?

Log in

No account? Create an account
Անցնող տարին, բացի նրանից, որ հարուստ էր հայ համայնքի հիշարժան իրադարձություններով, նաև   հատուկ էր նրանով, որ լրացավ «Նիդերլանդական Օրագրի»  հինգ տարին, այդ իսկ պատճառով՝  մի փոքր շեղվելով,  միայն ավանդական բարեմաղթանքներ չենք հնչեցնի,  այլ Ձեր առջև հանդես  կգանք  «Նիդերլանդական Օրագրի» ուղու մասին  մի  յուրօրինակ հաշվետվությամբ:

Շնորհավոր Նոր տարի և Սուրբ ծնունդ:
«Նիդերլանդական Օրագիր»

«Նիդերլանդական Օրագրի» հարգարժան ընթերցողներ,  նիդերլանդահայ համայնքի սիրելի անդամներ , քույրեր և եղբայրներ, նոր՝  2018 թվականից մեզ բաժանում է  մի փոքր ժամանակահատված  և մենք հրաժեշտ կտանք  2017 թվականին:

«Նիդերլանդական Օրագիրը» անցած հինգ տարիներից առաջ՝    ևս 4 տարի էլ,  եղել է օգնություն հայ երեխաներին՝ Dear Angel կազմակերպության մամուլի բաժինը:
Այսօր՝  տարեմուտի բաժանման եզրագծում, մեզ իրավունք ենք վերապահում պատմել մեր մասին, Ձեզ ներկայացնել այդ տարիների մեր աշխատանքը , քանզի նաև Ձեր ջանքերով է ծնունդ առել համայնքային թերթը:
 ՈՒստի, ա ՜յս , գալիք Ամանորի և  Սուրբ ծննդյան տոների կապակցությամբ՝  շնորհավորում ենք մեր բազմահազար ընթերցողներին, նիդերլանդահայ բոլոր  կառույցներին ու կազմակերպություններին, ովքեր անցած բոլոր տարիներին՝ եղել են    «Նիդերլանդական Օրագրի» կողքին, կարդացել են այն, տրամադրել տեղեկատվություն  , համագործակցել մեզ հետ, նպաստել՝ միասնական մեդիա դաշտի կայացմանն ու ամրապնդմանը: Օգտվելով պատեհ առիթից՝  կանխավ շնորհավորելով բոլորի Նոր Տարին և հրաշափառ Հիսուս Քրիստոսի Սուրբ ծնունդը, մաղթում ենք բոլորին՝  ուրախ ու լավ տրամադրություն, բարեկեցություն, ամուր առողջություն, անսահման սեր և անսպառ լավատեսություն՝   առանց որի դրական լիցքերի դժվար է հաղթահարել  ցանկացած խոչընդոտ:
ԵՎ այսպես՝ «Նիդերլանդական Օրագիրը»  5 տարեկան է...

Ո՞րն է մեր առաքելությունը


Կարճ ժամանակ, բայց «Նիդերլանդական Օրագիրն» այսօր իր ուրույն դեմքն ունեցող, հաստատուն, լրատվական դաշտում կայացած,  հոլանդահայ կյանքը  լուսաբանող տեղեկատվական, գրական, մշակութային, հասարակական, քաղաքական ինտերնետային լրատվամիջոց է:
«Նիդերլանդական Օրագրին» անշահախնդրորեն թղթակցում են և նրա կայացմանը նպաստում են մեր թղթակիցներ՝  Էլեն Հարությունյանն ու Դիանա Ավետիսյանը (Երևան), Սվետա Աբրահամյանը, Սվետլանա Անդրեսյանը,Արտակ Արևշատյանը, Արտակ Մանուկյանը, Մարիամ Կիրակոսյանը (Մարինա Շիկ), Դարիո Կրամերը (Դավո Պողոսյան) և մյուսները: Վերջին երկուսը բավական ակտիվ են: Հատկապես 2017թ. շատ միջոցառումներ `  Դարիո Կրամերը  լուսաբանել է դեպքերի վայրերից  «Նիդերլանդական Օրագրի» ուղիղ եթերով:
  «Նիդերլանդական Օրագիրը» հատուկ իր շնորհակալությունն է հայտնում Մաստրիխտի, Հաագայի, Ասենի , Ալմելոյի, Ամստերդամի, Նայմեխենի, ՈՒտրեխտի, Դեն Բոսի, Ռոտերդամի, Պուրմերենդի, Առնեմի և շատ այլ քաղաքների  հայ համայնքներին, որոնց կազմում են կուսակցական, եկեղեցական ու մշակութային բազմաթիվ  կառույցներ:
Ինչևէ: Ի՞նչ  տվեցին անցած 5 տարիները  «Նիդերլանդական Օրագրին»: Տարեցտարի աճեց «Նիդերլանդական Օրագրի» ճանաչելիության աստիճանն աշխարհի հայերի և ոչ միայն հայերի շրջանում: Օրագիր-թերթը համացանցով մեկ ունեցավ իր կայքէջերը և  սփռվեց տարբեր տեղեկատվական համակարգերով:
Ներկա ձեռքբերումներին, որին կանրադառնանք այս հոդվածում, «Նիդերլանդական Օրագիրը» հասել է քայլ առ քայլ ` բոլորիս, նաև մեր ընթերցողների համառ ջանքերի շնորհիվ: 2008թ. ստեղծված Dear Angel հոլանդահայ կազմակերպության մամուլի բաժնից վերաճել և 2012թ. վերանվանվել է առանձին, անկախ լրատվական կայքի`  «Նիդերլանդական Օրագիր» անվամբ:
Մինչ օրս չունենալով որևէ ֆինանսական աղբյուր, սեփական ուժերով փորձում ենք միավորել նիդերլանդահայության ջանքերը`  հանդես գալ միասնական լրատվությամբ, ի մի բերելով հոլանդահայերի կատարած դրական աշխատանքները:  մինչդեռ սկզբնական շրջանում ստիպված ենք եղել հաղթահարել բազում դժվարություններ:
Հիշում եմ, երբ որպես Dear Angel կազմակերպության լրատվամիջոց, մասնակցեցինք Ադրբեջանի ագրեսիվ քաղաքականության արդյունքում ` մարդասպան Սաֆարովի արտահանձման դեմ  Հաագայի Հունգարիայի դեսպանատան մոտ տեղի ունեցող բողոքի ակցիային , խնդրեցի  պատասխանատուներից մեկին ( հիմա նա մեր լավ բարեկամներից է)հանդես գալ մեկնաբանությամբ: Նա չմերժեց, խոստացավ դա անել  ցույցի վերջում: Հետո ետ կանգնեց խոստումից: Պատճառաբանեց, որ հանդիպման է գնում ու երեկոյան գրավոր կուղարկի: Այդ ժամանակ մտերմաբար  ասացի, որ բողոքի այս ակցիայից ավելի  կարևորը  այն օպերատիվ լրատվական միջոցներով  «աշխարհին հայտնելն է», հիմա ցույցի մասնակիցները կբաժանվեն, կգնան իրենց տները ու դրանով ամեն բան արագ կմոռացվի , լավ կլիներ  դա անեինք հիմա...
Հուսով, որ մեկնաբանությունը ստանալու ենք՝  մեր էջում  զետեղեցինք միջոցառման լուսանկարները,   հավատալով, որ մարդը ուրևէ մինչ օրվա ավարտը կուղարկի   խոստացած հաղորդագրությունը:  Օրն ավարտվեց՝   սպառելով խոստացված ժամանակը:  Ապարդյուն սպասելուց հետո, արդեն ուշ  ժամին,  նրան ընդամենը հիշեցրեցի  իր տված պարզ խոստումը,  ստացա «կուսակցական պաշտպանիչ քողով»  (մինչդեռ  հարցն այստեղ կուսակցությանը չէր կարող  վերաբերել)  երկարահունչ  պատասխան ՝  հետևյալ վերջաբանով. «Դուք ի՞նչ է, կարծում եք որ ձեր կայքէջը CNN-ն է, որ ես իմ բոլոր գործերը պետք է թողնեի և անմիջապես զբաղվեի ձեր հետաքրքրասիրության բավարարումով»:
«Հետաքրքրասիրության բավարարումը» ընդամենը սեփական խոստմանը տեր լինելն էր, որն էլ նպաստելու  էր տեսաերիզի ու նրանում հնչեցված  առաջին ձեռքից ստացված մեկնաբանության  արագ տարածմանն ու պահպանմանը:
Իրոք,  «Նիդերլանդական Օրագիրը» հավակնոտ ամբիցիաներ չուներ ոչ CNN ու ո՜չ էլ BBC դառնալու, ու դրա համար էլ 5 տարի առաջ չանրադարձավ այս խնդրին, քանզի մեր նպատակը  օտար ափերում մեկտեղվելն էր,  բռունցք դառնալը, համախումբ, միացյալ  ուժերով գործելը, հնարավորության սահմաններում մեզանից կախվածն անելը, ինչն էլ  հետագայում տվեց իր դրական արդյունքը, այն է՝ միասնաբար հանդես գալը,  որի համար էլ շատ ուրախ ենք:
  Մեր նպատակները  շատ ավելի համեստ են, որն է՝  տեսնել Նիդերլանդների հայ համայնքները համախմբված և ունենալ  լրատվական միացյալ դաշտ, որտեղ կամփոփվեն համայնքային աշխատանքները և կգրվեն պատմության էջերում:
Փառք Աստծո, այս կարգի հարցերն արագ լուծվեցին նաև ի շնորհիվ Նիդերլանդներում Հայաստանի դեսպանության ճիշտ գործունեության, որը քիչ դեր չի խաղում հայ համայնքների ակտիվ երկխոսության կայացմանը:
 Մեր ձգտումը՝  ուղիղ եթերով բոլոր լուրերը, Նիդերլանդների հայկական գաղթօջախներում տեղի ունեցող գլխավոր ու էական նշանակության իրադարձությունները լուսաբանելը ,  այն  մեր ընթերցողին օպերատիվ կարճ ժամանակամիջոցում հասցնելը՝ կարծում ենք ավելի վեր է օտար, թող որ ամենաառաջատար լրատվական միջոցի գործունեությունից:
Այսօր արդեն, փառք Աստծո, նիդերլանդական  համայնքի յուրաքանչյուր հայ գիտակցում է ինֆորմացիոն տեղեկատվության կարևոր դերը:

2018 թվական: «Նիդերլանդական Օրագիրը» և նրա ընթերցողները: Որտե՞ղ փնտրել այն և ովքե՞ր  են այն կարդում:

(վիճակագրություն)


Այսպես.  բավական է  համացանցի տեղեկատվական համակարգերում ՝ հայերեն (լատինատառ,  կամ ռուսերեն) գրել «Նիդերլանդական Օրագիր» բառակապակցությունը և կհամոզվեք արդյունքը: Միայն Yandex համակարգում ՝  որոնման ցուցանիշն այսօր  հասնում է 98 հազարի, Google-ում արդյունքը նայած ժամանակի՝ 60-80հազար է:
Yandex-ի որոնման արդյունքում  հայտնաբերվեց 98.000արդյունք:

«Նիդերլանդական Օրագրի» էջերը  livejournal-ում
Այն բանից հետո, երբ Yandex լրատվական համակարգը փակեց իր մի շարք ծառայությունները, այդ թվում բլոգային էջերը ՝   «Նիդերլանդական Օրագիրն» իր  էջը փոխադրեց  livejournal: Ասենք, որ  Այս հարթակում ներկայացված են գրեթե
մեր բոլոր 5 տարիների հոդվածները: «Նիդերլանդական Օրագիրը» 2017թ. մայիսից օգտվում է livejournal-ի վճարովի «պրոֆեսիոնալ» փաթեթից: Ճշմարտության դեմ չմեղանչելու համար հայտնենք, որ իրոք LiveJournal-ը լրագրողական առաջավոր և գրավիչ հարթակ է: Այն միավորում է աշխարհի բազմաթիվ առաջատար լրագրողների: Ռուսական 100 առաջատար կայքերից 80-ը ներկայացված են այստեղ: Գործում է 18 տարի, ընդգրկում է 1,2 միլիարդից ավելի հոդվածներ, ծառայությունը գործում է 242 երկրներում, մեկ րոպեում 5000 մարդ փնտրում է  իր պահանջած հոդվածը «LJ»-ում, ունի 10 մլն ավելի դիտողականություն: Ադրբեջանի մասին հենց այս էջում հրապարակած հոդվածների համար էր, որ Ալեքսանդր Լապշինին Բելառուսը արտահանձնեց Ադրբեջանին:
«Նիդերլանդական Օրագիր» դիտելու համար livejournal  են այցելում օրական 700-1000 մարդ հետևյալ երկրներից (2017թ. դեկտեմբերի տվյալներ).

1. Ռուսաստան-130
2.Նիդերլանդներ-60
3.Հայաստան-40
4.Ֆրանսիա-35
5.ԱՄՆ-35
6.Բելգիա-30
12.Ադրբեջան-8
Այլ երկրներ -350
Փաստենք: Երբ  2013թ,  ամփոփել էինք տվյալները Yandex լրատվական համակարգի բլոգում,  այդ ժամանակ «Նիդերլանդական Օրագիր» են այցելել օրական 200 մարդ (մանրամասների մասին այստեղ)
«Նիդերլանդական Օրագիրը»  wordpress-ում
«Նիդերլանդական Օրագիրը» գրանցված է նաև wordpress-ում : Որոշ հոդվածներ  այստեղ  ընտրողաբար է  տեղադրվում:  Անձնական բլոգ ունեցողների ու աշխարհի խոշորագույն լրատվամիջոցների 29% հենց wordpress-ի  դաշտում են, դա 60մլն մարդկանց ու կազմակերպությունների ընտրությունն է:
«Նիդերլանդական Օրագիրը» ՄԱՄՈՒԼ.am հայկական լրատվական գործակալության համակարգում
«Նիդերլանդական Օրագիրը» ՄԱՄՈՒԼ.am հայկական լրատվական գործակալության Մամուլի խոսնակ նախագծում առաջնակարգ դիրք է զբաղեցնում: Սա սոցիալական լրատվակամիջոց է և հիմնականում նախատեսված է Հայաստանի ընթերցողների համար:
Այն  նախագծել և իրականացնում է ՄԱՄՈՒԼ.am լրատվական գործակալությունը:
«Նիդերլանդական Օրագիրն» այստեղ ունի 3 էջ, որից երկուսը  գրական ուղղվածության են:Դրանք  են.
1.«Նիդերլանդական Օրագիր»-800-ից ավելի հոդվածներ: Յուրաքանչյուր հոդված ընթերցվում է 300-15 հազար անգամ: Անցնող 5 տարիներին սկսած 2012թ. մայիսի 15-ից, օրագրի բոլոր նյութերը միասին վերցված կարդացվել է  2մլնից ավելի անգամ:
 ՄԱՄՈՒԼ.am-ի վարկանիշային սանդղակով առաջին տասնյակում է:
2.«Նիդերլանդական Օրագիր Գրական էջ »- 3300-ից ավելի գրական ուղղվածության նյութեր: ՄԱՄՈՒԼ.am-ի վարկանիշային աղյուսակում զբաղեցնում է առաջին հորիզոնականը: Բոլոր նյութերը միասին 2013թվականից  ի  վեր ընթերցվել են 3,5մլն անգամից ավելի:
3.Նիդերլանդական Օրագիր «Գրական չորեքշաբթի» - «Գրական չորեքշաբթի» էջը Նիդերլանդական Օրագրի փորձնական նախագծերից մեկն է, որի մտահաղացման հեղինակն է բանասիրական գիտությունների թեկնածու, գրականագետ-տեսաբան Նաիրա Համբարձումյանը: Գրանցվել է 2014թվականին: Հիմնականում ընդգրկում է հայ ժամանակակից գրողների ստեղծագործությունները:
«Նիդերլանդական Օրագիրը» Google-ի բլոգում

«Նիդերլանդական Օրագիրն» իր էջն ունի Google-ի բլոգում (Blogspot)  Բլոգերը ստեղծվել է Pyra Labs ընկերության կողմից, որը հիմա պատկանում է Գուգլին: Այստեղ ամսական մեր էջն ընթերցում է ավելի քան 10.000մարդ: Վիճակագրությունն այսպիսին է (2017թ.Օգոստոս ամիս).
1.Նիդերլանդներ  2436 մարդ
2.Հայաստան       2394
3.Ռուսաստան      1049
4.ԱՄՆ                  867
5.Ֆրանսիա          406
6.Բելգիա              260
7.Գերմանիա        253
8.Ճապոնիա         101
Աննախադեպ այցելողների քանակ ունենք Ճապոնիայից, ինչը մեզ համար անակնկալ է:
Մեր ներկայությունն առկա է նաև Google+ ում:
«Նիդերլանդական Օրագիրը» facebook-ում
Սոցիալական այս ցանցում ` «Նիդերլանդական Օրագրի»  էջը,  հանդես է գալիս հիմնական ու լրացուցիչ նյութերով: Կարևոր շատ միջոցառումներ ` ներկայացվում է ուղղիղ ռեժիմով: 5 տարիների ընթացքում  էջի շուրջը համախմբվեցին  մոտ 7000 հավատարիմ բաժանորդ և համարյա նույնքան մարդ էլ այն հավանության արժանացրեց:
Կայքում կանանց և տղամարդկանց ներկայության հարաբերակցությունը  համապատասխանաբար կազմում է ` 57 և 43 տոկոս, որի 60%-ից ավելին` 18-ից 44 տարեկան է: Շատ դիտողականություն ապահովող էջերից է:  Տեսաերիզների ու հոդվածների նվազագույն դիտողականությունը հազարն է, առանձին դեպքերում նյութեր ու տեսահոլովակներ դիտում են 100 հազարավոր մարդիկ:
Այստեղ, ավելի շատ մեր նյութերը`  ըստ հերթականության, կարդում են Հայաստանից, Նիդերլանդներից, Ռուսաստանից և ԱՄՆ-ից: Ի տարբերություն «Նիդերլանդականի» այլ էջերի`  Ադրբեջանը վիճակագրության ցուցակում 5-րդն է, նույնիսկ  ավելի Ֆրանսիայի,  Բելգիայի, Գերմանիայի հաճախորդներից: Հաջորդ տեղերում են Վրաստանը, Իսպանիան,
Թուրքիան , Կանադան, Լիբանանը: ընդանուր առմամբ ` 50-ից ավելի երկրների ներկայացուցիչներ են այցելում էջ և օգտվելով թարգմանական ծառայություններից`
ծանոթանում են մեր էջին: Բավականին ադրբեջանցիներ են այցելում մեր  էջ, նրանցից` 138-ը և թուրքերից` 28-ը, մեր օրագրի մշտական բաժանորդներ են: Մնում է ենթադրել, թե ի՞նչ են նրանք փնտրում մեր էջում: Այս մասսայի հետաքրքրասիրությունները բավարարելու համար անհրաժեշտ նյութեր տեղադրել ենք ու այսուհետ էլ այդ ուղղությամբ մտածելու ենք: Նրանցից ոմանք էջին բաժանորդագրվեցին, երբ լուսաբանում էինք Իլհան Աշկինի դատավարությունը` Ալմելոյում:
Թուրք այս գործիչը`  միտինգների  ժամանակ, հակահայ  արտահայտություններ էր անում , որի  համար էլ արժանացավ նիդերլանդական դատական մարմինների ուշադրությանը: Անչափ ուրախ ենք, որ մեր հրապարակումներին հետևում  են  Արցախից:  Միայն Ստեփանակերտից և Շուշիից   ունենք   հիմնական 153 բաժանորդ: Այս ցուցակում  առաջինը Երևանի բնակիչներն են , այնուհետև Լոս Անջելեսի, Գյումրիի ,Վանաձորի և Մոսկվայի մեր  հայրենակիցները: Նիդերլանդական  քաղաքներից ամենաշատ  բաժանորդներ ունենք համապատասխանաբար՝ Ամստերդամից, Ալմելոյից, Ռոտերդամից, Հաագայից, Մաստրիխտից, Նայմեխենից և ՈՒտրեխտից:
«Նիդերլանդական Օրագրի» հոդվածների վերջին ամսվա ֆեյսբուքյան ամենաշատ թարգմանությունները կատարել են Ռուսաստանի  օգտատերերը` մոտ 10.000 անգամ, նիդերլանդերեն  են թարգմանել 2000 օգտատեր,  հոդվածները թարգմանվել են նաև անգլերեն, ֆրասերեն, լեհերեն, թուրքերեն, գերմաներեն, արաբերեն, իսպաներեն և այլ լեզուներով:




Դիտումների քանակն ըստ օրերի (օրական 5500-ից ավելի մարդ) և առանձին ժամվա դիտում(մոտ 3000 մարդ 1 ժամում)
Էջն հավանողների քանակը(նշված է այստեղ` 6551մարդ, այսօր արդեն ` 6800-ից ավելի:
Վերևի թիվը`108998 շաբաթվա ընթացքում էջ այցելող մարդկանց քանակն է: Այսինքը մեկ ամսում էջ են հաճախում, մոտ կես միլիոն անգամ: Սա արդեն բարձր ցուցանիշ է:

Մեկ շաբաթյա (4-11հոկտեմբեր) տեսաերիզի 122,4հազարի դիտում, որը կազմում է 285,5հազ.րոպե:
Ապրիլի 24-ի այս տեսաերիզի ուղիղ հեռարձակման արդյունքը  46,149 հազ այցելություն, որից 13.280-ը դիտել են, իսկ 493-ը արձագանքել:

ՈՒղիղ հեռարձակում, 101 միաժամանակյա և 61.580 ընդհանուր դիտում:

«Նիդերլանդական Օրագիրի»  գրական կայքերը

«Գրական չորեքշաբթի» կայքը  միավորում է Մամուլ am-ում  գործող «Նիդերլանդական Օրագիր» գրական էջը և «Գրական չորեքշաբթի» էջը. 2 էջերի նյութերը, թեև յուրաքանչյուրն ունի իր ծրագրերն ու նպատակները, բայց գրական լինելով միավորվում է մեկ  առանձին  այս կայքում, որը  ճանաչում ունի նաև հայ ժամանակակից գրողների շրջանում: Կայքը  հիպերհղման միջոցով ուղղակի  կապի  մեջ է «Նիդերլանդական Օրագիրի» այլ հավելվածների հետ:
«Նիդերլանդական Օրագիրն» այլ լրատվամիջոցներում

Անցած 5 տարվա ընթացքում`  մենք կարողացանք ձեռք բերել լրատվական ոլորտում գործող բարեկամների մի  հզոր բանակ, որոնց շնորհիվ բարձրացավ «Նիդերլանդական Օրագրի» ճանաչելիությունն ու կտրուկ ավելացավ ընթերցողների քանակը: «Նիդերլանդական Օրագրի» մեկնարկից մինչև այսօր, մեր լավագույն բարեկամներն են` «News.am»,
«Մամուլ.am», «Նոյան տապան» հայկական լրատվական գործակալությունները, «Օրեր» (խմբագիր` Հակոբ Ասատրյան) Եվրոպական ամսագիրը, «Առավոտ» օրաթերթը, «Հետք», «Հայերն այսօր» պարբերականները,  որոնց  հետ առավելագույնս ու պարբերաբար ենք համագործակցում:
Մեր կողքին են ու լավ հարաբերակցության մեջ ենք Հայաստանի և սփյուռքի գրեթե բոլոր լրատվամիջոցների հետ, որոնք տարեկան  մեկից մի քանի անգամ անդրադառնում են մեր նյութերին`  այդպիսով նպաստելով հոլանդահայ կյանքում տեղի ունեցող իրադարձությունների լուսաբանմանը: Մեր հատուկ երախտագիտությունը հայտնելով մեր այս բարեկամներին, այնուհանդերձ կուզեինք առանձնացնել  «Շանթ» հեռուստաալիքին, Հայաստանի հանրային հեռուստատեսությանն ու ռադիոյին, «Արմենպրես»
գործակալությանը,  «Անկախ»,«Հայելի», «Ելակետ լրատվական»,  «AADMAG.new», «F5 բլոգ», «Հրապարակ» «ancnews.info» , «Голос Армении», «Slaq.am» , «Henaran», «Հայկական վարկած», «Լուսավոր Ավետիս»,  «Yerevan News», «Past.am» , «Lratvakan.am»,  «shamshyan.com», «BlogNews.am»,   «Mediamall.am», «asekose.am»  և էլի բազմաթիվ կայքերին, որոնց բոլորին հիշելը ու թվարկելը անհնար է:
Այս ֆոնին կուզեինք առանձնացնել մեր համագործակցությունը Իսրայելի հայ համայնքի « Նաիրի» թերթի (խմբագիր` Արտյոմ Չերնամորյան),Ռուսաստանի «Ноев Ковчег», և «Երկրամաս» հայ համայնքային թերթերի և նիդերլանդական «diplomatmagazine» կայքի հետ:

Շնորհակալ ենք նաև այն բազմաթիվ    կայքերին ու թերթերին,որոնք  առանց «Նիդերլանդական Օրագրին» հղում անելու   հրապարակել են մեր նյութերը:
Կաևորն այստեղ նիդերլանդահայ համայնքի աշխատանքների լուսաբանումն է (օրինակ    «Իրավունք», «araratnews»«, hing.am»  և այլն:


«Նիդերլանդական Օրագրի»  էջերը սոցիալական և այլ կայքերում

«Նիդերլանդական Օրագիրը» լայնորեն տարածված է նաև սոցիալական ցանցերում և այլ կայքերում, որը լրացուցիչ կերպով նպաստում է մեր հոդվածների արդյունավետ տարածմանը :

«Նիդերլանդական Օրագրի լրահոսից»

google+

Twitter-1
Twitter

youtube

vimeo

Nik-name

instagram

linkedin


«Նիդերլանդական Օրագրի»  հետագա արդյունավետ աշխատանքը
Հինգ տարիների ընթացքում՝  սահմանափակ ուժերով ու հնարավորություններով, տեխնիկական ու ստեղծագործական առումով բավական  գործ է կատարվել:
 Ես գիտեմ ֆինանսավորվող լրատվամիջոցներ, որի քանակով ավելի անձնակազմը՝  նման ծավալի աշխատանքներ չի կատարել: Այս փաստն ավելի է ոգևորում մեզ ու ավելի մարտունակ դարձնում: Մեր հետաքննության արդյունքում Փարիզում գտել ենք հայ իշխանական տոհմից ՝  իշխան Նիկոդիմոս Ամատունու գերեզմանը:
ՈՒրախ ենք, որ այս նախագծի շրջանակներում պատրաստ են  մեզ աջակցել ՀՀ սփյուռքի նախարարության ԵՎրոպայի հայ համայնքների վարչությունը՝  ( պետ` Կարեն Ավանեսյան) ի դեմս Արևմտյան Եվրոպայի հայ համայնքների հետ կապերի բաժնի (Բաժնի պետ`Նատալյա  Դանիելյան):

«Նիդերլանդական Օրագրի»  հետագա արդյունավետ աշխատանքը կախված է մեզանից՝  յուրաքանչյուրից: Այն իր կառուցվածքային առանձնահատկությամբ եզակի լրատվամիջոց է սփյուռքահայ իրականության մեջ: Որպեսզի նրա գոյատևումը հաստատուն ու հարատև լինի, խնդրում ենք նիդերլանդահայ բոլոր կառույցներին ու կազմակերպություններին՝  անել իրենցից կախվածը, գոնե կապ հաստատեն մեզ հետ, տեսաերիզներ, հոդվածներ ու լուսանկարներ ուղարկեն, քանի որ նյութական անձնական միջոցներն ու ֆիզիկական հնարավորությունները թույլ չեն տալիս մեզ՝  ներկա գտնվել յուրաքանչյուր միջոցառման: Ի ուրախություն մեզ, տարեցտարի համայնքն ավելի կազմակերպված է դառնում, իսկ անցկացվող միջոցառումները գնալով շատանում են: ՈՒրախ կլինենք, որ յուրաքանչյուր կառույց ունենա իր աշխատանքները լուսաբանող լրագրողը, որը  միևնույն ժամանակ կդառնա մեր թղթակիցը: Հայտնում ենք նայև, որ մեր բոլոր թղթակիցներն էլ սիրահոժար ու անշահախնդիր են զինվորագրվել «Նիդերլանդական Օրագրին», քանզի այն ոչ մի աղբյուրից շահույթ չունի: Մենք այսուհետ էլ ողջունում և խրախուսում ենք նրանց, ովքեր կարողանում են տեսանյութեր պատրաստել, լուսանկարել կամ հոդվածներ ու ռեպորտաժներ գրել: Տեղերից ուղարկվող նյութերը կհամակարգվեն ու կհրապարակվեն՝  մեր լավ գործերը ի պահ հանձնելով պատմությանը: Նիդերլանդահայ կազմակերպությունների կայքերը կարող են իրենց էջերում ունենալ  սեփական լրատվամիջոցի՝  «Նիդերլանդական Օրագրի» հղումով լոգոն, ինչը  նաև լավ  վարկանիշ   ունենալու  միջոց է:
 Ավելացնենք, որ ուրախ կլինենք  մեր կողքին տեսնել նրանց, ովքեր  ֆինանսապես կամ բարոյապես նեցուկ կլինեն «Նիդերլանդական Օրագրին», սրանով նրանք կնպաստեն սեփական լրատվամիջոցի հեղինակության բարձրացմանը:
«Նիդերլանդական Օրագիրը» բոլորիս սեփականությունն է՝  մեր լրատվամիջոցը, իսկ ես Ձեր խոնհար  ծառա՝

Hay Azian
«Նիդերլանդական Օրագրի»
Հիմնադիր-պատասխանատու
Այս օրերին աշխույժ եռուզեռի մեջ են նիդերլանդների հայ համայնքի տարբեր կառույցներ ու կազմակերպություններ: Պատճառը մեկն է՝ հրաժեշտ տալ հին տարուն և ըստ արժանվույն դիմավորեն նորը: Այս կապակցությամբ ամենահետաքրքիր միջոցառումները՝ Ձմեռ պապի ու Ձյունանուշի ներկայությամբ, պատրաստվում են երեխաների համար:
Մի քանի հայտարարություններ արդեն զետեղել ենք մեր էջերում: Ահա հերթականը.






Հարգելի հայրենակիցներ,Նայմեխենի Վան դպրոցի սաների մասնակցությամբ ու Ձմեռ Պապի ու Ձյունանուշի ներկայությամբ Միացյալ Հայերը Հոլանդիայում կազմակերպությունը դեկտեմբերի 24-ին,ժամը 13.00 ,կազմակերպում է Նոր Տարվա հանդես:
Ովքեր ցանկանում են իրենց երեխաներին անակնկալ մատուցել կարող են գրանցվել զանգահարելով 0616146209 հեռախոսին,ինչպես նաև ծանոթանալ պայմաններին:
Մուտքը միայն նախապես գրանցվածների համար, տեղերը սահմանափակ են:








Մաստրիխտի ԱՆԻ Հայ Համայնքում շաբաթ օրը, դեկտեմպերի 23ին ժամը 13-00ին տեղի կունենա նախատոնական միջոցառում`Անի համայնքի կիրակնօրյա դպրոցի սաների համար։ Հրավիրում ենք բոլորին մասնակցելու այս միջոցառմանը։
Միջոցառման ընթացքին երեխաներին սպասվում է գեղեցիկ անակնկալ Ձմեռ պապիկից:
Տեղեկությունների համար զանգահառել հետևյալ հեռախոսահամարին. +31641715173 Սոնա




ՄԻ ՔԻՉ ԷԼ ՀՈԼԱՆԴԱՑԻՆԵՐԻ ՄԱՍԻՆ



Ծեծված ճշմարտություն է. «Գեղ չկա, որ շուն չեղնի»: Ուստի առանձին դեպքերի կամ առանձին հատկանիշների վրա պետք չէ ընդհանրացումներ անել ու ազգեր պիտակավորել: Ու առհասարակ հաճախ է ասվում, որ հայերը, օրինակ, հոլանդացիներին զիջում են մի շարք հատկություններով` կարգապահ չեն, ծույլ են, անկազմակերպ են, կաշառքի մեխանիզմների մեջ են ընդգրկված, ծառայողական կեղծիքներ են անում և այլն, և այլն: Ընդհանուր առմամբ սա ճիշտ է: Բայց ուզում եմ մի դեպք պատմել: Որ պարզ դառնա, որ մուզմուզ հանցագործը կարող է թաքնված լինել նաև բարեկիրթ եվրոպացու արտաքինի տակ:

Ծովինարս երբ հոլանդական դպրոց ընդունվեց, հոլանդերեն համարյա չգիտեր: Որովհետև մենք հոգացել էինք, որ նա ՆԱԽ անթերիորեն յուրացնի իր մայրենի լեզուն` հայերենը: Դպրոցի ուսուցիչները իրենց պահում էին խիստ անպրոֆեսիոնալ. այն առումով, որ մեզ հորդորում էին Ծովինարի հետ տանը հոլանդերեն խոսել: Դա, իհարկե, ներողություն արտահայտությանս, էշշություն է: Երեխան ազատ կարող է երկլեզու լինել. ու տունը միակ տեղն է, որտեղ նա սիստեմատիկորեն հայերեն է գործածում, մնացած բոլոր տեղերում միայն հոլանդերեն է, ու այդ պայմաններում ամեն նորմալ երեխա առանց դժվարության դրսում յուրացնում է տեղի լեզուն (հոլանդերենը), իսկ տանը պահում է իր մայրենին:

Ինչևէ: Սա չի տվյալ դեպքում էականը: Առաջին երկու տարին այստեղի դպրոցները ավելի շատ մանկապարտեզի են նման: Հիմնականում խաղում են: Դա բնական է, քանի որ 4 տարեկանից են հաճախում դպրոց: Ծովինարը շաբաթը երկու անգամ որոշակի դասաժամերի գնում էր մի ուրիշ դասասենյակ, ու մի ուսուցչուհի նրա հետ հոլանդերեն էր պարապում: Փողով, իհարկե: Դա մենք չէինք վճարում, այլ սոցիալը: Մենք հստակ գիտեինք, թե որ օրերին ու ժամերին էին այդ դասերը:

Մի օր փողի հաշիվը եկավ, ու աչքերս թռան ճակատիս: Մի աստղաբաշխական գումար էր: Ուսուցչուհին իր պարապած դասերից մի 4-5 անգամ շատ էր գրել: Ոչ թե մի քիչ ավել, այլ 4-5 ԱՆԳԱՄ ԱՎԵԼ... Ես ապշել էի: Գնացի Ծովինարի գլխավոր ուսուցչուհու մոտ: Հարմարության համար սրան անվանեմ յուֆ(րաու) M.: Սրան հարցրի` Ծովինարը շաբաթը քանի՞ անգամ և ո՞ր օրերին ու ժամերին է գնում էս մասնավոր պարապողի մոտ (սրան էլ անվանենք յուֆ Ճ): Յուֆ M-ն բանից բեխաբար էր, ուստի ճիշտը ասաց` շաբաթը երկու ժամ, այսինչ օրերին ու ժամերին: Ես ցույց տվեցի իմ մոտի տվյալները. լրիվ ճիշտ էին: Գնացի յուֆ Ճ-ի մոտ ու ասի` էս ի՞նչ հաշիվ է: Սկսեց կմկմալ, թե` չէ, երկու ժամ չի եղել, շատ է եղել: Ցույց տվեցի իմ տվյալներն ու ասացի, որ յուֆ M-ն էլ լրիվ նույնն է ասում: Ու ասացի, որ Ծովինարն էլ մեզ հստակ ասել է այդ ժամերը: Այսինքն` բոլոր երեքիս տվյալները լրիվ ներդաշնակ էին: Իսկ յուֆ Ճ-ի թվերը հեքիաթային էին:

Որ շատ նեղեցի (որովհետև զզվում եմ նման կեղծիքներից, ուստի խիստ էի զայրացել), մեկ էլ ի՞նչ ասի, որ լավ լինի: Ասում է.
– Դե լավ, ինչի՞ եք այդպես վրդովվել, ախր սոցիալն է մուծելու, չէ՞, Դուք հո չե՞ք մուծելու...

Ֆազերս գցեցին... Բայց մինչև գցելը շշմել էի, իհարկե. ուրեմն, այս ստոր երևույթը ազգություն չի ճանաչում, մարդն ամեն տեղ էլ մնում է մարդ: Ու տվյալ դեպքում` մուզմուզ, տակնահան, խիստ բարեկիրթ արտաքինի տակ թաքնված... Էն էլ` ուսուցչուհու...

Ես մտածեցի. Լավ, հոլանդացիք բարեկիրթ ժողովուրդ են, էս մեկը երևի թյուրիմացություն է: Հիմա կգնանք Ծովինարի ուսուցչուհու` յուֆ. M-ի մոտ, ու նա կհաստատի իր կես ժամ առաջվա ասածը: Իսկ նա ինձ նայեց իր պաղած աչքերով, իսկույն հասկացավ իրադրությունն ու կտրուկ փոխեց իր ասածը... Ու ինձ էդպես քաշեց, էն էլ ինչ ձևի... Ես ահավոր ջղայնացել էի... Ինչքան հնարավոր է առանց կատաղությունս ցույց տալու ես ասացի այն ամենը, ինչ մտածում եմ քաղաքակիրթ դիմակի տակ թաքնված նրանց ճղճիմ էությունների մասին:

Բայց դե, իհարկե, ոչինչ էլ չփոխվեց, քանի որ միակ ապացույցս յուֆ M-ն էր լինելու, բայց նա էլ «մոռացավ, որ հոլանդացի է, ոչ թե անքաղաքակիրթ ասիացի» : Յուֆ Ճ-ն պահպանեց իր բարեկիրթ համբավն ու ստացավ ամբողջ կեղծ գումարը: Չգիտեմ նա գիշերները ոնց է քնում, բայց ինձ տեսնելով ամեն անգամ լայն ու հրեշտակային ժպիտով բարևում է: Դա ապշեցուցիչ աներեսություն է, եթե հաշվի առնենք այն, որ ես չեմ էլ նայում նրա կողմը: Իսկ յուֆ M-ն հաստատ պինդ է քնում. երկու մետրանոց մի պինդ ու չոր կին է` կարճ մազերով ու ֆաշիստ տղամարդու արտաքինով: Բայց մեկ է, հանդիպելիս նա էլ չի շիտակ նայում դեմքիս...

Ի դեպ` դպրոցն ավարտելիս Ծովինարը, լինելով միակ ոչ հոլանդացին իրենց դասարանում, հոլանդերենի քննության մեջ ցույց տվեց երկրորդ արդյունքը:

(Հրաչ Մարտիրոսյանի ֆեյսբուքյան էջից)

Kerstfeest 2017 bij de Vereniging Abovian in Den Haag
Christmas Party 2017 at Abovian Centre in The Hague
Նախատոնական հանդես 2017 Հաագայի «Աբովյան» կենտրոնում



Նախատոնական հանդես 2017
Հաագայի «Աբովյան» կենտրոնում

Ի՞նչ` Նախատոնական միջոցառում` Աբովյան միության դպրոցի սաների ելույթով։ Հրավիրում ենք բոլորին մասնակցելու այս միջոցառմանը։

Այս միջոցառումը կազմակերպվել է Աբովյան միության ուսուցչական կազմի և աշակերտների ծնողների համագործակցությամբ։

Ծրագիրը` Մեր միության սաների ելույթը, այնուհետև հայկական ընթրիք, աշխույժ երաժշտություն, պար:
Թվական` Շաբաթ, 23 դեկտեմբերի 2017, ժամը 14.30-ին
Վայրը` Աբովյան մշակութային միության կենտրոն
Weesperstraat 91 – 2574 VS Den Haag, Նիդերլանդներ
Մուտքը` Մեծահասակների համար 15 եվրո ներառյալ հայկական ընթրիք


Անհրաժեշտ է տեղերն ապահովել էլ. նամակով` info@abovian.nl
ս.թ. դեկտեմբերի 20-ից առաջ

Bisschop Wiertz van Roermond neemt afscheid

Vandaag waren we bij de afscheidsviering van bisschop Frans Wiertz in de Sint-Christoffelkathedraal in Roermond. Hij is met 24 dienstjaren de langstzittende bisschop van Nederland. Mgr. Frans Wiertz heeft een bijzonder plek in de harten van de Armeense gemeenschap in Limburg, dankzij zijn steun en dat van wijlen Mgr. Hanneman hebben wij onze kerk kunnen stichten en zijn we omarmd door de Limburgse gemeenschap. Monseigneur Wiertz was eregast bij de inwijding van onze kerk en heeft ook het Armeense kruismonument (chatsjkar) bij de Servaasbasiliek mede ingezegend. Wij wensen monseigneur Wiertz het allerbeste toe en danken hem voor zijn steun. God zegene u !
Surp Karapet- Armeens Apostolische Kerk Maastricht

Այսօր Մաստրիխտի հայկական պատվիրակությունը մասնակցել է Նիդերլանդների Ռուրմոնդի Սուրբ Քրիստոֆոր տաճարի կաթոլիկ եկեղեցու առաջնորդ Ֆրանս Վիրտի հրաժեշտի արարողությանը: Նիդերլանդների կաթոլիկ եկեղեցու թվով 9-րդ քահանայապետն ամենաերկարակյացն է: Նա 24 տարի ղեկավարեց Նիդերլանդների կաթոլիկ համայնքը:
Նա ակտիվորեն մասնակցել ու աջակցել է Լիմբուրգին մարզի հայ Եկեղեցու կայացմանը: Մասնավորապես նրա ջանքերով է, որ հայերն ունեցան իրենց եկեղեցին ու մասնակից դարձան մարզի հասարակական քաղաքական կյանքին: Հայ համայնքի անդամները շնորհակալությամբ ու երախտագիտությամբ են հիշում, երբ Ֆրանս Վիրտը, որպես պատվավոր հյուր ներկա էր Սուրբ Կարապետ հայկական եկեղեցու հանդիսավոր արարողակարգին, նաև նրա ջանքերով էր, որ Խաչքար հուշարձանը տեղադրվեց Սուրբ Սերվատեսի եկեղեցու մերձակայքում:
Հայկական պատվիրակությունը, անձամբ Մաստրիխտի Անի հայ համայնքի ղեկավար, Սուրբ Կարապետ եկեղեցու ատենապետ Լևոն Սարգիսը Ֆրանս Վիրտին հայ համայնքի անունից երախտագիտություն է հայտնել աջակցության համար և հետագա հաջողություններ մաղթել նրան:




.
25199788_1538688502886290_4160266609497754820_n.jpg
Նայմեխենի Միացիալ հայերը Հոլանդիայում միությունը կազմակերպում է պարի դասընթաց:
Հարգելի հայրենակիցներ, դուք կարող եք գրանցվել ցուցապաստառում նշված տարիքային խմբերում: Առաջին դասն սկսվելու է հանվարի 21-ին,կիրակի: Հարցերի համար գրեք կամ զանգեք:
24058979_1553294418073430_8386638010216602411_n.jpg
Լրացավ Ամստերդամի Սուրբ Հոգի եկեղեցու 303-րդ տարեդարձը: Տոնական պատարագը հանդիսապետեց Ռումինիայի Հայոց թեմի առաջնորդ Գերաշնորհ Տեր Տաթև եպիսկոպոս Մուրադյանը։ Հընթացս պատարագի կատարվեց նաև երկու Սրբապատկերների օրհնության և օծման կարգ։
Պատարագի ավարտից հետո Դիդո հանդիսությունների սրահում բաժանվեց օրհնված մատաղը։ Ցերեկույթի ընթացքում ելույթ ունեցան «Սբ. Գրիգոր Նարեկացի» կիրակնօրյա դպրոցի սաները, ասմունքով և երգով հանդես եկան դպրոցի ուսուցիչները, ելույթ ունեցան նաև «Անի» պարային համույթը սաները։





Մրցույթի հայաստանյան մասնակիցը՝ 9-ամյա Միշան ժյուրիի և օնլայն քվեարկության արդյունքում զբաղեցրեց վեցերորդ հորիզոնականը: Նա ելույթ ունեցավ չորրորդ համարի ներքո՝ ներկայացնելով «Բումերանգ» երգը, որի երաժշտության հեղինակը Վահրամ Պետրոսյանն է, խոսքերի հեղինակներ՝ Ավետ Բարսեղյան, Դավիթ Ծերունյան, Արթուր Աղեկյան:
Մրցույթն անցկացվեց նոյեմբերի 26-ին 15-րդ անգամ՝ «Shine bright» («Շողա պայծառ») նշանաբանի ներքո, Թբիլիսիում:
Միշան 12 միավոր ստացավ Կիպրոսից, 10-ական միավորներ վաստակեց Ալբանիայից, Ուկրաինայից, Ռուսաստանից, Լեհաստանից, Վրաստանից, 8-ական միավորներ ստացավ Բելառուսից և Պորտուգալիայից, 7 միավոր Մալթայից, 3՝ Ավստրալիայից և 2-ական միավորներ Մակեդոնիայից և Սերբիայից:
Հայաստանն իր 12 միավորը տվեց Վրաստանին:

Այս տարի միջազգային մրցույթի քվեարկության կարգում կարևոր փոփոխություններ էին տեղի ունեցել: Ըստ նոր կարգի՝ մասնակից երկիրը օնլայն քվեարկության միջոցով կարող էր քվեարկել նաև իր պատվիրակի օգտին: Քվեարկությունը մեկնարկել էր նոյեմբերի 24-ից www.junioreurovision.tv կայքում, որտեղ հնարավոր էր դիտել բոլոր 16 մասնակիցների ելույթների նախնական տարբերակները: Հեռուստադիտողը ելույթը դիտելուց հետո հնարավորություն ուներ միաժամանակ քվեարկել 3, 4 կամ 5 մասնակցի օգտին:
Քվեարկությունն ավարտվեց նոյեմբերի 26-ին` մրցույթի օրը` անմիջապես շոուից առաջ: Այն վերսկսվեց մրցույթի ընթացքում բոլոր 16 ելույթներից հետո: Տվյալ քվեարկությունը տևեց 15 րոպե: Հեռուստադիտողի քվեն վերածվեց միավորների՝ դառնալով մրցույթի արդյունքի մի մասը, մյուս մասը ձևավորվեց ժյուրիի գնահատականի հիման վրա: Հաղթող ճանաչվեց ամենաշատ միավոր հավաքած մասնակիցը:
9-ամյա Միշան իր երաժշտական ճանապարհը սկսել է Լիրա Քոչարյանի ղեկավարած «Արցախի ձայներ» նախագծից, որի շնորհիվ հնարավորություն է ստացել ելույթ ունենալ տարբեր երկրներում պրոֆեսիոնալ երգիչների հետ: «փոքրիկ ղարաբաղցին» 2016 թվականին մեր հայրենիքը ներկայացրել է «Մանկական Նոր ալիք» երգի մրցույթում ու զբաղեցրել 2-րդ հորիզոնականը:
«Մանկական Եվրատեսիլ-2017»-ին բացի Հայաստանից մասնակցեց ևս 15 երկիր՝ Ալբանիա, Ավստրալիա, Բելառուս, Կիպրոս, Իռլանդիա, Իտալիա, Մակեդոնիա, Մալթա, Նիդերլանդներ, Ուկրաինա, Ռուսաստան, Լեհաստան, Սերբիա, Պորտուգալիա, Վրաստան:
Հանրային հեռուստաընկերությունը մրցույթի պաշտոնական հեռարձակողն է:

«Մանկական եվրատեսիլ-2017» հեղինակավոր միջազգային մրցույթում հաղթեց Ռուսաստանը ներկայացնող երգչուհի Պալինա Բոգուսևիչը «Թևեր» երգով:

Նոյեմբերի վերջին կիրակին Ալմելո քաղաքի
«Սուրբ Մեսրոպ Մաշտոց» կիրակնօրյա դպրոցում






Այսօր` նոյեմբերի 26-ին, աշնան վերջին կիրակին տոնական էր Ալմելո քաղաքի Սուրբ Մեսրոպ Մաշտոց կիրակնօրյա դպրոցի աշակերտների և ծնողների համար: Օրվա թեման էր` «Ոսկե աշուն»:
Ւնչպես միշտ, դասը սկսվեց աղոթքով: Այնուհետև եկեղեցու, աշնան գույներով ու պատկերներով զարդարված սրահում, սկսվեց աշնանային ուրախ հանդես: Երեխաները արտասանեցին, նվագեցին, նկարեցին, ներկեցին, աշնանային տերևներով ու ճյուղերով աշխատանքներ պատրաստեցին: Ընթերցվեցին երեխաՆերի գրած «Աշուն» թեմայով շարադրություններ:
Ժյուրիի անդամերը բարձր գնահատելով երեխաների ձեռքի աշխատանքները, մրցանակներ հանձնեցին նրանց:
Ողջունելու էր եկել «Զարթոնք» պարային մանկական համույթը (ղեկավար` Լիլիթ Եղիազարյան):
Ցերեկույթն ավարտվեց հյուրասիրությամբ: Այս օրը երկար ժամանակ վառ կմնա ներկաների հիշողություններում:
.




Ամստերդամի «Սբ Գրիգոր Նարեկացի» հիմնադրամը նախաձեռնել է դրամահավաք Ամստերդամում Հայոց Ցեղասպանությանը նվիրված խաչքար և հուշատախտակ տեղադրելու համար:  Ստորև հիմնադրամի կողմից տարածած տեքստը:

Deel en doe mee!

U kunt bijdragen door te doneren op rekeningnummer NL65INGB0008113482 ten name van Stichting Sint Grigor Narekatsi, met vermelding van ‘Genocide monument Amsterdam’.

Նվիրատվությունը կարող եք կատարել հետևյալ հաշվեհամարին՝ NL65INGB0008113482, որպես հասցեատեր նշելով Stichting Sint Grigor Narekatsi, իսկ որպես նշում՝ “Genocide monument Amsterdam”.

You can contribute by donating on account number NL65INGB0008113482 of the Stichting Sint Grigor Narekatsi, with ‘Genocide monument Amsterdam’ as the payment reference.



Հայոց Մեծ Եղեռնի հուշարձան Ամստերդամում
Նիդերլանդների հայ համայնքի հարգելի՛ ներկայացուցիչներ,
Թանկագի՛ն հայրենակիցներ,
Ամեն տարի ապրիլի 24-ին աշխարհասփյուռ հայությունը գլուխ է խոնարհում՝ ի հիշատակ Օսմանյան կայսրությունում հայոց Մեծ Եղեռնի նահատակների։
Թուրք դահիճների կողմից իրականացրած՝ պատմության մեջ նախադեպը չունեցող այս վայրագի ու անմարդկային բռնության արդյունքում մեր ազգը կորցրեց իր ավելի քան մեկ ու կես միլիոն զավակներին, և կրելով անդառնալի կորուստներ՝ կանգնեց դեմոգրաֆիական աղետի առաջ։
Մազապուրծ եղածների սերունդները այսօր սփռված են աշխարհով մեկ՝ յուրաքանչյուր մայրցամաքում հիմնելով մարդաշատ հայ համայնքներ և ձևավորելով հայկական մեծ սփյուռքը, որի ներկայացուցիչներից մեկն էլ, իհարկե, Նիդերլանդների հայ համայնքն է։ Եվ Ցեղասպանության ճանաչմանն ուղղված մեր պայքարը շարունակական է։
Ամեն տարի ապրիլի 24-ին միլիոնավոր հայեր և այլ ազգերի կարեկից ներկայացուցիչներ մեր հայրենիքում և նրա սահմաններից դուրս ծաղիկներ կամ ծաղկեպսակներ են դնում մեր պատմության այդ ողբերգական իրադարձությանը նվիրված բազմաթիվ հուշակոթողների կամ հուշարձանների մոտ։ Նիդերլանդների հայկական սփյուռքի ներկայացուցիչները ևս բացառություն չեն կազմում։ Սակայն, մենք վստահ ենք, որ ձեզնից շատերի մոտ հարց է առաջացել, թե ինչու աշխարհի ամենադեմոկրատական, լիբերալ և ազատասեր քաղաքներից մեկում՝ Ամստերդամում, ցայսօր բացակայում է Մեծ Եղեռնը ոգեկոչող որևէ կոթող, որի շուրջ մեր համայնքի ներկայացուցիչները հնարավորություն կունենային հարգանքի տուրք մատուցել այն հայրենակիցների հիշատակին, որոնք զոհն են դարձել մեր ազգային ողբերգությանը։
Մենք այն կարծիքին ենք, որ Ամստերդամի արվարձաններից մեկում մի քանի բարերարների հովանավորությամբ տեղադրված համեստ գերեզմանաքարը ի զորու չէ արտահայտել Ամստերդամ քաղաքի վերաբերմունքը այս ողբերգության նկատմամբ, այն դեպքում, երբ, վստահաբար, նրա հազարավոր բնակիչներ կիսում են մեր համոզմունքը առ այն, որ Ցեղասպանության մերժումը կատարյալ անարդարություն է։
Այսպիսի մտորումներ առկա էին նաև մեզ մոտ։ Տարեսկզբից կազմավորվող «Սբ․ Գրիգոր Նարեկացի» հիմնադրամի ներկայացուցիչները, «Սուրբ Հոգի եկեղեցի» հիմնադրամի, ինչպես նաև մի քանի նիդերլանդական հասարակական կազմակերպություների աջակցությամբ, դիմում են ներկայացրել Ամստերդամի քաղաքապետարանի կենտրոնական շրջանի ղեկավարությանը՝ Kroom Boomssloot փողոցում գտնվող հայկական եկեղեցու անկյունային պատի վրա համապատասխան տեքստով հարթաքանդակ (բառելյեֆ) տեղադրելու առաջարկը դիտարկելու խնդրանքով։
Մի քանի ամիս անց մեզ տեղյակ պահեցին, որ մեր խնդրանքին ծանոթացել է Ամստերդամի քաղաքապետ պրն․ Վան դեռ Լաանը, ով, ցավոք սրտի, հեռացավ կյանքից։ Մեզ նաև խնդրել են տրամադրել այդ դիմումի հետ կապված հնարավոր ամբողջական տեղեկություն՝ այդ թվում նաև գեղավեստական գաղափարի և տեխնիկական մանրամասների մասին։
Այսպիսով, մենք ձեռնարկեցինք համապատասխան քայլեր՝ մեր մտքերը հնարավորինս շտապ կյանքի կոչելու նպատակով։ Երևանում համաձայնություն է ձեռք բերվել Հայաստանի՝ խաչքար քանդակող ամենահայտնի մասնագետներից մեկի՝ Վարազդատ Համբարձումյանի հետ, ում ստեղծագործությունները զարդարում են ինչպես Հայաստանի և Արցախի, այնպես էլ արտասահմանի բազմաթիվ վայրեր, այդ թվում նաև Էջմիածինի Կաթողիկոսարանի բակային հատվածը։ Վարպետին առաջադրված է քանդակել խաչքար՝ ծիրանագույն հայկական տուֆից, որը կունենա 260 սմ բարձրություն և 100 սմ լայնություն, ինչպես նաև կից կլինի հայերեն և հոլանդերեն լեզուներով հետևյալ գրությունը․
«Ի հիշատակ 1915թ․ Օսմանյան կայսրությունում Մեծ Եղեռնի Նահատակների»՝ 60 սմ բարձրությամբ և 120 սմ լայնությամբ։ Նաև պայմանավորվածություններ են ձեռք բերվել պատրաստի խաչքարը Երևանից Ամստերդամ տեղափոխման (GMG ընկերություն, Երևան) և տեղադրման (Snoep &Vermeer, Ամստերդամ) հարցերի շուրջ, որը հանգրվանելու է հայկական Սուրբ Հոգի եկեղեցու պատին՝ Kroom Boomssloot և Keizerstraat փողոցների հատման անկյունում։ Ֆոտոշոփի միջոցով ստացված նկարները հնարավոր է տեսնել հավելվածում։
Նախագծի ողջ արժողությունը, որի մեջ ներառված է նաև հարթաքանդակի պատրաստումը, տեղափոխումն ու տեղադրումը, կազմում է 12.000 եվրո։
Հարգելի՛ հայրենակիցներ, Նիդերլանդների հայկական համայնքի անդամնե՛ր,
Սուրբ Հոգի եկեղեցին Արևմտյան Եվրոպայի հայկական հնագույն եկեղեցիներից մեկն է։ Նրա պատերի ներքո ավելի քան երեք դար պահպանվում են մեր հավատքը, հույսը, սերն ու գութը՝ հիմնված մեր ազգային համոզմունքների և ավանդույթների վրա։
Մենք հավատացած ենք, որ ձեզնից և ոչ մեկի մոտ չկա կասկածի անգամ նշույլ Ամստերդամում Մեծ Եղեռնին նվիրված հուշակոթողի տեղադրման արդարության և օրինաչափության վերաբերյալ։ Մենք նաև կարծում ենք, որ այս գաղափարը կյանքի կոչելու գործում ուժերը ներածին չափով պետք է մասնակցություն ունենա քաղաքի ու դրա մերձակայքի, ինչպես նաև ողջ Նիդերլանդների հայ համայնքի յուրաքանչյուր ներկայացուցիչ։ Սա մեր պարտքն է անմեղ նահատակների հիշատակի առջև։
Այսու հայտարարում ենք դրահամավաքի սկիզբ՝ 1915թ Օսմանյան կայսրությունում հայոց Մեծ Եղեռնի նահատակների հիշատակի հուշաքարի տեղադրման համար։
Նվիրատվությունը կարող եք կատարել հետևյալ հաշվեհամարին՝ NL65INGB0008113482, որպես հասցեատեր նշելով Stichting Sint Grigor Narekatsi, իսկ որպես նշում՝ “Genocidemonument Amsterdam”.
Աստված բոլորիս պահապան։
«Սբ Գրիգոր Նարեկացի» հիմնադրամ
23559950_1819343411689008_8819516140670977746_n.jpg
GEVELSTEEN ARMEENSE GENOCIDE IN AMSTERDAM

Geachte leden van de Armeense gemeenschap in Nederland! Beste landgenoten!

Elk jaar op 24 april buigen Armeniërs wereldwijd het hoofd ter nagedachtenis van de onschuldige slachtoffers van de Armeense Genocide in 1915 in het Ottomaanse Rijk. Als resultaat van gewelddadigheden en wreedheden op in de geschiedenis ongekende schaal heeft ons volk meer dan anderhalf miljoen zoons en dochters verloren, daardoor onherstelbare verliezen geleden en is het daardoor slachtoffer geworden van een demografische ramp. Een grote vluchtelingenstroom kwam op gang. Vluchtelingen waarvan de nakomelingen thans een meerdere miljoenen tellende diaspora vormen, verspreid over alle continenten. Een deel streek neer in Nederland. Onze strijd voor erkenning van de genocide kent geen einde.

Elk jaar op 24 april brengen miljoenen Armeniërs in het moederland en wereldwijd, en medelevende vertegenwoordigers van andere landen, bloemen en kransen naar meerdere monumenten en standbeelden, die zijn geplaatst ter herinnering aan de tragische gebeurtenissen uit onze geschiedenis.

De Armeense gemeenschap in Nederland is geen uitzondering op deze regel. Wij zijn er echter van overtuigd dat velen onder u zich meermaals hebben afgevraagd waarom in één van de meest democratische, liberale en vrije steden ter wereld, Amsterdam, tot op heden enig teken van herinnering aan de slachtoffers van de Armeense Genocide is uitgebleven, waardoor aan de leden van onze gemeenschap geen mogelijkheid wordt geboden eerbetoon te geven aan de omgekomen landgenoten in deze catastrofe.

Een bescheiden grafsteen op een kerkhof in één van de voorsteden van Amsterdam, geplaatst dankzij een kleine groep goeddoeners, staat in onze optiek niet in verhouding tot de betrokkenheid die duizenden bewoners van een stad als Amsterdam zonder twijfel voelen bij deze tragedie, en de overtuiging die zij delen ten aanzien van de onrechtvaardigheid van de ontkenning daarvan.

Deze vraag hebben wij onszelf ook voorgelegd. Aan het begin van het jaar hebben vertegenwoordigers van de Stichting Sint Grigor Narekatsi, gesteund door de Stichting Surp Hoki Kerk Amsterdam en een aantal Amsterdamse verenigingen, zich gewend tot het bestuur van het Stadsdeel Centrum Amsterdam met het verzoek om het plaatsen van een gevelsteen met bijpassende tekst op de hoek van de Surp Hoki Kerk aan de Krom Boomssloot 22, te overwegen.

Na verloop van een aantal maanden werden wij ervan op de hoogte gesteld dat Burgemeester Van der Laan, tot eenieders groot verdriet onlangs overleden, kennis had genomen van ons voornemen tot het plaatsen van het gedenkteken. Ons werd bovendien gevraagd alle mogelijke informatie te verstrekken bij het verzoek, met name het artistieke idee en de technische details. Hiertoe zijn door ons stappen ondernomen gericht op de zo snel mogelijke realisatie van ons project. In Jerevan werd al snel één van de vooraanstaande vakmannen op het gebied van Khachkars gestrikt, Varazdat Hambartsumian. Zijn werken zijn geplaatst in alle hoeken van Armenië, onder andere op het terrein van de Moederzetel van het Heilige Echmiadzin, in Artsakh en in het buitenland. Aan de genoemde kunstenaar werd voorgesteld om een Khachkar te houwen van oranjekleurig Armeens tufsteen, met een hoogte van 260 centimeter en breedte van 100 centimeter, met daaronder de volgende gegraveerde tekst in het Armeens en Nederlands op een oppervlakte van 60 bij 120 centimeter:

“Ter nagedachtenis aan de slachtoffers van de Armeense Genocide van 1915 in het Ottomaanse Rijk”

De voorwaarden omtrent het vervoer vanuit Jerevan naar Amsterdam en de bevestiging van de gevelsteen op de muur van de Surp Hoki Kerk op de hoek van de Krom Boomssloot en de Keizerstraat, zijn reeds besproken met transportbedrijf GMG LLC (Jerevan) en Snoep & Vermeer BV (Amsterdam).

Voor een fotoconcept van de gevelsteen zie de foto's.23517432_1819343278355688_8510742269648683414_n.jpg

De totale kosten van het project, inclusief het houwen, transport en bevestiging van de gevelsteen, zijn begroot op 12.000 euro.

Beste landgenoten en leden van de Armeense gemeenschap in Nederland,

De Surp Hoki Kerk in Amsterdam is een van de oudste Armeense kerken in West-Europa. Al meer dan 300 jaar wordt binnen haar muren ons geloof, hoop, liefde en medeleven overeenkomstig de overtuigingen en tradities van ons volk gekoesterd. Wij zijn ervan overtuigd dat in u geen enkele twijfel bestaat over de rechtvaardigheid en rechtmatigheid van het plaatsen van een gedenkteken in de stad Amsterdam voor de slachtoffers van de Armeense. Tevens zijn wij van mening dat ieder lid van de Armeense gemeenschap van Amsterdam en omgeving in het bijzonder, en de Armeense gemeenschap van heel Nederland in het algemeen, naar vermogen zou moeten deelnemen aan de verwezenlijking van dit project. Dat is onze plicht tegenover de onschuldige slachtoffers.

Bij dezen kondigen wij een geldinzamelingsactie aan voor het plaatsen van de gevelsteen in Amsterdam, ter nagedachtenis aan de slachtoffers van de Armeense Genocide van 1915 in het Ottomaanse Rijk.

U kunt bijdragen door te doneren op rekeningnummer NL65INGB0008113482 ten name van Stichting Sint Grigor Narekatsi, met vermelding van ‘Genocidemonument Amsterdam’.

God sta ons bij.
Stichting Sint Grigor Narekatsi

Latest Month

June 2019
S M T W T F S
      1
2345678
9101112131415
16171819202122
23242526272829
30      

Syndicate

RSS Atom
Powered by LiveJournal.com
Designed by Lilia Ahner