Նիդերլանդներում եզրափակվում է հայազգի Սուրբ Սերվատիուսին նվիրված միջոցառումները

ՊԱՏԱՐԱԳ ՀՈԼԱՆԴԻԱՅՈՒՄ ԵՎ ԲԵԼԳԻԱՅՈՒՄ
ՔՐԻՍՏՈՆԵՈՒԹՅՈՒՆ ՏԱՐԱԾԱԾ ՀԱՅԻ ՊԱՏՎԻՆ
Այսօր՝ Շաբաթ օրը ժամը 11.00-ից Մաաստրիխտի Սուրբ Սերվատիուսի Տաճարում (Հասցեն keizer Karelplein-3. 6211 TC Maastricht) մատուցվեց Սուրբ Պատարագ: Պատարագիչն էր  Գերմանիայի Հայոց թեմի նորընտիր առաջնորդ, հոգեշնորհ Տեր Սերովբե վարդապետ Իսախանյանը, որը Գերմանիայից բավականին ուխտավորների հետ Նիդերլանդներ էր ժամանել:  Լեփ լեցուն սրահում եկեղեցական նվագակցությունը կատարում էր Քյոլն քաղաքի «Կոմիտաս» երգչախումբ` Արտակ Ոսկանյանի գլխավորությամբ։
Սա եզակի այն միջոցառումներից էր, ուր «Սուրբ Սերվատիուսի» Տաճարում մատուցվում էր հայկական պատարագ, իսկ ավելի պատվելի էր, երբ  սրահ տեղափոխվեց մեծն հայի՝ Սուրբ  Սերվատիուսի  աճյունը:


.Լուսանկարում՝ հոգեշնորհ Տեր Սերովբե վարդապետ Իսախանյանը (կենտրոնում)

Լուսանկարում՝ Սերվատիուսի աճյունը:
Ինչպես «Նիդերլանդական օրագրին» հավաստեց «Անի» հայ համայնքի ղեկավար Լևոն Սարգիսը, նման բան դեռ տեղի չէր ունեցել և դա արվել էր Սուրբ Սերվատիուսի հայրենակիցների նկատմամբ հատուկ հարգանքի դրսևորումից ելնելով:
Միջոցառմանը մասնակցեցին  տարբեր համայնքների ներկայացուցիչներ, պետական,քաղաքական, համայնքային,եկեղեցական և այլ ոլորտների բարձրաստիճան  այրեր: Մասնավորապես Միջոցառմանը ներկա էին Նիդերլանդների Թագավորությունում Հայաստանի արտակարգ և լիազոր դեսպան Ն.Գ Գարեգին Մելքոնյանը, Նիդերլանդների Թագավորության  Լեմբուրգ նահանգի թագավորի հանձնակատար, սոցիալ-տնտեսական խորհրդի մշտական անդամ, Լիմբուրգի մարզպետ Տեո Բովենսը: Վերջինս այդ
մասին նաև իր թվիթերյան  էջում էր  գրառում  կատարել:





Լուսանկարում՝ (ձախից-աջ) Հայաստանի  Պատվո  հյուպատոս  պարոն Զիկը, Նիդերլանդների Թագավորությունում ՀՀ  դեսպան Ն.Գ Գարեգին Մելքոնյանը, Նիդերլանդների Թագավորության  Լեմբուրգ նահանգի թագավորի հանձնակատար, սոցիալ-տնտեսական խորհրդի մշտական անդամ, Լիմբուրգի մարզպետ Տեո Բովենսը, Նիդերլանդներում ՀՀ հյուպատոս Անդրանիկ Գրիգորյանը, Մաստրիխտի Հայ Առաքելական «Սուրբ Կարապետ» եկեղեցու ծխական խորհուրդի անդամ, «Անի» հայ համայնքի ատենապետ Լևոն Սարգիսը:
````````````````
Պատարագից հետո տպավորիչ էր «Աբովյան» մշակութային միության երգչախմբի ելույթը:
Միջոցառմանը պատվելու էին եկել նաև  Նիդերլանդներում Ռուսաստանի ուղափառ եկեղեցու ներկայացուցիչները, Հայաստանի և Ռուսաստանի Պատվո  հյուպատոսներ  պարոնայք Զիկը և    դը  ֆլոտը, գործող հյուպատոս Անդրանիկ Գրիգորյանը, հոլանդահայ կազմակերպությունների ֆեդերացիայի նախագահ Մաթո Հախվերդյանը,   «Ապրիլ 24 կոմիտեի» (FAON) քարտուղար Ինգա Դրոստը, «Սուրբ Գրիգոր Նարեկացի» հիմնադրամի վարչության անդամ, նույնանուն դպրոցի տնօրեն Վահան Ավագյանը:
Հիշեցնենք, որ Սուրբ Սերվատիուսի պատվին տեղի ունեցող միջոցառումները Մաստրիխտում սկսվել են դեռ մայիս ամսից: Արարողակարգերի գլխավոր մասը՝ «Սուրբ տաճարի բանալու փոխադրման երթի» 55-րդ արարողությունն էր, որին ներկա էին հազարավոր ուխտավորներ։ Վաղը՝ հունիսի երեքը   Սուրբ Սերվատիուսին նվիրված միջոցառումների շարքի վերջին օրն է: Այն ավարտվելու է հազարավոր հավատացյալ ուխտավորների թափորի երթով: Ինչպես անցյալ անգամ Լիմբուրգի մարզային հեռուստատեսությունը կրկին լուսաբանելու է ուխտավորների քայլերթը:


.Լեփ լեցուն սրահում եկեղեցական նվագակցությունը կատարում էր Քյոլն քաղաքի «Կոմիտաս» երգչախումբ` Արտակ Ոսկանյանի գլխավորությամբ
Այս արժանահիշատակ տոնակատարության շրջանակներում Մաստրիխտի Հայ Առաքելական «Սուրբ Կարապետ» եկեղեցու ծխական խորհուրդը  ևս անմասը չմնաց և կազմակերպչական բավականին ծավալի աշխատանքներ կատարեց՝ նաև վաղվա միջոցառմանն է համայնքը պատրաստվում: Ընդհանրապես լավ կլինի, երբ հատկապես օտարներն են հիշում և երախտապարտ են անվանի հայ զավակներին, հայկական մյուս համայնքների հայեր ևս գան ու մասնակցեն նման միջոցառումներին: Դրանով ոչ միայն ինքներս մեզ ենք հարգում, այլև գնահատում ենք օտարներին, որոնք հարգանքի տուրք են մատուցում մեր զավակներին:
Հիշեցնենք դեռ 2016 թ  «Սուրբ Սերվատիուս» եկեղեցու հարակից մասում հայ համայնքը  խաչքար էր տեղադրել։
Խաչքար-հուշարձանի բացումը խորհրդանշական էր: Մաստրիխտում է  սրբացվել հայազգի Սերվատիուսը, ում անունով կա հնադարյան եկեղեցի ու շատ տեսարժան վայրեր քաղաքում: Լեգենդն ասում է, որ ներկայիս Հոլանդիայի և Բելգիայի տարածքներում Սերվատիուսն է հանդիսացել  քրիստոնեության առաջին տարածողն ու ջահակիրը: Նրա ծննդյան թիվն անհայտ է, մահացել և թաղվել է  Մաստրիխտում 384 թվականին:«Սուրբ Սերվատիոսի կյանքը» 1170 թվականին գրի է առել հոլանդացի առակագիր Հենդրիկ վան Վելդեկեն: Թերևս  Սուրբ Սերվատիոսի կյանքի  շատ էջեր սպասում են իր ուսումնասիրողին: Նրան նվիրված տոների շարքը կաթոլիկ եկեղեցիներում նշվում է մայիսի 13-ից՝ մեծ շուքով ու հանդիսությամբ:

Hay Azian
«Նիդերլանդական օրագիր»


Լրագրողների համահայկական 9-րդ համաժողով-2018

ORER.EU


Լրագրողների համահայկական 9-րդ համաժողովն ավարտվեց. առաջարկները մոտ ապագայում կներկայացվեն եւ կհստակեցվի ապագա հանդիպումների ձեւաչափը

01 հունիսի, 2018 | 19:52



Հունիսի 1-ին Լրագրողների համահայկական 9-րդ համաժողովն ամփոփեց աշխատանքը «Հայաստանի Հանրապետության առջև ծառացած մարտահրավերները և հայ լրագրությունը» թեմատիկ նիստով, որը վարեցին «Զարթոնք» օրաթերթի գլխավոր խմբագիր Սևակ Հակոբյանը (Լիբանան), «Ծաղիկ» ամսագրի գլխավոր խմբագիր Հակոբ Դյունյայանը, (Լիբանան), «Օրեր» ամսագրի գլխավոր խմբագիր Հակոբ Ասատրյանը (Չեխիա):

«Հայկական օրակարգի խնդիրները հայությանն ու Հայաստանին ուղղված ներկայի մարտահրավերների ու սպառնալիքների լույսի ներքո» թեմայով ելույթ ունեցավ «Լուսավոր Ավետիս» լրատվական կայքի թղթակից Տիգրան Փաշաբեզյանը(Ֆրանսիա): Նա նշեց, որ համահայկական օրակարգն ամբողջացնելու ժամանակն է և առաջարկեց գործի անցնել առանց ավելորդ շտապողականության: Թեմայի շուրջ ծավալված բուռն քննարկման արդյունքում կարևորվեցին ազգային գաղափարախոսության  և արժեհամակարգի մշակման և հստակեցման հետ կապված հարցերը:

«Միաբան» տեղեկատվական պորտալի աշխատակից Յուլիա Գյուլոյանը(Ռուսաստան) ելույթ ունեցավ Մերձավոր Արևելքում և Արևմտյան Հայաստանում բնակվող հայրենակիցների հետ մշակութային կապեր հաստատելու անհրաժեշտության մասին:

«ՀայՏեղեկատվաԿենտրոն» տեղեկատվական-վերլուծական կենտրոնի ղեկավար Արմեն Տեր-Սարգսյանը (Ռուսաստան) իր ելույթում ներկայացրեց Հայաստանի Հանրապետության, Արցախի, Արեւմտյան Հայաստանի եւ Մերձավոր Արեւելքի եւ Արեւմտյան Հայասատնի հայերի հիմնախնդիրները և դրանց լուծման ուղիները Հայկական Հարցի լուծման միջոցով:

Ելույթ ունեցավ նաև «Օրեր» եվրոպական ամսագրի լրատվական www.orer.eu կայքի  գլխավոր խմբագիր Աննա Կարապետյանը (Չեխիա): Նա հանդես եկավ համաժողովի օրերին հնչած ելույթների վերլուծությամբ, նշեց որ համաժողովի ձևաչափն իրեն սպառել է և մի քանի գործնական առաջարկ արեց հետագա համագործակցությունը առավել արդյունավետ շարունակելու համար:

Մայր Աթոռ Ս. Էջմիածնի «Վաչե և Թամար Մանուկյան» մատենադարանի փոխտնօրեն Պապին Մուրադյանը ներկայացրեց Մայր Աթոռի տեղեկատվական կայքերը:

Ելույթներով և առաջարկներով հանդես եկան նաև Լրատվամիջոցների համահայկական ընկերակցության փոխնախագահ Գայանե Առաքելյանը, լրագրող Յուրի Կարապետյանը (Ռուսաստան):

Ամփոփելով համաժողովի աշխատանքը՝ Լրագրողների համահայկական համաժողովները համակարգող մարմնի նախագահ Շահան Գանտահարյանը նշեց, որ համաժողովին մասնակցել է Հայաստանից, Սփյուռքից և Արցախից 100-ից ավելի լրագրող, որոնցից 40-ը գլխավոր խմբագիր: Քննարկվել է 7 թեմա, ելույթ է ունեցել 30 մասնակից, հարակից ելույթներով և առաջարկներով հանդես է եկել 50-ից ավելի լրագրող: Զեկուցողը կարևորեց  կազմակերպական և բովանդակային ձևաչափի մշակումը:

Սփյուռքի նախարարության տեղեկատվության և հեռահաղորդակցության վարչության պետ Վաղինակ Վարդանյանը աշխատանքային խմբի անունից շնորհակալություն հայտնեց համաժողովի աշխատանքներին մասնակցելու համար և նշեց, որ համաժողովը ևս մեկ հանգրվան հանդիսացավ համահայկական տեղեկատվական հարթակ ստեղծելու ճանապարհին:

Այնուհետեւ տեղի ունեցած առանձին հանդիպման ժամանակ որոշվեց կազմել խորհրդաժողովում հնչեցված առաջարկները եւ ներկայացնել մասնակիցներին։ Դրանց վերջնական քննարկումներից հետո  պետք է որոշվեն ապագա նիստերի անցկացման ձեւաչափերն ու թեմաները։ Այս մասին նշեց Շահան Գանտահարյանը, իսկ Հակոբ Ասատրյանն առաջարկեց հետեւել նշված ճանապարհային քարտեզին,  եւ սեպտեմբերին անցկացնել տեսաժողով, որի ընթացքում կճշվեն բոլոր կարեւոր խնդիրները։

Օրվա երկրորդ կեսին խորհրդաժողովի մասնակիցները հանդիպեցին կրթության եւ գիտության նախարար Արայիկ Հարությունյանի եւ արտաքին գործերի նախարար Զոհրաբ Մնացակայնանի հետ։

Ողջունելով համաժողովի մասնակիցներին՝ Արայիկ Հարությունյանը նշեց, որ կարևորում է սփյուռքահայ լրագրողների հետ նման ձևաչափով հանդիպումը, քանի որ նրանց շնորհիվ են նաև ուղերձներ փոխանցվում Սփյուռքի հայ համայնքներին: Կրթության և գիտության նախարարն ընդգծեց, որ թավշյա հեղափոխությունից հետո կրթական ոլորտի բարեփոխումներն առաջնային են, և առկա է քաղաքական կամք՝ լուծելու և՛ այժմեական, և՛ ռազմավարական մոտեցում պահանջող խնդիրները:

«Կրթությունը պետք է հասանելի լինի բոլորին: Սա լուրջ հրամայական է»,-նշեց Արայիկ Հարությունյանը:

«Օրեր» ամսագրի գլխավոր խմբագիր Հակոբ Ասատրյանը (Չեխիա) հետաքրքրվեց՝ արդյոք նախարարը հասցրել է ծանոթանալ Կրթության և գիտության նախարարության՝ Սփյուռքին առնչվող ծրագրերին, և հետագայում ի՞նչ փոփոխություններ են սպասվում: Արայիկ Հարությունյանը նշեց, որ Սփյուռքի նախարար Մխիթար Հայրապետյանի հետ այս թեմայով քննարկում  արդեն եղել է, սակայն թեման խորը ուսումնասիրությունների կարիք ունի:

«Ազատ օր» թերթի խմբագիր Հովսեփ Բարազյանը (Հունաստան) ողջունելի համարեց դպրոցների ապաքաղաքականացման գործընթացը:

Ամերիկահայ լրագրող, հրապարակախոս Հակոբ Պալյանը նախարար Արայիկ Հարությունյանին հարցրեց միասնական ուղղագրության անհրաժեշտության, դասական ուղղագրությանն անցման և հայերենի անաղարտության պահպանման մասին: Կրթության և գիտության նախարարը նշեց, որ Հայաստանում և Սփյուռքում անցումը միասնական ուղղագրության ներկայիս ժամանակավոր կառավարության համար առաջնային չէ, իսկ թեման մեծ լարվածություն առիթ է հանդիսնում նաև Սփյուռքում:

«Խոսնակ» ամսաթերթի խմբագիր Համբիկ Մարտիրոսյանը (Լիբանան) ընդգծեց, որ  այսօր արդեն արևմտահայերենը կանգնած է լուրջ վտանգի առաջ, և կարևոր համարեց Հայաստանի դպրոցներում արևմտահայերենի ուսուցման մակարդակի բարձրացումը:

Արայիկ Հարությունյանը նշեց, որ Սփյուռքի նախարարության կողմից թեմայի առնչությամբ արվել են առաջարկություններ, որոնք կդիտարկվեն և կյանքի կկոչվեն:

Ամերիկահայ լրագրող Լիլիա Ավագյանը հարցրեց 12-ամյա կրթական համակարգի արդյունավետության, սպասվող փոփոխությունների մասին: Արայիկ Հարությունյանը շեշտեց, որ որդեգրված համակարգը լավն է, սակայն ներդրման գործընթացը արդյունավետ չի իրականացվել:

Համաժողովի մասնակիցները Կրթության և գիտության նախարարի հետ զրուցեցին դպրոցներում ուսուցչի դերի և հեղինակության վերարժևորման մասին: Նախարարը նշեց, որ ուսուցիչը նախևառաջ պետք է աշակերտներին մտածել սովորեցնի, փոխանցի անհրաժեշտ հմտություններ, զբաղվի ինքնակրթությամբ և կիրառի նոր մեթոդներ:

Սփյուռքահայ լրագրողները անդրադարձան նաև Լեզվի պետական տեսչության աշխատանքին, սոցիալական ցանցերում և լրատվամիջոցներում հայերենի ներկա վիճակին, Սփյուռքի դպրոցներում հայերենի իմացությունը փաստող վկայականների անհրաժեշտությանը:




Հրաչ Մուրադյա'ն, եկել է լուսամուտը փակելու, կամ բացելու ժամանակը...

Կիսաբաց լուսամուտներից Հրաչ Մուրադյանն ասաց.
-Պրն Վարչապետ, Դուք լա՞վ չեք պատկերացնում, թե որ երկրի վարչապետ եք ընտրվել: Տպավորությունն այնպիսին է, որ Դուք չեք ուզում տեսնել` ինչպես է իրականում ապրում ժողովուրդը։ Մենք ցույց ենք տալիս իրական Հայաստանը, որը, կարծես, հեռու է Ձեր պատկերացումներից ու տեսլականից։
Ես էլ մտածեցի, որ այս տղան իրոք դեռ իր հաղորդման ճահճուտներում է, իրադրությանը երևի չի տիրապետում: Ախր ոնց չասես.
-Հրաչ, իրականում Նիկոլը ոչ միայն պատկերացնում է որ երկրում է ապրում, այլև տեսնում է իրական Հայաստանը, ավելին ` հեղափոխությունը հենց դրա համար արեց, քայլ արեց, պայքարեց իրական Հայաստան կառուցելու համար: Այնպես որ փակիր լուսամուտդ ու մի ցուցադրիր թալանված ու խեղված ճակատագրերի պատմությունները: Եթե օգնում ես, մի ելնի այս մարդկանց անձնական սարն ու խայտառակիր, այլ սուսուփուս օգնիր նրանց, կամ էլ քո շոուի համար նոր նախագիծ մշակի ու իրոք օգնիր մարդկանց անձնական ճահիճից վեր բարձրանալու:
Давит Даштенц (Davit Dashtenc) (ֆեյսբուքյան էջ)

Մուսասին փայլուն հաղթանակ տոնեց

Նիդերլանդաբնակ մեր հայրենակից խառը մարտարվեստի մարտիկ Գեղարդ Մուսասին  Լոնդոնում կրկին փայլուն հաղթանակ տարավ բրազիլացի Կարվալոյի նկատմամբ: Հոլանդահայ մարզիկը բրազիլացուն հաղթեց տեխնիկական նոկաուտով։
Հայ մարտիկը Լոնդոնի «Ուեմբելի» մարզադաշտում մրցեց բրազիլացի Ռաֆայել Կարվալյոյի հետ, որին էր պատկանում Բելատորի միջին քաշային կարգի չեմպիոնական գոտին։

Մենամարտը երկար չտևեց. առաջին ռաունդի 4-րդ րոպեին Մուսասիի հարձակումից հետո մարտը դադարեցվեց տեխնիկական նոկաուտով։