Նիդերլանդների դեսպանն ու «Հայստան» հիմնադրամի մասնաճյուղի տնօրենը «Զինվորի տուն» կենտրոնում

Նիդերլանդների թագավորության արտակարգ և լիազոր դեսպան Նիկոլաս Սխերմերսին Համահայկական հիմնադրամի Հոլանդիայի մասնաճյուղի տնօրեն Հարություն Սիմոնյանի ուղեկցությամբ այցելել էր «Զինվորի» տուն վերականգնողական կենտրոն։




ԵՊԲՀ ռեկտոր Արմեն Մուրադյանը և վերականգնողական կենտրոնի տնօրեն Հայկուհի Մինասյանը պատվիրակությանը ծանոթացրել են վերականգնողական կենտրոնի հնարավորություններին, ներկայացրել կենտրոնում առկա բուժսարքավորումները:
Դեսպանին ներկայացվել է կենտրոնի պատմությունը, առաքելությունը և զարգացման տեսլականը։ Այցի ընթացքում քննարկվել են համագործակցության հետագա ծրագրեր՝ ուսումնական և կլինիկական ոլորտներում, ինչպես նաև պայմանավորվածություններ են ձեռք բերվել փոխայցեր կազմակերպելու՝ մասնագիտական փորձի փոխանակմանը նպաստելու նպատակով:
Նիդերլանդների թագավորության արտակարգ և լիազոր դեսպան Նիկոլաս Սխեմերսին տեղեկացվել է նաև, որ Զինվորի տանը բուժում են ստանում ինչպես Արցախյան առաջին պատերազմում, այնպես էլ Ապրիլյան և 2020 թվականի պատերազմների ընթացքում վիրավորում ստացած զինվորները:
Դեսպանը տպավորված էր Հայրենիքի պաշտպանի վերականգնողական կենտրոնի աշխատանքներով, հնարավորություններով և մասնագիտական հաջողություններով։ Նիկոլաս Սխեմերսին հաճելիորեն զարմացրել է նաև այն փաստը, որ մինչ այս պահը որևէ COVID-19-ի դեպք չի արձանագրվել վերականգնողական կենտրոնում։
Հանդիպման ավարտին դեսպանը վերականգնողական կենտրոնում բուժվող տղաներին մաղթել է արագ ապաքինում՝ նշելով, որ այս հաստատությունը չափազանց կարևոր է ոչ միայն մատուցվող բարձրորակ ծառայություններով ու ժամանակակից սարքերով, այլև իր բովանդակությամբ ու ջերմ միջավայրով։
Հյուրերը տեղեկացել են, որ վերականգնողական կենտրոնը հիմնադրվել է ՀՀ Պաշտպանության նախարարության, Երևանի Մխիթար Հերացու անվան պետական բժշկական համալսարանի, «Աջակցություն վիրավոր զինվորներին և զինհաշմանդամներին» հասարակական կազմակերպության, ինչպես նաև մի շարք նվիրյալների ու բարերարների համատեղ ջանքերով:

Իր մահկանացուն է կնքել Չարենցի թոռնուհին` Հասմիկ Չարենցը


Գոհար Չարենցը ֆեյսբուքյան էջում հետևյալն է գրել.
«Մեծ վշտով հայտնում եմ որ երեկ հոլանդիայի հիվանդանոցում խաղաղությամբ իր մահկանացուն կնքեց քույրս Հասմիկ Չարենցը մոր Անահիտ Չարենցի և դստերս Նանեի ներկայությամբ. Լույս իջնի հոգուն»
Գոհար Չարենց
With deep sorrow, I inform you that yesterday my sister, Hasmik Charents passed away peacefully in a Dutch hospital in the presence of her mother, Anahit Charents and my daughter Nane. May she rest in peace.
Gohar Charents
Ըստ տեղեկությունների Հասմիկ Չարենցը հայտնի բանաստեղծ Եղիշե Չարենցի թոռնուհին էր:
Մեր կողմից ցավակցում ենք հանգուցյալի ընտանիքին ու հարազատներին

Հայց` սոցիալական ցանցերի որոշ թուրք-ադրբեջանական օգտատերերի և «Գորշ գայլերի» դեմ


Հոլանդահայ կազմակերպությունների ֆեդերացիան (FAON) հայց է ներկայացրել սոցիալական ցանցերի թուրք-ադրբեջանական օգտատերերի և «Գորշ գայլերի» դեմ հայերի նկատմամբ ինտերնետում մի շարք վիրավորական և ատելության խոսքի, խտրականության և բռնության կոչերի կապակցությամբ։


Ներկայացված նյութերը քաղված են Ֆեյսբուքի և Ինստագրամի էջերից և պարունակում են բազմաթիվ հակահայ հայտարարություններ, որոնք դեմ են Նիդերլանդների օրենսդրությանը և անցնում են խոսքի ազատության սահմանները։ Հոլանդահայ կազմակերպությունների ֆեդերացիան զարմացած է, որ օրինակ Ֆեյսբուքը հանդուրժում է նման արտահայտություններ, նույնիսկ երբ որոշ դեպքերում դրանց մասին զեկուցվել են: Ներկայացնելով այս հայցը, Հոլանդահայ կազմակերպությունների ֆեդերացիան նպատակ ունի ուշադրություն հրավիրել այն հարցի շուրջ, որ նման ատելության խոսքի տարածումը, որոնց հեղինակները հաճախ «Գորշ գայլերի» անդամները կամ նրանց համակիրներն են, սպառնում է դառնալ առօրյա սովորություն։ Հաստատ կարելի է ասել, որ վերջին ամիսներին Արցախի և Հայաստանի դեմ Թուրքիայի հովանավորությամբ Ադրբեջանի սանձազերծած պատերազմի ընթացքում այդ արտահայտությունները բազմապատկվեցին, ինչն ավելի սրեց արդեն իսկ լարված ազգամիջյան հարաբերությունները։։ Շատ դեպքերում անդրադարձ է կատարվում Հայոց ցեղասպանությանը, որը հերքում են Թուրքիան, ինչպես նաև մեծ թվով Նիդերլանդներում բնակվող թուրքերը և ադրբեջանցիները։ Նույնը կարելի է ասել Գորշ գայլերի ձեռնարկած գործողության մասին։ Նրանք մի քանի շաբաթ առաջ, կիրակի առավոտյան, Ալմելոյում, տուն առ տուն, թռուցիկներ գցեցին հայերի փոստարկղների մեջ, որոնցում մասնավորապես հերքվում էր Հայոց ցեղասպանությունը և դա որակավորում էր որպես «սուտ»։ Ալմելոյում բնակվում են մեծ թվով հայեր, որոնցից շատերը ցեղասպանության զոհերի ժառանգորդներն են և որոնց համար դա ակնհայտորեն ցավալի և զարհուրելի է
Գիտական շրջանակներում միջազգային կոնսենսուս կա Հայոց ցեղասպանության վերաբերյալ: Նիդերլանդների խորհրդարանը միաձայն ճանաչել է Հայոց ցեղասպանությունը 2004 թվականին (Ռաուֆուտի բանաձև)։ Այդ տեսակետը վերահաստատվել է մի քանի բանաձևերով, այդ թվում ՝ 2015-ին և 2018-ին։ Հայատյաց արտահայտությունները և հայերի նկատմամբ բռնություններն ավաղ առօրյա երևույթներ են։ Թուրքիայի և Ադրբեջանի նախագահների հայերի մասին արտահայտությունների ոճը խթանում է այդ կեցվածքը։ Հոլանդահայ կազմակերպությունների ֆեդերացիայի կարծիքով, աշխարհը պատշաճ վերաբերմունք չի ցուցաբերում այս հարցի նկատմամբ, օրինակ երբ այս ամռանը նախագահ Էրդողանը հայտարարեց, որ պետք է «ավարտել իրենց պապերի գործը», միջազգային հանրությունը նույնիսկ դրան չանդրադարձավ։ Ատելության խոսքը, ինչպես Թուրքիայում և Ադրբեջանում, այնպես էլ Նիդերլանդներում դառնում է ավելի ու ավելի սովորական։ Ներկայացնելով այս հայցը Հոլանդահայ կազմակերպությունների ֆեդերացիան նպատակ ունի կասեցնել Նիդեռլանդներում ատելության խոսքի անսանձ աճը։ Հոլանդահայ կազմակերպությունների ֆեդերացիան կոչ է անում Նիդերլանդների կառավարությանը չմնալ անտարբեր նման արտահայտությունների նկատմամբ և այդ բոլորն այլևս լռության չմատնել։ Առանց ատելության և բռնության նմանատիպ կոչերը դատապարտելու, հնարավոր չէ մի կողմից հայերի, իսկ մյուս կողմից թուրքերի և ադրբեջանցիների հարաբերությունները թե այնտեղ և թե այստեղ մեղմացնել։Հոլանդահայ կազմակերպությունների ֆեդերացիան (FAON) հայց է ներկայացրել սոցիալական ցանցերի թուրք-ադրբեջանական օգտատերերի և «Գորշ գայլերի» դեմ հայերի նկատմամբ ինտերնետում մի շարք վիրավորական և ատելության խոսքի, խտրականության և բռնության կոչերի կապակցությամբ։ Ներկայացված նյութերը քաղված են Ֆեյսբուքի և Ինստագրամի էջերից և պարունակում են բազմաթիվ հակահայ հայտարարություններ, որոնք դեմ են Նիդերլանդների օրենսդրությանը և անցնում են խոսքի ազատության սահմանները։ Հոլանդահայ կազմակերպությունների ֆեդերացիան զարմացած է, որ օրինակ Ֆեյսբուքը հանդուրժում է նման արտահայտություններ, նույնիսկ երբ որոշ դեպքերում դրանց մասին զեկուցվել են: Ներկայացնելով այս հայցը, Հոլանդահայ կազմակերպությունների ֆեդերացիան նպատակ ունի ուշադրություն հրավիրել այն հարցի շուրջ, որ նման ատելության խոսքի տարածումը, որոնց հեղինակները հաճախ «Գորշ գայլերի» անդամները կամ նրանց համակիրներն են, սպառնում է դառնալ առօրյա սովորություն։ Հաստատ կարելի է ասել, որ վերջին ամիսներին Արցախի և Հայաստանի դեմ Թուրքիայի հովանավորությամբ Ադրբեջանի սանձազերծած պատերազմի ընթացքում այդ արտահայտությունները բազմապատկվեցին, ինչն ավելի սրեց արդեն իսկ լարված ազգամիջյան հարաբերությունները։ Շատ դեպքերում անդրադարձ է կատարվում Հայոց ցեղասպանությանը, որը հերքում են Թուրքիան, ինչպես նաև մեծ թվով Նիդերլանդներում բնակվող թուրքերը և ադրբեջանցիները։ Նույնը կարելի է ասել Գորշ գայլերի ձեռնարկած գործողության մասին։ Նրանք մի քանի շաբաթ առաջ, կիրակի առավոտյան, Ալմելոյում, տուն առ տուն, թռուցիկներ գցեցին հայերի փոստարկղների մեջ, որոնցում մասնավորապես հերքվում էր Հայոց ցեղասպանությունը և դա որակավորում էր որպես «սուտ»։ Ալմելոյում բնակվում են մեծ թվով հայեր, որոնցից շատերը ցեղասպանության զոհերի ժառանգորդներն են և որոնց համար դա ակնհայտորեն ցավալի և զարհուրելի է։ Գիտական շրջանակներում միջազգային կոնսենսուս կա Հայոց ցեղասպանության վերաբերյալ: Նիդերլանդների խորհրդարանը միաձայն ճանաչել է Հայոց ցեղասպանությունը 2004 թվականին (Ռաուֆուտի բանաձև)։ Այդ տեսակետը վերահաստատվել է մի քանի բանաձևերով, այդ թվում ՝ 2015-ին և 2018-ին։ Հայատյաց արտահայտությունները և հայերի նկատմամբ բռնություններն ավաղ առօրյա երևույթներ են։ Թուրքիայի և Ադրբեջանի նախագահների հայերի մասին արտահայտությունների ոճը խթանում է այդ կեցվածքը։ Հոլանդահայ կազմակերպությունների ֆեդերացիայի կարծիքով, աշխարհը պատշաճ վերաբերմունք չի ցուցաբերում այս հարցի նկատմամբ, օրինակ երբ այս ամռանը նախագահ Էրդողանը հայտարարեց, որ պետք է «ավարտել իրենց պապերի գործը», միջազգային հանրությունը նույնիսկ դրան չանդրադարձավ։ Ատելության խոսքը, ինչպես Թուրքիայում և Ադրբեջանում, այնպես էլ Նիդերլանդներում դառնում է ավելի ու ավելի սովորական։ Ներկայացնելով այս հայցը Հոլանդահայ կազմակերպությունների ֆեդերացիան նպատակ ունի կասեցնել Նիդեռլանդներում ատելության խոսքի անսանձ աճը։ Հոլանդահայ կազմակերպությունների ֆեդերացիան կոչ է անում Նիդերլանդների կառավարությանը չմնալ անտարբեր նման արտահայտությունների նկատմամբ և այդ բոլորն այլևս լռության չմատնել։ Առանց ատելության և բռնության նմանատիպ կոչերը դատապարտելու, հնարավոր չէ մի կողմից հայերի, իսկ մյուս կողմից թուրքերի և ադրբեջանցիների հարաբերությունները թե այնտեղ և թե այստեղ մեղմացնել։
Հոլանդահայ կազմակերպությունների ֆեդերացիա

•ՆԻԴ.ՕՐԱԳՐԻ ԿՈՂՄԻՑ: Ինչպես քիչ առաջ ներկայացրեցինք` Հոլանդահայ Կազմակերպությունների Ֆեդերացիան`  հայերի նկատմամբ թուրքական ատելության խոսքի դեմ հայց է ներկայացրել Նիդերլանդների արդարադատության մարմիններին:
Մամլո հաղորդագրությունը տարածվել է երեք լեզուներով: Այստեղ մեր  կողմից կցված լուսանկարները  ուղարկել է մեր ընթերցողներից մեկը, երբ սեփական տան փոստարկղում հայտնաբերել է հակահայ, Հայոց ցեղասպանությունը ժխտող այս թերթոններն ու լուսանկարները:
Հոլանդահայ կազմակերպությունների ֆեդերացիայի (FAON) ՀԱՅՑԸ թուրք-ադրբեջանական օգտատերերի և «Գորշ գայլերի» դեմ ` սոցիալական ցանցերում  ազգությամբ հայերի  դեմ արված   ատելության խոսքի, վիրավորական արտահայտությունների, խտրականության և բռնության կոչերի դեմ, ճիշտ ժամանակին արված հակընդեմ քայլ է, կանխելու բազմամշակույթ Նիդերլանդներում սկիզբ առնող անհանդուրժողականության վտանգները` իր վատ հետևանքներով հանդերձ: Փաստորեն թուրք-ազերի ծայրահեղական ազգայնամոլները չեն բավարարվում  միայն համացանցով վիրավորանքներ հասցնել, այլ գործում են նաև առերևույթ:
Մեր ընթերցողներին հորդորում ենք  հավաքել նման ապացույցները, իսկ եթե հնարավոր է պարզեն  ուղարկողների ինքնությունն ու  վայրը, զերծ մնան սադրանքներից, անհրաժեշտության դեպքում դիմեն իրավապահ մարմիններին:
«Նիդերլանդական օրագիր»






Press Release
Report against Turkish hate speech directed at Armenians

The Hague, 27 November 2020 – The Federation of Armenian Organisations in the Netherlands (FAON) has lodged a police report against a number of recent anti-Armenian messages on social media by Turkish and Azerbaijani users, as well as the Grey Wolves, calling for hate, discrimination, and violence.

The reported messages, in whole or in part, posted on Facebook and Instagram, express countless anti-Armenian sentiments that go against Dutch law and cross the boundaries of free speech. The FAON was surprised that such utterances were tolerated on, for instance, Facebook, even after they had been reported to the social media platform. By reporting this to the police, the FAON is drawing attention to the fact that such hate speech, often perpetrated by the Grey Wolves, threatens to become mainstream.

These messages grew in number especially in recent months during the armed conflict, in which Armenia, Turkey, and Azerbaijan were involved, resulting in even tenser relations.

In many of the messages, references are made to the Armenian Genocide, which is denied by Turkey and many Turks and Azerbaijanis in the Netherlands. This was also the case several weeks ago when Grey Wolves in Almelo went door to door on a Sunday morning delivering flyers in mailboxes in which the Armenian Genocide is talked about as a “lie.” There is a large Armenian community in Almelo, many of them descendants of victims of the genocide, for whom this naturally caused much pain and anxiety.

To note, there is international scholarly consensus on the history and facts of the Armenian Genocide. The Dutch parliament unanimously recognized the Armenian Genocide in 2004 (Rouvoet Motion), reconfirming it in several later motions, including in 2015 and 2018.

Unfortunately, such messages, statements, and acts occur frequently. An instigating factor is the way in which the presidents of Turkey and Azerbaijan speak about Armenians. According to the FAON, the international community falls short of reacting to this. This summer alone, President Erdogan said that he would “finish the job of his grandfathers,” but was not called out for it by the international community.

Hate speech in both Turkey and Azerbaijan, as well as here in the Netherlands, is thus becoming more and more common. The FAON calls on the Dutch government to no longer remain silent in the face of these types of utterances.

Without properly condemning such calls to hate and violence, the relations between Armenians, on the one hand, and Turks and Azerbaijanis, on the other, both here and there, cannot be peaceful.

Զոհված հերոսների հիշատակի պատարագ

Նոյեմբերի 25-ին Մոնթե Չարլզի Մելքոնյանի ծննդյան օրն է (մարտական անունը՝ Ավո, ծնվել է 1957թվականին, Վիսեյլիայում (Կալիֆոռնիա, ԱՄՆ):

Զոհվել է 1993թ հունիսի 12-ին ազատագրած Արցախի տարածքում:
Հայաստանի ազգային հերոս, Արցախի հերոս, Արցախյան պատերազմի ակտիվ մասնակից, հայազգի հրամանատար, ՀԱՀԳԲ նախկին անդամ:

22.11.2020-Զոհված հերոսների հիշատակի պատարագ Ալմելոյում:

Պատարագիչ Մաշտոց տեր Բաղդասարյան


Այս գիշեր հոգիդ քեզնից պահանջելու են. 22 նոյեմբերի 2020թ
Շատ հեռու չգնանք, այլ անկախությունից հետո երկրի չորս ղեկավարների օրոք երկրի վիճակը, ժողովրդի վիճակը, և մեծահարուստների վիճակը: Ամեն մարդ գիտե, որ երկրի պետականության պահպանման կայունությունը բանակի հզորությունն է:
Արմեն քահանա Մելքոնյան


Հերթական հումանիտար մեծաքանակ օգնությունը

Հերթական հումանիտար մեծաքանակ օգնությունը 3 կոնտեյներներով հայրենասեր նիդերլանդահայերի կողմից երեկ ուղարկվել է Հայաստան: Մեծաքանակ անվասայլակները և այլ բժշկական պարագաները Երևան ժամանելուն պես կնիվաբերվեն պատերազմի հետևանքով հաշմնդմություն և այլ առողջական խնդիրներ ստացած մեր հերոսներին` Արցախում և Հայաստանում: Համագործակցելով հաշմանդամների խնդիրներով զբաղվող տեղական առաջտար մասնագետների հետ` հայաստանաբնակ կամավորների հետ միասին պրոցեսը կկորդինացնեն և կվերահսկեն Նիդերլանդներից Հայաստան ժամանած հոլանդահայ կամավորները

Կյանքի 73-րդ տարում հեռացավ Սերգեյ Փարաջանովի թանգարանի հիմնադիր տնօրեն Զավեն Սարգսյանը

Կյանքի  73-րդ տարում հեռացավ  Սերգեյ Փարաջանովի
թանգարանի հիմնադիր տնօրեն, արվեստագետ, լուսանկարիչ
 Զավեն Սարգսյանը:


Նա 1986-1992 թվականներին  Հայաստանի ժողովրդական արվեստի պետական թանգարանի տնօրենն էր, իսկ 1992 թվականից ի վեր ղեկավարում էր Սերգեյ Փարաջանովի թանգարանը։

Չեխ լրագրող, մեր բարեկամ Լիբոր Սպիմրի Libor Spimr  հետ ծրագրեր կար իրականացնելու, պայմանավորվել էին միասին լուսանկարչական աշխատանքների ցուցահանդես բացել, սակայն ավաղ...

Ցավակցում ենք Զավեն Սարգսյանի հարազատներին, մտերիմներին ու ընկերներին:

Ֆրանսիայի նախագահ Էմանուել Մակրոնն այցելել է Fonds Arménien de France մասնաճյուղ

Ֆրանսիայի նախագահ Էմանուել Մակրոնն ( Emmanuel Macron ) անձամբ այցելել է Հայաստան համահայկական հիմնադրամի Fonds Arménien de France Ֆրանսիայի մասնաճյուղ Ղարաբաղի տեղահանված բնակչության համար դրամահավաքին։ Այս մասին Ֆեյսբուքի իր էջում գրել է Հայաստանում Ֆրանսիայի դեսպան Ջոնաթան Լաքոթը ( Jonathan Lacôte)





Այդ մասին հայտնել է նաև Ֆրանսիայում Հայաստանի դեսպանությունը,( Ambassade d'Arménie en France / ՀՀ դեսպանություն Ֆրանսիայում )Ֆրանսիայում միջազգային  լրատվամիջոցները:   AFP գործակալությունը հայտնում է, որ նախագահ Մակրոնը հայտարարել է․ «Ֆրանսիայի մարդասիրական այս հանձնառությունը մեր անմիջական պարտքն է Արցախից և վերադարձված յոթ շրջաններից 120.000 տեղահանված հայկական բնակչության, ինչպես նաև Հայաստանում դժվարին իրավիճակում հայտնված առվազն 1 միլիոն հայերի նկատմամբ։ Ֆրանսիայի կառավարության, ինչպես նաև «Հայաստան» հիմնադրամի Ֆրանսիայի մասնաճյուղի մարդասիրական օգնությունը տեղափոխող առաջին ինքնաթիռը Երևան կմեկնի վաղը՝ նոյեմբերի 22-ին, երկրորդը՝ նոյեմբերի 27-ին։ Մարդասիրական ուղեբեռը Հայաստան տեղ կհասցնի ֆրանսահայ հանրահայտ ֆուտբոլիստ, ֆուտբոլի աշխարհի 1998թ․ չեմպիոն Յուրի Ջորկաեֆը»։



ASV Gladzor ՈՒսանողական նոր խորհրդի կազմը

Ամեն տարի Նիդերլանդներում հայ ուսանողական միությունն  ընտրությունների միջոցով ձևավորվում է նոր խորհուրդ
( ASV Gladzor )  : Նոյեմբերի 14-ին առցանց տարբերակով կայացավ 15-րդ խորհրդի ընտրությունները:
Ընտրության արդյունքները հետևյալն են.
- Նախագահ՝ Հովիկ Սեպոյան
- Փոխնախագահ՝ Դիանա Աղաբեկյան
- Գանձապահ՝ Արման Աբրահամյան
- PR հանձնակատար՝ Թրիսթն Արզմանյանս
- PR հանձնակատար՝  Լինետ Բողոսսիան
- Արտաքին համակարգող՝ Սանդրա Ֆահեմ
- Քարտուղար՝ Անուշ վան դե Ֆելդե

- Նախագահ ընտրված` Հովիկ Սեպոյանը

- Փոխնախագահ ընտրված՝ Դիանա Աղաբեկյանը


- Գանձապահ ընտրված՝ Արման Աբրահամյանը

- PR հանձնակատար՝  Լինետ Բողոսսիան

- Քարտուղար ընտրված Անուշ վան դե Ֆելդեն

- Արտաքին համակարգող ընտրված՝ Սանդրա Ֆահեմը

- PR հանձնակատար ընտրված՝ Թրիսթն Արզմանյանս

Եվրոպայի հայերի համագումար.Սթափության կոչ







Aaeurop Aae


Սթափության կոչ,
Հայաստան աշխարհի եւ Սփյուռքի սիրելի հայրենակիցներ, քույրեր եւ եղբայրներ Եվրոպայի հայերի համագումարը կրկին անգամ խստիվ դատապարտում է Ազգային Ժողովի եւ կառավարության շենքի վրա հարձակումը, ծեծ ու ջարդը, վանդալիզմն ու ավազակաբարո վարքը: Դատապարտում ենք ԱԺ–ի նախագահ Արարատ Միրզոյանի նկատմամբ
գործադրված վայրենաբարո հարձակումն ու կյանքին վտանգ սպառնացող ծեծն ու բռնությունը: Խստիվ դատապարտում ենք բռնության եւ անօրինականության ամեն մի կոչ եւ
քայլ:
Եվրոպայի հայերի համագումարը իր խորը ցավակցությունն է հայտնում նահատակված քաջարի զինվորների և քաղաքացիական զոհերի  ընտանիքներին, նրանց հարազատներին և հայ ազգին: Հայրենիքը այսօր վիրավոր է եւ կարիք ունի անհապաղ խնամքի, հոգատարության եւ վերականգման: Հայությունը օդի ու ջրի պես կարիք ունի համերաշխության, համախմբվածության եւ ուժերի վերակազմավորման: Գալիք արհավիրքներից խուսափելու եւ վերստին կանգնելու միակ ճիշտ ճամփան այս օրհասական պահին Հայաստանի ժողովրդի ճնշող մեծամասնության կողմից ընտրված իշխանությունների կողքին անվերապահ համախմբումը եւ շարքերի լրացումն է, որպեսզի հնարավոր լինի համերաշխությամբ, միմյանց հետ խորհրդակցությամբ ծրագրել եւ լուծել մեր առջեւ ծառացած հսկայական մարտահրավերները: Հակառակ մեր քաջարի բանակի, զինվորների եւ սպաների անձնվիրության եւ զոհողությունների, ցավոք պարտադրված անհավասար պատերազմում հնարավոր չեղավ թշնամուն հաղթել եւ կասեցնել նրա ագրեսիան, այնպես ինչպես մեզ համար ցանկալի էր: Իսկ այսօր ներքին պառակտումներով եւ սին ու դատարկ վերամբարձ կոչերով վարչապետի հրաժարականը պահանջող, այսպես կոչված 16 կուսակցությունները, իրենց անմիտ ցույցերով ջուր են լցնում նույն թշնամու ջրաղացին եւ գործնականում անում են այն, ինչ թշնամին երազում է անել նաեւ մեր ներքին պետական կյանքում: Պատերազմի ցավալի արդյունքը անկախության 30–ամյա ժամանակաշրջանի մեջ հայ քաղաքական, հասարակական, ռազմական եւ գիտական էլիտայի մոտ, հստակ եւ գիտակցված ռազմավարության բացակայության անխուսափելի հետեւանքն է: Պարտության պատճառների արմատը պիտի փնտրել 30–ամյա անգործության եւ ժամանակի կորստյան մեջ, ինչը ուրիշ բան չէ քան այն, որ անցյալ իշխանությունները, որոնք ներգրավված են այս 16 կուսակցությունների շարքում, իշխանության պահպանման, անձնական հարստություն դիզելու եւ երկիրը թալանելու մոլուցքովլցված գնացին ամեն տեսակի հակազգային պայմանավորվածությունների: բոլորիս պարտությունն էր, որը պիտի որքան շուտ հաղթահարվի եւ դրանից դասեր քաղելով փակվի այդ էջը եւ փոխարենը բացվի նոր ու լուսավոր մի էջ: Ո'վ չգիտի այս եւ նման կուսակցությունների եւ անհատների հեռու ու մոտիկ անցյալի ու ներկայի մասին, ո'վ չգիտի 30 տարիների ընթացքում նրանց վարածհակազգային աննպատակ քաղաքականության մասին, եւ այսօր նրանք ցանկանում են պատերազմի պարտության իրենց բաժին հսկայական պատասխանատվությունը ամբողջությամբ բարդել ներկա իշխանությունների վրա եւ իրենք ջրից չոր դուրս գալ: Դա նրանց չի հաջողի: Բոլորն էլ ունեն պատասխանատվություն, առաջին հերթին ներկա իշխանությունները, որոնց, անհարկի թավշյա մոտեցումների պատճառներով, չհաջողվեց երկուս ու կես տարվաընթացքում վերացնել նախկինների ավերածությունները եւ չհաջողվեց հետ բերել ժողովրդից թալանածը և պատասխանատվության ենթարկել թալանչիներին: Այժմ անխտիր բոլորի համար սթափվելու ժամանակն է: Վարչապետը արդեն ներկայացրել է 15 կետից բաղկացած վեցամսյա ճանապարհային քարտեզը եւողջ հայությանը Հայաստանում եւ սփյուռքում հրավիրում է համախորհուրդ համագործակցության: Եթե անհրաժեշտություն համարվի, կարելի էառաջարկել, նույնիսկ գնալու պետական ապարատում համապատասխան կառուցվածքային փոփոխությունների: Յուրաքանչյուր առանձին հայ, ով իսկապես ցանկություն ունի, որ հայրենիքը անհապաղ կարողանա դարմանել իր վերքերը եւ գտնել իր ապագայի նոր ուղին՝ կկանգնի պետականության եւ օրենքի կողքին եւ կներդնի իր լուման:Սփյուռքի հարգելի հայրենակիցներ, ինքնակազմակերպվել: Մեզ գիտակցաբար հեռու են պահել եւ զրկել են Հայաստանի քաղաքական, հասարակական ասպարեզումներգործելու եւ մասնակից լինելու իրավունքից: Մենք չենք կարողացել ստեղծել ներկայացուցչական այնպիսի մարմին կամ մարմիններ, որոնք իրավասու կլինեին սփյուռքի անունից խոսելու եւ գործելու, ահա այդ պատճառով է, որ մենք այսօր էլ որբ ենք սփյուռքում եւ հայտնի ուժերը միլիոնավոր սփյուռքահայության հետ, եւ նրանց անունով վարվում են ինչպես ցանկանան:
Կարեւորում ենք եւ շեշտում ենք նաեւ այն, որ ցավոք իրենց կյանքը հայրենիքի համար զոհվածների արյունը դեռ չչորացած, շատերը արդեն կամա թե ակամա, կատարում են հինգերորդ շարասյան առաջադրանքները: Հարկավոր է անհապաղ օրինական իշխանության շրջանակում կայունություն մտցնելբանակում, վերազինել վերակազմավորել եւ բանակին վերադարձնել իր անպարտելի ոգին: Կեցցե Հայաստանը, Կեցցե Արցախը, Կեցցե հայ ժողովուրդը:
Եվրոպայի հայերի համագումար
20 նոյեմբեր 2020,
Շվեդիա

Շնորհակալություն Սփյուռք. գլխավոր հանձնակատարի գրասենյակի հայտարարությունը


Սփյուռքի սիրելի քույրեր և եղբայրներ,
Պատերազմի ողջ ընթացքում մենք ականատես եղանք համահայկական, համասփյուռ աննախադեպ համախմբման և մոբիլիզացիայի: Սփյուռքն իրապես դարձավ Հայաստանի և հայ ազգի միակ հենքն ու ապավենը աշխարհում: Ամենուր, որտեղ հայ է ապրում, պայքար գնաց հանուն հայրենիքի, հանուն Արցախի և հանուն հայ ժողովրդի:
Օգնությունը տարատեսակ էր. նյութական, ֆինանսական, կամավորական, բժշկական, հոգեբանական, ռազմական, քաղաքական և հաճախ նաև դիվանագիտական: Սփյուռքն ինչ-որ չափով նույնիսկ լրացրեց այն մեծ բացը, որը զուտ պետության տիրույթում էր: Մինչ օրս էլ չեն դադարում Հայաստան հասնել սփյուռքից ուղարկվող հումանիտար բեռները նույնիսկ հայրենիքից ամենահեռու համայնքներից:
Ազնիվ նվիրման և հայրենասիրության ամենապայծառ օրինակներ էին այն կամավորները, ովքեր պատերազմի օրերին սփյուռքից մեկնեցին Արցախ: Նրանցից ոմանք զոհեցին կյանքը, այլոք ստացան վիրավորումներ, բայց չլքեցին իրենց դիրքերը: Թիկունքի սպիտակ բանակում՝ բժիշկների շարքերում, քիչ չէին սփյուռքահայ բժիշկները, բուժաշխատողները, որոնց մի մասը այսօր էլ շարունակում է մնալ մեր վիրավոր զինվորների կողքին: Դժվար է հիշել Հայաստանում ձեռնարկված որևէ խոշոր կամավորական նախաձեռնություն, որտեղ ներգրավված չլինեին սփյուռքից ժամանած մեր հայրենակիցները:
Կասկածից վեր է, որ սփյուռքի քաղաքական, լոբբիստական աշխատանքն ապարդյուն չի անցել, և այն այսօր էլ շարունակվում է: Պատերազմի դաժան օրերին, երբ աշխարհը լքեց Հայաստանը Թուրքիայի և Ադրբեջանի ռազմական ագրեսիայի դեմ, սփյուռքը մնաց Հայաստանի միակ պատուհանը դեպի արտաքին աշխարհ, միակ կապը մարդկության հետ, միակ հույսը և հավատի ակունքը:
Սիրելի՛ հայրենակիցներ,
Դաժան է պարտությունը, և մեր բոլորիս վերքերը շատ խորն են: Բայց ձեր անուրանալի աջակցության, հայրենիքի կողքին ու թիկունքին լինելու անդրդվելիության, անմնացորդ պայքարի համար հայտնում ենք մեր անկեղծ երախտագիտությունը: Շնորհակալ ենք ձեր յուրաքանչյուր ջանքի համար, շնորհակալ ենք ձեր սիրո, հոգատարության, հայրենասիրության համար: Այս պատերազմում պարտվեցինք բոլորս, սակայն հաղթեցին հայ զինվորն ու հայկական սփյուռքը:
Պայքարը շարունակվում է, և մենք միասին ահռելի շատ անելիքներ ունենք: Գոտեպնդվենք, վեր հառնենք մոխիրներից, փառավորվենք մեր նահատակների սխրանքով և շարժվենք առաջ: