վան Լինտը: Ի դեպ այս գործում աջակից է Ամստերդամի «Սուրբ Գրիգոր Նարեկացի» (Stichting Sint Grigor Narekatsi) կազմակերպությունը, որի ջանքերով ու նախաձեռնությամբ գիտաժողովի նախօրեին` առայժմ 500 օրինակ տպաքնակով,  տպագրվել է այս գիրքը:

Մյուսը` Գրիգոր Նարեկացու «Տաղեր» գրքույկն է, որտեղ զետեղված են տաղերի և շարականի նոտաները, ինչպես նաև ձայնասկավառակ՝ Գևորգ Հունանյանի և Աննա Մայիլյանի կատարումներով։ 

 (Սեփ.լրատվություն)

«Նիդերլանդական օրագիր»

Լուսանկարները Գրիգոր Նարեկացի հիմնադրամի կայք էջից:



Լեզվի կոմիտեն հորդորակ է հղել որ և որպեսզի
շաղկապների կիրառության վերաբերյալ,
որը ստորև ներկայացնում ենք ամբողջությամբ:


20181010_143342-COLLAGE.jpg

Որ շաղկապը կարող է արտահայտել մեկնական, նպատակի, պայմանի, պատճառի, ժամանակի և այլ իմաստներ:
Ի տարբերություն որ-ի՝ որպեսզի-ն ունի միայն նպատակի իմաստ, այսինքն՝ գլխավոր նախադասությանը կապում է նպատակի պարագա երկրորդական նախադասություն: Որպեսզի-ի նպատակի իմաստն ընկալելի է նույնիսկ խոսքից դուրս:
Ինչպես տեսնում ենք, այս շաղկապների գործառույթները համընկնում են մեկ դեպքում. երբ գլխավոր նախադասությանը միացնում են նպատակի պարագա նախադասություն: Այստեղից կարող ենք հետևություն անել. որ շաղկապը որպեսզի-ին կարող է փոխարինել գրեթե բոլոր դեպքերում, իսկ որպեսզի-ն որ-ին միայն այն դեպքում, երբ երկրորդական նախադասությունը նպատակի պարագա է:
Վերջին ժամանակներս ոմանք խուսափում են որ շաղկապը կիրառելուց՝ մտածելով, թե որպեսզի-ն պաշտոնական ոճին առավել պատշաճ է: Սա թյուր կարծիք է:
Զանգվածային տեղեկատվության միջոցներում, պաշտոնական խոսքում հաճախադեպ են որպեսզի-ի գործածության սխալները:
Բերենք օրինակներ.
«Հարկային ու մաքսային մարմինները տարիներ շարունակ նպաստել են, որպեսզի որոշ իշխանավորների բանկային հաշիվները գնալով մեծանան»:
«Կողմերից ամեն մեկը ցանկանում է թույլ չտալ, որպեսզի իր իրավունքները խախտվեն»:
«Նախընտրելի է, որպեսզի թեկնածուն լինի այն համայնքից, որի ղեկի համար պայքարում է»:
«Նա պնդում է, որպեսզի նոր սահմանադրության նախագծի մեջ ամրագրվի այդ դրույթը»:
«Ժամանակն է, որպեսզի մենք ինքներս մի րոպե կանգ առնենք»:
Որպեսզի շաղկապը գործածության ճշտությունը կարելի է պարզել հարցով: Նպատակի պարագան պատասխանում է ինչո՞ւ, ինչի՞ համար, ի՞նչ նպատակով հարցերին: Բերված օրինակներում գլխավոր նախադասություններից հետո չենք ասի՝ ինչո՞ւ (ի՞նչ նպատակով, ինչի՞ համար): Այլ՝
«…նպաստել են (ինչի՞ն), որ նրանց բանկային հաշիվները գնալով մեծանան»:
«…ամեն մեկը ցանկանում է թույլ չտալ (ի՞նչ) , որ իր իրավունքները խախտվեն»:
«Նախընտրելի է (ի՞նչը) , որ թեկնածուն լինի այն համայնքից, որի ղեկի համար պայքարում է»:
«Նա պնդում է (ի՞նչ) , որ նոր սահմանադրության նախագծի մեջ ամրագրվի…»:
«Ժամանակն է (ինչի՞) , որ մենք ինքներս մի րոպե կանգ առնենք»:
Համոզվում ենք, որ այս օրինակներից ոչ մեկում երկրորդական նախադասությունը նպատակի պարագա չէ, և, բնականաբար, պետք էր գործածել որ շաղկապը:
Ահա այս նախադասություններում որպեսզի-ն ճիշտ է գործածված.
«ՀՀ քաղաքացիություն են ընդունել (ինչո՞ւ, ինչի՞ համար, ի՞նչ նպատակով) , որպեսզի գոնե կենսաթոշակ ստանալու հնարավորություն ունենան»:
«Օգնենք նրանց (ինչո՞ւ, ինչի՞ համար, ի՞նչ նպատակով) , որպեսզիկարողանան մոռանալ ողբերգությունը»:
Ինչպես ասվեց, որպեսզի-ի փոխարեն կարող է գործածվել նաև որ-ը. «Օգնենք նրանց, որ կարողանան մոռանալ ողբերգությունը»:
Նկատի ունենալով այս ամենը, որ և որպեսզի շաղկապների առանձնահատկությունները՝
ՀՈՐԴՈՐՈՒՄ ԵՆՔ
երկրորդական նախադասությունը նպատակի պարագա լինելու դեպքում հավասարապես գործածել որպեսզիկամ որ շաղկապները. երկրորդական նախադասությունը նպատակի պարագա չլինելու դեպքում գործածել միայն որ -ը:
Լեզվի կոմիտե

ՀՀ կրթության և գիտության նախարարություն
Ուսումնական յուրաքանչյուր ամիս կնվիրվի մեկ մարզի

2019 թվականի հունվարից Կրթության և գիտության նախարարությունը նախարարի պաշտոնակատար Արայիկ Հարությունյանի հանձնարարությամբ կհայտարարի մարզային միամսյակների մեկնարկ` ուսումնական յուրաքանչյուր ամիս նվիրելով մեկ մարզի: Տվյալ ամսվա ընթացքում ԿԳ նախարարն ու մյուս պատասխանատուները կայցելեն մարզեր` շրջայցեր կատարելով մարզի ուսումնական հաստատություններում, որտեղ տեղի կունենան հանդիպումներ մանկավարժների, ղեկավար կազմի և աշակերտների հետ: Սեպտեմբերին, որպես ուսումնական տարվա մեկնարկային, ամեն ամիս այցելություն կկազմակերպվի 2 մարզում: Նախաձեռնության նպատակն է տեղերում կրթության ոլորտի առկա խնդիրների ամբողջական վերհանումը և առավել արդյունավետ ու օպերատիվ լուծումներ գտնելը: Աշխատանքային նոր մոտեցումն ամենևին չի նշանակում, որ նշված ամիսներին մյուս մարզերն անտեսվելու են. նախարարությունը շարունակելու է կատարել իր հիմնական գործառույթները` միաժամանակ հայացքն ուղղելով դեպի մարզեր և փոքր համայնքներ: Ակնկալվում է, որ նոր աշխատաոճը հնարավորություն կտա բազամթիվ հարցեր քննարկել և լուծել տեղերում:
________________
ՆԻԴ.ՕՐԱԳՐԻ կողմից- Սփյուռքահայ ընթերցողին Հայաստանի մարզերը ներկայացնելու և ճանաչողությունը բարձրացնելու համար, մեր կողմից կներկայացնենք մարզերին նվիրված հոդվածներ և լուսանկարներ:

Խոսքը երկրի ղեկավարների հետ Զարեհ Օհանեսի ներկայությամբ այս լուսանկարների մասին է:

Զարեհ Օհանեսը վարչապետի պաշտոնակատար Նիկոլ Փաշինյանի հետ
Զարեհ Օհանեսը Հայաստանի և Արցախի հանրապետությունների նախագահներ Արմեն Սարգսյանի և Բակո Սահակյանի հետ

Զարեհ Օհանեսը բժիշկ-հոգեբույժ է: Մասնագիտական կրթություն ձեռք է բերել Հայաստանում: Սիրիահայ պատանու հայրենասիրության ու ուսումնառության տենչը նրան Սիրիայի Ալ Հասակայից Հայաստան է բերում, որտեղ էլ ընդունվում, ապա և ավարտում է բժշկական ինստիտուտը: Հետո դժվարին ու պատերազմական ժամանակներ պետք է սկսվեին:

Այդ տարիներից շատ ժամանակ է անցել: Զարեհը բնակության է հաստատվել Նիդերլանդներում և անմիջապես ներգրավվել Ամստերդամի հայկական կառույցներում: Եղել է «Արարատ» մշակութային միության վարչության անդամ, այնուհետև տեղի հայկական Եկեղեցու վարչության անդամը, ապա ատենապետը։

Աշխատում է իր` բժիշկ-հոգեբույժի  մասնագիտությամբ, ամուսնացել է մի գեղեցկուհի հայուհու` Սաթինեի հետ: ՈՒնեն հրաշք երեք զավակներ` Սևակ, Րաֆֆի, Մարիամ հայահունչ անուններով:  Զարեհն ու Սաթինեն նրանց դաստիարակում են հայկական ոգով ու ավանդույթներով: Պուրմերենդում` Ամստերդամից ոչ հեռու, որտեղ բնակվում են նրանք, մի քանի տարի է հիմնել են «Կիլիկիա» հայկական մշակութային միությունը, այստեղ էլ ծավլում են իրենց հայանպաստ գործունեությունը: 

Ամուսիններ Սաթինե և Զարեհ Օհանեսները

Օհանեսի ընտանիքի այս անգամ  Հայաստան մեկնելու առիթն այլ էր: Զարեհի ուսանողական ընկերները բուհն ավարտելուց 25 տարի անց պարզապես ցանկացել էին համակուրսեցիներով հանդիպել   նոր Հայաստանում , կիսվել ուսանողական տարիների հուշերն ու Հայաստանում ստեղծված նոր  իրադրության տպավորությունները: Հոկտեմբերյան այցի ժամանակը համընկավ ֆրանկաֆոնիայի գագաթնաժողովին, ինչպես նաև մի շարք  անցկացվող միջոցառումների:

-Այս անգամ ես տեսա այլ Հայաստան, որտեղ մարդիկ բառացի իրենց ղեկավարի կողքին են,-ինձ հետ զրույցում ասաց Զարեհ Օհանեսը:- Սիրո ու հանդուրժողականության այս մթնոլորտը միայն դրական լիցքեր է հաղորդում բոլորիս ու ավելի ոգևորում հետագա գործունեության համար:

Զարեհը և Սաթինեն իրենց զվակների` Մարիամի,Սևակի և Րաֆֆու հետ Հայաստանի մայրաքաղաքում:

Հանդիպումը և լուսանկարը  Վարչապետի պաշտոնակատար Նիկոլ Փաշինյանի հետ սրտաբուխ ու անմիջական ստացվեց: Նիկոլ Փաշինյանը Հոկտեմբերի 16-ին այցելել էր Հյուսիսային պողոտայում բացված «Սիրիահայ մշակույթի շունչը Երևանում» խորագրով բարեգործական ցուցահանդես-տոնավաճառին, որը նվիրված էր Երևանի 2800-ամյակին: Այն պահին, երբ Նիկոլ Փաշինյանը շրջել է տաղավարներով, ծանոթացել սիրիահայերի աշխատանքներին և հետաքրքրվել նրանց գործունեությամբ Զարեհը մոտեցել է նրան և ջերմ խոսքեր փոխանակել: Երկրի ղեկավարը հավաստիացրել է, որ ՀՀ կառավարությունը շարունակելու է ուշադրության կենտրոնում պահել սիրիահայերի խնդիրներն ու բիզնես գործունեության համար ապահովել առավելագուն բարենպաստ պայմաններ: Ցուցահանդես-տոնավաճառում ներկայացված են եղել 50-ից ավելի սիրիահայերի  ներկայացրած արտադրանքը:

Զարեհ Օհանեսը հիշում է, թե ինչպես դեռ 2 տարի առաջ` նույն ամսին Նիդերլանդներում «Կիլիկիա» մշակութային իրենց միությունը հանդես եկավ Հալեպահայությանն օգնելու կոչով` կազմակերպելով դրամահավաք: 

-Հիմա արդեն առարկայական Հայաստան պետությունն է մեր սիրիահայ եղբայրներին օգնում ու նրանց կողքին է, և դա դեռ սկիզբն է,-ասում է Զարեհը:

Զարեհի Օհանեսը (աջից)և սփյուռքի նախարարի պաշտոնակատար Մխիթար Հայրապետյանը:

Նույն օրը Զարեհի հետ լուսանկարվել է սփյուռքի նախարարի պաշտոնակատար Մխիթար Հայրապետյանը:  Նոր, նոր մի քանի օր առաջ են նրանք ստացել սփյուռքի նախարարության կողմից Նիդերլանդներ ուղարկված արևմտահայերեն լեզվով դասագրքերը, որով էլ  պետք է ուսուցանվեն  «Կիլիկիա» միության դպրոց հաճախող երեխաները: Զարեհն ափսոսում է, որ այդ պահին չի հասցրել  իր շնորհակալությունը փոխանցել նախարարին` դասագրքերի ժամանակին արված առաքման համար: 

Մյուս լուսանկարը Հայաստանի և Արցախի հանրապետությունների նախագահներ Արմեն Սարգսյանի և Բակո Սահակյանի հետ նույնքան անսպասելի ու հետաքրքիր է ստացվել:

- Ոչ մի անգամ չէր ստացվել Հայաստան այցելելուն զուգահեռ Արցախ էլ այցելել,-պատմում է Զարեհը.-այս անգամ երեխաներիս էլ խոսք էի տվել պատեհ առիթն ի նպաստ օգտագործել : Ի բարեբախտություն ընկերներիս հետ եղանք Արցախում:

Նա հյուրանոցի պատուհանից նկատում է, որ մեր երկու հանրապետությունների նախագահները զբոսնում, զրուցում են:

-Ասես մի բնական ու անկեղծ ուժ ինձ դուրս հանեց սենյակից և արդեն մեկ րոպեից ես ողջունում էի մեր նախագահներին: Ընկերներիցս մեկն էլ այդ պահը լուսանկարեց,-հիշում է Զարեհը և ավելացնում:-Ահա այսպես ազատ ու անկաշկանդ պետք է զգա  յուրաքանչյուր հայ  քաղաքացի ու ջերմ զգացմունքով կանգնի իր ղեկավարի կողքին: Քանզի հպարտ ու վստահ է, որ նրանք ծառայում են իրենց ժողովրդին ու հայրենիքին:  Սա հպարտության յուրահատուկ զգացում է: Հուսանք` հարատև:

Hay Azian

«Նիդերլանդական օրագիր»



Նոյեմբերի 5-ին սփյուռքի նախարարի պաշտոնակատար Մխիթար Հայրապետյանն ընդունեց Հոլանդահայ կազմակերպությունների ֆեդերացիայի նախագահ, «Աբովյան» մշակութային միության ղեկավար Մաթո Հախվերդյանին,-այդ մասին հայտնում է սփյուռքի նախարարության «Հայերն այսօր» ինտերնետային լրատվամիջոցը:

Շնորհակալություն հայտնելով ընդունելության համար՝ Մաթո Հախվերդյանը նշեց, որ այսօր Հոլանդիայում ապրում է 20-25.000 հայ, և նրանց զգալի մասը վերջին տարիներին Հայաստանից արտագաղթածներ են, կան նաև իրաքահայեր և սիրիահայեր: «Հայերն աշխատասեր են, աշխատում են, ակտիվ մասնակցում են Հոլանդիայի տնտեսական ծրագրերին, հաջողություններ են գրանցում կրթության ոլորտում: Միևնույն ժամանակ նրանք կապված են Հայաստանի հետ, սիրում են իրենց հայրենիքը»,-նշեց հյուրը:

Մաթո Հախվերդյանն ընդգծեց, որ կարևորում են Հայաստանում Նիդերլանդների Թագավորության դիվանագիտական ներկայացուցչության անհրաժշետությունը և փորձում են բանակցել տեղի կառավարության հետ այդ հարցը լուծելու համար: Մխիթար Հայրապետյանը շեշտեց, որ սփյուռքի նախարարությունը պատրաստ է հայ համայնքի համար անել հնարավոր ամեն բան:

Read more...Collapse )

ՆՈՐԱՑՎԱԾ

Նոյեմբերի առաջին հանգստյան կիրակին, իր պաշտոնավարման երկիր Նիդերլանդներում, Հայաստանի արտակարգ և լիազոր դեսպան Տիգրան Բալայանը` ճանաչողական այցով եղավ Մաստրիխտ քաղաքում:
Մեծարգո հյուրը այցելեց տեղի Սուրբ Կարապետ հայկական եկեղեցի, ծանոթացավ Մաստրիխտի «Անի» հայ համայնք անդամներին: Ծավալված անկեղծ ու ջերմ զրույցի ընթացքում դեսպանը խոսեց հայաստանյան զարգացումների, հայապահպանության, Սփյուռքին հուզող հարցերի մասին: Բազմաբովանդակ քննարկումներում արծարծվեցին երկուստեք հետաքրքրություն ներկայացնող հարցեր: Մաստրիխտի հայ համայնքը միշտ էլ ակտիվ նախաձեռնություն է հանդես բերել խորացնելու Մաստրիխտի քաղաքային իշխանությունների ու Հայաստանի հետ ունեցած կապը: Նորանշանակ դեսպանը հաջողություններ մաղթելով հայ համայնքի անդամներին, խոստացավ իր լիիրավ պարտականություններին անցնելուն պես նպաստել հայ-Նիդերլանդական կապերի էլ ավելի սերտացմանն ու ամրապնդմանը:

Լուսանկարները` Emma Karaoglan Armand

«Նիդերլանդական օրագիր»

«Նոյեմբերի 4-ին Նիդերլանդներում ՀՀ նորանշանակ դեսպան Տիգրան Բալայանը Մաաստրիխտի Սուրբ Կարապետ եկեղեցում հանդիպեց Մաաստրիխտի «Անի» հայկական միության անդամներին» վերնագրով` ավելի ընդարձակ տեղեկատվություն է հրապարակել ՀՀ ԱԳ նախարարության և Նիդերլանդների Թագավորությունում ՀՀ դեսպանատան կայքերը: Այն ևս ներկայացնում ենք ընթերցողին.         

 05.11.2018

«Անի» միության ղեկավար Լևոն Սարգիսը դեսպան Բալայանին ներկայացրեց Լիմբուրգ նահանգում հայկական ինքնության պահպանման ուղղությամբ ծավալած գործունեությունը, եկեղեցու հիմնադրման պատմությունը, միության օրակարգային և առաջիկա ծրագրերը, գործող կիրակնօրյա դպրոցի պայմանները, տեղական իշխանությունների հետ հայ համայնքի համագործակցությունը։ Այնուհետև Տիգրան Բալայանը հանդիպում ունեցավ «Անի» միության անդամների հետ, որոնց ներկայացրեց թավշյա հեղափոխությունից հետո Հայաստանում տեղի ունեցող զարգացումները, արտահերթ խորհրդարանական ընտրությունների նախապատրաստական աշխատանքները և դրանց նշանակությունը։ Դեսպան Բալայանը հանգամանալից անդրադարձ կատարեց Հայաստանի կառավարության ծրագրում արտաքին ոլորտի վերաբերյալ ամրագրված դրույթներին, արտաքին քաղաքականության հիմնական ուղղություններին և առաջնահերթություններին, ղարաբաղյան հիմնախնդրի կարգավորման գործընթացն առաջ մղելու նպատակով գործադրվող ջանքներին, Հայոց ցեղասպանության միջազգային ճանաչման կարևորությանը, մարդկության դեմ հանցագործությունների կանխարգելման ուղղությամբ Հայաստանի նախաձեռնություններին և մի շարք այլ հարցերի։
Խոսելով հայ համայնքի դերակատարության և կարևորության մասին Տիգրան Բալայանը նշեց. «Հայաստանի դեսպանի առաքելության մեջ հաջողության հասնելու կարևոր գործոններից է հայ համայնքի աջակցությունը, ուստի ակնկալում եմ համատեղ աշխատել բոլորի հետ, քանի որ բոլորիդ դիտարկում եմ որպես Հայաստանի դեսպան՝ ձեր շրջապատում, ձեր բնակավայրերում և աշխատավայրերում։ Հուսով եմ, որ բազում նախաձեռնություններ ենք ունենալու և համատեղ ջանքերով հասնելու ենք դրանց իրականացմանը»։
Հանդիպման ժամանակ Տիգրան Բալայանը և դեսպանության խորհրդական Վարազդատ Պահլավունին պատասխանեցին միության անդամների տարբեր բնագավառների վերաբերող հարցերին։ 

Աբգար Հայրապետյանի երկու գրքերը

Աբգար Հայրապետյանի «Հայկական հարցը և միջազգային իրավական պատասխանատվություն» գիրքը (Մոսկվայի «Գվարգա» հրատարակչություն, 2018թ.)
Read more...Collapse )

Latest Month

June 2019
S M T W T F S
      1
2345678
9101112131415
16171819202122
23242526272829
30      

Syndicate

RSS Atom
Powered by LiveJournal.com
Designed by Lilia Ahner