?

Log in

No account? Create an account
Մամուլից տեղեկանում ենք, որ Եվրապոլի գործադիր տնօրենի հրավերով` ՀՀ ոստիկանության պետը այցելել է Հաագա:
ՀՀ ոստիկանության պետ Վալերիյ Օսիպյանի գլխավորած պատվիրակությունը Նիդերլանդների Թագավորությունում կլինի մայիսի 15-17-ը։
Այցի շրջանակներում ՀՀ ոստիկանության պետի գլխավորած պատվիրակությունը հանդիպում կունենա Նիդերլանդների ազգային ոստիկանության ղեկավարության, ինչպես և Նիդերլանդների արդարադատության և անվտանգության նախարարության Եվրոպական համագործակցության հարցերով գլխավոր տնօրենի հետ։

Մայիսի 15-ին ՀՀ ոստիկանության պետ Վալերիյ Օսիպյանի գլխավորած պատվիրակությունը այցելեց Եվրաջասթ, ուր հանդիպում ունեցավ Եվրաջասթի նախագահ Լադիսլավ Համրանին։
Ողջունելով ՀՀ ոստիկանության պետին՝ Եվրաջասթի նախագահը կարևորեց առաջին անգամ ՀՀ բարձրաստիճան պատվիրակության այցելությունը` ընդգծելով իր ղեկավարած կառույցի պատրաստակամությունը ընդլայնելու համագործակցությունը Հայաստանի հետ։ Այս համատեքստում նա կարևորեց տարվա սկզբին ՀՀ արդարադատության նախարարությունում և գլխավոր դատախազությունում Եվրաջասթի հետ համագործակցության պատասխանատուների նշանակումը։
Կողմերը քննարկեցին Եվրաջասթի և Հայաստանի միջև արդեն իսկ առկա համագործակցության ընդլայնման և խորացման հնարավորությունները։
Պայմանավորվածություն ձեռք բերվեց ՀՀ ոստիկանությունում ևս համագործակցության պատասխանատու նշանակելու վերաբերյալ։
ՀՀ ոստիկանության պետը գրառում կատարեց Եվրաջասթի պատվո հյուրերի մատյանում։
Մայիսի 16-ին տեղի է ունեցավ ՀՀ ոստիկանության պետ Վալերիյ Օսիպյանի հանդիպումը Եվրոպոլի տնօրեն Քեթրին դը Բոլի հետ։ Այս մասին հայտնում է Նիդերլանդների ՀՀ դեսպանատան կայքը` հղում անելով POLICE RA Vostikanutyun յութուբյան էջին:
Ողջունելով հյուրերին,՝ տիկին դը Բոլը հույս է հայտնել, որ ՀՀ ոստիկանության պետի այցը սկիզբ կդնի Եվրոպոլի և ՀՀ ոստիկանության միջև համագործակցությանը մի շարք ուղղություններով։
Վալերիյ Օսիպյանը բարձր է գնահատել Եվրոպոլի և ՀՀ ոստիկանության միջև համագործակցության կարևորությունը և ներկայացրել ոստիկանությունում ընթացող բարեփոխումների մանրամասներ:
Կողմերն ավելի առարկայական քննարկել են կազմակերպված հանցավորության դեմ պայքարի ոլորտում հնարավոր համագործակցությունը, մասնավորապես՝ ահաբեկչության, թմրամիջոցների ապօրինի շրջանառության, մարդկանց թրաֆիքինգի և փողերի լվացման ոլորտներում և հստակեցրին հետագա քայլերը։
Կողմերի միջև քննարկում է ծավալվել ՀՀ ոստիկանության և Եվրոպոլի միջև համագործակցության մասին համաձայնագիր կնքելու հնարավորության և ձևաչափի մասին։ Այդ նպատակով պայմանավորվածություն է ձեռք բերվել նշանակել կոնտակտային անձանց՝ նշված աշխատանքները համակարգելու նպատակով։
Հանդիպման ավարտին ՀՀ ոստիկանության պետը գրառում է կատարել Եվրոպոլի պատվո հյուրերի մատյանում։ Ի պատիվ ՀՀ ոստիկանության պետի՝ Եվրոպոլի տնօրենի կողմից տրվել է պաշտոնական ճաշ:
Հավելենք, որ ՀՀ ոստիկանության պետ Վալերիյ Օսիպյանին դիմավորել և հանդիպումների ընթացքում ուղեկցում է Նիդերլանդներում ՀՀ արտակարգ և լիազոր դեսպան Տիգրան Բալայանը:

«Եվրատեսիլ 2019»-ը

Մեր ֆեյսբուքյան էջում ինտերակտիվ կերպով` ընդհուպ ուղիղ կապով և րոպեի թելադրանքով հետևել ու կապ ենք հաստատել մեր ընթերցողի հետ, ուղղորդելով թե ինչպես քվեարկի մեր  մասնակցի օգտին:

.

ՄԵԿՆԱՐԿԸ

14.05
Իսրայելի մայրաքաղաք Թել Ավիվի Ցուցահանդեսային կենտրոնում մեկնարկել է «Եվրատեսիլ 2019» երգի միջազգային մրցույթի առաջին կիսաեզրափակիչը, որին մասնակցում է 17 երկրի ներկայացուցիչ:

Հիմա ելույթներ են ունենում Չեռնոգորիայի, Ֆինլանդիայի, Լեհաստանի, Սլովենիայի, Չեխիայի, Հունգարիայի, Բելառուսի, Սերբիայի, Բելգիայի, Վրաստանի, Ավստրալիայի, Իսլանդիայի, Էստոնիայի, Պորտուգալիայի, Հունաստանի և Սան Մարինոյի ներկայացուցիչները: Մրցույթի կանոնների համաձայն՝ Իսրայելի, Ֆրանսիայի, Իսպանիայի, ինչպես նաև Մեծ Բրիտանիայի, Գերմանիայի և Իտալիայի ներկայացուցիչները եզրափակիչ են անցնում ինքնաբերաբար. Իսրայելը` որպես անցած տարվա մրցույթի հաղթող երկիր, մյուսները կազմում են «Եվրատեսիլ»-ի հիմնադիրների «Մեծ հնգյակը»:
«Եվրատեսիլ»-ում Հայաստանի պատվիրակ Սրբուկը «Walking out» երգով հանդես կգա երկրորդ կիսաեզրափակիչում, որը կանցկացվի մայիսի 16-ին: Նա ելույթ կունենա առաջին համարի ներքո:

16.05
Հայաստանից բացի, երկրորդ կիսաեզրափակիչում հանդես են գալիս  Իռլանդիայի, Մոլդովայի, Շվեյցարիայի, Լատվիայի, Ռումինիայի, Դանիայի, Շվեդիայի, Ավստրիայի, Խորվաթիայի, Մալթայի, Լիտվայի, Ռուսաստանի, Ալբանիայի, Նորվեգիայի, Նիդերլանդների, Մակեդոնիայի և Ադրբեջանի ներկայացուցիչները: Եզրափակիչ փուլը տեղի կունենա մայիսի 18-ին:
Srbuk
ցույթին։ Քվեարկությունը սկսվելու է ելույթներից անմիջապես հետո: Միասին դեպի եզրափակիչ փուլ։ 😘💪🏻❤️🇦🇲 Երկրորդ կիսաեզրափակիչ փուլի քվեարկության հեռախոսահամարները`ըստ երկրների նշած են ներքևում:
Dear all! Please vote for Armenia on May 16th, Eurovision 2nd Semi-Final. The voting process will begin after the last performance. Below find the list of countries and numbers to vote for Armenia.
🇦🇱 Ալբանիա / Albania SMS: 01 to 54345
🇦🇹 Ավստրիա / Austria CALL: 0901 050 25 -01 SMS: 01 to 0901 050 25
🇦🇿 Ադրբեջան / Azerbaijan SMS: 01 to 9450
🇭🇷 Խորվաթիա / Croatia CALL: 06155 -01 SMS: 01 to 666555
🇩🇰 Դանիա / Denmark SMS: 01 to 1212
🇩🇪 Գերմանիա / Germany CALL: 01371 3636 -01 SMS: 01 to 99599
🇬🇧 Մեծ Բրիտանիա / Great Britain CALL: 09015 22 52 -01 SMS: 01 to 62252
🇮🇪 Իռլանդիա / Ireland CALL: 1513 7172 -01 SMS: 01 to 53125
🇮🇹 Իտալիա / Italy CALL: 894 222 -01 SMS: 01 to 475 475 0
🇱🇻 Լատվիա / Latvia CALL: 905025 -01 SMS: 01 to 1897
🇱🇹 Լիտվա / Lithuania CALL: 1669 -01 SMS: 01 to 1479
🇲🇹 Մալթա / Malta CALL: 5220 20 -01 SMS: 01 to 5061 57
🇲🇩 Մոլդովա / Moldova CALL: 0900 900 -01 SMS 01 to 900
🇳🇱 Նիդերլանդներ / The Netherlands CALL: 0909 00 -01 SMS: 01 to 9090
🇲🇰 Հյուսիսային Մակեդոնիա / North Macedonia CALL:149 1 -01 SMS: 01 to 149 101
🇳🇴 Նորվեգիա / Norway CALL: 829 49 1 -01 SMS: 01 to 264 00
🇷🇴 Ռումինիա / Romania SMS: 01 to 1399
🇷🇺 Ռուսաստան / Russia CALL: 8 803 100 22 -01 SMS: 01 to 1037
🇸🇪 Շվեդիա / Sweden CALL: 099 212 -0 SMS: 01 to 722 11
🇨🇭 Շվեյցարիա/ Switzerland CALL: 0901 54 49 -01 SMS: 01 to 377




ԱՆՀԱՋՈՂՈՒԹՅՈՒՆ` որի համար մենք ենք մեղավոր

17.05
Երեկ, ուղիղ, Նիդերլանդների հանրայինի առաջին ալիքով հետևում էինք Եվրատեսիլին (տեսաերիզը` ստորև) Ինտերակտիվ կերպով ներկայացրել էինք թե ինչպես քվեարկել Սրբուկի օգտին: Ցավոք մեր մասնակիցը եզրափակիչ էլ դուրս չեկավ: Սա երևի մեր մեղքի ու անտարբերության բաժինն է: Սա մեզ դաս, որ մյուս անգամ հույսներս միայն մեր վրա դնենք, այլ ոչ դիմացինի` ԵԹԵ ՈՉ ԵՍ, ԱՊԱ ԷԼ Ո՞Վ սկզբունքի կիրառումով:
18.05
ԻՍԿ հաղթանակը շնորհվեց Նիդերլանդների ներկայացուցիչին, որը նաև նշանակում է` ԲԱՐԻ ԳԱԼՈՒՍՏ Նիդերլանդներ 2020 թվական: Դա լինելու է երգի 65-րդ հոբելյանական փառատոնը:
Duncan Laurence represented The Netherlands at the Grand Final of the 2019 Eurovision Song

Հայաստանյան հաջող հյուրախաղերից հետո Նիդերլանդների «Slavuj» երգչախմբի և «Zwarte zee» քառյակի կոլեկտիվների անդամները ժամանեցին Նիդերլանդներ: 

Այստեղ` Հաագայում, մշակութային խմբերի ղեկավարներին ընդունեց Նիդերլանդների Թագավորությունում Հայաստանի Հանրապետության արտակարգ և լիազոր դեսպան Տիգրան Բալայանը: Նա ջերմ զրույցի ընթացքում շնորհակալություն հայտնեց
«Slavuj» և «Zwarte zee» խմբերի ղեկավարությանը` շնորհավորելով Հայաստանում նրանց ունեցած փայլուն ելույթները ։
Պայմանավորվածություն ձեռք բերվեց համատեղ միջոցառումների կազմակերպման վերաբերյալ։

Մայիսի 13-ին Հաագայի Crown Plaza Promenade հյուրանոցային համալիրում տեղի ունեցավ Dimplomat Magazine-ի կողմից կազմակերպված ամենամյա Diplomats Wine Extravaganza փառատոնը, որին առաջին անգամ ներկայացված էր Հայաստանը՝ ի դեմս Royal Beverages Group ընկերության կողմից ներմուծվող հայկական արտադրության գինու, կոնյակի և օղու լայն տեսականու։

Read more...Collapse )

Այս անգամ Նիդերլանդներում բնակվող, լրագրող,  մեր թղթ. Marisha Shik-ին անհանգստացրել է ներհայաստանյան կյանքի ամենացավոտ հարցերից մեկը` առողջապահության մանկաբուժության ոլորտը: Նա սեփական հետաքննություն է անցկացրել այն դեպքից հետո, երբ Երևանի Մխիթար Հերացու անվ. պետական բժշկական համալսարանի պատասխանատվության տակ գտնվող «Մուրացան» հիվանդանոցային համալիրում  վտանգել  են փոքրիկի առողջությունը: Թերևս խնդրին չանրադառնայինք, եթե այն կապված չլիներ երեխաների առողջությանը, կամ  կրեր եզակի բնույթ : Նման մի  ահազանգ  էլ ստացել էինք տարիներ առաջ, երբ Նիդերլանդներից Հայաստան մեկնած փոքրիկին ճառագայթային նկարահանումից հետո` այս անգամ «Աստղիկ»  բժշկական կենտրոնում, ոչինչ գտնելով,  չգիտես ինչու հակաբիոտիկներ  էին նշանակել: Բանից պարզվում է` անտեղի, Նիդերլանդներում, երբ բժիշկները հետազոտել են փոքրիկին, առողջությանը վնասող ոչինչ չգտնելով տարակուսել են:
Այժմ  նույնությամբ`առանց փոփոխության, ներկայացնում ենք ՄԱՐԻՇԱ ՇԻԿԻ`  հետաքննական հոդվածը, պատրաստ  նաև լսելու հակադարձ կարծիքներ:

Մուրացանի հիվանդանոցում 1 տարեկան երեխային վարակել են ինֆեկցիայով, դուրս գրել` «թոքաբորբ» սխալ էպիկրիզով

Read more...Collapse )

Նիդերլանդական` հայկական երգերի ու երաժշտության կատարումների մեզ ծանոթ «Slavuj» երգչախումբը, (խմբավար՝ Իվո Բուսվայկ) և «Zwarte zee» քառյակը, այս օրերին բարեգործական համերգներով Հայաստանում են:



 Սա նաև խմբերի Կոմիտաս Վարդապետի ծննդյան 150-ամյակին նվիրված համերգ- շրջագայություն է: Այն իսկական տոնի է վերածվել: Անակնկալները երկուստեք են, մի կողմից հյուրերն իրենց համար հայտնագործում են սքանչելի ու տաղանդավոր, պատմական հին անցյալ ու հարուստ մշակույթ ունեցող Հայաստանն ու նրա ժողովրդին, մյուս կողմից հանրապետության տարբեր բնակավայրերում հոլանդացիների հայերեն կատարումներն են հիացնում մեր համերկրացիներին:

 Մինչ հանրային հեռուստատեսության տրամադրած տեսաերիզը դիտելը մեր ընթերցողներին ենք ներկայացնում տարիներ առաջ Հոլանդահայ Ֆեդերացիայի (FAON) կողմից Հայոց Ցեղասպանության տարելիցին Ամստերդամի Սուրբ Հոգի եկեղեցում նրա երաժշտական երկու կատարումները:



  Նրանց Հայաստան է բերել ու կազմակերպչական մեծ աշխատանք է կատարել մեր հայրենակից, քանոնահարուհի Ռուզաննա Հակոբյանը: Նա քսան տարուց ի վեր Նիդերլանդներում է և ակտիվորեն զբաղվում է մասնագիտական գործունեությամբ: Ռուզաննային միշտ միշտ տեսել ենք միջամայնքային կարևոր միջոցառումներին:


Հավելենք, որ նման նախաձեռնությունները` արտասահմանցիների մասնակցությամբ հայ արվեստն ու մշակույթը ներկայացնելն ու տարածելը, բավական արդյունավետ ու նպատակային է: Օրինակ Նիդերլանդներում նրանց հայերեն լեզվով համերգներին ավելի շատ տեղաբնակներ են ներգրավվում, քան հայկական խմբերի շրջագայության ժամանակ:

վարչապետ ՆԻկոլ Փաշինյանը շնորհավորել է Հայաստանի և Արցախի ժողովուրդներին Եռատոնի կապակցությամբ


վարչապետ ՆԻկոլ Փաշինյանը շնորհավորել է Հայաստանի և Արցախի ժողովուրդներին Եռատոնի կապակցությամբ.
Շնորհավորում ենք հայ ժողովրդին և առանձնահատուկ՝ Արցախի հերոսական ժողովրդին Եռատոնի փառապանծ առիթով:
Սիրելի՚ արցախցիներ, սիրում ենք ձեզ, հպարտանում ենք ձեզնով, ու խոնարհվում ենք ձեր առաջ:
Խոնարհվում ենք մեր սուրբ Նահատակների առաջ:





Ապրիլի 8-ին Նիդերլանդներում ՀՀ դեսպան Տիգրան Բալայանը որպես հիմնական բանախոս մասնակցեց «Մեկ տարի թավշյա հեղափոխությունից հետո» խորագրով քննարկմանը, որին ներկա էին «Hug the Hague conference» Էրազմուս ծրագրի շրջանակներում արևելաեվրոպական երկրներից Նիդերլանդներ ժամանած շուրջ հինգ տասնյակ հասարակական, ուսանողական և երիտասարդական կազմակերպությունների ներկայացուցիչներ։
Դեսպան Բալայանը խորհրդանշական համարեց, որ քննարկումը տեղի է ունենում վարչապետի պաշտոնում Նիկոլ Փաշինյանի ընտրությունից ուղիղ մեկ տարի անց և հենց նույն պահին, երբ Երևանում ընթանում է ՀՀ վարչապետի մեկամյա պաշտոնավարմանը նվիրված ասուլիսը։
Դեսպանը ներկայացրեց Հայաստանում մեկ տարի առաջ տեղի ունեցած «Թավշյա հեղափոխության» արդյունքները, լայնածավալ բարեփոխումները, որոնք իրականացվում են Հայաստանում ներկայիս իշխանությունների կողմից՝ շեշտը դնելով կոռուպցիայի դեմ պայքարի և ներդրումների համար բարենպաստ պայմանների ստեղծման առաջնահերթությունների վրա։
Տիգրան Բալայանը ներկայացրեց Հայաստանի և Նիդերլանդների միջև տնտեսական ոլորտում համագործակցության հեռանկարները՝ կարևորելով Հայաստանի՝ որպես ԵԱՏՄ անդամ և Եվրամիության հետ սերտ համագործակցություն ունեցող երկրի դերը։
Դեսպան Բալայանը երիտասարդների հետ կիսվեց իր մասնագիտական փորձով և վերջիններիս խորհուրդ տվեց ակտիվ մասնակցություն ցուցաբերել իրենց երկրներում ընթացող քաղաքական զարգացումներին՝ հղում անելով այն կարևորագույն դերակատարությանը, որ հայ երիտասարդներն ունեցան անցած տարվա հեղափոխության ընթացքում։
Քննարկմանը հաջորդեց հարցուպատասխանը, որի ընթացքում Հայաստանի դեսպանը պատասխանեց ներկաների բազմաթիվ հարցերի։

De Bilt-ը ՈՒտրեխտի նահանգի  համայնքապետարաններից մեկն է` մոտ 42 հազար  բնակչությամբ: Առանձին De Bilt գյուղում բնակվում է 10 հազարից ավելի մարդ: Մենք ուզում ենք խոսել De Bilt-ի քաղաքապետարանի մասին, որը միավորում է մի քանի այդպիսի քաղաքներ, և որտեղ`  ինչպես  Նիդերլանդների գրեթե ողջ տարածքում  հայեր են բնակվում:
De Bilt-ի համայնքում է ապրում և աշխատում մեր  հայրենակից Կարինե Քլյանը, որն էլ արժանացել է տեղի քաղաքապետարանի և թերթի ուշադրությանը: Կարինեն ակտիվ համագործակցում է  Դե Բիլտի քաղաքապետարանի  հետ և փորձում է հայ համայնքի ու տեղի հասարակության հետ մերձեցման ու համագործակցության եզրեր գտնել` ավելի  շատ մշակութային ասպարեզում:  Կարինեն առաջնային է  համարում փնտրել այնպիսի նախաձեռնություն , որ Հայ  ու տեղի բնակչության  համար ինտեգրմանը նպաստող   մշակութային ծրագրեր առաջադրեն, նաև պարզել Դե Բիլտի քաղաքապետարանի այս ուղղությամբ տարվող աշխատանքները : Առաջնայինը ինտեգրվող մարդկանց մեկուսացումից դուրս բերելու և համայնքին կապելու խնդիրներն  են: Ահա սրան էլ ձգտում է Կարինե Քլյանը և նա քաղաքապետարանի հետ համագործակցության իր առաջին քայլերից մեկն է կատարել:

Հենց սրա մասին էլ անդրադարձել է տեղի De Vierklank  թերթը` ««Հայկական շոուն «Het Lichtruim»-ում վերնագրով:
De Vierklank  թերթը` «Մշակույթ»,  «Ամպեր»,  «Կամուրջ»  երեք  ենթավերնագրով  հոդված է տպագրել, որտեղ պատմում է մայիսի 5-ի կիրակի օրը Բիլթհովենի  Het Lichtruim մշակութային կենտրոնի հայերեն թատերական ներկայացման մասին (խոսքը Գավիթ թատրոնի «Անավարտ դատ» ներկայացման մասին է,-ծանոթ Ն.Օ) , որտեղ տեղի հայերը  վայելեցին նաև միմյանց ներկայությունը: Կարինեն Նիդերլանդներում  է արդեն 22 տարի, որից 20 տարին ամբողջությամբ հենց սկզբից ներգրավված է եղել De Bilt-ի հասարակական կյանքին:
«Լավ ինտեգրվելու համար գիտեի, որ պետք է արագ հարմարվել իմ նոր երկրին», - Ասել է Կարինե Քլյանը` նշելով, որ  շատ կարեւոր է սովորել լեզուն ` թեև  հոլանդերենը  բավական բարդ է ու նաև հայերի  համար դժվար սովորվող լեզու:

«Շատ հայերի համար դժվար է հարմարվել հոլանդական հասարակությանը: Ոչ միայն կա լեզվի խնդիր, նաև  մշակույթն է տարբեր », - ասել է Կարինեն: Նա գտնում է, որ մեր  ժողովուրդների ընդհանրական հատկանիշներն  էլ շատ շատ  են  ու համայնքապետարանի բոլոր 45 հայ ընտանիքներին «Het Lichtruim»  թատերական ներկայացման է հրավիրել նաև գաղափարի  համար: Ակտիվ շփման ու  համագործակցության շնորհիվ երկու ժողովուրդներն  իրար  փոխանցելու ու սովորելու շատ բան ունեն ու այս  առումով մշակույթի կենտրոնում նաև հայերը ներգրավված պետք է  լինեն: «Նիդերլանդական օրագրի» հետ ունեցած զրույցում Կարինեն նշեց, որ օգտագործելով համագործակցության հնարավորությունները, մենք,  մեր արվեստն  ու  մշակույթը պետք է ի ցույց դնենք հոլանդացիներին, ինչու արվեստի ու  նկարչության դասընթացներ չկազմակերպել կենտրոնում, կամ էլ բացել գրքերի ցուցահանդես:


Կարելի է ասել, որ  Հայաստանի  մասին «առաջին դասն» արդեն տրված է, այն ստացել է  De Vierklank թերթի թղթակից Walter Eijndhoven-ը, նրան մեր հայրենակից, նկարիչ արվեստաբան Ալիկ Ասատրյանը ասել է, որ  Հայաստանը ամենասպիտակ ամպեր ունեցող երկիրն է աշխարհում ու որպես նկարիչ ճանապարհորդելով շատ երկրներում ու ի  վերջո բնակվելով Նիդերլանդներում, համոզվել է դրանում: Ալիկն ասել է, որ  Հայաստանն ամենալավ երկիրն է, որի հետ նա  կապ է պահպանում:
Այս մտքերը De Vierklank թերթի թղթակիցը շարադրել է «Ամպեր» ենթավերնագրի ներքո, մյուս` «Կամուրջ» եզրափակիչ ենթավերնագրի տակ Կարինե Քլյանը հույս է հայտնում, որ իր  նախաձեռնություններն այն  կամուրջը կլինեն, որ ի վերջո  կծառայի Բիլտի հասարակությանն  ու  հայ  համայնքի մերձեցմանը:



Նիդերլանդահայերին հյուր էր «Գավիթ» թատրոնի կոլեկտիվը


Թատրոնը մեր կյանքի հայելին է, այնտեղ մենք ենք, մեր  կյանքն  է ու  մեր մասին է: Նիդերլանդներում «Անավարտ դատ» ներկայացման պրիմերիան դրա  վառ ապացույցն էր: Մայիսի 5-ին Նիդերլանդական Բիլթովեն քաղաքում թատերական ներկայացման օր էր: Ռուսաստանի և Նոր Նախիջևանի Հայոց Թեմի Մոսկվայի  «Գավիթ» թատրոնի հիասքանչ կոլեկտիվի խաղը դիտելու էին եկել տարբեր  բնակավայրերի հայ  համայնքի անդամները` նրանց հետ ԱԼԻԿ ԱՍԱՏՐՅԱՆԸ,
որն իր  այս հոդվածով կիսվել է մեզ հետ:

ԱԼԻԿ ԱՍԱՏՐՅԱՆ

Եթե ոչ դու` ապա ո՞վ, եթե ոչ ես` ապա ո՞վ, եթե ոչ մենք` ապա ո՞վ…




 Մի օր իրենց այս հարց տվեցին մոսկվայաբնակ մեր հայրենակիցներ՝  Համլետ Ղալեչյանը, Հմայակ Հակոբյանը, Արգիշտի Սարգսյանը և իրենց ընկերների հետ միասին ստեղծեցին ՛՛ԳԱՎԻԹ՛՛ թատրոնը` հայրենիքից հեռու, օտար ափերում, որպեսզի ճակատագրի բերումով իրենց պես Հայաստանից հեռացած մեր հայրենակիցներին հիշեցնեն՝ մենք ՀԱՅ ենք, որտեղ էլ որ ապրենք , մենք ունենք դարավոր մշակույթ, և մեր Հայ տղաները փորձում են իրենց խոսքով միաբանել օտարության մեջ գտնվող մեր հայրենակիցներին, որ մի օր բոլորս տուն ենք վերադառնալու:
Եթե ոչ ես, ապա, ո՞վ, նույն հարցը մի օր իրեն տվեց մեր հայրենակից Աննա Մաշկալյանը, որին ճակատագիրը Փարիզ էր տարել և բնակվելով Փարիզում, հայ մշակույթի միջոցով փորձում էր միաբանել Հայերին և կազմակերպեց, որպեսզի նաև  ԳԱՎԻԹ թատրոնը ելույթ ունենա Եվրոպայում:
Եթե ոչ ես` ապա ո՞վ: Նույն հարցը իրեն տվեց Հոլանդիայի Բիլթովեն քաղաքում բնակվող մեր հայրենակից Կարինե Քլյանը, որն ակտիվ աշխատում է հայ մշակույթը արթուն պահելու և օտարության մեջ ապրող հային հիշեցնելու, որ մենք ՀԱՅ ենք: Կազմակերպեց, որ  ԳԱՎԻԹ  թատրոնը ելույթ ունենա Հոլանդիայի Բիլթովեն քաղաքում՝   «Անավարտ դատ» ներկայացումով, որը նվիրված է արտագաղթին՝ աշխարհով մեկ սփռված օտարության մեջ բնակվող Հայերին:
Աննա Մաճկալյանը և Կարինե Քլյանն ինձ հրավիրեցին ներկայացումը դիտելու, ես էլ մտածեցի, եթե ոչ ես , ապա ո՞վ:
Փիլոնս հագա, ճանապարհի հացս կապեցի ու գնացի Բիլթովեն քաղաք՝ ներկայացումը դիտելու:
Իհարկե, ոչ բոլորն ունեն կազմակերպչական ջիղը, ինչպես դա անում են Աննա Մաճկալյանը և Կարինե Քլյանը, բայց ներկա գտնվելու համար հատուկ տաղանդ պետք չէ, ուղղակի ցանկություն՝ ներկա գտնվել:  Մի փակվեք տներում` ձեր կենցաղով, կապվեք, շփվեք մարդկանց հետ:
Ի դեպ Աննա Մաճկալյանը և Կարինե Քլյանն այս բոլոր կազմակերչական աշխատանքներն անում են իրենց ուժերով, առանց Հայաստանի մշակույթի նախարարության որևէ օգնության, կամ օժանդակության սպասելու: Ասեմ, որ հրաշալի ներկայացում էր, կատարված պարզ միջոցներով, երեք տաղանդավոր դերասաներով (Համլետ Ղալեչյան, Հմայակ Հակոբյան, Արգիշտի Սարգսյան), որոնց դերասանական խաղը, խոսքը և վարպետությունը պարզապես կլանում է քեզ` ներկայացման առաջին իսկ րոպեներից ու հետո էլ չես ուզում այն վերջանա: Գեղեցիկ խոսք, չափավոր հումոր` ամեն ինչ գտնված էր: Ներկայացման ընթացքում, որը տևեց մեկ և կես ժամ, ես 6-7 անգամ հուզվեցի, 2 անգամ փշաքաղվեցի, ժպտացի և ծիծաղեցի, և հոգուս խորքում մի պահ ջերմ զգացում համակեց ինձ` ի՜նչ լավ է, որ ես էլ եմ ՀԱՅ:
Կրկին անգամ ուզում եմ շնորհակալական խոսք հայտնել Համլետ Ղալեչյանին, Հմայակ Հակոբյանին, Արգիշտի Սարգսյանին, Աննա Մաճկալյանին, Կարինե Քլյանին, հանդիսատեսին և մյուսներին, ովքեր ամբողջական դարձրին  օրը ու կազմակերպեցին համայնքային առօրյայում հազվադեպ թատերական տոնը : Շնորհակալություն ձեզ բոլորիդ` գեղեցիկ օրվա և գեղեցիկ զգացումների համար: Իսկ օտարության մեջ բնակվող մեր հայրենակիցներին կրկին հիշեցնեմ հայտնի այս բանաձևը` եթե ոչ դու, ապա ո՞վ, եթե ոչ ես, ապա ո՞վ, եթե ոչ մենք, ապա ո՞վ...:

(Ներքևի լուսանկարներում  « Անավարտ դատ» ներկայացումից առաջ և հետո):





Latest Month

July 2019
S M T W T F S
 123456
78910111213
14151617181920
21222324252627
28293031   

Syndicate

RSS Atom
Powered by LiveJournal.com
Designed by Lilia Ahner