Մի անգամ մետրոյում

Գայանե Խաչատրյան

07.03.2020


Երեկվանից մետրոյում տեղի ունեցած  թեման է քննարկվում, թե ինչպես մի աղջիկ պատռեց ԱՅՈ-ի բուկլետը և նետեց վարչապետ Փաշինյանի կողմը: Ակամա հիշեցի երկու օր առաջ, մետրոյում ինձ  հետ պատահած մի  պատմություն: Մի պահ պատկերացրեցի, թե ինչ կլիներ, եթե այդ օրը Փաշինյանը վագոնում լիներ ու բուկլետ բաժաներ։

Եկանք հասանք վերջին կայարան, հայտարարվեց՝ Բարեկամություն, վերջին կայարանն է։ Ժողովուրդը մոտեցավ դռներին ու տենց էլ մնաց, դռները չի բացվում։ Դե մտածում եմ՝ հեսա, ուր որ ա կբացվի, երևի заело։ Տեսնում ենք, որ մյուս վագոնից մարդիկ դուրս են գալիս։ Մեկ էլ՝ հոպ, գնացքը շարժվեց։ Ակամայից հիշեցի «Թանկարժեք տղան» ֆիլմի թևավոր խոսքը՝ Այդ ո՞ւր, Մակինտոշ, այնտեղ խորն է։ Վագոնում արդեն պանիկա սկսվեց, մարդիկ բան չեն հասկանում ․․․ կանայք, երեխաներ ․․․

Գնացքը մտավ #ցուրԴ, մութ ու #խաԲուսիԳ շախտան ու սիրուն կանգնեց, ժողովուրդը ապշած իրար ա նայում։ Սենց բան կինոյում էի տեսել միայն։ Մի տղամարդ մոտեցավ էն զպռտիչի կոճակը սեղմեց ու գոռում ա՝ ի՞նչ ա կատարվում, ինչի՞ չբացեցիք դռները (լավ ա գոնե դա աշխատում էր)։

Մի քանի վարկյան հետո ներս ա մտնում սփրթնած վարորդը։ Խեղճը երևի մտածել էր դժոխք ա մտել ու անդրշիրիմյան ձայներ են ականջին հասնում։ Ապշահար նայում ա ժողովուրդին ու թե բա՝ էս ի՞նչ ա եղել, ինչի՞ չեք իջել։ Ժողովուրդն էլ գոռում ա՝ բայց դռները բացեցի՞ք, որ իջնեինք։ Մի կին էլ վախեցած երեխային գրկել ու ասում ա՝ դուք տեսախցիկներ չունե՞ք, չե՞ք նայում, որ մարդիկ մեջն են ․․․ և իրոք, իսկապես չունե՞ն, հ՞ն ․․․ ես էլ մտածում եմ՝ բա կայարանի էն փայտիկով կինն ու՞ր էր, որ էդ կախարդական փայտիկը բարձրացնում ա, իբր թե օյին ա, կարաս գնաս՝ չի տեսե՞լ, որ վագոնի դռները չի բացվել, թե՞ փայտիկով կինը թքել էր փայտիկին։

Վերջը, վարորդը հանգստացնում ա մարդկանց, թե բա ՝ հեսա հակառակ կողմից գնացքը կգա կնստեք, կգնաք։ Դռներ բացեց, որ օդ գա ու քանի որ մեզ հայ են ասում՝ սկսեցինք կատակել, որ վախեցած մարդիկ թուլանան։ Բա հո դատի չէի՞նք տալու մետրոպոլիտենին՝ հոգեբանական տրավմա ստանալու համար 🙃 Մի տղա լուրջ դեմքով ասում ա՝ վսյո, մտցրին մեզ կառանտին, մյուսը՝ բախտի տերը թաղեմ, կորոնավիրոսով հիվանդներին արագ տարան Ծաղկաձոր, մեզ հլը չստուգած ՝ մետրոյի շախտա ․․․ ու սենց պասերով 😁

Եթե ձեզանից մեկը եղել ա մետրոյի շախտայում՝ կիմանա, որ շատ անհարմար ու վտանգավոր ա գնացքից գնացք մտնելը, բայց մենք արեցինք դա 💪 ու բարեհաջող հասանք մեր սպասված վերջին կայարանին՝ Բարեկամություն, բայց սա դեռ ամենը չէր, մի հատ էլ տրավմա ստացան գնացքին սպասողները, քանզի գնացքը դատարկ պիտի գար, ապշահար նայում էին մեզ ու մտածում՝ էս ո՞նց, էս որտեղի՞ց են նստել էս մարդիկ ․․․

Դե պատկերացրեք, որ Փաշինյանը շախտայում հայտնվեր, փհա՜յ, մի շաբաթ սռաչի թեմա կլիներ, կարգին կզբաղվեիք։ Կվերագրեին չար ուժերին ու գնա՜ց, բայց ավաղ, դա մենք էինք՝ հասարակ մահկանացուներս 😊

/однако здрасте/

#ցուրԴ, մութ ու #խաԲուսիԳ

Marisha Shik-anyan-ի Կորոնավիրուսյան օրագիրը

Այս թեման ավելի` քան արդիական է, անցած մի քանի օրը թագավիրուսին կես լուրջ կես կատակ հետևել է մեր թղթակիցը:

1-ը Մարտ 02:50 ·
Հայաստանում գրանցվել է կորոնավիրուսով վարակման առաջին դեպքը. հիվանդը ՀՀ քաղաքացի է, ժամանել է Իրանից. այսօր կմեկուսացվի ևս 30 քաղաքացի:
Շատ գովելի է, հպարտանում եմ, որ ռիսկի գնալով մեր հայրենակիցներին հետ բերեցին հայրենիք: Բայց տարօրինակ է, որ 14-օրյա կարանտինի պահը չիրականացվեց նրանց հետ...
Իդեպ, Ամստերդամում գործող մի շարք ընկերություններ Իտալիա և ռիսկային այլ երկրներ այցելած իրենց աշխատակիցներին ուղարկում են 14-օրյա պարտադիր մեկուսացման, ու նրանք տնից են աշխատում այդ ընթացքում (օֆիս ոտք դնելը խստիվ արգելվում է):
***
Մարտի 2-ից 8-ը Հայաստանի դպրոցներում ու բուհերում դադարեցվում են դասերը:
Ինչ ուզում եք ասեք` հայերի ռեակցիան ու զգոնությունը քեֆս բերում է: Ապրեն:

Բա չէ ստեղ (Նիդերլանդներում)... Սկի նորմալ չեն էլ ստուգում: Ով գիտի ինչքան մարդա ինքն իրան տանը էս ընթացքում բուժվել: Հիվանդանոցներում սկի չեն մեկուսացնում, եթե մարդու վիճակը շատ վատ չի: Ասում են մնացեք տանը, բան լինի' զանգեք😳😀😩

Collapse )

Նոր ծրագիր` ի գործ

Ծրագիր, որը հնարավորություն կտա սփյուռքի մասնագետներին աշխատել Հայաստանի կառավարությունում, ծրագրին կարող են դիմել և մասնակցել ցանկացած տարիքի անձինք:

ՀՀ սփյուռքի գործերի գլխավոր հանձնակատարի գրասենյակը մեկնարկում է «իԳործ» բացառիկ ծրագիրը և սփյուռքահայ մասնագետներին հրավիրում աշխատելու Հայաստանի պետական մարմիններում:

Ըստ պետական օղակների կողմից ներկայացված մասնագիտական կարիքների՝ ծրագրի շրջանակներում սփյուռքահայ մասնագետները գործունեություն կծավալեն պետական համակարգում և հնարավորություն կունենան ներդնել սեփական փորձն ու գիտելիքները համապատասխան ոլորտների բարելավման և զարգացման, քաղաքականությունների ու ծրագրերի մշակման գործում:

Եթե ունեք մագիստրոսի կամ ավելի բարձր աստիճան և պատրաստ եք մեկ տարի շարունակ բնակվել և աշխատել Հայաստանում, ուրեմն՝ այս հնարավորությունը հենց Ձեզ համար է:

Ծրագրի իրականացման ծախսերը մասնակիցների համար կապահովի ՀՀ սփյուռքի գործերի գլխավոր հանձնակատարի գրասենյակը, մասնավորապես.

ավիատոմս (դեպի Հայաստան և հակառակ ուղղությամբ),
կեցություն` ամսական 336.000 դրամ:
Ծրագիրը մեկնարկելու է 2020 թվականի հուլիսի 1-ից և տևելու է 12 ամիս:

Հայտադիմումներն արդեն ընդունվում են, պարզապես այցելեք հղմամբ և դիմեք՝ 


Դիմելու վերջնաժամկետն է 2020 թվականի ապրիլի 6-ը:

Հարցերի առկայության դեպքում կարող եք դիմել՝

էլ. փոստ՝ diasporafellowships@gov.am
Հեռ.՝ +374 60 500 301

կամ այցելել՝ «ՀԱՃԱԽ ՏՐՎՈՂ ՀԱՐՑԵՐ» էջը հետևյալ հղմամբ՝ 



Հենրիկ Մխիթարյանը հայրիկ է դարձել

Հայ ֆուտբոլի հայտնի վարպետ Հենրիկ Մխիթարյանը հայրիկ է դարձել, ծնվել է նրա առաջնեկը: Ի պատիվ Հենրիկի հոր, որդուն անվանել են Համլետ:
ՇՆՈՐՀԱՎՈՐՈՒՄ ԵՆՔ...

Henrikh Mkhitaryan (Armenia)  is an Armenian professional footballer who plays for Italian club Roma, on loan from English club Arsenal, and captains the Armenian national team.

Mkhitaryan plays mainly as an attacking midfielder, but can also be deployed as a wide midfielder. Born in Yerevan, Mkhitaryan began his senior career at local club Pyunik at age 17, and was instrumental in the side's success in domestic competition, winning four successive Armenian Premier League titles. This caught the attention of Ukrainian side Metalurh Donetsk, where he remained for a singular season before transferring to perennial Ukrainian Premier League champions and city rivals Shakhtar Donetsk in 2010, for a fee of €6.1 million.

Collapse )

Հոլանդացի կին ոստիկան Էլլին Երևանում

Հոլանդացի կին ոստիկանը`Էլլին, շրջագայում է ողջ աշխարհում և հեռուստատեսային հաղորդումներ ներկայացնում, եղել է Երևանում և աշխատել հայ ոստիկանների հետ:
Դիտեք հաղորդումը` այս կայքում: Հաղորդումը ցուցադրվել է Նիդերլանդների հանրային 1 հեռուստաալիքով:
Ellie werkt mee in de Armeense hoofdstad Yerevan waar de politie goed zichtbaar op straat is.
Ze snuffelt met honden op de luchthaven naar verboden voorwerpen en helpt mee de Armeense nieuwjaarsnacht veilig te laten verlopen.
Ellie op Patrouille in Armenië is te zien op dinsdag 3 maart om 21.25 uur op NPO 1. Daarna is de uitzending op deze pagina terug te kijken.



Ազգագրագետ Սերգեյ Դմիտրիևը և Իշխան Նիկոդիմոս Ամատունու մասին նրա աշխատությունը (2)

Սկիզբն` այստեղ

Ամբողջական տարբերակը` Ազգագրագետ Սերգեյ Դմիտրիևը և Իշխան Նիկոդիմոս Ամատունու նասին նրա աշխատությունը:

Իշխան Ն.Ե.Ամատունու  արշավախմբի դեպի  Պարսից ծոց (1904-1907 թթ.) ունեցած ճանապարհորդության նշանակությունը  Ռուսաստանի համար:

Մենք մանրամասը` ելնելով Դմիտրևի բերած փաստագրական տեղեկություններից* անդրադարձանք Իշխան Ն.Ե.Ամատունու  արշավախմբի դեպի  Պարսից ծոց (1904-1907 թթ.)  ճանապարհորդությանը: Սա Նիկոդիմոս  Ամատունու գործունեության 3 տարիների կատարած աշխատանքի յուրահատուկ հաշվետվություն է: Ոչ այնքան նրա կենսագրության 3 տարիների  կտրվածքով այս  հատվածը, որքան  նրա գլխավորությամբ Ռուսաստանի կայսերության համար  ունեցած այս  խիստ անհրաժեշտ ժամանակաշրջանի համար ճանապարհորդության ունեցած մեծ դերն ու  նշանակությունը առավել կարևոր են դարձնում Ամատունու առաքելությունը: Ամատունու դեպի Պարսից ծոց ունեցած ուղևորությունը տեղի ունեցավ այն ֆոնին, երբ խիստ մրցակցություն էր ընթանում Ռուսաստանի և Անգլիայի միջև այս տարածաշրջանի  ազդեցության գոտին նվաճելու համար: Ռուսաստանի և Անգլիայի միջև մրցակցային գոտեմարտում սրվել էր դիվանագիտական դիմակայությունը : Ամատունու գլխավորությամբ 2 հույժ կարևոր արշավներն ամեն բան իրենց տեղը դրեցին` հօգուտ Ռուսաստանի: Ռուսաստանին  հաջողվեց  իր ձեռքը վերցնել  տարածաշրջանի առևտրային շուկան, դրա  հետ մեկտեղ առավելություն  ստանալով քաղաքական ազդեցության նժարը իր կողմը թեքելուն:

Collapse )

Ազգագրագետ Սերգեյ Դմիտրիևը և Իշխան Նիկոդիմոս Ամատունու մասին նրա աշխատությունը

Ամբողջական տարբերակը` Ազգագրագետ Սերգեյ Դմիտրիևը և Իշխան Նիկոդիմոս Ամատունու նասին նրա աշխատությունը:

Սերգեյ Դմիտրևը` Նիկոդիմոս Ամատունու  մասին

 Аматуни Никодим Исаевич (по данным армянского журналиста, члена Союза Журналистов Армении и СССР Вагана Аматуни - Никодим Исаевич родился в Армении, село Ошакаn) - Действительный статский советник, общественный деятель. В эмиграции жил в Париже. Принимал участие в работе Общества памяти императрицы Александры Федоровны (1927), Союза русских судебных деятелей и Общества бывших студентов С.-Петербургского университета (1935). Выступал с воспоминаниями. Член Главного управления Российского общества Красного Креста (РОКК) (1941–1942). Последнее время жил в Русском доме в Сент-Женевьев-де-Буа.  

Մարտի 4-ը իշխան Նիկոդիմոս Ամատունու մահվան օրն է:

Մահացել է 1946 թվականի մարտի 4-ին: Թաղված է Փարիզին մերձակա Սենտ Ժենեվև դը Բուա քաղաքի գերեզմանատանը

Collapse )

Մարտի 2-ը Հայաստանի Հանրապետությունում նշվում է դիվանագետների մասնագիտական օր

1992թ.-ի մարտի 2-ին Հայաստանը դարձավ Միավորված ազգերի կազմակերպության անդամ, այդ օրը մեր պետականության խորհրդանիշ եռագույնը բարձրացվեց ՄԱԿ-ի կենտրոնակայանի առջև։ 

Արդեն մոտ երեք տասնամյակի մոտեցող  հայոց կայացած դիվանագիտությունը դարձավ միջազգային այս ընտանիքի հեղինակավոր անդամներից  մեկը: Հնարավորություն ընձեռնվեց մեր ձայնը ավելի լսելի դարձնել աշխարհում, մասնակից լինել մարդկության առջև ծառացած մարտահրավերների ու խնդիրների  լուծմանը:

Անկախության հենց առաջին տարիներին մեր դիվանագիտության առջև   խնդիր դրվեց օգտագործել առկա սուղ հնարավորությունները, իրագործել ու նպաստել մեր հայրենիքի առջև ծառացած խնդիրների լուծմանը, ապահովելով արտաքին բարենպաստ միջավայր ու աջակցություն: Այսօր այդ մոտեցումները առարկայացվել են: Հայաստանի դիրքն ու հեղինակությունը տարեց տարի ընդլայնվում ու ամրապնդվում է, դա  երկկողմ և բազմակողմ դիվանագիտական կապերի խորացումն է,  միջազգային գործընթացներում մեր պետության ներգրավվածությունը:

Մասնագիտական տոնի  կապակցությամբ ֆեյսբուքյան իր  էջում այսպիսի գրառում է արել Նիդերլանդների Թագավորությունում Հայաստանի Հանրապետության արտակարգ և լիազոր դեսպան Տիգրան  Բալայանը.

 «Իմ սիրելի ծառայակիցներ, Հայաստանի դիվանագետներ, շնորհավոր մեր մասնագիտական օրը, որը մարմնավորում է հայ ժողովրդի դարավոր երազանքը՝  անկախ պետականություն և մյուս երկրների հետ հավասարազոր կարգավիճակով մեր հավաքական շահերի ներկայացման ու պաշտպանության հնարավորություն։

Երբեք չմոռանանք, որ մեր ծառայությունը մեզ վստահված յուրատեսակ խրամատն է, ու մեր աշխատանքի արդյունքից է կախված խրամատում մեր զինվորների անվտանգությունը։

Արգասաբեր, անփորձանք ու բարի ծայառություն»:

Դեսպանը այս գրառմանը կցել է , մեկ այլ գրառում` երբ դեռ մեկ ամիս էր ստանձնել Նիդերլանդներում  արտակարգ և լիազոր դեսպանի պարտականությունները: Այնտեղ նա հետևյալն էր գրել.

« Լրացավ Հաագա ժամանելու և ՀՀ դեսպանի պարտականությունները ստանձնելու մեկ ամիսը։ Այս ժամանակահատվածի ամենահիշարժան պահն իհարկե հավատարմագրերի հանձնում էր՝ շատ հուզիչ պահերով, որոնց մասին դեռ կգրեմ։

Ամենագլխավոր միտքը, որ արմատավորել եմ գիտակցությանս մեջ դա այս երկու սահմանագծի միջև շատերի համար անտեսանելի ուղիղ կապն է։

Բարի ու անփորձանք ծառայություն բոլորին»:

Դիվանագետի մասնագիտական տոնի առիթով «Նիդերլանդական օրագիրը»  շնորհավորում է հայ դիվանագետների կայացած ընտանիքին, հատկապես Նիդերլանդներում Հայաստանը ներկայացնող մեր դիվանագիտական անձնակազմին, մեծարգո դեսպանին, ով իր աշխատանքային  կարճ գործունեության ընթացքում հասցրել է ուշադրության կենտրոնում  պահել  հայ-նիդերլանդական տնտեսական, մշակութային, գիտակրթական կապերի զարգացումը, խորհրդարանական դիվանագիտության օժանդակումը, Հայաստան-Սփյուռք կապերի ամրապնդումը,  հայկական պատմամշակութային ժառանգության պահպանումը, մեր քաղաքացիների շահերի պաշտպանությունը և սերտ համագործակցությունը նիդերլանդահայ կառույցների,  կազմակերպությունների ու անհատների հետ:

Մաղթում  ենք նորանոր հաջողություններ ` ի նպաստ միջազգային ասպարեզում Հայաստանի Հանրապետության դիրքերի և հեղինակության ամրապնդման:

NID.oragir

2020 թվականի Դեսպանատան ֆեյսբուքյան էջի ամփոփագիր. ՓԵՏՐՎԱՐ

2020 թվականի Դեսպանատան ֆեյսբուքյան էջի ամփոփագիր. ՓԵՏՐՎԱՐ

Մեր էջում անդրադարձել ենք 2020 թվականի Դեսպանատան ֆեյսբուքյան էջի փետրվարյան այն լուրերին, որոնք ավելի կարևոր ու առանձնահատուկ ենք համարել: Դրանք այն լուրերն են, որ կյանքի են կոչվել, կազմակերպվել են դեսպանության անմիջական մասնակցությամբ և նախաձեռնությամբ:

ՈՒՇԱԴՐՈՒԹՅՈՒՆ. Դեսպանատան կայքի փետրվար (2020) ամսվա մյուս լուրերին կարող եք ծանոթանալ` այցելելով Նիդերլանդների Թագավորությունում Հայաստանի Հանրապետության դեսպանության ֆեյսբուքյան էջը

:

Արդարադատության նախարար Ռուստամ Բադասյանի գլխավորած պատվիրակության այցը Նիդերլանդներ` փետրվարի 4-ից 7-ը 

Արդարադատության նախարար Ռուստամ Բադասյանի գլխավորած պատվիրակությունը փետրվարի 4-ից 7-ը Նիդերլանդների Թագավորության Հաագա քաղաքում է: Աշխատանքային այցի առաջին հանդիպումը Քրեական արդարադատության հարցերով համագործակցության ԵՄ գործակալության (Եվրաջասթի) նախագահ Լադիսլավ Համրանի հետ կայացել է փետրվարի 4-ին, այդ մասին հայտնում է ՀՀ արդարադատության կայքը:

Նախարարը գործընկերոջը տեղեկացրել է արդարադատության ոլորտում վերջին զարգացումների և բարեփոխումների օրակարգի վերաբերյալ, որոնք հիմնականում վերաբերել են դատական ​​և հակակոռուպցիոն ռազմավարությունների ուղղություններին:

Եվրաջասթի նախագահը ներկայացրել է կառույցի գործառույթները և նախարար Բադասյանի հետ քննարկել համագործակցության ընդլայնմանն ու խորացմանը վերաբերող կոնկրետ հարցեր՝ հատկապես ապօրինի ծագում ունեցող ակտիվների վերադարձի նպատակով: Միաժամանակ, կողմերն ընդգծել են նաև անդրազգային հանցավորության դեմ պայքարի կարևորությունը և անդրադարձել Եվրաջասթի հետ համագործակցության համաձայնագրի ստորագրման նախապատրաստմանը:

Արդարադատության նախարարը Եվրաջասթի նախագահին հրավիրել է Հայաստան:     

Ռուստամ Բադասյանը Արդարադատության միջազգային դատարանի գլխավոր քարտուղարի հետ քննարկել է համագործակցության հնարավորությունները

Արդարադատության նախարար Ռուստամ Բադասյանը Նիդերլանդների Թագավորության Հաագա քաղաք կատարած այցի ընթացքում փետրվարի 5-ին հանդիպել է Արդարադատության միջազգային դատարանի գլխավոր քարտուղար Ֆիլիպ Գոտյեի հետ:

Նախարարը գործընկերոջը հակիրճ տեղեկացրել է Հայաստանում տեղի ունեցած վերջին զարգացումների, այդ թվում` ոչ բռնի, թավշյա հեղափոխությունից հետո Հայաստանում դատաիրավական բարեփոխումների հիմնական ուղղությունների մասին և Ֆիլիպ Գոտյեի հետ քննարկել Հայաստանի և Արդարադատության միջազգային դատարանի միջև համագործակցության ընդլայնման ուղիները:

Աշխատանքային այցի երկրորդ օրը՝ փետրվարի 6-ին, նախարար Բադասյանն այցելել է Նիդերլանդների Հելսինկյան կոմիտե և քննարկում ունեցել դատաիրավական և իրավապահ ոլորտների բարեփոխումների հարցերով փորձագետների հետ։ Հանդիպման ընթացքում ներկայացվել է Նիդերլանդների Հելսինկյան կոմիտեի գործունեությունը, այնուհետև Ռուստամ Բադասյանն անդրադարձել է դատաիրավական և հակակոռուպցիոն ռազմավարություններին,  բարեփոխումների ծրագրերին, որոնք շատ բարձր են գնահատվել փորձագետների կողմից։ Նախարարն ընդգծել է, որ ռազմավարությունների մշակման գործընթացում հաջող համագործակցություն է տեղի ունեցել նաև քաղաքացիական հասարակության ներկայացուցիչների հետ։
Փորձագետների հետ քննարկման ընթացքում կարևորվել է նաև իրավունքի գերակայության ապահովումը:

Հայաստանի և Նիդերլանդների արդարադատության նախարարները պայմանավորվել են խորացնել երկու կառույցների միջև համագործակցությունը

Արդարադատության նախարար Ռուստամ Բադասյանը Նիդերլանդների Թագավորության Հաագա քաղաք կատարած այցի ընթացքում փետրվարի 6-ին հանդիպել է Նիդերլանդների արդարադատության և անվտանգության նախարար Ֆերդինանդ Գրապպերհաուսին։
Նախարարները բարձր են գնահատել երկու երկրների միջև համագործակցությունը և պայմանավորվել են ավելի խորացնել երկու գերատեսչությունների միջև հարաբերությունները։
Հանդիպման ընթացքում քննարկվել են դատաիրավական, հակակոռուպցիոն և քրեակատարողական ռազմավարությունները, ինչպես նաև Նիդերլանդների արդյունավետ փորձը պրոբացիոն ոլորտում։
Քննարկման արդյունքում Ֆ. Գրապպերհաուսը պատրաստակամություն է հայտնել աջակցել քրեակատարողական ծառայությունում ենթակառուցվածքների զարգացմանը։

Հայաստանը Եվրապոլի հետ համագործակցության իրավական շրջանակը սահմանող փաստաթուղթ կկնքի07/02/2020

Արդարադատության նախարար Ռուստամ Բադասյանը, Նիդերլանդների Թագավորության Հաագա քաղաք կատարած աշխատանքային այցի շրջանակում, փետրվարի 7-ին Եվրապոլի կենտրոնակայանում հանդիպել է կառույցի գործադիր տնօրեն Քեթրին դե Բոլի հետ։Տիկին   դե Բոլն ուրախությամբ նշել է, որ, նկատի ունենալով կարճ ժամանակում Հայաստանի գրանցած նշանակալի առաջընթացը, Եվրոպական միության անդամ պետություններն իրենց համաձայնությունն են արտահայտել Հայաստանի հետ Եվրապոլի մանդատի շրջանակում համագործակցության իրավական շրջանակը սահմանող փաստաթուղթ կնքելու առաջարկի վերաբերյալ։Այնուհետև, նախարարին ներկայացվել են Եվրապոլի գործունեությունը և գործառույթները, ինչպես նաև տարբեր իրավիճակներում կառույցի կողմից օգտագործվող տեխնիկական միջոցները։ Նախարար Բադասյանը գործընկերներին ներկայացրել է Հայաստանի բարեփոխումների օրակարգը՝ կենտրոնանալով հակակոռուպցիոն պայքարի թվերի, մասնագիտացված ինստիտուտների ստեղծման, քրեական արդարադատության համակարգի և ոստիկանության բարեփոխումների ուղղությամբ Կառավարության տեսլականի և կոնկրետ քայլերի վրա։  Եվրապոլի գործընկերները ողջունել են ոլորտային բարեփոխումների ընթացքում ԵՄ կառույցների ակտիվ ներգրավվածությունը։  Այցի ընթացքում Ռուստամ Բադասյանին ներկայացվել է նաև Եվրապոլի գործառույթներն ու դերը կառույցի անդամ երկրներից քրեական գործերով ապացույցների ձեռքբերման գործընթացում, ինչպես նաև փողերի լվացման, ֆինանսական քննությունների և ակտիվների վերադարձի ոլորտներում։ Քննարկվել են Հայաստանի իրավասու մարմինների հետ նշված յուրաքանչյուր ուղղությամբ համագործակցության կոնկրետ քայլերը։Արդարադատության նախարարի և Եվրապոլի գործադիր տնօրենի կողմից պայմանավորվածություն է ձեռք բերվել Հայաստանի և Եվրապոլի միջև համագործակցության իրավական շրջանակի կնքման մոտավոր ժամկետների վերաբերյալ։ Հանդիպման ընթացքում Ռուստամ Բադասյանը Եվրապոլի գործադիր տնօրեն Քեթրին դե Բոլին հրավիրել է Հայաստան՝ հետագա համագործակցության ուղղությամբ նոր  համաձայնություններ քննարկելու նպատակով։

4 февраля в 07:26Դեսպան Բալայանը Ուտրեխտի տղամարդկանց ակումբի անդամներին ներկայացրեց Հայաստանը
Փետրվարի 3-ին Նիդերլանդներում ՀՀ դեսպան Տիգրան Բալայանը հյուրընկալվեց շուրջ 150-ամյա պատմություն ունեցող Ուտրեխտի տղամարդկանց ակումբում (https://vereeniging.nl/algemeen/algemeen.aspx)՝ որպես պատվավոր հյուր և հիմնական բանախոս։

Ակումբի անդամներ են հանդիսանում անվանի քաղաքական և հասարակական գործիչներ, գործարար, բանկային, գիտակրթաական, մշակութային և մի շարք այլ շրջանակների ներկայացուցիչներ։Հայաստանի մասին ՀՀ դեսպանի դասախոսությանը ներկա էին ակումբի շուրջ ութսուն անդամներ։
Դեսպան Բալայանը ներկաներին պատմեց հայ-նիդերլանդական հարաբերությունների պատմության և ներկայումս խորացող գործընկերության մասին, տեղեկացրեց Թավշյա հեղափոխությունից ի վեր Հայաստանում տեղի ունեցող լայնածավալ բարեփոխումների մասին, անդրադարձավ Հայաստանի գործարար միջավայրին, զբոսաշրջիկներին առաջարկվող լայն ծառայություններին, ներկայացրեց օտարերկրյա ներդրումների համար հայաստանյան շուկայի հնարավորությունները, ապաԵլույթից հետո Տիգրան Բալայանը պատասխանեց ներկաների բազմաթիվ հարցերին, որոնք վերաբերում էին Հայաստանի արտաքին քաղաքականությանը, տնտեսությանը և մշակույթին։Դասախոսությանը նախորդած ընթրիքին ակումբի անդամներին մատուցվեց հայկական գինի և կոնյակ։Tigran BalayanArmenian Diplomacy
4 февраля в 18:46 · The book of member of Dutch-Armenia|n friendship circle Yannick Raczynski-Henk on  Armenia is already out.

This is how he describes it:‘If anyone had asked me a week ago whether I would ever think it is a good idea to repair a car steering wheel with duct tape, I would have questioned their sanity. But this is Armenia, so now it seems like a splendid idea.’Archaeologist Yannick Raczynski-Henk finds himself working in Armenia by coincidence. As far as he is concerned, it is one of the most bizarre places he has ever been to. He discovers, over the course of ten years of traveling and digging for archaeological remains many thousands of years old, that there is beauty and even a semblance of order to be found in the apparent chaos of Armenia and its people.With dry wit the author drags the reader along through every pothole in the road to awe and astonishment.‘Als iemand me een week eerder had gevraagd of ik het ooit een goed idee zou vinden om het stuur van een auto met plakband te repareren had ik tegen mijn hoofd getikt, maar dit is Armenië, dus nu lijkt het me een briljant plan.’Archeoloog Yannick Raczynski-Henk belandt per toeval in Armenië, wat hem betreft het meest bizarre land ter wereld. Tussen het graven naar archeologische resten van honderdduizenden jaren geleden door, ontdekt hij in de loop van tien jaar reizen en onderzoek in het land dat er schoonheid, en zelfs enige orde, schuilt in de ogenschijnlijke chaos van Armenië en zijn inwoners.
Met veel droge humor sleept de schrijver je mee langs en door alle kuilen in de weg naar verwondering en bewondering.For more info: www.haghtanak.nl---------------------

2019-ին Հայաստան է ժամանել շուրջ 1.9 մլն զբոսաշրջիկ, ինչը 14.7%-ով ավել է 2018-ին ժամանածների թվից:
2017 թվականի համեմատ զբոսաշրջիկների թիվն ավելացել է 26.7%-ով կամ գրեթե 400 հազարով:

·11 февраля в 17:54  Armeense collectie in Drents Museum: 'Het is om je vingers bij af te likken' https://www.rtvdrenthe.nl/nieuws/157140/Armeense-collectie-in-Drents-Museum-Het-is-om-je-vingers-bij-af-te-likken

13 февраля в 10:08 · Փետրվարի 11-ին Վիեննայում մեկնարկեց Եվրոպայում և միջազգային և տարածաշրջանային կազմակերպություններում հավատարմագրված ՀՀ դիվանագիտական ներկայացուցչությունների ղեկավարների հավաքը։
Հանդիպման ընթացքում հանգամանալից անդրադարձ կատարվեց Հայաստանի արտաքին քաղաքական առաջնահերթություններին, հայկական դիվանագիտության առջև ծառացած մարտահրավերներին և դրանց հասցեագրման ուղղությամբ իրականացվող քայլերին:Քննարկման օրակարգում էին ինչպես միջազգային և տարածաշրջանային կազմակերպություններում Հայաստանի ներգրավվածության ընդլայնման, այնպես էլ գործընկեր երկրների հետ համագործակցության առավել ամրապնդմանն ուղղված քայլերին առնչվող հարցերի լայն շրջանակ։On February 11, the meeting of Heads of Diplomatic Missions of #Armenia accredited to #European countries and international, regional organizations, was held in #Vienna.In the course of the meeting, the interlocutors discussed in detail foreign policy priorities of Armenia, the challenges that the Armenian diplomacy faces and the steps taken to address them.The agenda included both the expansion of Armenia’s involvement in international and regional organizations and a wide range of issues aimed at further strengthening cooperation with partners.https://www.mfa.am/…/…/2020/02/11/ambassadorial_vienna/10074---------------------------------

13 февраля в 21:14 · Մարտի 5 Pathé Buitenhof կինոթատրոնում տեղի կունենա Նիդելրանդներում Ֆրանկոֆոնիայի մեկամսյակի գլխավոր միջոցառումը՝ նվիրված մարդու իրավունքներին և կոմիքսների միջոցով դրանց առաջմղմանը։ Հայաստանը միջոցառմանը ներկայանալու է MAYRO Comics-ի հեղինակած «Հայաստանի թավշյա հեղափոխությունը» կոմիքսներով և ներկայացնղ կարճ ֆիլմով։ Կոմիքսները ֆրանսերեն է թագմանել դեսպան Տիգրան Բալայանի կինը` Hasmik Hakobyanը։
14 февраля ·

2020թ. փետրվարի 12-ին Նիդերլանդները հայտնել է Եվրոպական խորհրդի և ԵՄ խորհրդի Գլխավոր քարտուղարությանը ՀԸԳՀ վավերացման համար անհրաժեշտ ներպետական ընթացակարգերն ավարտին հասցնելու վերաբերյալ։

On 12 February 2020, the Netherlands notified the General Secretariat of the European Council and the Council of the EU about the completion of its internal procedures necessary for the ratification of the Armenia-EU CEPA.

.

Embassy of Armenia in The Netherlands/ Նիդերլանդներում ՀՀ դեսպանություն

15 февраля в 18:39 · Հ Ա Յ Տ Ա Ր Ա Ր ՈՒ Թ Յ ՈՒ Ն2020 թվականին ՀՀ կրթության, գիտության, մշակույթի և սպորտի նախարարությունը շարունակում է սփյուռքում գործող հայկական և հայկական բաղադրիչով ուսումնական հաստատություններում (պետական և ոչ պետական վարժարաններ, դպրոցներ, մանկապարտեզներ, լրացուցիչ կրթության հաստատություններ, մեկօրյա կրթօջախներ, մշակութային կենտրոններ և այլն) մանկավարժների վերապատրաստման ծրագիրը:Հայաստանում վերապատրաստումն ընթանալու է ՀՀ կրթության, գիտության, մշակույթի և սպորտի նախարարության կողմից հաստատված տարբերակված հետևյալ 6 մեկամսյա ծրագրերով.
Ա. Ուսուցում մանկապարտեզում
Բ. Ուսուցման մեկօրյա դպրոցում
Գ. Հայերենի տարրական ուսուցում ամենօրյա դպրոցում
Դ. Հայոց լեզվի և գրականության դասավանդում միջին և ավագ տարիքի երեխաների համար
Ե. Լրացուցիչ կրթության և ազգային դաստիարակության կազմակերպում
Զ. Հայոց պատմության և մշակույթի պատմության դասավանդումԴասընթացներն ավարտած ուսուցիչներին կտրամադրվի ՀՀ կրթության, գիտության, մշակույթի և սպորտի նախարարության վկայագիր:Ծրագրի ընթացքում դասընթացների կազմակերպման, ուսուցիչների կեցության և շրջագայության ծախսերը, ծրագրի բացման օրվանից մինչև փակման օրը, ստանձնում է Հայաստանի Հանրապետությունը: Ճանապարհածախսը, ներառյալ օդանավակայանից մինչև հյուրատունը և Հայաստան մուտքի արտոնագրի (վիզա) ծախսերը հոգում են մասնակիցները կամ համապատասխան կազմակերպությունները, կրթօջախները, բարերարները:
Վերապատրաստման սկիզբը համարվում է ծրագրի հյուրատան մուտքի օրը` հունիսի 28-ը:Ծրագրի ժամանակացույցը հետևյալն է.28 հունիսի` հյուրատուն մուտքի և տեղավորման օր
29 հունիսի` ծրագրի պաշտոնական բացում
24 հուլիսի՝ ծրագրի պաշտոնական փակում և վկայականների հանձնում
25 հուլիսի` հյուրատնից ելքի օր:Ավելի վաղ ժամանելու կամ ուշ մեկնելու դեպքում՝ կեցության ծախսերը հոգում են մասնակիցները: Հյուրանոցի սենյակները նախատեսված են 2-3 հոգու համար:Ծրագրին մասնակցելու համար անհրաժեշտ է մինչև մայիսի 24-ը ներառյալ ՀՀ կրթության, գիտության, մշակույթի նախարարություն ներկայացնել ուսուցչի կողմից լրացված և կրթօջախի տնօրինության կողմից վավերացված հայտը (հայտաձևը կցվում է):Մասնակցության պաշտոնական հաստատումներն ուսուցիչները կստանան իրենց էլեկտրոնային հասցեով՝ հայտն ստանալուց մինչև հունիսի 1-ն ընկած ժամանակահատվածում: Երկրից և աշխատավայրից բացակայությունը հիմնավորելու համար պաշտոնական հրավերի անհրաժեշտության դեպքում` խնդրում ենք տեղեկացնել նախապես:Ծրագրերի ընդհանուր նկարագիրը և հիմնական դասախոսների ցանկը, ինչպես նաև հյուրատան հասցեն և կեցության հետ կապված այլ տեղեկություններ կփոխանցվեն մասնակցության հայտ ներկայացրած ուսուցիչներին՝ հունիս ամսվա ընթացքում:
Մասնակիցների համար նախատեսվում են նաև հանդիպումներ, ճանաչողական-ուսուցողական շրջայցեր և մշակութային ծրագիր:Հավելյալ տեղեկություններ կարելի է ստանալ ՀՀ կրթության, գիտության, մշակույթի և սպորտի նախարարության սփյուռքի հետ կապերի բաժնից.
Հեռ. 374 10 58-13-91
Էլ. փոստ. spyurq.dep@escs.am կամ info@escs.am

«Եվրատեսիլ 2020» երգի մրցույթում Հայաստանը կներկայացնի Աթենա Մանուկյանը

16 февраля в 15:23 · «Օտար, ամայի ճամփեքի վրա» ծրագրի հերթական թողարկումը Նիդերլանդներից, այս անգամ՝ Հաարլեմից(Մաս 660)17 февраля в 08:46 · PUM Netherlands senior experts ավագ փորձագետների կազմակերպության հրավերով Նիդերլանդներ է ժամանել ՀՀ առողջապահության նախարարի տեղակալ Anahit Avanesyanի գլխավորած առողջապահական հաստատությունների ներկայացուցչական պատվիրակությունը։

17 февраля в 18:51 · TV5MONDE Destination Francophonie a publié l'émission de la Haye avec l'interview du président du Groupe des ambassadeurs francophones à la Haye, l ambassadeur d'Arménie Tigran Balayan

.

17 февраля в 19:38 · Հայաստանի առողջապահական պատվիրակությունը այսօր հյուրընկալվել է Philips Health ընկերության կենտրոնակայանում` քննարկելու փոխգործակցության ընդլայնման հնարավորությունները։

20 февраля в 09:20 · Ամստերդամի հանրային գրադարանում կայացավ Հովհաննես Թումանյանի հեքիաթների նիդերլանդերեն թարգմանության շնորհանդեսըԵվրոպայի խոշորագույն գրադարանը համալրվեց հայալեզու գրականությամբՓետրվարի 19-ին Ամստերդամի հանրային գրադարանում տեղի ունեցավ Հովհաննես Թումանյանի հեքիաթների նիդերլանդերեն թարգմանության շնորհանդեսը, որին ներկա էին նիդերլանդացի գրողներ և մշակութային գործիչներ, հայ համայնքի ներկայացուցիչներ։
Միջոցառումը վարում էր նիդերլանդացի անվանի հաղորդավար Դիյվետյե Բլոկը։Իր խոսքում դեսպան Tigran Balayan Տիգրան Բալայանը շնորհակալություն հայտնեց նախագծի նախաձեռնող և թարգմանիչ Anna Maria Mattaar Աննա-Մարիա Մատառին՝ հայկական մշակույթը Նիդերլանդներում հասանելի դարձնելու շարունակական ջանքերի համար, բարձր գնահատեց հրատարակությունը նկարազարդած Հարմեն ֆան Ստրատենի իրականացրած աշխատանքը։ Դեսպան Բալայանը երախտագիտություն հայտնեց Rubinstein հրատարակչությանը գիրքը լույս ընծայելու և նախագծի հովանավոր Ամստերդամում ՀՀ պատվավոր հյուպատոս Ռոբերտ Զիկին։«Շուրջ մեկ տասնամյակ ամենայն հայոց բանաստեղծի տարեդարձը Հայաստանում նաև գիրք նվիրելու օրն է, ուստի մենք մի քանի նվեր ունենք հանձնելու։ Հայաստանի ազգային գրադարանի կողմից Ամստերդամի հանրային գրադարանի հայ ժամանակակից գրողների գրքերը, որոնք կհանձնի Աննա-Մարիա Մատառը, և Ալմելոյի հայկական կիրակնօրյա դպրոցի կողմից 100 հատոր հայկական դասականների ստեղծագործություններ և հանրագիտարաններ, որոնք կհանձնի տնօրեն Սվետլանա Անդրեասյանը։ Համոզված եմ, որ այս գրքերն իրենց արժանի տեղը կզբաղեցնեն Ամստերդամի հանրային գրադարանի «Բոլոր լեզուների տանը,» - ասաց դեսպան Բալայանը։Ամստերդամի հանրային գրադարանի տնօրինությունն՝ իր հերթին Հայաստանի հանրային գրադարանին փոխանցելու նպատակով նվիրաբերեց շուրջ 30 հատոր անգլերեն և նիդերլանդերեն գրքեր։Միջոցառմանը` Թումանյանի հեքիաթների, իրենց կատարած աշխատանքի, և ստացած տպավորությունների մասին խոսեցին թարգմանչուհի Աննա-Մարիա Մատառը և նկարիրչ Հարմեն ֆան Ստրատենը, Դիյվետյե Բլոկը ընթերցեց «Անհաթղ աքլորը», «Շունն ու կատուն» և «Անխելք մարդը» հեքիաթները։Շնորհանդեսը ուղեկցվում էր հայկական երաշտությամբ, իսկ եզրափակիչ մասում հանդիսատեսը դիտեց «Կիկոսի մահը» մուլտֆիլմը, ապա Թումանյանի տարեդարձը նշվեց հայկական գինիով։

ՇԱՐՈՒՆԱԿՈՒԹՅՈՒՆԸ`

2020 թվականի Դեսպանատան ֆեյսբուքյան էջի ամփոփագիր. ՓԵՏՐՎԱՐ