Կայացավ Սարիկ Սևադայի «Հայրենադարձի աչքերով» գրքի շնորհանդեսը

Երիտասարդ լրագրող, միջազգայանգետ Սարիկ Սևադան վերջերս ներկայացրեց իր առաջին ժողովածուն, որտեղ ընդգրկված են 30 հարենադարձների կյանքի պատմությունները`  դժվարություններով ու մտահոգություններով, որոնցով անցել են նրա հերոսները: Այս գիրքն իր տեսակի մեջ առաջինն է, իսկ հայրենադարձության թեմատիկայի առումով` եզակի: Հայրենադարձները շուրջ 18 երկրներից են` Արգենտինայից, Ավստրալիայից, Քուվեյթից, Կանադայից, Նիդեռլանդներից, ԱՄՆ-ից, Լիբանանից և այլ երկրներից: Շնորհանդեսին ներկա էին նաև գրքի պատմության հերոսները` հայրենադարձները, ովքեր եկել էին շնորհավորելու գրքի հեղինակին: Սարիկ Սևադան հատուկ մակագրությամբ  գրքի օրինակներ նվիրեց նրանց:
Հեղինակին  շնորհավորելու էին  եկել  նաև Սփյուռքի նախկին նախարարության աշխատակազմը, որոնց թվում էին 2010-2018թթ. ՀՀ սփյուռքի նախարարության աշխատակազմի ղեկավար Ֆիրդուս Զաքարյանը, Սփյուռքի գործերի գլխավոր հանձնակատարի գրասենյակի Համահայկական, միջազգային և  եկեղեցական կառույցների հետ կապերի վարչության պետ Քնարիկ Պետրոսյանը, Հայրենադարձության բաժնի պետ Հովհաննես Ալեքսանյանը և այլք, ինչպես նաև հասարակական և մշակությային գործիչներ Կարինե Ավագյանը, ով նաև գրքի խմբագիրն է, Արման Ղարիբյանը, Արթուր Իսպիրյանը, Հանրային խորհրդի սփյուռքի, կրոնի և միջազգային ինտեգրման հարցերի հանձնաժողովի նախագահ Գևորգ Մկրտչյանը, ԵՊՀ Ժուռնալիստիկայի ֆակուլտետի դեկան Նաղաշ Մարտիրոսյանը, Երևանում Ֆրանսիական համալսարանի Իրավաբանական ֆակուլտետի դեկան, նաև գրքի հերոսներից, հայրենադարձ Կարին Հովսեփյանը և այլք:
Վերջում` Սարիկ Սևադան իր հատուկ շնորհակալությունը հայտնեց գրքի հովանավոր «Սահակյան-Բագրամյան» հիմնադրամին և Բրուքլինի հայ համայնքի ղեկավար Տիգրան Սահակյանին, ամեն հարցում իրեն աջակցելու համար:
Հեղինակը տեղեկացրեց, որ 2020թ. պատրաստվում է շուրջ 50 հայրենադարձների կյանքի հաջողված պատմությունները ներկայացնել սփյուռքում:
Առաջիկայում «Հայրենադարձի աչքերով» գիրքը կթարգմանվի արևմտահայերենով: Սփյուռքի շուրջ 12 հայ համայնքների հետ կա պայմանավորվածություն`  գրքերն այնտեղ առաքելու :

Iammedia TV-Ի ԱՆԴՐԱԴԱՐՁԸ

  • Լուսանկարում` Սարիկ Սևադան (կենտրոնում) շնորհանդեսի մասնակիցների հետ.
  • Սարիկ Սևադան իր հեղինակած գրքի օրինակներ է նվիրում շնորհանդեսին մասնակցած գրքի հերոսներին:


ՀԵՏԱՔՐՔԻՐ ՓԱՍՏԵՐ ՆԻԴԵՐԼԱՆԴՆԵՐԻՑ, ԿԱՄ ԻՆՉՊԵՍ ՎՏԱՆԳԵԼ ԿՅԱՆՔԴ ՀԱՆՈՒՆ ՀԱՐԵՎԱՆՆԵՐԻԴ ԵՎ ԱՐՎԵՍՏԻ

11.02.2020/@Marisha Shik(anyan)/@Նիդ.օրագիր /: Ինչպես արդեն տեղեկացրել  ենք  այս կիրակի, փետրվարի 9-ին, Նիդերլանդներում տեղի ունեցավ հետաքրքիր և յուրօրինակ իրադարձություն-տոն: Այն կոչվում էր «Gluren by buren» (թարգմանվում է` «հայացք դեպի հարևաններդ»): Տարբեր քաղաքներում եկեղեցիները, սոցիալական և շահույթ չհետապնդող ընկերությունները, նույնիսկ՝ ուղղակի հարևանները բացել էին իրենց դռները հյուրերի ու արվեստասեր հարևանների համար։ Միջոցառումը կազմակերպվել էր «Gluren by the buren» կազմակերպության կողմից, և օրվա ընթացքում ցանկացած մեկը կարող էր այդ կազմակերպության կայքում նշված հասցեներով պտտվել հարևանների տներով ու անվճար դիտել տարբեր թատերական ներկայացումներ, լսել ջազ կամ այլ երաժշտություն, և այլ։
Միջոցառմանը մասնակցում էին բազմաթիվ անհատ կամավորներ և ընկերություններ։ Նրանցից մեկը “Toneelenzo” ընկերությունն էր, որը Հաառլեմ քաղաքում ներկայացրեց իր «Լուկը և Սառան» թատերական մանկական բեմադրությունը։ Սակայն այս իրադարձության ամենահետաքրքիրը ոչ թե հոլանդացիների կրեատիվ լինելն ու կամավորական աշխատանքին այդքան պատրաստ լինելն էր, այլ այն, որ միջոցառման օրը Նիդերլանդերում հայտարարված էր նարնջագույն կատեգորիայի վտանգավոր փոթորկի օր (120կմ/ժ): Մենք նույնիսկ տանից դուրս չենք եկել, քանի որ տեսնում էինք մեր տանը հարակից այգում ինչպես էին ծառերը մեկը մյուսի ետևից ընկնում (անցած վերջին փոթորիկին մարդիկ էին մահացել ճանապարհներին)…
Սակայն այս փաստը ընդհանրապես չվախեցրեց միջոցառման մասնակիցներին։ «Լուկը և Սառան» թատերական բեմադրության դերասանուհի Իլոնա Բրուգմանը բնակվում է Ալսմեր քաղաքում, և փոթորկի օրը գնացել էր Հաառլեմ՝  խաղալու երեխաների համար իրենց ներկայացումը (քաղաքներն իրարից մոտ 24կմ. հեռավորության վրա են գտնվում): Իլոնայի հավաստմամբ, խոստումն ու պատասխանատվությունը կյանքից էլ առավել կարևոր են իրենց համար։ «Ինչպե՞ս մենք կարող էինք հուսախաբ անել մեզ այնտեղ սպասող 3-ից-11 տարեկան փոքրիներին։ Իհարկե, այդ օրը սովորականից ավելի երկար ու բավական դժվար ենք հասել Հաառլեմ Ալսմերից, բայց մենք արել ենք այն, ինչ պարտավոր էինք անել. ոչ մի արտառոց բան չկա էդտեղ, ըստ իս։ Փոքրիկների երջանիկ ժպիտներն ու ուրախությունը մեզ համար ցանկացած փոթորկից առավել են ու կարևոր», - վստահեցնում է նա։

Մեկ այլ հետաքրքիր փաստն այն է, որ Իլոնային և իր գործընկերներին «բեմահարթակ» էր տրամադրել Հաառլեմում բնակվող մի երիտասարդ ընտանիք' Յաուկան և Սոֆին: Դերասանները խաղացել են  իրենց ներկայացումը այդ ընտանիքի տան  ճաշասենյակում։ «Մենք  տանտերերին նախապես չէինք հանդիպել , բայց շատ սիրեցինք նրանց։ Նրանք այնքան հիանալի ու պատրաստակամ էին. Ճաշասենյակի ողջ կահույքը տեղափոխել էին, դրել այգում կամ բարձրացրել երկրորդ հարկ։ Երբ մտանք իրենց տուն, նրանք ասացին, որ այսօր` այս տունը մերն է և կարող ենք անել այն, ինչ մեզ պետք է։ Նրանք նույնիսկ սեղան գցեցին ներկայացումների ընմիջումների ընթացքում ու հյուրասիրեցին մեզ համեղ ճաշատեսակներով»։
Իմ այն հարցին, թե արդյոք ընտանիքը շատ ժամանակ ունի, Իլոնան պատասխանեց. «Ո՛չ, նրանք զբաղված մարդիկ են, ունեն երկու փոքր երեխա։ Ուղղակի մենք՝ հոլանդացիներս, սիրում ենք ուրախացնել փոքրիկներին»։

Իլոնան և իր թիմը այդ օրվա ընթացքում հասցրեցին խաղալ իրեց ներկայացումը երեք անգամ՝ այդ տան ճաշասենյակում հավաքված տանտերերին ծանոթ ու անծանոթ փոքրիկների ու նրանց ծնողների համար…

…Դե ինչ, կարծում եմ, մարդկանց նման անհավատալի նվիրումն ու մոտեցումն է, որ ստիպում է ինձ օր-օրի սիրահարվել Նիդերլանդներին, էստեղի ապրելակերպին ու մարդկանց մտածելակերպին….
Շարունակելի...
սկիզբը` Նիդ.օրագիր
(https://www.nidoragir.com/2020/01/blog-post_31.html)

ԼՈՒՍԱՆԿԱՐՆԵՐԸ ՏՐԱՄԱԴՐՎԱԾ ԵՆ ՀԱՆԴԻՍԱՏԵՍԻ ԿՈՂՄԻՑ


Եվրոպական խորհրդարանում տեղի է ունեցել Բաքվի հայերի ջարդերի մասին միջոցառում

Եվրոպական խորհրդարանում տեղի է ունեցել Բաքվի հայերի ջարդերի մասին միջոցառում

 Բրյուսել, 6 փետրվար 2020 -  Չորեքշաբթի, փետրվարի 5-ին Եվրոպական խորհրդարանի պատգամավոր Կոստաս Մավրիդեսը (Սոցիալիստների և դեմոկրատների խմբակցություն, Կիպրոս) հյուրընկալել է «Մոռացված փախստականները. ի՞նչ պատահեց Բաքվի հայերի հետ» խորհրդաժողովը: Միջոցառումը համակազմակերպել էին ՀՅԴ Եվրոպայի հայ դատի գրասենյակը և ԵՄ-ում ՀՀ առաքելությունը:

Խորհրդաժողովի բանախոսներն էին Բրիտանիայի Լորդերի պալատի նախկին փոխխոսնակ, իր մարդասիրական գործունեությամբ հայտնի բարոնուհի Քերոլայն Քոքսը, ամերիկահայ գրող, իրավաբան և իրավապաշտպան Աննա Աստվածատուրյան Թուրքոթը և Բրյուսելի բաց համալսարանի դասախոս, թարգմանիչ Դավիթ Բաբաևը: Վերջին երկու բանախոսները վերապրել են Բաքվի հայերի ջարդերը:

Միջոցառմանը ներկա էին Եվրոպական խորհրդարանի պատգամավորներ, պատգամավորների խորհրդականներ, ուսանողներ, քաղաքացիական հասարակության և ԵՄ-ում մի շարք երկրների առաքելությունների ներկայացուցիչներ, ինչպես նաև Բաքվի հայերի ջարդերը վերապրած Բելգիայի քաղաքացիներ:

Խորհրդաժողովի բացման իր խոսքում Եվրոպայի Հայ դատի գրասենյակի նախագահ Գասպար Կարապետեանը ողջունել է ներկաներին՝ մեծապես կարևորելով Բաքվի հայերի ջարդերին նվիրված միջոցառման կազմակերպումը եվրոպական ժողովրդավարության կենտրոնում. «Եվրոպական խորհրդարանը 1990 թվականի իր բանաձևերում միանշանակորեն դատապարտել է Ադրբեջանի իշխանությունների կողմից կազմակերպված Սումգայիթի, Կիրովաբադի և Բաքվի հայերի ջարդերը»,- հիշեցրել է Կարապետեանը:

Collapse )

Ciara փոթորիկն արդեն մոլեգնում է Նիդերլանդներում

Ciara փոթորիկն արդեն մոլեգնում է Նիդերլանդներում

ԹԱՐՄԱՑՎՈՂ

ՀՐԱՏԱՊ . STORM Ciara
Ciara փոթորիկն արդեն մոլեգնում է Նիդերլանդներում .ժամեր հետո այն սաստկանալու է. խորհուրդ չի տրվում երթևեկել, մեքենաները կանգնեցնել ծառերի տակ, կամ պարզապես լինել դրսում: Քամու արագությունը կազմելու է ժամում 130-150կմ.
Եվրոպայում այս փոթորիկին առաջին անգամ անվանում են տվել: Այն կանխատեսվածից ուժեղ է լինելու, մինչև 11 բալ ուժգնությամբ.գունային գամայով նարնջագույն (ուժեղից ` կարմրից հետո). Մարդկանց խորհուրդ է տրվել օրվա 2 կեսից հետո մնալ տներում.

ԱՅՍ ՊԱՀԻՆ. STORM Ciara
09.02.2020 ժ.17.35/ Niderlandakan Oragir / Diary of the Netherlands/Նիդերլանդական օրագիր/
Նիդերլանդներում #Ciara փոթորիկը դեռ ուժգնանալու միտումներ ունի: Ռեկորդային 5 ժամվա ընթացքում այն Նյու Յորքից հասել է Լոնդոն: Այս պահին Նիդերլանդներում շարունակում է տհաճություններ ու անհարմարություններ պատճառել:Այս պահին Անգլիայում տեղումներին զուգնթաց փոթորիկը դեռ չի դադարել: Նիդերլանդներում Քամու ուժգնությունը այժմ երբեմն անցնում է ժ/120կմ արագությունը: Երկրի նահանգներում օգնության համար ստեղծվել են լրացուցիչ արագ արձագանքման խմբեր, հրշեջ ծառայությունները ևս բերվել են պատրաստ վիճակի: Փոթորիկը երկրի տարբեր վայրերում վնասներ է հասցնում: Արդեն լուրեր կան բազմաթիվ շրջված ծառերի մասին: Խափանումներ կան երթևեկությունում: Wierden-ում շուռ եկած ծառերի պատճառով դադարեցվել է Apeldoorn-ի և Enschede-ի երկաթուղային կապը , Zwolle-Enschede երկաթգիծը ևս չի աշխատում: Գնացքներ չեն աշխատում նաև Breda-Tilburg ուղղությամբ, իսկ Zaandam-Enkhuizen գագաթային հատվածում վեր է բարձրացվել դրոշ, որը նշանակում է, որ այս ուղղությամբ էլ է դադարեցված երթևեկությունը: Փլուզվել են շենքեր և շինություններ, գովազդային վահանակներ, օրինակ`Sappemeer- ում ավտոտնակի ֆասադը 6-ից 13 մետր փուլ է եկել: Գովազդային տախտակը գրեթե պոկվել ու կախվել է է A15 ճանապարահատվածի Hardinxveld-Giesendam հատվածում: Կեսօրից հետո Բարենդրեխտ քաղաքի IKEA խանութից տարհանվել են մարդիկ` շրջակայքում եղած մեծ քանակի գովազդային վահանակների պատճառով: Ամստերդամում ինքնաթիռին հաջողվել է հարկադիր վայրեջք կատարել 3-րդ փորձից հետո:

Ցուցում է տրված սահմանափակել անձնական ավտոմեքենաների երթևեկությունը, փրկարարական 112 ծառայություն զանգահարել խիստ անհրաժեշտ պայմաններում: Մեր նիդերլանդացի, բելգիացի հայրենակիցներին խնդրում ենք հանգիստ նստեն տներում, իսկ նրանք, ովքեր աշխատում են, կամ ճանապարհին են լինեն ծայրահեղ զգույշ:Հիշեցնենք, որ Ciara-ն ավելի կուժգնանա ժամը 18.00-ից 23.00-ի սահմաններում:
Բարեբախտաբար մինչ այս պահը ոչ մի մարդ չի տուժել:


Արդարադատության նախարար Ռուստամ Բադասյանի գլխավորած պատվիրակության այցը Նիդերլանդներ

Արդարադատության նախարար Ռուստամ Բադասյանի գլխավորած պատվիրակությունը փետրվարի 4-ից 7-ը Նիդերլանդների Թագավորության Հաագա քաղաքում է: Աշխատանքային այցի առաջին հանդիպումը Քրեական արդարադատության հարցերով համագործակցության ԵՄ գործակալության (Եվրաջասթի) նախագահ Լադիսլավ Համրանի հետ կայացել է փետրվարի 4-ին, այդ մասին հայտնում է ՀՀ արդարադատության կայքը:

Նախարարը գործընկերոջը տեղեկացրել է արդարադատության ոլորտում վերջին զարգացումների և բարեփոխումների օրակարգի վերաբերյալ, որոնք հիմնականում վերաբերել են դատական ​​և հակակոռուպցիոն ռազմավարությունների ուղղություններին:

Եվրաջասթի նախա

գահը ներկայացրել է կառույցի գործառույթները և նախարար Բադասյանի հետ քննարկել համագործակցության ընդլայնմանն ու խորացմանը վերաբերող կոնկրետ հարցեր՝ հատկապես ապօրինի ծագում ունեցող ակտիվների վերադարձի նպատակով: Միաժամանակ, կողմերն ընդգծել են նաև անդրազգային հանցավորության դեմ պայքարի կարևորությունը և անդրադարձել Եվրաջասթի հետ համագործակցության համաձայնագրի ստորագրման նախապատրաստմանը:

Արդարադատության նախարարը Եվրաջասթի նախագահին հրավիրել է Հայաստան:     

Ռուստամ Բադասյանը Արդարադատության միջազգային դատարանի գլխավոր քարտուղարի հետ քննարկել է համագործակցության հնարավորությունները

Արդարադատության նախարար Ռուստամ Բադասյանը Նիդերլանդների Թագավորության Հաագա քաղաք կատարած այցի ընթացքում փետրվարի 5-ին հանդիպել է Արդարադատության միջազգային դատարանի գլխավոր քարտուղար Ֆիլիպ Գոտյեի հետ:

Նախարարը գործընկերոջը հակիրճ տեղեկացրել է Հայաստանում տեղի ունեցած վերջին զարգացումների, այդ թվում` ոչ բռնի, թավշյա հեղափոխությունից հետո Հայաստանում դատաիրավական բարեփոխումների հիմնական ուղղությունների մասին և Ֆիլիպ Գոտյեի հետ քննարկել Հայաստանի և Արդարադատության միջազգային դատարանի միջև համագործակցության ընդլայնման ուղիները:

Աշխատանքային այցի երկրորդ օրը՝ փետրվարի 6-ին, նախարար Բադասյանն այցելել է Նիդերլանդների Հ

ելսինկյան կոմիտե և քննարկում ունեցել դատաիրավական և իրավապահ ոլորտների բարեփոխումների հարցերով փորձագետների հետ։ Հանդիպման ընթացքում ներկայացվել է Նիդերլանդների Հելսինկյան կոմիտեի գործունեությունը, այնուհետև Ռուստամ Բադասյանն անդրադարձել է դատաիրավական և հակակոռուպցիոն ռազմավարություններին,  բարեփոխումների ծրագրերին, որոնք շատ բարձր 

են գնահատվել փորձագետների կողմից։ Նախարարն ընդգծել է, որ ռազմավարությունների մշակման գործընթացում հաջող համագործակցություն է տեղի ունեցել նաև քաղաքացիական հասարակության ներկայացուցիչների հետ։

Փորձագետների հետ քննարկման ընթացքում կարևորվել է նաև իրավունքի գերակայության ապահովումը:

Հայաստանի և Նիդերլանդների արդարադատության նախարարները պայմանավորվել են խորացնել երկու կառույցների միջև համագործակցությունը

Արդարադատության նախարար Ռուստամ Բադասյանը Նիդերլանդների Թագավորության Հաագա քաղաք կատարած այցի ընթացքում փետրվարի 6-ին հանդիպել է Նիդերլանդների արդարադատության և անվտանգության նախարար Ֆերդինանդ Գրապպերհաուսին։

Նախարարները բարձր են գնահատել երկու երկրների միջև համագործակցությունը և պայմանավորվել են ավելի խորացնել երկու գերատեսչությունների միջև հարաբերությունները։

Հանդիպման ընթացքում քննարկվել են դատաիրավական, հակակոռուպցիոն և քրեակատարողական ռազմավարությունները, ինչպես նաև Նիդերլանդների արդյունավետ փորձը պրոբացիոն ոլորտում։

Քննարկման արդյունքում Ֆ. Գրապպերհաուսը պատրաստակամություն է հայտնել աջակցել քրեակատարողական ծառայությունում ենթակառուցվածքների զարգացմանը։

Հայաստանը Եվրապոլի հետ համագործակցության իրավական շրջանակը սահմանող փաստաթուղթ կկնքի

07/02/2020

Արդարադատության նախարար Ռուստամ Բադասյանը, Նիդերլանդների Թագավորության Հաագա քաղաք կատարած աշխատանքային այցի շրջանակում, փետրվարի 7-ին Եվրապոլի կենտրոնակայանում հանդիպել է կառույցի գործադիր տնօրեն Քեթրին դե Բոլի հետ։

Տիկին   դե Բոլն ուրախությամբ նշել է, որ, նկատի ունենալով կարճ ժամանակում Հայաստանի գրանցած նշանակալի առաջընթացը, Եվրոպական միության անդամ պետություններն իրենց համաձայնությունն են արտահայտել Հայաստանի հետ Եվրապոլի մանդատի շրջանակում համագործակցության իրավական շրջանակը սահմանող փաստաթուղթ կնքելու առաջարկի վերաբերյալ։

Այնուհետև, նախարարին ներկայացվել են Եվրապոլի գործունեությունը և գործառույթները, ինչպես նաև տարբեր իրավիճակներում կառույցի կողմից օգտագործվող տեխնիկական միջոցները։ 

Նախարար Բադասյանը գործընկերներին ներկայացրել է Հայաստանի բարեփոխումների օրակարգը՝ կենտրոնանալով հակակոռուպցիոն պայքարի թվերի, մասնագիտացված ինստիտուտների ստեղծման, քրեական արդարադատության համակարգի և ոստիկանության բարեփոխումների ուղղությամբ Կառավարության տեսլականի և կոնկրետ քայլերի վրա։  

Եվրապոլի գործընկերները ողջունել են ոլորտային բարեփոխումների ընթացքում ԵՄ կառույցների ակտիվ ներգրավվածությունը։  Այցի ընթացքում Ռուստամ Բադասյանին ներկայացվել է նաև Եվրապոլի գործառույթներն ու դերը կառույցի անդամ երկրներից քրեական գործերով ապացույցների ձեռքբերման գործընթացում, ինչպես նաև փողերի լվացման, ֆինանսական քննությունների և ակտիվների վերադարձի ոլորտներում։ Քննարկվել են Հայաստանի իրավասու մարմինների հետ նշված յուրաքանչյուր ուղղությամբ համագործակցության կոնկրետ քայլերը։


Արդարադատության նախարարի և Եվրապոլի գործադիր տնօրենի կողմից պայմանավորվածություն է ձեռք բերվել Հայաստանի և Եվրապոլի միջև համագործակցության իրավական շրջանակի կնքման մոտավոր ժամկետների վերաբերյալ։ 

Հանդիպման ընթացքում Ռուստամ Բադասյանը Եվրապոլի գործադիր տնօրեն Քեթրին դե Բոլին հրավիրել է Հայաստան՝ հետագա համագործակցության ուղղությամբ նոր  համաձայնություններ քննարկելու նպատակով։

ՀՀ Արդարադատության նախարար Ռուստամ Բադասյանի պատվիրակության Նիդերլանդներ այցին առնչվող լուսանկարներ


Եթե սիրում ես արվեստ թակիր հարևանի դուռը

Marisha Shik-anyan/Նիդ.օրագիր:Այս կիրակի, փետրվարի 9-ին, Հոլանդիայում կլինի հետաքրքիր և յուրօրինակ իրադարձություն-տոն: Այն կոչվում է «Gluren by buren» (թարգմանվում է` «հայացք դեպի հարևաններ»): Տարբեր քաղաքներում և տարբեր վայրերում կարող եք գտնել անվճար թատերական, երաժշտական, մշակութային միջոցառումներ: Դա կարող է լինել եկեղեցում, համայնքային կենտրոններում, նույնիսկ մասնավոր տներում (հարևանների մոտ):

Քաղաքի շատ բնակիչներ բացում են իրենց տների դռները և տարածք են տրամադրում նրանց, ովքեր արվեստով են զբաղվում, հնարավորություն ունեն ինքնադրսևորվելու, ցուցադրելու իրենց  հնարավորությունները, դրսևորելու  իրենց կարողությունները (Օրինակ` իմ հոլանդացի ընկերը ելույթ է ունենալու նման մի տան  մեջ,  ինքը երբևէ  չի էլ  տեսել այս տան տերերին):

Այնպես որ  կարող եք պարզապես նշված ժամանակահատվածում լինել  նախօրոք հայտագրված մի քանի հասցեներում և անձամբ մասնակցել մշակութային միջոցառումներին  (անձամբ դրանք ինձ շատ հետաքրքիր են թվում, ուստի որոշել ենք լինել  միջոցառման մի  քանի վայրերում ու  դառնալ դրա  մասնակիցն ու  ականատեսը:

Կոնկրետ Amstelwein- ի համար ծրագիրը փնտրեք այստեղ ՝ 

https://glurenbijdeburen.nl/amstelveen

Եթե ​​այս տարածաշրջանի այլ քաղաքում եք, ապա «Gluren by buren» որոնողական հասցեին ավելացրեք ձեր քաղաքի անունը, կամ էլ մեծացրեք կայքում գտնվող քարտեզը, որտեղ  կերևան այլ բնակավայրեր: Միջոցառումներ տեղի կունենան Alphen aan den Rijn, Amersfoort, Amstelveen, Assen, Baarn, Bloemendaal, Delft Den Haag, Emmen, Haarlem, Haarlemmermeer, Helmond, Hilversum, Leiden, Nieuwegein,  Nijkerk, Nissewaard, Soest, Utrecht, Venlo, Zeist, Zoetermeer, Zutphen քաղաքներում:

Նրանց, ովքեր այդ օրը կցանկանան լինել կայքում նախանշված հասցեներով` բարի զբոսանք ու  հաճելի ժամանց:

Ձեզ հետ`Marisha Shik-anyan


Հայ երիտասարդները հաջողությամբ են վերապատրաստվում Նիդերլանդներում


Հայ երիտասարդները, ովքեր հայտնվել են հայրենիքից հեռու` օտար ափերում, մեծ ձգտում ունեն կատարարելագործելու, զարգացնելու  իրենց մտավոր  կարողությունները ,  մասնագիտական հմտությունները, ուսանել և կրթվել այն երկրներում` որտեղ բնակվում են: Նրանցից  մեկը Ամստերդամում բնակվող մեր հայրենակից Էդգար Ղարիբյանն է, ով վերջերս հաջողությամբ ավարտեց Վորմերվֆերի ( Wormerveer ) Հիպնոզի ինստիտուտը ( Hypnose Instituut Nederland ) մագիստրոս հիպնոթերապևտի մասնագիտությամբ: ՈՒնի  նեյրոլեզվաբանական ( Neuro-Linguistic Programming / NLP Practic ) ծրագրավորման աշխատանքային հմտություններ: 36-ամյա հայ մասնագետը մինչ այդ ուսանել և ավարտել է Երևանի «ՈՒՐԱՐՏՈՒ» գործնական հոգեբանության և սոցիոլոգիայի համալսարանը` ձեռք  բերելով հոգեբանության գիտությունների կրթության մագիստրոսի աստիճան:
Էդգար Ղարիբյանը Նիդերլանդներում իր ընկերությունն ունի` ''Psycholoog en Hypnotherapeut Gharibian'' անվանմամբ: Նա հոգեբան և հիպնոթերապևտ է և պատրաստ է իր գիտելիքներով օգնել ոչ միայն ազգությամբ հայ հաճախորդներին:  Նա շարունակաբար   զբաղվում  է ինքնակրթությամբ (մարմնի լեզվի և ոչ բանավոր հաղորդակցություն, առողջ սնունդ և ապրելակերպ), բարձրացնում մասնագիտական կարողություններն ու  հմտությունները, հետաքրքրություններ է դրսևորում աստվածաբանություն, աստղաբաշխություն, պատմություն,  ֆիզիկա և այլ գիտությունների նկատմամբ, հրապուրվում է սպորտով:
Հայ մասնագետը պատրաստ է իր այցելողներին ընդունել Burgemeester Jur. Visserlaan 72 A , 1411 BT Naarden  հասցեում:

Լուսանկարներում`(վերևում) Էդգար Ղարիբյանը իր ընկերների ու մայրիկի հետ: Ներքևի լուսանկարում Էդգար Ղարիբյանը` ձախից:

Հայ-նիդերլանդական հարաբերությունների շուրջ 1in.am կայքի թղթակիցը զրուցել է «Նիդ. օրագրի» խմբագրի հետ


«Նիդերլանդական օրագրի» հիմնադիր-խմբագիր  Hay Azian-ը պատասխանել է 1in.am  լրատվական կայքի թղթակից Արամ Սարգսյանի հարցերին:
Մեջբերում ենք ամբողջությամբ.

Հայ-նիդեռլանդական հարաբերություններում հսկայական ներուժ կա. Նիդեռլանդները կարող է աջակցել Հայաստանին

Հայաստանի և Նիդեռլանդների հարաբերություններում շատ հետաքրքիր ակտիվություն է նկատվում։ Սրա վառ վկայությունը հյուսիսարևմտաեվրոպական այս երկրի որոշումն է Հայաստանում Նիդեռլանդների Թագավորության (ՆԹ) դեսպանություն բացելու մասին և Նիդեռլանդների արտաքին գործերի (ԱԳ) նախարար Ստեֆ Բլոկի պաշտոնական այցը Երևան, որը տեղի ունեցավ նախորդ շաբաթ։ Հոլանդական կողմի այս քայլերին ընդառաջ գնալով՝ Հայաստանի վարչապետ Նիկոլ Փաշինյանն էլ իր հերթին հայտարարել է, որ այս տարի նախատեսվում է իր պաշտոնական այցը Նիդեռլանդներ։ ՀՀ ԱԳ նախարար Զոհրաբ Մնացականյանը Ստեֆ Բլոկի հետ համատեղ ասուլիսին ասել է, որ վարչապետի այցը Նիդեռլանդներ ծրագրված է գարնանը։Թեմայի շուրջ «Առաջին լրատվական»-ի զրուցակիցն է Նիդեռլանդներում գործող, հոլանդահայ համայնքի կյանքի ու անցուդարձի մասին պատմող «Նիդերլանդական Օրագիր» էլեկտրոնային թերթի հիմնադիր և խմբագիր Աշոտ Կնյազյանը (Hay Azian)։

– Պարոն Կնյազյան, Հայաստանում Նիդեռլանդների Թագավորության դեսպանություն բացելու որոշումը և Նիդեռլանդների արտգործնախարարի պաշտոնական այցը Երևան, Ձեր կարծիքով, ընդհանուր ի՞նչ նշանակություն ունեն և ի՞նչ գործոններով են պայմանավորված։ Այս վերջին ակտիվացումը կարո՞ղ ենք նոր շրջափուլի սկիզբ համարել հայ-նիդեռլանդական հարաբերություներում։

– Հայաստանում Նիդեռլանդների դեսպանատուն բացելու քայլը այլևս ողջունելի իրողություն է, որին երկար տարիներ ձգտել են հասնել թե՛ այստեղ գործող հայկական կազմակերպություններն ու կառույցները, մասնավորապես՝ Հոլանդահայ կազմակերպությունների ֆեդերացիան՝ ի դեմս Մաթո Հախվերդյանի, և թե՛ հայկական դիվանագիտական կողմը: Չնայած այս ուղղությամբ տարիների համառ ջանքերին՝ Նիդեռլանդները միայն այս տարի որոշեց դեսպանություն ունենալ Երևանում: Ի դեպ, Հայաստանը տարածաշրջանի միակ երկիրն էր, որտեղ չկար նիդեռլանդական դեսպանատուն: Այս քայլն անելիս նիդեռլանդական կողմը ծանրութեթև արեց դեսպանատուն բացելու հիմնավոր փաստարկները, հաշվի առավ տարածաշրջանային ընդհանուր զարգացումները և Թբիլիսիից ու Բաքվից հետո նպատակահարմար գտավ հաստատվել նաև Երևանում:Միանշանակ հենց այս նկատառումներով էլ պաշտոնական այցով Հայաստան էր ժամանել Նիդեռլանդների Թագավորության արտաքին գործերի նախարար Ստեֆ Բլոկը, որն իր հայ գործընկերոջը` Հայաստանի ԱԳ նախարար Զոհրաբ Մնացականյանին փոխանցեց Երևանում Նիդեռլանդների Թագավորության դեսպանություն բացելու վերաբերյալ պաշտոնական դիմումը:Ընդհանրապես նախարարի մակարդակով սա նիդեռլանդական կողմի առաջին այցն էր Հայաստան: Դատելով մամուլի հրապարակումներից՝ հայաստանյան հանդիպումները ջերմ ու կառուցողական էին: Այդ իսկ պատճառով, իրոք, այն կարող ենք հայ-նիդեռլանդական հարաբերությունների նոր սկիզբ համարել:Երևանում Նիդեռլանդների դեսպանության բացման որոշումը թելադրված է Հայաստանի նկատմամբ Նիդեռլանդների աճող հետաքրքրությամբ և փոխշահավետությամբ: Այն մեկ օրում չի ձևավորվել և հասունացման փուլ մտավ 2018 թվականի ապրիլին`Թավշյա հեղափոխությունից հետո:Հետաքրքիր է, որ Նիդեռլանդների ԱԳՆ կայքը Հայաստանում դեսպանություն բացելու հիմնավորումներից մեկը համարել է Հայաստանի ռազմավարական նշանակությունը Նիդեռլանդների համար։  Նաև այն, որ հեղափոխությունից հետո նոր կառավարությունը արդիականացնում է երկիրը և պայքարում է կոռուպցիայի դեմ:  Նիդեռլանդները գտնում է, որ տարբեր գործընթացներում կարող է աջակցել Հայաստանին: Արտգործնախարար Ստեֆ Բլոկը այդ մասին Երևանում էլ է արտահայտվել՝ նշելով, որ Հայաստանը գտնվում է Եվրոպայի ու Ասիայի միջև, բավական բարդ տարածաշրջանում: Երկրները կարող են բարգավաճել, եթե համագործակցեն։ Սա առանցքային դեր ունի: Հսկայական ներուժ կա, որ կարող է ձևավորվել Նիդեռլանդների ու Հայաստանի կառավարությունների համագործակցության արդյունքում: Սերտ դիվանագիտական հարաբերությունները հաստատված են։  Հաջորդ քայլը այդ կապերի խորացումն է:

– Ինչպե՞ս եք այս համատեքստում գնահատում Նիդեռլանդներում ՀՀ դեսպանության աշխատանքը։

– Ավելի, քան դրական: Բնականաբար, այս ուղղությամբ հայկական դեսպանության կողմից բազմաթիվ կազմակերպչական բնույթի ու մեծ ծավալի աշխատանքներ են կատարվել, որոնց տեսանելի մասն աննշան է: Երևի դիվանագիտական աշխատանքի բնույթն է այդպիսին: Նշեմ, որ խորհրդարանականների հետ դեսպանի ունեցած ջերմ հարաբերությունները ևս նպաստեցին, որ Նիդեռլանդների կառավարությունը ընդառաջ գնաց Երևանում դեսպանություն բացելու խնդրին: Պատահական չէ, որ 2019 թ. դեկտեմբերի 5-ին Նիդեռլանդների խորհրդարանի բոլոր խմբակցությունները, բացի մեկից, կողմ եղան արտաքին գործերի նախարարության 2020 թ. բյուջեի լրացմանը, որով անհրաժեշտ միջոցներ` երկու մլն եվրո հատկացվեց Երևանում Նիդեռլանդների դեսպանության բացմանը: Որոշմանը դեմ եղան ընդամենը 3 հոգի, որից երկուսը ազգությամբ թուրք են, մեկը` մարոկացի: Այս խմբակցությունը` բաղկացած 3 մարդուց, ունի  DENK անունը և աննշան դերակատարություն ունի խորհրդարանում:Երևանում դեսպանություն բացելու որոշումը հունվարի 16-ին նշվել է Նիդեռլանդների խորհրդարանում` դեսպան Տիգրան Բալայանի նախաձեռնությամբ: Նիդեռլանդների Ներկայացուցիչների պալատում, արտաքին հարաբերությունների հանձնաժողովի անդամների և կուսակցական խմբակցությունների ներկայացուցիչների հետ, հոլանդահայ կազմակերպությունների ֆեդերացիայի նախագահ Մաթո Հախվերդյանի, նույն կազմակերպության քարտուղար Ինգե Դրոստի մասնակցությամբ հայ-նիդեռլանդական  բարեկամությունը խորհրդանշող գեղեցիկ տորթով նշվել է Հայաստանում Նիդեռլանդների դեսպանության բացման խորհրդարանական նախաձեռնության հաջողությունը։ԱԳՆ բյուջեում լրացումը նախաձեռնած պատգամավորներին դեսպան Բալայանը Հայաստանի կառավարության անունից շնորհակալություն է հայտնել Հայաստանում ընթացող գործընթացներին աջակցելու և հայ-նիդեռլանդական հարաբերությունների ընդլայնումը խթանող կարևոր քայլի համար։ Նա նշել է, որ դեսպանության հիմնումը խորհրդանշում է երկկողմ հարաբերություններում արձանագրված առաջընթացը և փոխգործակցությունը խորացնելու երկուստեք տրամադրվածությունը։Դեսպան Տիգրան Բալայանի նախաձեռնությունն էր, որ 2019 թ. հոկտեմբերին ՀՀ Ազգային ժողովի նախագահ Արարատ Միրզոյանի գլխավորած պատվիրակության` Նիդեռլանդների Թագավորություն պաշտոնական այցի շրջանակում ձևավորվեց Հայ-նիդեռլանդական միջխորհրդարանական բարեկամության խումբը: Այդ ժամանակ բարեկամական շրջանակի հոլանդական կողմի անդրանիկ նիստը համանախագահեցին ՀՀ ԱԺ փոխնախագահ Ալեն Սիմոնյանը և Նիդեռլանդների Ներկայացուցիչների պալատի արտաքին հարաբերությունների հանձնաժողովի անդամ Ջոել Ֆորդևինդը: Ուրախությամբ տեղեկացա, որ  Երևանում օրեր առաջ`հունվարի 24-ին, ՀՀ ԱԺ նախագահի տեղակալ Ալեն Սիմոնյանի և Նիդեռլանդների Թագավորությունում ՀՀ դեսպան Տիգրան Բալայանի համանախագահությամբ տեղի է ունեցել Հայաստան-Նիդեռլանդներ բարեկամության շրջանակի արդեն հայկական կողմի անդրանիկ նիստը: Այս նիստերին մասնակցել են երկու կողմերի խորհրդարանների անդամներ, համայնքի ներկայացուցիչներ, մշակութային և կրթական գործիչներ:Հավելեմ, որ Նիդեռլանդների ԱԳ նախարար Ստեֆ Բլոկի՝ հունվարի 22-ից 23-ը Հայաստան կատարած պաշտոնական այցի ողջ ընթացքում պատվիրակության դիմավորողների և ուղեկցողների խմբում է եղել Նիդեռլանդներում Հայաստանի արտակարգ և լիազոր դեսպան Տիգրան Բալայանը:

– Երկկողմ հարաբերությունների զարգացման ու ակտիվացման գործում ի՞նչ դեր են խաղում հայկական դեսպանությունն ու հոլանդահայ համայնքը։ Ի՞նչ կարող եք պատմել հայաստանյան ընթերցողներին Նիդեռլանդների հայ համայնքի անցուդարձի, հասարակական-քաղաքական ակտիվության մասին։ Ի՞նչ դեր են հայերը խաղում այդ երկրում, հետևո՞ւմ են արդյոք հայաստանյան զարգացումներին, որքանո՞վ են պահում կապը Հայաստանի հետ։

– Սրանք հենց այն թեմաներն են, որ փորձում է «Նիդեռլանդական օրագիրը» լուսաբանել, լինել հայ համայնքների ու դեսպանության կողքին, փոխլրացնել առանց այն էլ  լավ կապը:Չմանրամասնենք դեսպանության ունեցած որոշիչ դերը․ նախորդ հարցի շուրջ այդ մասին փոքր-ինչ խոսեցինք: Երևի  բարեբախտություն է, որ Նիդեռլանդներում ունենք  ԱԳՆ երկու նախկին խոսնակներին` որպես դեսպան: Նախկինը Ձյունիկ Աղաջանյանն էր (2011-2018 թթ․), ներկայինս` Տիգրան  Բալայանը: Երկուսն էլ արժանավայել մեծ ներդրում ունեն  հայ-նիդեռլանդական անցյալի ու ներկայիս ձևավորվող հարաբերություններում, առավելագույնն են արել` ըստ արժանվույն ներկայացրել Հայաստանը: «Դիվանագիտությունը ստեղծագործ աշխատանք է և հնարավորի արվեստ»․ սա դեսպան Բալայանի ձևակերպումն է` որն այժմ կյանքի է կոչում:Չնայած հայ համայնքների ու դեսպանության դերն ու խնդիրները, նպատակներն ու գործառնությունները բավական տարբեր են, այդուհանդերձ, նրանք նույն առաքելությունն են  իրականացնում` օգտակար լինել Հայաստանին, բարձր պահել հայրենիքի սուրբ անունն ու  պատիվը: Այստեղից էլ մեկ ընդհանրացում` «հայրենակիցներից յուրաքանչյուրը յուրատեսակ դեսպան է սփյուռքում»: Սա արդեն Նիդեռլանդներում ՀՀ դեսպանի մյուս ձևակերպումն է, որին պետք է համաձայն լինել:  Նիդեռլանդներում սփռված հայ համայնքը իր օրինակելի վարքով, ստեղծագործ աշխատանքով,  հասարակական-քաղաքական ակտիվությամբ տարեց տարի ավելի ազդեցիկ ու ծանրակշիռ է դառնում:Կուզեի առանձնացնել Հաագայի Աբովյան մշակությային միության (Մաթո Հախվերդյան), Ամստերդամի «Գրիգոր Նարեկացի հիմնադրամի» (Վահան Ավագյան), Ալմելոյի (Օնիկ Գելիջի), Նայմեխենի «ՎԱՆ » միության (Սվետա Աբրահամյան),  Դեն-Բոսի «Ուրարտու» (Տոնի Բոգոսյան) և «Կոմիտաս» (Մարո Կարյան), Մաստրիխտի «Անի» (Լևոն Սարգիս) և 30-ից ավելի հայկական կազմակերպությունների ու  կառույցների աշխատանքները, որոնք հայապահպանությունից բացի՝ ամուր կամուրջ են հայ-նիդեռլանդական բարեկամական հարաբերություններում: Դեսպանությունը իր հերթին մշտապես համագործակցում է անխտիր բոլոր կառույցների, նաև որևիցե  կառույց չներկայացնող անհատների հետ` հաղորդակից լինում  նրանց խնդիրներին, լուծումներ առաջարկում:Ավելի ու ավելի շատ հայ երիտասարդներ են ներգրավում երկրի հասարակական, քաղաքական, տնտեսական կյանքին, իրենց տեղն են գտնում բարձր տեխնոլոգիայի, իրավաբանության, բժշկության, կրթության, սպորտի, բիզնեսի և այլ ոլորտներում: Նման ինտեգրումը չի  կարող դրական ազդեցություն չունենալ հայ-նիդեռլանդական գործող հարաբերություններում: Միառժամանակ ավելի հաճախակի են դառնում մեր երկու ժողովուրդների մշակութային շփումները, որը փոխադարձ ճանաչողության նոր մակարդակ է ապահովում: Սրա կողքին մեր հայրենակիցները բավական զգայուն են հայրենիքում տեղի ունեցող զարգացումներին: Օրինակ` Թավշյա հեղափոխության վճռական օրը` 2018 թ. ապրիլի 23-ին, Հաագայում`Արդարադատության միջազգային դատարանին հարակից հրապարակում, ինքնաբուխ բողոքի ցույց են արել: Այժմ ավելի է հաճախացել հայրենիք այցելողների թիվը:Համայնքների մասին կարելի է առանձին-առանձին ու երկար խոսել` արտաքին մարտահրավերներից մինչև ներքին տարաձայնություններ: Ասեմ ամենակարևորի մասին. հայ համայնքը ակտիվ ձևավորման փուլում է, կարող սերունդ է մեծանում, կարծում եմ՝ զգալի աշխատանք կա, որպեսզի նոր սերունդը իր ուսերին վերցնի համայնքը վերակազմավորելու ու միավորելու խնդիրը:

– Իսկ ընդհանրապես ի՞նչ հեռանկարներ ունեն Հայաստանի և Նիդեռլանդների հարաբերությունները, ընդհանուր հետաքրքրություն ներկայացնող ի՞նչ ոլորտներ, որոնց շուրջ երկու երկրները կարող են զարգացնել երկկողմ հարաբերությունները։

– Հայաստանը Նիդեռլանդների հետ հեռանկարային առումով ունի հնարավորության լայն սահմաններ: Առկա մեծ ներուժի լիարժեք կիրառման դեպքում Հայաստանը մեծ օգուտներ կքաղի: Հայաստանը եթե անգամ կիրառի այս երկրի  տարբեր բնագավառների կուտակած հարուստ փորձը, ապա լուրջ ձեռքբերումներ կունենա:   Հայաստանի վիճակագրական կոմիտեի վերջին տվյալների համաձայն` անցած տարվա հունվար-նոյեմբեր ամիսներին հայ-նիդեռլանդական առևտուրը կազմել է 178 միլիոն 10 հազար դոլար, ինչը 2018 թ. առաջին 11 ամիսների համեմատ ավելի է 6.1%-ով։  Հաջողություններն առկա են առևտրի ու տնտեսական ոլորտներում, որը կարել է խորացնել: Ակտիվանում են գործարար կապերը, մասնավորապես գյուղատնտեսության, կաթնարդյունաբերության, բարձր տեխնոլոգիաների և այլ ոլորտներում։Մշակույթի ու գիտության ասպարեզում կարելի է ևս առաջընթաց ապահովել: Որպես  հեռանկարային ուղղություններ, կարելի է առանձնացնել  կրթության, բարձր տեխնոլոգիաների, զբոսաշրջության, գյուղատնտեսության, արդարադատության, բանկային ոլորտները: Համագործակցության հեռանկարներ կան նաև տեղեկատվական տեխնոլոգիաների, ինչպես նաև հումանիտար բնագավառներում, նաև թափոնների վերամշակման և կառավարման, ջրային ռեսուրսների կառավարման, բարձր տեխնոլոգիաների ու առողջապահության բնագավառներում:  Նիդեռլանդները երկրագործական և բանջարաբոստանային ապրանքների աշխարհի ամենախոշոր արտահանողներից է, բայց գյուղատնտեսության այս ոլորտում աշխատում է մասնագիտական բնակչության ընդամենը 4%-ը։ Սա շնորհիվ նրա է, որ գյուղատնտեսությունը ամբողջովին ավտոմատացված է: Ներդրումային գրավիչ ծրագրերը ևս օգուտներ կբերեն:

– Ձեր կարծիքով՝ ի՞նչ դեր կարող է Ամստերդամը խաղալ Հայաստան-Եվրամիություն հարաբերություններում։Նիդեռլանդները համարվում է Եվրամիության առաջատար երկրներից մեկը, որն այս կառույցին ավելի շատ ներդրումներ է անում, քան սպառում: Հետևաբար, Հայաստան-Եվրամիություն հարաբերությունում երկուստեք արժեքավոր  է Համապարփակ և ընդլայնված գործընկերության համաձայնագրի (CEPA) դերը: Պայմանագրի կիրառումը կարևոր գործիք է Հայաստանի կառավարության կողմից իրականացվող բարեփոխումների գործընթացի խթանման համար, իսկ մյուս կողմից բարենպաստ պայմաններ կստեղծվեն ԵՄ անդամ երկրների հետ ուղիղ հարաբերություններ հաստատելու համար:Նիդեռլանդներն իրապես շահագրգիռ է Հայաստանում բարեփոխումների ընթացքով: Այդ է պատճառը, որ տարվա վերջում սկզբում Նիդեռլանդների ներկայացուցիչների պալատը, այնուհետև՝ ընդամենը 5 օր հետո, Նիդեռլանդների Սենատը, առանց քննարկման և քվեարկության, միաձայն վավերացրեցին Հայաստան-Եվրամիություն Համարփակ և ընդլայնված գործընկերության համաձայնագիրը։ Եվրամիության բոլոր երկրների կողմից պայմանագիրը վավերացնելուց հետո Հայաստանի համար դուռ է բացվելու դեպի ԵՄ երկրներ մուտքի արտոնագրերի ազատականացման շուրջ բանակցություններ:Եվրամիության հետ գործընկերությունը կամրապնդի Հայաստանի հեղինակությունն ու դիրքերը միջազգային և տարածաշրջանային տարբեր հարցերի շուրջ բանակցություններում, էլ չեմ ասում, որ կարժանանա այս երկրների աջակցությանն ու օժանդակությանը:

– Վարչապետ Նիկոլ Փաշինյանն ասել է, որ նախատեսում է այս տարի պաշտոնական այցով մեկնել Նիդեռլանդներ։ Արդեն հայտնի է, որ այցը տեղի կունենա գարնանը։ Ի՞նչ նշանակություն ունի այս այցը Ձեր կարծիքով։ Այն կարո՞ղ է նոր ազդակ հաղորդել երկկողմ հարաբերությունների զարգացմանը։

– Անշուշտ: Վարչապետ Նիկոլ Փաշինյանի այցը Նիդեռլանդներ շատ հարցերով դրական ազդեցություն է թողնելու ինչպես հայ-նիդեռլանդական երկկողմ, այնպես էլ Եվրամիության անդամ երկրների հետ հարաբերությունների վրա: Մեր վարչապետին այստեղ լավ են ճանաչում: Նիդեռլանդական մամուլն ու հեռուստատեսությունը բավարար լուսաբանել ու շարունակում են լուսաբանել նոր Հայաստանի իրողությունները: Անցյալ տարեվերջին Ազգային ժողովի նախագահի պատվիրակության այցին ընդառաջ հեղափոխությանը նվիրված ցուցահանդես էր բացվել: Մամուլով մեկ անգամ չէ, որ խոսվել է Հայաստանում ընթացող բարեփոխումների մասին: Այնպես որ` բարով գա, այստեղ նա լավ ընդունելության կարժանանա թե՛ երկրի քաղաքական ղեկավարության, և թե՛ հայ համայնքի կողմից: Չեմ կասկածում, որ նոր համագործակցության ուղիներ կհարթվեն, ձեռք կբերվեն արժեքավոր համաձայնություններ ու պայմանավորվածություններ:

– Փաշինյանն ասել էր, թե իր այցը կլինի Հայաստանի ղեկավարի առաջին այցը Նիդեռլանդներ՝ երկու երկրների միջև դիվանագիտական հարաբերությունների հաստատումից ի վեր։ Բայց ՀՀ ԱԳՆ-ի պաշտոնական կայքից տեղեկանում ենք, որ նախկինում Նիդեռլանդների Թագավորությունում եղել են նաև նախագահներ Լևոն Տեր-Պետրոսյանը և Սերժ Սարգսյանը։ Գուցե Նիկոլ Փաշինյանը նկատի ունի Հայաստանի ղեկավարի առաջին պաշտոնակա՞ն այցը Նիդեռլանդներ։ Ի՞նչ տեղեկություններ ունեք այս հարցի վերաբերյալ։

– Դուք ճիշտ եք կռահել. սա Նիկոլ Փաշինյանի` Հայաստանի վարչապետի առաջին պաշտոնական այցն է լինելու Նիդեռլանդներ: Նախկին բարձրաստիճան պաշտոնյաների այցը Նիդեռլանդներ այլ շրջանակներում է եղել: Օրինակ` 2014 թ. մարտին Սերժ Սարգսյանը Նիդեռլանդներ էր եկել աշխատանքային այցով` մասնակցելու Հաագայում կայանալիք Միջուկային անվտանգության գագաթնաժողովին: Մեկ անգամ էլ Սերժ Սարգսյանը Նիդեռլանդներ է եկել 2016 թվականին՝ մասնակցելու Եվրոպական ժողովրդական կուսակցության (ԵԺԿ) գագաթնաժողովին: Ես հենց նոր ճշտեցի Հոլանդահայ կազմակերպությունների ֆեդերացիայի նախագահ Մաթո Հախվերդյանից` առաջին նախագահ Լևոն Տեր-Պետրոսյանի այցը ևս պաշտոնական չի եղել:  Այնպես որ` Երևանում Նիդեռլանդների հետ ուղիղ դիվանագիտական հարաբերություններ հաստատելու շեմին մեր երկրի ղեկավարը գարնանը առաջին անգամ պաշտոնական այցով կլինի Նիդեռլանդներում:

ՀԵՏԱՔՐՔԻՐ ՓԱՍՏԵՐ ՆԻԴԵՐԼԱՆԴՆԵՐԻՑ

ՀԵՏԱՔՐՔԻՐ ՓԱՍՏԵՐ ՆԻԴԵՐԼԱՆԴՆԵՐԻՑ

Մաս 1

(թե ինչպես ամբողջ աշխարհից "գողանալ" ամենաբարձր մակարդակի մասնագետներին)

Marisha Shik-anyan/Nid.oragir: Որոշել եմ հատվածաբար պատմել էստեղի կյանքի պլյուսների ու մինուսների մասին. թե չէ հա ասում եմ, որ հիանում եմ էս երկրով, բայց չեմ պատմում, թե ինչի:

Եվ այսպես...

Նիդերլանդների թագավորության բնակչությունը չափազանց բազմազգ է: Պետությունը զարգացնելու ու էլ ավելի ծաղկեցնելու, ինչպես նաև աշխատանքային շուկայում մրցունակ գիտելիքներով մասնագետների պակասը լրացնելու նպատակով էստեղ ստեղծվել են այն բոլոր հնարավոր ու անհնար պայմանները` խելացի երիտասարդ մասնագետներին արտերկրից փախցնել-բերելու համար: Այստեղ կողք-կողքի ապրում են աշխարհի ամենատարբեր երկրներից ժամանակավոր կամ հիմնական բնակություն հաստատած մարդիկ:

(Ինչն իր հետաքրքրությունները և, իհարկե, դժվարություններն ունի:))

*Փաստ 1

Աշխատանքային հրավերով/աշխատանքային ապրելու իրավունքով Նիդերլանդներ ժամանած մասնագետներին ու նրանց ընտանիքի անդամներին անվանում են "էքսպատներ": Նրանց կյանքը միտումնավոր մաքսիմալ հեշտացված է Նիդերլանդներում, համենայնդեպս` առաջին 5 տարվա կտրվածքով:

- Նրանք տեղափոխվում են ընտանիքներով, գործատուն հոգում է ողջ ընտանիքի փաստաթղթերի պատրաստումը, տոմսերի ու վիզաների ծախսերը, անձնական իրերի տեղափոխումը (մեզ կես կոնտեյներ տեղ էին հատկացրել տեղափոխվելուց, իսկ բեռնափոխադրումներ իրականացնող ընկերության աշխատակիցներն իրենք փաթեթավորեցին մեր իրերը և ուղարկեցին):


- Առաջին 1 ամսվա համար գործատուն էքսպատի ընտանիքին ապահովում է անվճար բնակարանով/տնով` հիմնականում տվյալ քաղաքի կենտրոնական հատվածներում տեղակայված: Այս մեկ ամսվա մեջ դու պարտավոր ես գտնել քո հիմնական բնակարանը կամ տունը և տեղափոխվել: Մեծ (ու իրեն հարգող 😀) ընկերությունները "նորակոչիկներին" տրամադրում են նաև անձնական խորհրդատուներ, ովքեր այդ մեկ ամսվա ընթացքում քեզ օգնում են տուն գտնելու հարցում (շուկան իր յուրահատկությունն ունի, ինքնուրույն գլուխ հանելը բավական բարդ կլինի), տրամադրում են տեղեկատվություն, օգնում ինտեգրվելուդ առաջին քայլերում, ընդհուպ մինչև գրանցում ատամնաբուժարանում, կամ ընտանեկան բժշկի կաբինետում (մեր դեպքում հենց էդպես էլ եղավ):

- Եթե Նիդերլանդներում վարորդական իրավունք ստանալը մեծ գումարների հետ է կապված (պարտադիր դասերի հաճախում, քննությունների հանձնում` մոտավոր մինչև 5000 Եվրո ), ապա էքսպատների համար գործում են հատուկ պայմաններ)))) Տեղափոխվելուց հետո մենք ունեինք 6 ամիս մեր հայկական վարորդական իրավունքներով երթևեկելու համար: Այդ ընթացքում իրավունք ունեինք փոխել մեր հայկական վարորդականները ու ստանալ հոլանդականը` վճարելով ադմինիստրատիվ փոքրիկ գումար:

- Առաջին հինգ տարում էքսպատների համար մշակված է "30% ռուլինգ" կոչվող մի սխեմա, որի շնորհիվ քո եկամտի 30% չի հարկվում, այլ միայն 70 տոկոսը, ինչի արդյունքում "մաքուր" ավելի շատ գումար ես ստանում ամսեկան: 8 տարի ժամկետով էր նման հրաշքը, բայց անցած տարի նվազեցրին, դարձրեցին 5: 😩 Մեր մեջ ասած, մի ձևի ծիծաղելի ու նույնիսկ մի քիչ անարդար է ստացվում. կողքդ աշխատող հոլանդացու հետ կարող ես անել նույն գործը, ունենալ հավասար "կեղտոտ" աշխատավարձ, բայց փաստացի ստանալ ավելի շատ, քանի որ խեղճը հավեսով հարկվումա, իսկ դու` ոչ )))))) (բա հիմա ով լինի չկատաղի էս էքսպատների վրա : ) )

- 5 տարի Նիդերլանդներում ապրելուց հետո կարող ես դիմել քաղաքացիության: Բայց պետք է հանձնես հոլանդերեն լեզվի տարրական իմացությունդ փաստող քննություն:

*Փաստ 2

- Եթե ոչ ամեն մեկը, ապա ամեն երկրորդը էստեղ գիտի անգլերեն: Մարդիկ Նիդերլանդներում ապրում ու աշխատում են տարիներով` չտիրապետելով հոլանդերենին (մարդ կա 18 տարի ապրում է Ամստերդամում, բայց հոլանդերենը շատ վատ մակարդակի վրա է, կարելի է ասել, չի էլ խոսում. ես էդպիսի ընկերուհի ունեմ): Մենք էլ նոր-նոր ենք սկսել սովորել, ինչ մեղքներս թաքցնենք))

Իհարկե, հոլանդերենի իմացությունը քեզ կօգնի ավելի բազմազան դարձնել աշխատատուի ընտրությունը ու կհեշտացնի աշխատանք գտնելու գործընթացը, այնուամենայնիվ` էստեղ կան շատ-շատ միջազգային ընկերություններ, որտեղ անգլերենի իմացությունը լրիվ բավարար է աշխատելու համար:

- Սակայն ամեն ինչ այնքան էլ հեքիաթային չէ. առաջին հայացքից հեշտ թվում է, բայց իրականում էստեղ աշխատանք գտնելը բավական դժվար է ու, ինչպես շատերն են ասում, բախտի բան է: Որոշ ընկերություններում (հիմնականում` ՈՉ միջազգային) դժվարացնող հանգամանք կարող է լինել այն, եթե չտիրապետես հոլանդերենին: Բացի այդ, աշխատանքի ընդունելու գործընթացում կարող է դեր ունենալ ազգային պատկանելիությունը. եթե ունես նույն փորձը և գիտելիքները, ինչ քո "մրցակից" ազգությամբ հոլանդացի թեկնածուն, ապա կա մի օրենք, համաձայն որի Նիդերլանդներում գրանցված գործատուն պարտավոր է թափուր տեղը հատկացնել Հոլանդիայի քաղաքացուն:


*Փաստ 3

Նիդերլանդները հայտնի են նրանով, որ էստեղ շատ հանգիստ է կյանքը, մարդիկ "ռելաքսի" մեջ են ապրում, շատ քիչ են աշխատանքային ժամից ավել աշխատողները (օվերթայմ): Էստեղ շատ տարածված է տանից աշխատելու պրակտիկան: Բայց ամենահետաքրքիր փաստն այն է, որ որքան աշխատավարձդ տարեցտարի աճում է, այնքան էլ ավելի աճում են հարկերդ: Ու կա մի աշխատավարձի չափ, որ արդեն «ձեռք» չի տալիս ստանալ, քանի որ հարկերը գերազանցում են աշխատավարձդ` արդյունքում ավելի քիչ գումար ես ստանում հարկերը վճարելուց հետո։ Սակայն սրա լուծումն էլ են գտել խորամանկները))) Հասնում են էս շեմին ու խնդրում են գործատուներին, որ այսուհետ ոչ թե բարձրացնեն աշխատավարձը, այլ ուղղակի շաբաթական մեկ ավել ազատ օր տրամադրեն իրենց: ))) Ու էդպես տարեցտարի քո աշխատավարձը մնում է նույնը, բայց աշխատում ես շաբաթը չորս օր, հետո երեք օր... Հրաաաաշք ))))

Երևի սա՞ է երջանիկ ու անհոգ լինելու բանաձևերից մեկը)))

Երևի սա՞ է երջանիկ ու անհոգ լինելու բանաձևերից մեկը)))
Շարունակելի...

2020 թվականի Դեսպանատան ֆեյսբուքյան էջի հունվարյան ամփոփագիր-2

2020 թվականի Դեսպանատան ֆեյսբուքյան էջի հունվարյան լուրերում առանձնապես  աչքի ընկավ Նիդերլանդների  արտգործնախարարի պատմության մեջ առաջին այցը հայաստան:
Նախարար Ստեֆ Բլոկի գլխավորած պատվիրակությանը դիմավորողների  և ուղեկցողների թվում էր  Նիդերլանդներում Հայաստանի Հանրապետության արտակարգ և լիազոր դեսպան Տիգրան  Բալայանը:

Ստեֆ Բլոկի այցը, այցելություն Ցեղասպանության հուշհամալիր, մամուլի ասուլիսը (տեսաերիզներ, լուսանկարներ)  իրադարձությունների  մասին այս թողարկման մեջ:
ՈՒՇԱԴՐՈՒԹՅՈՒՆ. Դեսպանատան կայքի    հունվար (2020) ամսվա  ոչ բոլոր նյութերն ու լուսանկարներն են տեղադրվել մեր ամփոփագրում:

18 января в 13:21 Դեսպան Բալայանն այցելեց VakantieBeurs զբոսաշրջային ցուցահանդեսի Հայաստանի տաղավար  Հունվարի 18-ին դեսպան Տիգրան Բալայանն այցելեց VakantieBeurs խոշոր զբոսաշրջային ցուցահանդեսի Հայաստանի տաղավար, ուր հանդիպեց ցուցահանդեսին մասնակցող հայկական զբոսաշրջային կազմակերպությունների ներկայացուցիչների հետ։ Շնորհակալություն հայտնելով Հայաստանի և Արցախի զբոսաշրջային ուղղությունները հավուր պատշաճի ներկայացնելու համար` դեսպան Բալայանը գոհունակությամբ արձանագրելով այս հայաստանյան տուրօպերատորների առավել ներկայացուցչական մասնակցությունը կարևոր միջոցառմանը։ "Այս կարգի միջոցառումների մասնակցության շնորհիվ է նաև, որ Նիդերլանդներից Հայաստան զբոսաշրջային հոսքը շեշտակիորեն աճել է", - ընդգծեց Հայաստանի դեսպանը։  Հայաստանի տաղավարում Տիգրան Բալայանը նաև զրույց ունեցավ ցուցահանդեսի կազմակերպիչների հետ, որոնց հետ քննարկեց տաղավարի անխափան գործունեությանն առնչվող հարցեր։   

20 января в 13:03 ·  Նիդերլանդների Թագավորության Արտաքին գործերի նախարարը պաշտոնական այցով կժամանի Հայաստանի Հանրապետություն  Հունվարի 22-23-ին պաշտոնական այցով Հայաստանի Հանրապետություն կժամանի Նիդերլանդների Թագավորության արտաքին գործերի նախարար Ստեֆ Բլոկը: Հունվարի 23-ին ՀՀ ԱԳՆ-ում կկայանա Հայաստանի Հանրապետության և Նիդերլանդների Թագավորության ԱԳ նախարարների հանդիպումը, որից հետո կողմերը հանդես կգան համատեղ մամուլի ասուլիսով: Այցի շրջանակներում Նիդերլանդների Թագավորության արտաքին գործերի նախարար Ստեֆ Բլոկին կընդունի ՀՀ վարչապետ Նիկոլ Փաշինյանը: Նախարար Բլոկը կայցելի նաև Հայոց ցեղասպանության հուշահամալիր և հարգանքի տուրք կմատուցի Սուրբ նահատակների հիշատակին: https://www.mfa.am/hy/upcoming-events/2020/01/20/63 21 января в 22:38 ◾️ Նիդերլանդների Թագավորության արտաքին գործերի նախարարի ՝ հունվարի 22-ից 23-ը Հայաստան կատարելիք պաշտոնական այցը երկու երկրների միջև դիվանագիտական հարաբերությունների հաստատումից ի վեր Նիդերլանդների ԱԳ նախարարի առաջին երկկողմ այցելությունն է:  ◾️ Նախարարի այցին նախորդել է Նիդերլանդների Ներկայացուցիչների պալատի որոշումը՝ ՀՀ-ում դեսպանություն հիմնելու վերաբերյալ:  

◾️ Հայաստանի և Նիդերլանդների միջև համագործակցությունն ընթանում է մի շարք ոլորտներում՝ քաղաքական, առևտրատնտեսական, գիտակրթական, ՏՏ, մշակութային, արդարադատության, տարածքային ենթակառուցվածքների, ապակենտրոնացված համագործակցության և այլն։ Ակտիվանում են գործարար կապերը, մասնավորապես գյուղատնտեսության, կաթնարդյունաբերության, բարձր տեխնոլոգիաների և այլ ոլորտներում։  Հայաստանի Հանրապետության և Նիդերլանդների Թագավորության միջև երկկողմ հարաբերությունների վերաբերյալ հակիրճ տեղեկատվությանը կարող եք ծանոթանալ հետևյալ հղմամբ՝  https://bit.ly/2Rc5cCJ 22 января в 11:25 ·  Թումանյանի հեքիաթների նիդերլանդերեն թարգմանությունն իր տեղը զբաղեցրեց Հովհաննես Թումանյանի թանգարանի օտարալեզու հրատարակությունների շարքում

Նիդերլանդների ԱԳ նախարար Ստեֆ Բլոկի գլխավորած պատվիրակությունը ժամանել է Երևան 22 января в 18:13 ·   

Նիդերլանդների ԱԳ նախարար Ստեֆ Բլոկի գլխավորած պատվիրակությունը ժամանել է Երևան։ Օդանավակայանում Նիդերլանդների պատվիրակությանը դիմավորել են ՀՀ դեսպան Տիգրան Բալայանը և ՀՀ Արտաքին գործերի նախարարություն / Ministry of Foreign Affairs of Armenia Եվրոպայի վարչության պետ Տիգրան Սամվելյանը։#Dutch Delegation head by Foreign Minister Stef Blok arrived to #Armenia. Ambassador Tigran Balayan and Tigran Samvelian, Head of European department of MFA welcomed the Delegation at the airport.  23 января в 16:12 

Նիկոլ Փաշինյանը և Ստեֆ Բլոկը քննարկել են հայ-նիդերլանդական հարաբերությունների զարգացման հեռանկարները

Վարչապետ Նիկոլ Փաշինյանն ընդունել է պաշտոնական այցով Հայաստան ժամանած Նիդերլանդների Թագավորության արտաքին գործերի նախարար Ստեֆ Բլոկի գլխավորած պատվիրակությանը:  Վարչապետը ողջունել է պարոն Բլոկի այցը մեր երկիր և վստահություն հայտնել, որ այն նոր ազդակ կհաղորդի հայ-նիդերլանդական հարաբերությունների հետագա զարգացմանն ու ընդլայնմանը: Կարևորելով բարձրաստիճան փոխայցելությունների կազմակերպումը՝ վարչապետը հավելել է, որ այս տարի նախատեսվում է նաև իր պաշտոնական այցը Նիդերլանդներ, ինչը դիվանագիտական հարաբերությունների հաստատումից ի վեր կլինի Հայաստանի ղեկավարի առաջին այցն այդ երկիր: Նիկոլ Փաշինյանի խոսքով՝ ՀՀ կառավարությունը կարևորում է երկկողմ համագործակցությունը ինչպես քաղաքական, այնպես էլ տնտեսական ու հումանիտար բնագավառներում:  Այնուհետև վարչապետն անդրադարձել է Հայաստանում ժողովրդավարության զարգացման, կոռուպցիայի դեմ պայքարի ուղղություններով, դատական համակարգում և այլ ոլորտներում իրականացվող բարեփոխումներին և ընդգծել, որ ՀՀ կառավարությունը նշված ուղղություններով ձևակերպել է հագեցած և հավակնոտ օրակարգ և հետևողականորեն գնում է այն կյանքի կոչելու ճանապարհով:  Նիկոլ Փաշինյանը ողջունել է Նիդերլանդների խորհրդարանի կողմից Հայաստան-Եվրամիություն Համապարփակ և ընդլայնված գործընկերության համաձայնագրի վավերացումը, ինչը կարևոր նշանակություն ունի եվրոպական գործընկերների հետ հարաբերությունները և համատեղ ծրագրերն ընդլայնելու առումով:  Ստեֆ Բլոկը, շնորհակալություն հայտնելով ջերմ ընդունելության համար, նշել է, որ ակնհայտ տեսանելի են Հայաստանում տեղի ունեցող ժողովրդավարական գործընթացներն ու բարեփոխումները և ընդգծել, որ իր երկրի կառավարությունը ևս պատրաստ է փոխգործակցության արդյունքում նպաստել դրանց արդյունավետ իրականացմանը: Նիդերլանդների ԱԳ նախարարը հեռանկարային է համարել համագործակցությունը տնտեսության, այդ թվում՝ գյուղատնտեսության, տեղեկատվական տեխնոլոգիաների, ինչպես նաև հումանիտար բնագավառներում: Պարոն Բլոկը համոզմունք է հայտնել, որ վարչապետ Փաշինյանի այցը Նիդերլանդների Թագավորություն ևս կնպաստի երկկողմ հարաբերությունների օրակարգի հաստացմանն ու ընդլայնմանը:   Հանդիպման ընթացքում զրուցակիցները մտքեր են փոխանակել նաև Լեռնային Ղարաբաղի հակամարտության կարգավորման, ինչպես նաև տարածաշրջանային նշանակության հարցերի շուրջ:  

23 января в 18:46 ·   

ԱԳ նախարար Զոհրաբ Մնացականյանի հանդիպումը Նիդերլանդների Թագավորության արտաքին գործերի նախարար Ստեֆ Բլոկի հետ

Հունվարի 23-ին ԱԳ նախարար Զոհրաբ Մնացականյանը հանդիպեց պաշտոնական այցով Հայաստանում գտնվող Նիդերլանդների Թագավորության արտաքին գործերի նախարար Ստեֆ Բլոկի հետ: Հանդիպման սկզբում Նիդերլանդների ԱԳ նախարարը Զոհրաբ Մնացականյանին փոխանցեց Երևանում Նիդերլանդների Թագավորության դեսպանություն բացելու վերաբերյալ պաշտոնական դիմումը, ինչին ի պատասխան՝ ՀՀ ԱԳ նախարարը շնորհակալություն հայտնեց Նիդերլանդների Ներկայացուցիչների պալատի՝ Հայաստանում ներկայացուցչություն հիմնելու որոշման համար:  

Արտգործնախարարները գոհունակություն հայտնեցին Հայաստանի և Նիդերլանդների միջև տարբեր մակարդակներում առկա քաղաքական երկխոսության բարձր մակարդակի կապակցությամբ՝ ընդգծելով վերջինիս հետագա ամրապնդման ուղղությամբ քայլերի կարևորությունը, այդ թվում՝ արտաքին քաղաքական գերատեսչությունների միջև խորհրդակցությունների անցկացման, բարձրաստիճան փոխայցելությունների կազմակերպման միջոցով:   

24 января в 13:10 · ՀՀ ԱԳ նախարարի խոսքը և պատասխանները լրագրողների հարցերի Նիդերլանդների Թագավորության արտաքին գործերի նախարարի հետ համատեղ մամուլի ասուլիսին Հայաստան-Եվրամիություն հարաբերություննեերի խորությունը և ծավալն այնքան մեծ է, հարցերի քանակը՝ քաղաքականից մինչև տնտեսական, գիտակրթականից մինչև սեկտորալ համագործակցություն, և դա ամրագրված է շատ կարևոր պայմանագրի մեջ: Այս տարիների ընթացքում ձևավորված է այնքան խորը համագործակության փորձ, առկա է այնքան խորը ծավալ և ներգրավվածություն, որ բնականաբար այդ հարաբերությունները մեկ օրվա մեջ չեն փոխվում: Մեր և Եվրամիության մտադրությունն է միասին աշխատելու դեպի այդ հարաբերությունների խորացումը, ամրապնդումը:  

Տեղի է ունեցել Հայաստան-Նիդերլանդներ բարեկամության շրջանակի հայկական կողմի անդրանիկ նիստը24 января в 17:29

Հունվարի 24-ին ՀՀ ԱԺ նախագահի տեղակալ Ալեն Սիմոնյանի եւ Նիդերլանդների Թագավորությունում ՀՀ դեսպան Տիգրան Բալայանի համանախագահությամբ տեղի է ունեցել Հայաստան-Նիդերլանդներ բարեկամության շրջանակի հայկական կողմի անդրանիկ նիստը:ԱԺ փոխնախագահը հիշեցրել է, որ բարեկամության շրջանակը ձեւավորվել է 2019թվականի հոկտեմբերին ՀՀ ԱԺ նախագահ Արարատ Միրզոյանի` Նիդերլանդների Թագավորություն պաշտոնական այցի ընթացքում: Նպատակն է նպաստել երկու երկրների միջեւ քաղաքական, տնտեսական, կրթական ու մշակույթային կապերի խորացմանը:Կարեւորելով համագործակցության այս հարթակը՝ ԱԺ փոխնախագահը տեղեկացրել է, որ ապրիլ ամսվա ընթացքում նախատեսվում է ՀՀ Վարչապետ Նիկոլ Փաշինյանի պաշտոնական  այցը Նիդերլանդների Թագավորություն:Ալեն Սիմոնյանի խոսքով՝ Հայաստանում Նիդերլանդների Թագավորության դեսպանատան բացումը կնպաստի Հայաստանում տարբեր ծրագրերի իրականացմանը: Այս համատեքստում նա կարեւորել է ֆիլմարտադրության եւ մշակույթի ոլորտներում տարբեր միասնական նախաձեռնությունների իրագործումը:Նիստի մասնակիցները մտքեր են փոխանակել երկկողմ համագործակցության հնարավոր  ուղիների շուրջ: Պատգամավոր Նաիրա Զոհրաբյանը կարեւորել է մասնավորապես «Կինոյի մասին» օրենքի ընդունումը եւ Հայաստանի կողմից «Ստեղծագործ Եվրոպա» ծրագրի «Մեդիա» բաղադրիչի վավերացումը: Նա նաեւ տեղեկացրել է, որ Նիդերլանդներում արդեն գրանցված է հայ կենդանասերների կազմակերպություն, որն օգնելու է Հայաստանում թափառող կենդանիների համար ապաստարանների ստեղծման եւ տարբեր ծառայությունների մատուցման աշխատանքների կատարմանը:Նիստի մասնակիցները կարեւորել են նաեւ երկկողմ համագործակցության զարգացումը գյուղատնտեսության բնագավառում, ինչպես նաեւ մշակութային միջոցառումների անցկացումն ու տեղեկատվության փոխանակման անհրաժեշտությունը:Դեսպան Բալայանը հորդորել է  բարեկամության շրջանակի հայկական կողմի անդամներին մշակել եւ ներկայացնել երկու երկրների միջեւ համատեղ ծրագրերի իրականացմանն  ուղղված նախաձեռնություններ:   

Embassy of Armenia in The Netherlands/ Նիդերլանդներում ՀՀ դեսպանություն

25 января в 11:54 ·  100 փաստ նոր Հայաստանի մասին - Նիդերլանդներին վերաբերող կետեր17. 2019 թվականին ՏՏ ոլորտի 230 կազմակերպություն ստացել է հարկային արտոնություններ, որոնց թվում Սփյուռքից դիմածների թիվը կազմում է շուրջ 30 ընկերություն, ընդանուր առմամբ ոլորտում ստեղծվել են ավելի քան 1200 նոր աշխատատեղեր: Արտոնության համար դիմել են Ֆրանսիայից, ԱՄՆ-ից, Ռուսաստանից, Հոլանդիայից, Ավստրիայից, Վրաստանից, Շվեյցարիայից, Իրանից, Գերմանիայից, Միացյալ Թագավորությունից, Նիդերլանդներից: «ՆերՈւժ» ծրագրի շրջանակներում աշխարհի 17 երկրներից (Վրաստան, Բելառուս, Չինաստան, Չեխիա, Էստոնիա, Գերմանիա, Ֆրանսիա, Մեծ Բրիտանիա, Մալթա, Իռլանդիա, Լեհաստան, Իսպանիա, Լիբանան, Հարավային Կորեա, Ռուսաստան, ԱՄԷ, ԱՄՆ) Հայաստան են ժամանել ավելի քան 47 ընկերություններ, որոնցից հաղթողները կարժանանան դրամաշնորհի և կստանան Հայաստանում ապրելու և աշխատելու հնարավորություն։18. 2019 թվականի հունվար-սեպտեմբերին Հայաստան այցելած ներգնա զբոսաշրջային այցելությունների թիվը կազմել է 1.459.152, կամ աճը նախորդ տարվա հունվար-սեպտեմբերի համեմատ կազմել է 14.4%։ 2019 թվականի հունվար-սեպտեմբերին 2018-ի նույն ժամանակահատվածի համեմատ Հայաստան այցելած զբոսաշրջիկների թիվը Ռուսատանի Դաշնությունից ավելացել է 76.2%-ով, Գերմանիայից՝ 2.2 անգամ, Ֆրանսիայից՝ 2.3 անգամ, Իտալիայից` 62.8%-ով, Նիդերլանդներից՝ 98.6%-ով, Իրանից՝ 13.3%-ով, Վրաստանից` 11.7%-ով, Կանադայից՝ 43.8%-ով, Ուկրաինայից՝ 31.7%-ով։ 2019-ի հունվար-սեպտեմբերին նախորդ տարվա նույն ժամանակահատվածի համեմատ ներքին զբոսաշրջային այցելությունները աճել են 45.7%-ով:78. 2019-ի նոյեմբերին ՀՀ քաղաքացիների համար չեղարկվել է մուտքի արտոնագրերի պահանջը Սերբիայի և Քաթարի կողմից։ Այս տարվա հունվարի 19-ին ուժի մեջ է մտել Չինաստանի հետ կնքված մուտքի արտոնագրի պահանջի փոխադարձաբար վերացման մասին համաձայնագիրը։ Շվեդիան, Սլովակիան, Սերբիան եւ Նիդերլանդները Հայաստանում դեսպանատուն բացելու որոշում կայացրին:  29 января в 00:07 · Քիչ առաջ Ալմելոյի քաղաքային խորհուրդը միաձայն որոշում կայացրեց Էջմիածին քաղաքի հետ բարեկամական հարաբերություններ հաստատելու վերաբերյալ։Շնորհակալություն ենք հայտնում քաղաքապետ Արյեն Խերիթսենի և քաղաքային խորհրդի անդամներին Հայաստանի և Նիդերլանդների միջև ապակենտրոնացված համագործակցության զարգացման ուղղությամբ այս կարևոր քայլի համար։Հատուկ շնորհակալություն Սուրբ Գրիգոր Լուսավորիչ եկեղեցու խորհրդի ատենապետ Օնիկ Գելիջյանին` իր վճռական ներդրման համար։

29 января в 18:27 · Բաքվի ջարդերի վերաբերյալ ելույթ ՄԱԿ Հաագայի միջազգային մոդելի շրջանակներում Հունվարի 27-ին տեղի ունեցավ <<ՄԱԿ Հաագայի միջազգային մոդել>> հիմնադրամի կողմից ամենամյա համաժողովի բացման արարողությունը։ Համաժողովի շրջանակներում պատմական հարցերով ենթամոդելավորման ընթացքում կայացավ <<Իրավիճակը Սովետական Ադրբեջանում (12/13 հունվար, 1990թ․)>> զեկույցի քննարկումը։ Նշյալ զեկույցի քննարկումից հետո ելույթով հանդես եկավ Նիդերլանդների Թագավորությունում Հայաստանի Հանրապետության դեսպանության երրորդ քարտուղար Քրիստինե Ստեփանյանը։ Իր ելույթում անդրադարձ կատարելով 1990թ․ Բաքվի ջարդերին՝ Ք. Ստեփանյանը նշեց, որ, ցավոք, մինչ օրս ադրբեջանական իշխանությունները շարունակում են փաստերի ժխտմանն ուղղել ահռելի միջոցներ և ջանքեր։ Նա հավելեց, որ Սովետական Ադրբեջանի տարածքում հայկական բնակչության կոտորածների համար անպատժելիությունն իր պտուղներն է տալիս մեր օրերում․ Ադրբեջանական իշխանությունները ոչ միայն հրաժարվում են պատասխանատվություն ստանձնել մարդկության դեմ այս հանցագործությունների համար, այլև փորձում են զոհերին մեղադրել իրենց իսկ նկատմամբ կիրառված բռնությունների և կոտորածի համար։ Հարցի առնչությամբ ելույթից և լուսանկարային ապացույցների ու փաստավավերագրական ֆիլմերի ներկայացումից հետո Ք․ Ստեփանյանը պատասխանեց ենթամոդելավորման մասնակիցների բազմաթիվ հարցերի։

30.01.2020Op deze dag hebben 28 jaar geleden Armenië en Nederland diplomatieke betrekkingen tot stand gebracht.28 տարի առաջ այս օրը Հայաստանն ու Նիդերլանդները դիվանագիտական հարաբերություններ հաստատեցին։

Embassy of Armenia in The Netherlands/ Նիդերլանդներում ՀՀ դեսպանություն

14 ч. · Dans le cadre du Mois de la langue française et de la Francophonie 2020,les Ambassades francophones aux Pays-Bas, l'Alliance française de La Haye, le Lycée français Vincent van Gogh et l'Institut français des Pays-Bas, avec le soutien de TV5 Monde, ont le plaisir de vous présenter« La BD Francophone : un art engagé »Le jeudi 5 mars 2020 de 18h00 à 21h30, au Pathé Buitenhof à La HayeAccueil du public dès 17h30Pour illustrer le 9e art, nos invités – bédéistes, journalistes ou experts issus du monde francophone -présenteront leur travail et leurs démarches intellectuelle et artistique. La soirée sera également l’occasion de rencontres et de débats visant à faire évoluer les représentations sur cette discipline trop longtemps considérée comme un art mineur.L’événement sera suivi de moments d’échanges et de partage entre les intervenants et le public, autour de dégustations francophones.

PROGRAMME Modération : Sonia Déchamps18h00 : Mots de bienvenue de S.E. Tigran Balayan, Ambassadeur d’Arménie au nom du Groupe des Ambassadeurs francophones des Pays-Bas. Discours de S.E. Stéphane Lopez, Ambassadeur, représentant permanent de l’Organisation Internationale de la Francophonie auprès de l’Union Européenne.18h15 : 1ère table ronde : « Bande dessinée et devoir de mémoire ».19h00 : Intervention des élèves du Lycée Vincent van Gogh de La Haye.19h15 : 2ème table ronde : « La bande dessinée, témoin de la réalité ».20h00 : Dégustations offertes par les ambassades francophones.Avec Judith Vanistendael (Belgique), Emilie Plateau (France), Zeina Abirached (Liban), Mayro Comics (Arménie), Guy de Lisle (Québec/Canada), Jean Auquier, ancien directeur du centre belge de la BD à Bruxelles (Belgique) & Emile Bravo, dessinateur de Spirou, parrain de l’évènement (France).  

14 ч. · ՀԱՅԿԱԿԱՆ «ԿԻՆՈԴԵՍԱՆՏ» ՌՈՏԵՐԴԱՄԻ ՄԻՋԱԶԳԱՅԻՆ ԿԻՆՈՓԱՌԱՏՈՆՈՒՄՀայաստանի կինեմատոգրաֆիստների միության նախագահ, Երևանի «Ոսկե Ծիրան» միջազգային կինոփառատոնի նախագահ ՀԱՐՈՒԹՅՈՒՆ ԽԱՉԱՏՐՅԱՆԸ Ռոտերդամի միջազգային կինոփառատոնի հրավերով մասնակցում է փառատոնի աշխատանքներին:Արդեն կայացել են մի շարք հանդիպումներ և քննարկումներ փառատոնի ղեկավարության հետ:Հարություն Խաչատրյանի մի շարք ֆիլմերի համաշխարհային պրեմիերաներ կայացել են հենց Ռոտերդամի միջազգային կինոփառատոնում և Հայաստանն ու հայկական կինոն մեծ համարում ունեն:Ռոտերդամի միջազգային կինոփառատոնում ընդգրկված է նաև երիտասարդ կինոռեժիսոր ՍԻԼՎԱ ԽՆԿԱՆՈՍՅԱՆԻ «Վախենալու ոչինչ չկա» վավերագրական ֆիլմը՝ նվիրված Արցախի սակրավորներին, որի փակ ցուցադրությունը վերջերս կայացավ Հայաստանի կինեմատոգրաֆիստների միության փոքր կինոսրահում:Տեղեկացնենք նաև, որ Ռոտերդամում է «Ոսկե Ծիրան» միջազգային կինոփառատոնի աշխատանքային խումբը՝ փառատոնի գեղարվեստական տնօրեն ԿԱՐԵՆ ԱՎԵՏԻՍՅԱՆԸ, Gaiff Prօ -ի ղեկավար ՄԵԼԻՔ ԿԱՐԱՊԵՏՅԱՆԸ, ծրագրի համակարգող ՍՈՆԱ ԿԱՐԱՊՈՂՈՍՅԱՆԸ:Այս մասով բոլոր անակնկալները՝ 17-րդ «Ոսկե Ծիրան»-ում, որը կկայանա 2020թ. հուլիսի 12-19-ը:Հայաստանի կինեմատոգրաֆիստների միության նախագահ Հարություն Խաչատրյանը Ռոտերդամում մի շարք հանդիպումներ ունի նաև ««Ազգային Սինեմատեք կոնցեպտ» ստեղծարար կրթական-մշակութային զբոսաշրջային միջավայր» գլոբալ նախագծի հետ կապված: Ինչպես ասվել է, նախագծի մշակման փուլում սերտ աշխատանք է արված Ռոտերդամի մի շարք կառույցների, այդ թվում և Ամստերդամի Սինեմատեքի հետ: